Оливер Спасовски со денови се повеќе се плетка во скандалот со заташкувањето на убиството на ракометарот Денис Тот, рече на денешната прес конференција портпаролот на ВМРО-ДПМНЕ, Димче Арсовски.

Еве една хронологија која што го потврдува тоа, многу прецизна, според динамиката која што тоа го правеа институциите на системот.

Според информациите кои што ги има јавноста, претепувањето на ракометарот се случил во 3 часот на 7-ми април.

Според КАРИЛ и Ургентниот центар истиот ден на 7-ми април, во раните утрински часови до МВР била пријавено „сомнително нешто“ кај пациент кој е примен кај нив.

Дополнително и медиумите вечерта на 7-ми април известуваат за претепувањето на млад ракометар.

НО И ПОКРАЈ СИТЕ ОВИЕ НАВОДИ МВР на 8-ми април преку официјален став до медиумите испратен околу 10 часот говори дека НЕМА физичко насилство.

Внимавајте, МВР на Оливер Спасовски после 30 ЧАСОВИ од настанот, после сите пријави од Клиника на сомнителни работи, после сите пишувања на медиумите, се дрзна да каже дека немало физички повреди кај загинатиот ракометар.

По опис и попис МВР требало да испита и да утврди што се случило, до толку повеќе што за тоа постоеле снимки кои што ги виде сепак јавноста. 30 часови траел молкот на МВР. Дури после смртта на ракометарот, МВР излезе со поинаков став.

Недопустлив е дефокусот на Спасовски кој што сега сака го направи, практично да ги изманипулира граѓаните, па приказните дека дискотеката била затворена, па извештајот на лекарите, па објаснувањата немало ништо на местото на настанот. Сето тоа е дефокус кој што се обидуваат да го направат. Факт е дека имало пријава, факт е дека имало индиции, факт е дека имало медиумски написи и за жал факт е дека МВР ја замајуваше јавноста, и наместо уште истиот ден на 7-ми да го расветли настанот, тие се обидоа да го прикријат.

Ваквото однесување на МВР, на Оливер Спасовски фрли дамка врз институцијата и на меѓународен план дека убиството било заташкувано, затоа говорат и медиумите од странство.

Затоа одговорност мора да има, и затоа Оливер Спасовски мора да си поднесе оставка веднаш!

https://www.youtube.com/watch?v=yfPV9DHKolg

The post 30 часа по настанот, МВР на Спасовски тврдеше дека немало физички напад врз ракометарот – Оставка веднаш! appeared first on Република.

Една снимка -  1.000 зборови, целото општество е пресликано во неа (случајот со ракометарот Денис Тот), рече меѓу другото адвокатот Александар Тортевски во гостувањето во Студио 10 на ТВ 24.

Состојбата за неказнување која постојано се потхранува доведува до вакви однесувања, причините се многу подлабоки - нефункционални семејства, домашно возпитување, консумирање на дроги, идоли на младите им се набилдани силеџии. Ова е комплекс на односи, состојби, лоша едукација, и неказнивост. Факт е дека во последните 15 години владејачката гарнитура дозволува вакви слични дела. Државните служби не ја вршат својата работа се додека јавноста не направи притисок. Има ниска свест кај граѓаните за солидарност, никој не се јавува во полиција, човекот е оставен да лежи, информацијата е дека брзата помош го пронашла сам на тротоарот. Никој не им кажал дека Тот добил силни удари во главата. На КАРИЛ, не е точно дека е примен без видливи повреди, човек во безсознание, прво се отвора вилицата, неговиот јазик бил скинат. Имало многу сериозно крварење, можеби парчето јазик кое е скинато, можеби го задушило. Идиот е тој кој го дал таквото избрзано соопштение, дека имал срцев удар. Очевидците морале да се јават во МВР, требало да се јават и да кажат дека е нападнат, рече Тортевски.

The post Тортевски: Не е точно дека Тот на КАРИЛ е примен без видливи повреди, идиот е тој кој избрзано соопштил дека имал срцев удар appeared first on Република.

Не што не смее да се прикрива убиство, туку и секој оној што направи било каков злочин треба да одговара, вели потпретседателот на ВМРО-ДПМНЕ, Владо Мисајловски во неговото вечерашно гостување во „Тема на денот“ во централниот Дневник на телевизија Сител, во запрашан за немилиот настан, односно насилната смрт на хрватскиот ракометар на РК Бутел, Денис Тот.

Тој ги повика и невладините организации, кои во меѓувреме сите станале на некој начин владини, да реагираат и да бидат гласни како и за други вакви немили случаи од минатото, при што додаде дека граѓаните со право ни им веруваат на институциите затоа што во последните неколку дена од разни институции слушаат различни информации.

Јас ги повикувам невладините кои што беа порано многу гласни, сега некако настанаа сите владини, не знам можеби реагирале, ги поздравувам ако реагирале, но што е проблемот, зошто граѓаните не веруваат во институциите и вие само што кажавте еден куп различни информации и вести до многу портали, од многу медиуми, а впрочем и самите институции дадоа различни гледишта на тоа што се случило вечерта. На почеток немало насилство, потоа имало насилство, потоа имало некоја снимка и така натаму, но јас апелирам да има разрешница, мора да има брза разрешница, а не некој, можеби од политиката да се вмешува и во вакви случаеви, бидејќи навистина има загубен живот, рече Мисајловски.

Мисајловски ја поздрави иницијативата на министерството за здравство за вонреден инспекциски надзор со цел да се испита третманот на ракометарот во скопските клиники и ги повика институциите да не го затскриваат и брзо да го разрешат настанот, затоа што има и снимки од кои може лесно да се увиди што се случило и кој се замешан во претепувањето до смрт на ракометарот.

Mинистерството за здравство, бидејќи кажа дека ќе пушти вонредна контрола, еве го поздравувам тоа, нека се види што се случило. Граѓаните не можат да веруваат затоа што првин излегуваат со една информација дека се случило грозоморен чин, а потоа од КАРИЛ да излезат и да кажат дека немало насилство, а сега са слушаме дека имало удар во главата и така натаму. Но еден од луѓето, како што слушнав е пребегнат, тоа е проблем на институциите и на системот. Имало камери, имало снимки, може многу добро од тој настан да се види што се случило, затоа ги повикувам институциите да не пробаат ништо да затскријат, истакна  Мисајловски.

Тој истакна дека е битно кој каков и чиј партиски активист е ако се огрешил пред законот мора да одговара

Ако згрешил некој, чива партија нека биде ќе си одговара. Дали бил на ВМРО, дали бил на некоја друга партија активист, овој човек не го познавам воопшто не ни сакам да го познавам, кој и да згрешил мора да одговара и тоа е систем и така треба да се водат институциите. Но СДСМ пробаа на некој друг начин да ја префрлат топката со разни соопштенија и тоа го прават за некоја нивна ПР победа. Вчера им се случува Генералниот секретар на Влада да заврши во затвор, па сакаат да го одвлечат вниманието, посочи Мисајловски.

The post Мисајловски: Власта да не се обидува да го затскрива случајот со ракометарот Тот, секој кој што се огрешил пред законот треба да одговара appeared first on Република.