Сите уапсени поради падот на настрешницата на Железничката станица во Нови Сад денеска ќе бидат сослушани, објави српски Блиц. Како што јавуваат, после тоа судот ќе донесе одлука за евентуален притвор.

Вишото јавно обвинителство во Нови Сад вчера соопшти дека се уапсени и приведени вкупно 12 лица во врска со трагедијата во Нови Сад, кога падна настрешница на железничката станица во Нови Сад, а вкупно 15 лица го загубија животот, додека двајца се тешко повредени.

Меѓу уапсените се Горан Весиќ, до неодамна министер за градежништво, транспорт и инфраструктура, потоа Анита Димовски, в.д. помошник министер за железници и интермодален транспорт и Јелена Танасковиќ, до неодамна вршител на должноста директор на „Српска железничка инфраструктура“. Горан Весиќ поднесе оставка на 5 ноември, додека Јелена Танасковиќ во средата.

Порталот Република јавува дека меѓу уапсените е и Небојша Шурлан, поранешен директор на „Српската железничка инфраструктура“, кој на оваа функција беше до март годинава, кога поднесе оставка.

The post Денеска ќе се одлучува за притворот за 12 уапсени поради трагедијата во Нови Сад appeared first on Република.

Осумнаесетгодишно момче го загуби животот, а 16-годишник е тешко повреден откако со автомобил излетале од регионалниот пат Охрид-Св. Наум, во близина на кампот „Елешец“.

Несреќата, информира портпаролот на СВР Охрид, Стефан Димоски, се случила синоќа во 01:15 часот, кога автомобилот „пежо“ кој го управувал охриѓанецот Д.Ц. (18) излетал од патот.

Д.Ц. починал на местото на несреќата, а смрт констатирал доктор од Итната медицинска помош, додека 16-годишен сопатник од Охрид е пренесен во болницата „Св.Еразмо“ каде му се констатирани тешки телесни повреди, вели Димоски.

Увид на местото на несреќата извршија јавен обвинител, судски вештак и полициски екипи.

По наредба на јавен обвинител, телото на починатиот е дадено на обдукција.

The post Тинејџер загина на лице место, другар му е тешко повреден откако со возило излетаа кај Елешец appeared first on Република.

Српскиот премиер Милош Вучевиќ синоќа изјави дека должност и одговорност на владата е да не дозволи атмосферата на анархија да се прошири од социјалните мрежи на улиците, а очекува уште оставки поради трагедијата во Нови Сад, пренесе Бета.

На состанокот на Главниот одбор на владејачката Српска напредна партија (СНС) Вучевиќ додаде дека обврска и одговорност е да не се дозволи некој да ја пали, уништува и урива државата и општеството затоа што е бесен и лут.

Многу граѓани се разочарани и исплашени. Некои се дури и лути. Но, тоа не значи дека треба да си ја урнеме куќата, да ја запалиме. Дотолку повеќе што одговорноста на СНС е најголема затоа што доби најголема поддршка од граѓаните, нагласи Вучевиќ.

Вучевиќ, кој е и претседател на СНС, по седницата изјави дека во наредните денови очекува уште оставки.

Тој додаде дека на Претседателството на партијата се разговарало за конкретни имиња кои треба да сносат политичка одговорност, јави ТВ Н1.

Кога велиме дека очекуваме од нашите членови политички да се борат, тоа не значи дека некој некого аболира или амнестира од кривично-правна одговорност, или од политичка одговорност, рече Вучевиќ.

Како што наведе, кога кажуваат дека мора да ја спасат државата, тоа значи дека на несреќа не можеме и не смееме да ја уништиме државата.

Запрашан дали на состанокот на раководството на СНС се разговарало и за конкретни имиња кога станува збор за оставки, на кои тој и Вучиќ претходно инсистираа, тој одговори потврдно.

Што се однесува до одговорноста, на претседателството разговаравме конкретно и со имиња. Очекувам дека во наредните денови уште некои луѓе ќе сносат политичка одговорност за тоа што се случи. Станува збор за луѓе кои се членови на претседателството и на извршната власт очекувам уште оставки, нагласи тој, пренесе Бета.

The post Српскиот премиер очекува уште оставки поради трагедијата во Нови Сад appeared first on Република.

Узбекистанецот Тулкин Киличев доживеал срцев удар и за малку ќе починел на Летните олимписки игри (ЛОИ) кои синоќа свечено беа затворени во Париз. Како што пишуваат медиумите, животот му го спасиле колегите од бртанскиот тим.

Во четвртокот на 8 август Хасанбој Дусматов стана олимписки шампион, а Тулкин Киличев за малку ќе умрел. На селекторот Киличев за време на прославата му се слошило, имал инфаркт, а животот му го спасиле колегите тренери од британската боксерска репрезентација.

Се се случувало во просториите на тенискиот центар Ролан Гарос, каде се одржуваше турнирот во бокс на ОИ во Париз.

Британците навремено реагирале, му пружиле прва помош и веднаш повикале лекарска екипа.

The post Славел злато, па добил срцев удар: Избегната трагедија на ЛОИ во Париз appeared first on Република.

Две трагедии се случиле на 06.07 во Грција, откако 54-годишен турист од Србија се удавил на плажата во Платамона, а се удавил и маж во Паљури.

Како што пренесува српски „Телеграф“, Србинот од морето бил извлечен без свест и засега не се познати причините за смртта. Телото е пренесено во Солун на обдукција.

Се претпоставува дека мажот доживеал срцев удар додека сè уште бил во вода. Сè се случило некаде околу 18 часот, а спасувачите веднаш се обиделе да му помогнат, го реанимирале, но веќе било доцна, пишуваат грчките медиуми.

Човекот со возило на Брза помош бил пренесен во најблиската болница, но лекарите можеле само да констатираат смрт.

На плажата кај Паљури, на првиот крак на Халкидики, вчера загина 78-годишен маж.

Како што јавија грчките медиуми, Капетанијата на пристаништата Неа Муданија вчера наутро била известена дека 78-годишен државјанин бил извлечен во бессознание од плажата Паљури во општина Касандра. Тој бил пренесен во болница, каде што починал. Обдукцијата ќе ја утврди и причината за смртта во овој случај.

The post Турист од Србија загина на плажата во Платамона, трагедија со смртни последици и во Паљури appeared first on Република.

Вчера во 18.00 часот во Полициско одделение Маврово Д.Ѓ. (55) пријавила дека нејзиниот малолетен син се здобил со повреди и починал откако врз него паднал бојлер во куќата во нас. Маврови Анови.

Од СВР Тетово велат дека за настанот бил известен јавен обвинител, а увид на местото извршила екипа од ОВР Гостивар.

The post Болјер падна врз момче и го уби: Трагедија во Маврово appeared first on Република.

Полицијата го пронајде телото на Алма Арази (39) која во четвртокот се удави во Бојана со двете ќерки и малиот син.

Телото на четиригодишното момче Ардит беше пронајдено неколку часа претходно, недалеку од местото каде во понеделникот беше пронајдена неговата осумгодишна сестра Грејси. Телото на деветгодишниот Ергеза случајно го пронашол рибар во саботата вечерта.

Алма Арази во четвртокот вечерта скокна од стариот мост во Скадар со своите три деца во реката Бојана.

Се шпекулира дека Алма наводно видела слики од љубовницата на сопругот на неговиот телефон пред да исчезне.

Ергис Арази, сопругот и таткото на деца, беше уапсен во неделата под сомнение дека го предизвикал самоубиството на неговото семејство.

The post Пронајдени телата на мајката и сите три деца удавени во Бојана, таткото е во притвор appeared first on Република.

Фудбалер трагично загина откако во саботата попладне го удри гром додека играше фудбал во Индонезија. Видеото кое се рашири по социјалните мрежи го прикажува точниот момент кога 35-годишниот фудбалер од Субанг падна на стадионот Силиванги во Бандунг, Западна Јава.

This happened during a football match in Indonesia 🇮🇩 pic.twitter.com/JHdzafaUpV

— Githii (@githii) February 11, 2024

Мажот, подоцна идентификуван како Септан Рахарја, играл на пријателски фудбалски натпревар, кога гром го удрил околу 16:20 часот по локално време во саботата.

Според локалните медиуми тој сè уште дишел по инцидентот, кога бил пренесен во локалната болница, но набрзо починал од тешките изгореници.

Фудбалските фанови и играчи изразија сочувство.

The post Фудбалер загина по удар од гром сред натпревар appeared first on Република.

Регионалниот ЦУК Штип известува дека има една жртва и при пожар на штала во с. Оџалија во Општина Карбинци.

По добиената информација за пожар, на Единствениот повикувачки број 112 во ЦУК за запалена штала, околу пладне, и интервенцијата на пожарникарите е добиено известување дека едно лице настрадало при тој пожар во с. Оџалија во Општина Карбинци. Настраданиот бил пронајден внатре во шталата, каде што најверојатно се задушил од чадот прво, а потоа и изгорел во пожарот до степен на непрепознатливост на идентитет и возраст, соопштија од ЦУК.

На терен биле излезени пожарникарите на Територијалната противпожарна едница (ТППЕ) Штип и припадници на МВР од СВР Штип, од коишто веста е потврдена за ЦУК, а истрагата е во тек.

Двете служби, субјекти во Системот за управување со кризи се излезени на лице место и вршат увид за причините на настанатиот пожар, а според стандардните оперативни процедури, секако и доктори од Итната медицинска служба и Јавен обвинител ќе бидат вклучени во истрагата до конечниот извештај за оваа трагедија.

Инаку, од почетокот на ова деноноќие ова е трето лице настрадано кога има пожар. ЦУК рано утрово извести дека пожарникарите од Територијалната противпожарна единица од ТППЕ Ранковце пронашле настрадано повозрасно лице при гаснењето на пожар на отворено сношти при интервенција од 20.30 до 00.10 часот во атарот на с. Псача.

https://republika.mk/vesti/crna-hronika/edno-litse-zagina-vo-pozhar-na-otvoreno-kaj-psacha/

Потоа, имаше второ известување за настрадано лице при услови на пожар кога пожарникарите од Територијалната противпожарна единица (ТППЕ) Македонска Каменица денеска во периодот од 07.20 часот до 10.35 часот интервенирале на пожар на запалена куќа во с. Косевица, во месноста „Реката''.

https://republika.mk/vesti/crna-hronika/tragedija-kaj-makedonska-kamenitsa-sam-ja-zapalil-kukata-pa-se-frlil-vo-bazen-kade-pochinal/

Центарот за управување со кризи апелира да не се пали вегетација на отворено, превентивно да се внимава на причини за пожар по, куќи, станови и објекти и при евентуална појава на пожар што побрзо да се пријавува на Единствениот повикувачки број за итни случаи 112 во ЦУК, како и другите итни случаи особено кога граѓаните имаат животозагрозувачки ситуации.

Истовремено, покрај постојаните апели од ЦУК, потребно и корисно е да се следат препораките и информациите од медиумите за превенција, а и за реагирање при итни случаи.

The post Трет загинат во пожар само денеска во Македонија, жртвата изгорела до непрепознатливост appeared first on Република.

Бебе починало пред четири месеци на скопската Клиника за гинекологија, а мајка му два месеца подоцна.

Од Министерството за здравство за случајот информираа дека пациентката била примена во август со проблеми во бременоста поради што бебето починало во утробата на мајката.

Потоа, постоперативно почнуваат серија последователни компликации, кои условувале повеќекратни хируршки ревизии.

Како последица на придружните болести индицирано било завршување на бременоста со царски рез. Во лекувањето на пациентката биле вклучени повеќето од најискусните лекари на ЈЗУ У ГАК – и од гинеколошки и од анестезиолошки профил, како и дежурните тимови. Тешките одлуки во врска со здравјето на пациентката се донесуваа конзилијарно од најискусните лекари почитувајќи ги најсовремените медицински протоколи. За жал, и покрај речиси двомесечен интензивен ангажман и третман, пациентката им подлегна на придружните комликации“, велат од Министерството.

Се чека потврда од обдукцискиот и од хистопатолошкиот наод, кои прецизно ќе дадат информации за состојбата на пациентката.

Во државата е формирано стручно тело, кое ги испитува сите случаи со неповолен исход за бебето во утробата и за породени новородени со фатален исход.

The post Трагедија на ГАК: Пред четири месеци почина бебе, два месеца умре и мајката appeared first on Република.

Трагедија се случила на грчкиот остров Тинос, откако тригодишник се задушил јадејќи грозје, пренесува грчка „Прототема“.

Според информациите, таткото веднаш го однел момчето во полициска станица, која се наоѓа во близина на семејната куќа.

Таму му пружиле прва помош и во таа прилика од устата на момчето извадиле најмалку две зрна грозје.

Сепак, додека момчето било однесено до болницата со полициско возило, веќе било доцна.

Тоа починало.

The post Тригодишно момче се задуши од грозје во Грција appeared first on Република.

Одморот во Италија заврши трагично за маж од Велика Британија на кој морале да му ја ампутираат ногата откако бил прегазен од глисер управуван од неговата ќерка, која наводно го ставила возилото во рикверц наместо да тргне напред.

Инцидентот се случил во популарниот туристички град Канигионе на Сардинија.

Во целосен шок, таткото бил итно пренесен во болницата Сасари, каде лекарите констатирале сериозна рана на левата нога.

За жал, медицинскиот персонал немал друг избор освен да изврши полуампутација бидејќи ногата му била целосно распарчена, јавуваат локалните медиуми.

The post Девојка го прегази таткa си со глисер, морале да му ја ампутираат ногата appeared first on Република.

Трагедија денеска се случи на албанското крајбрежје, во која семејство од Тирана, остана без тројца свои членови, кои се удавија кај познатата плажа Виле-Боштово, кај Каваја.

Лицето идентификувано како Елвис Халилај на 50-годишна возраст и неговите двајца малолетни синови на 13 и 15 години се удавиле додека пливале во морето.

Поморските служби веднаш интервенирале за да ги спасат, но без успех, тројцата починале од силните морски струи.

Помош се обиделе да дадат и затекнатите капачи на плажата, но безуспешно. Телата се предадени на обдукција.

The post Трагедија на позната албанска плажа, се удави татко со двата малолетни синови appeared first on Република.

Белградскиот сплав „Фристајлер“, кој потона за време на новогодишната ноќ, го однесе животот на младо момче од тимот за расчистување на објектот. Како што пренесуваат српските медиуми, трагедијата се случила вчера, кога тој влегол во објектот за да расчистува, но фрижидер паднал врз него и веднаш го потонал.

Луѓето кои биле во близина на потонатиот сплав во моментот на несреќата тврдат дека сè се случило брзо.

Фрижидерот падна врз него, не можеа да го спасат. Полицијата се појави пред два часа и само рекоа дека некој се удавил, тоа е се што знаеме, велат очевидци за „Блиц“.

Несреќата се случила вчера околу 13 часот.

The post Уште една трагедија на потонатиот сплав, загина момче од тимот за расчистување appeared first on Република.

Дваесет и двегодишно момче денеска се удавило на базен во Битола. Како што соопштуваат од СВР Битола, денеска во 16.46 часот било пријавено дека во отворениот Олимпискиот базен во Битола се удавил шпански државјанин на возраст од 22 години.

Смрт констатирал лекар од Итна медицинска помош, а увид извршила увидната екипа на СВР Битола.

По наредба на јавен обвинител телото е предадено за обдукција.

The post Трагедија во Битола, се удави 22-годишно момче на базен appeared first on Република.

Осумнаесетгодишните Ендрју Донел и Макс Вол од Ирска починаа за само неколку часа на екскурзија на грчкиот остров Иос каде го прославувале завршувањето на колеџот.

Како што пренесуваат британските медиуми, несреќата се случила во текот на саботната ноќ. Ендрју се разделил од своите пријатели додека се враќале до нивниот апартман, по што тие го пријавиле за исчезнат. Неговото тело било пронајдено следниот ден околу 9 часот во нива, а според првичната истрага трагите укажуваат дека се лизнал и удрил во камен во главата.

На Макс, кој имал срцеви проблеми, му се слошило откако слушнал за смртта на неговиот пријател. И покрај максималните напори на лекарите, подоцна во болница била констатирана смрт.

Локалната полиција потврдила дека се водат две истраги за смртта на тинејџерите кои биле пронајдени мртви за неколку часа еден од друг.

Макс кој беше пронајден мртов во пристаништето имал историја на проблеми со срцето. Пријателите кои биле со него изјавиле дека колабирал кога слушнал за смртта на Едрју. Беа блиски, рекол локален полицаец, пишува Мирор.

The post Трагедија во Грција: Загина матурант, другар му почина од срцев удар кога слушна за несреќата appeared first on Република.

Холанѓанецот Дилано ван Хоф (18) загина денеска на патеката Спа-Франкошамп во Белгија во рамките на „Регионалното европско првенство во Формула“ по страотната несреќа, а сега на интернет се појави видео за кое корисниците и авторот тврдат е снимка од трагедијата.

Вознемирувачкото видео го прикажува моментот на несреќата, која ја предизвикаа лошите услови на патеката. Младиот возач изгубил контрола над возилото, а на него налетал друг возач и целосно го уништил возилото. За жал Дилано починал на лице место.

За жал, објавуваме дека возачот Дилано ван Хоф почина. Инцидентот се случи на втората трка во Спа-Франкошамп. Сакаме да упатиме сочувство до семејството, тимот и пријателите. Белгиската авто-мото федерација, Спа-Франкошамп и Алпина изразуваат сочувство, се вели во соопштението на организаторите.

Многумина му предвидуваа голема и блескава кариера на ова момче со оглед на тоа дека за многу кратко време направи големи работи, а нема сомнеж дека и во иднина би оставил огромен белег во овој спорт.

По повод трагичниот настан се огласи и Стефано Доменикали, еден од главните луѓе во Ф1.

Многу сме тажни што дознавме дека Дилано вант Хоф почина денеска во Спа-Франкошамп. Дилано умре во остварување на својот сон да го достигне врвот на мотоспортот. Заедно со целата мотоспорт заедница, нашите мисли се со неговото семејство и најблиските – изјави Стефано.

The post Трагедија: Загина млад возач на формула на патеката Спа во Белгија appeared first on Република.

Јавен обвинител извршил увид на местото каде осумгодишно дете беше нападнато и почина по напад од куче на сосед во скопската населба Пинтија. Од Обвинителството потврдија дека се преземаат мерки за испитување на целиот случај.

Јавен обвинител изврши увид на лице место. Издадена е наредба за обдукција и се преземаат дејствија за испитување на целиот настан, информираа од Јавното обвинителството.

https://republika.mk/vesti/crna-hronika/tragedija-vo-pintija-8-godishno-dete-pochina-po-napad-na-kuche/

Министерството за внатрешни работи денеска информираше дека синоќа малолетник починал откако бил нападнат од куче што го чувал неговиот сосед во скопската населба Пинтија.

Од ГОБ „Св.Наум Охридски“ на 11.04.2023 во 18:25 часот било пријавено дека кај нив бил донесен малолетник од Скопје, кој според пријавеното подлегнал на повредите како последица од напад од куче, сопственост на неговиот сосед Н.Г.. Известен е јавен обвинител по чија наредба телото е предадено за обдукција и се преземаат мерки за расчистување на случајот, информираа од МВР.

Во разговор со соседите и роднините, репортерот на „Телма“ од Пинтија известува дека нема сведоци на трагедијата и дека никој не знае зошто момчето ја прескокнало оградата за да влези во дворот.

https://youtu.be/9arJERn4Dic

The post Не се знае како и зошто детето ја прескокнало оградата во дворот на соседот, Обвинителството го истражува случајот appeared first on Република.

Другарка од одделението на несреќното момче кое денеска се самоуби скокајќи од прозорец од вториот кат на ОУ „Жарко Зрењанин“ во Качарево за српските медиуми изјавила дека во моментот на трагедијата мајката на момчето била во училиштето и разговарала со директорот. Според девојчето, С.Ф. (14) не бил добар ученик, правел мали проблеми на училиште. Минатата година бил оставен на полагање.

Децата од училиштето раскажуваат за Новости дека С.Ф. наводно имал проблеми на училиште, немал добри оценки и често одел на психолог. Одеднаш се повлекол и престанал да се дружи со сите.

https://republika.mk/vesti/balkan/tragedija-vo-panchevo-osmooddelenets-skoknal-od-vtoriot-kat-na-uchilishteto-dodeka-majka-mu-bila-kaj-direktorot/

Професорката по германски јазик, во чиј клас се случил немилиот настан, веднаш откако момчето скокнало од прозорецот истрчала кај директорот, па таа и мајката на момчето излегле надвор. Учениците ја виделе мајката на момчето како плаче.

Жителите на Качарево сведочат дека во ова основно училиште не се ретки случаите на врсничко насилство.

Повеќе ТУКА.

The post Ја видовме мајка му како плаче: Имаше проблеми на училиште, одеднаш се повлече и престана да се дружи со сите appeared first on Република.

Осмоодделенец од ОУ „Жарко Зрењанин“ во Качарево, кај Панчево си го одзел животот скокајќи од кабинетот по германски јазик на вториот кат.

Информацијата за трагичниот настан ја потврдило Вишото јавно обвинителство во Панчево за РТС.

Како што пренесува РТС, соученик на момчето изјавил дека момчето и мајка му билекај директорот кога почнал часот по германски. Токму затоа, момчето задоцнило на часот. Кога влегло во училницата, било нерасположено. Неговите другари раскажуваат дека наставничката му пришла и разговарала со него неколку минути, по што момчето се смирило.

Додека бевме на час тој рече дека му е лошо и побара од другарката да го отвори прозорецот, а другарката ја праша професорката по германски на чиј час бевме дали може и таа дозволи. Кога заѕвони ѕвончето за крајот на часот, тој се стрча преку училницата, бидејќи седеше сам во задната клупа до ѕидот, скокна на мала клупа и се фрли низ прозорецот. Не комуницираше со никого по телефон, бидејќи ни е забрането да ги користиме за време на часовите, изјавил соученик.

Ученик кој во моментот бил во училница на приземјето скокнал низ прозорецот за да му помогне, но несреќното дете се обидело да се крене на раце и паднало.

Телото на момчето е пренесено во Институтот за судска медицина каде ќе се врши обдукција и токсиколошка анализа. Директорот на училиштето засега нема да дава официјални изјави.

The post Трагедија во Панчево: Осмоодделенец скокнал од вториот кат на училиштето додека мајка му била кај директорот appeared first on Република.