Министерот за внатрешни работи Панче Тошковски денеска (30.11.2024) во 14.00 часот ќе ја посети Единицата за интервентна полиција во полицискиот центар Ѓорче Петров, по што ќе следува изјава за медиумите.

The post Следете во живо: Тошковски ја посети Единицата за интервентна полиција во полицискиот центар Ѓорче Петров appeared first on Република.

Во рамки на посетата на Министерството за внатрешни работи на Обединетите Арапски Емирати, министерот Панче Тошковски оствари работни посети и на Одделот за менаџирање на сообраќајот, системот “Safe City” и Академијата за цивилна одбрана.

„Имав одлична можност одблиску да видам како функционира еден современ систем за побезбеден град во кој се имплементирани највисоките технолошки достигнувања како што е вештачката интелигенција, а во функција на поголема безбедност, помалку криминал, како и помалку жртви од сообраќајни незгоди. Имајќи предвид дека сме во фаза на имплементација на ваков сличен систем и во нашата држава, од особена корист ќе биде поголема соработка со МВР на ОАЕ сѐ со цел користење на искуствата кои ги имаат стекнато во овој дел.“, потенцираше министерот Тошковски.

Во Академијата за цивилна одбрана министерот Тошковски се запозна со капацитетите за обука кои ги имаат во делот на справувањето со пожари, особено во делот на специјализирани тренинзи во симулирани ситуации на пожар во различни објекти.

The post Тошковски: За пофункционален систем „Сејф сити“ отворена можност да ги искористиме искуствата од ОАЕ appeared first on Република.

Министерот за внатрешни работи Панче Тошковски и министерката за финансии Гордана Димитриеска-Кочоска во соработка со Мисијата на ОБСЕ во Скопје, денеска потпишаа Меморандум за соработка кој има за цел двете министерства да постигнат поголема ефикасност во справување со организираниот криминал и корупција и обезбедување на брзи, координирани и ефективни одговори. Воедно на настанот од страна на директорот на Бирото за јавна безбедност Александар Јанев и директорот на Царинската управа Бобан Николовски беше потпишан Протоколот за спроведување на меморандумот меѓу двете министерства што ја уредува и конкретизира соработката меѓу нив со цел ефикасна борба против сите видови криминал.

Министерот Тошковски потенцираше дека ваквиот начин на соработка е круцијален доколку сакаме да имаме сеопфатен и ефективен пристап во борба против организираниот криминал.

„Овие документи кои ги потпишуваме денес се реално наоѓање начин на усогласување за како да се спротивставиме на сите предизвици коишто на некој начин го уништуваат нашето општество. Сметам дека со посветена, стручна и професионална соработка помеѓу институциите тоа може да се покаже на дело. Пример за тоа е една одлична спроведена акција како што беше акцијата при која изнесе 14 цариници и полициски службеници и други службеници во рамки на институциите, пред лицето на правдата коишто злоупотребувајќи ја довербата на граѓаните истите се стекнувале со незаконски средства. Со добра и организирана соработка помеѓу службите во МВР, БЈБ и царинските служби видовме дека можело да се остварат резултати. Тоа е нашата цел, затоа постојат овие институции и само на таков начин можеме да покажеме дека навистина имаме волја да се бориме против организираниот криминал и корупција. Сигурен сум во потенцијалот на луѓето и институциите, само треба да се фокусираме, да ја знаеме која е крајната цел и да се стремиме кон нејзино остварување.“, истакна министерот Тошковски.

https://www.youtube.com/watch?v=cTUY-_b3Gl8&embeds_referring_euri=https%3A%2F%2Fkurir.mk%2F&source_ve_path=MjM4NTE

The post Тошковски и Димитриеска-Кочоска: Потпишан Меморандум за соработка со цел поголема ефикасност во справување со организираниот криминал и корупција appeared first on Република.

„Јас мирно спијам, така да можат и граѓаните мирно да спијат“- На овој начин одговори министерот за внатрешни работи Панче Тошковски во Дејли Клик на ТВ21 запрашан дали граѓаните можат мирно да спијат по сите најави за можна дестабилизација на државата.

Вели дека во моментов безбедносната состојба е стабилна, иако имало индиции за нарушување на истата.

Водител: Како велите во правна терминологија, индиции…Има ли индиции за нарушување на безбедносната состојба на државата?

Тошковски: Многу пати сум го говорел ова во последните месец дена и сето тоа што сум го кажувал се покажа како реален факт, од аспект на тоа дека постојат обиди за подгревање на меѓуетнички тензии, и тоа сите сме сведоци дека е така,  но исто така сите сме сведоци дека МВР и сите останати институции кои што имаат надлежност во безбедносниот сектор, реагираат и ќе реагираат во иднина.

Но, што се случи со наводните вооружени групи за кои зборуваше Христијан Мицкоски во предизборната кампања, кои наводно се собирале во Чаир, а биле предводени од луѓе блиски до Али Ахмети. Дали навистина постоеле такви групи?

Тошковски: Имаше такви индиции во минатото.

Новинар: Имаше ли такви вооружени групи низ Чаир.

Тошковски: Имаше такви индиции во изминатиот период, имаше такви информации во изминатиот период и во иднина за се она за кое што ќе има соодветни докази, МВР ќе постапи соодветно.

Новинар: Значи за ова немало доволно докази да се постапи.

Тошковски: Па, не беше таков мојот одговор. Мојот одговор е за се она што ќе има доволно докази, докази кои што ќе поткрепат соодветно обвинение, истото ќе биде процесуирано.

Новинар: Процесуирано ли е нешто од ова?

Тошковски: Во овој момент не можам да одговорам.

Што се однесува до борбата против високиот криминал и корупција, Тошковски најави дека има истраги за одредени министри кои биле на функција во минатото за можна злоупотреба на службената позиција. Но, со оглед на тоа дека се е во предистражна постапка, поради пресумција на невиност, не може да споделува повеќе детали.

The post Тошковски: Има обиди за нарушување на меѓуетничките односи appeared first on Република.

Министерот за внатрешни работи Панче Тошковски во гостување во емисијата „За или против“, на прашањето до каде е системот на камери за снимање на сообраќајни прекршоци низ Скопје, рече дека и покрај произлегувањето на нови аспекти кои мора да се дефинираат пред да биде пуштен, системот мора да биде пуштен бидејќи буквално ќе спасува животи.

Оние кои што претходно го менаџирале процесот на техничка и законска имплементација, не воделе грижа како ќе се заокружи цел процес, од самото сликање-евидентирање на прекршокот, па се до наплата на истиот. Ако при тест периодот утврдивме дека со 15% активни камери за период од 24 часа имаме илјадници констатирани прекршоци за недозволена брзина, замислете колку ќе имаме со 100% имплементирани камери и кој ќе ги процесуира овие постапки.

 

Но, работиме деноноќно на решавање на овие аспекти и мораме да го имплементираме бидејќи ако се погледнат бројките... еве 2017 година сме имале 149 жртви, 2018- 129 жртви, 2019- 126...Ние годишно губиме повеќе од 120 граѓани, најчесто млади луѓе.

 

Мораме да го имплементираме овој систем во делот на сообраќајните прекршоци за да спасиме животи. Овие бројки нема да бидат вакви кога граѓаните ќе знаат дека секој престап ќе биде снимен и соодветно казнет. На овој проект сум посветен лично и мораме да го имплементираме како што треба, да спасиме човечки животи“, потенцираше министерот Тошковски.

The post Тошковски: Системот од камери за сообраќајни прекршоци мораме да го имплементираме правилно, со тоа ќе спасиме човечки животи appeared first on Република.

Министерот за внатрешни работи Панче Тошковски денеска остварил работна посета на Одделението при Дирекцијата за заштита и спасување под чија надлежност се воздухопловите за гасење на пожарите.

За време на посетата, соопшти МВР, Тошковски се сретнал со дел од пилотите и екипажот, при што им искажа признание за храброста и пожртвуваноста во борбата со пожарите.

Притоа, тој изразил жалење за условите во кои работат, како и недостигот на кадар во ова одделение и ниските плати.

– Имавме можност да ги погледнеме ер тракторите, да поразговараме со пилотите и да се сретнеме и со екипите од Кипар и Германија, кои преку механизмот за цивилна заштита на ЕУ учествуваат во гасењето на пожарите.

Овие луѓе, од кои некои се вратија и од пензија, заедно со екипите на Одделот за воздухопловни единици на МВР и Воздухопловниот винг на армијата се хероите кои секојдневно се во битката со пожарите со кои се соочува нашата татковина.

Ја изразив мојата огромна благодарност за се она што го прават и разменивме мислења за планираните реформи на системот за справување со кризи, како од оперативен така и од материјално-технички карактер.

Се сложивме дека потребата од реформата на системот е голема, а тие остануваат тука се додека е потребно, заедно да ги спасиме нашите шуми и природни богатства.

Министерството за внатрешни работи останува со сите свои капацитети да учествува во гасењето на пожарите и во пронаоѓањето на лица кои учествуваат во нивно подметнување и ширење, истакнал меѓу другото министерот Тошковски за време на посетата на Дирекцијата за заштита и спасување.

The post Министерот Тошковски во работна посета на Дирекцијата за заштита и спасување appeared first on Република.

Министерот за внатрешни работи Панче Тошковски денеска остварил работна посета на Хеликоптерската единица за посебни намени и Хеликоптерската единица за полициски намени кои функционираат во рамки на Одделот за воздухопловни единици.

Како што соопшти МВР, во рамки на посетата од страна на раководството, министерот бил запознаен со структурата, делокругот на работа, како и специфичните проблеми со кои се соочени како на краток, така и на долгорочен план, а биле презентирани и опремата и хеликоптерите со кои располага Министерството за внатрешни работи.

-Во моментот Одделот е целосно подготвен да одговори на различни предизвици како што се гасење на пожари, спасувачки мисии, превоз на ВИП личности, носење на подвесен товар,  како и медицински транспорт. Главен проблем е недостатокот на пилотски и технички кадар кој е многу специфичен и редок на пазарот на труд и што е можно поскоро треба да се преземат сериозни мерки и реформи во насока на надминување на овој проблем со цел да не се доведе во прашање функционирањето и постоењето на оваа многу важна организациска единица, истакнал Тошковски.

Исто така, како што додал министерот, хеликоптерите кои ги поседува МВР се технички застарени и сè потешко станува нивното сервисирање, поради што неминовна е потребата од сериозна набавка на нови хеликоптери со што ќе се направи и унификација на флотата заради поефикасно и поекономично функционирање во иднина, согласно меѓународните стандарди и технолошки дострели кои наоѓаат широка примена во современото полициско постапување.

-Од тие причини потребно е да се направи темелна анализа и да се преземат соодветни стратешки чекори насочени кон долгорочно зајакнување и зголемување на полициските капацитети во овој дел, нагласил министерот Тошковски при денешната посета.

The post Тошковски во посета на Одделот за воздухопловни единици на МВР appeared first on Република.

Министерот за внатрешни работи во техничката Влада, Панче Тошковски денеска го посети Одделот за заштита на определени личности и објекти при Бирото за јавна безбедност, каде одржа состанок со поширокото раководство, информираат попладнево од надлежното министерство, соопшти МВР.

Тошковски бил запознат со структурата на Одделот и делокругот на работа што опфаќа обезбедување на домашни и странски ВИП-личности, обезбедување на објекти од посебно значење, обезбедување на дипломатско-конзуларни претставништва во државава, како и обезбедување на манифестации.

Тошковски изјавил дека дека „во делот на човечките ресурси и овој оддел се соочува со недостаток, бидејќи пополнетоста е на незадоволителни 55 отсто, имајќи ги предвид видот и спецификите на нивната работа“.

- Состојбата со возила е лоша како и во најголем дел од организациските единици во МВР, а освен возилата за оперативно работење што се стари и амортизирани, има недостаток и на соодветни возила за превезување странски делегации. Имајќи предвид дека ова е специфична служба што е лицето на Министерството за внатрешни работи при посети на странски делегации, во иднина е потребно да се изврши преструктуирање, спроведување соодветни обуки за вработените и инвестирање во современа опрема и возила, неопходна за ефикасно и професионално извршување на нивните задачи, смета Тошковски.

The post Тошковски во посета на Одделот за заштита на определени личности и објекти appeared first on Република.

Единицата за безбедност на сообраќајот на патиштата (ЕБПС) и Единицата за увид на место на настан и анализа (ЕУМНА) при Секторот за внатрешни работи Скопје, се соочуваат со голем недостаток на човечки ресурси и недостиг на опрема, потребни за зголемување на безбедноста во сообраќајот, беше посочено на денешната работна посета на министерот за внатрешни работи Панче Тошковски на овие единици, каде одржа состаноци со раководствата.

-ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви, изјави министерот Тошковски.

Тој потенцира дека ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа.

– И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики, рече Тошковски.

The post Тошковски: Голем недостаток на човечки ресурси и недостиг на опрема во единиците за безбедност во сообраќајот appeared first on Република.

„При неодамнешната посета на СВР Охрид од страна на раководството бев запознаен со проблемот со просторните услови за работа на вработените, како и недостатокот на паркинг простор и тесниот пристап до постоечкиот објект особено во летниот период кога има голем број на туристи во градот. Воедно, бев инфомиран дека со одлука на Владата во 2022 година на МВР се доделени дел од објектите во касарната во Охрид кои не се користат.

Во тој контекст заедно со Кирил Пецаков - Градоначалник на Општина Охрид и пратеникот и носител на ВМРО-ДПМНЕ во изборната единица 5, Ѓорѓија Сајкоски извршивме увид на објектите во касарната и заклучивме дека идната Влада предводена од ВМРО-ДПМНЕ во координација со МВР и Општина Охрид ќе ги преземе сите неопходни мерки за реконструкција на објектот со цел СВР Охрид да биде преместен во нови, подобрени и посоодветни простории за работа, а на местото на постоечкиот објект каде во моментот се наоѓа СВР Охрид да се изгради катна гаража и парк за рекреација на граѓаните“, објави Тошковски.

The post Тошковски: Преземаме мерки со цел СВР Охрид да биде преместен во нови посоодветни простории appeared first on Република.

Министерот за внатрешни работи Панче Тошковски денеска оствари работни посети на Секторот за внатрешни работи Охрид, Езерската и Сообраќајната полиција како и Полициската станица за гранични проверки и граничен надзор Свети Наум каде одржа работни состаноци со раководствата на овие организациски единици.

СВР Охрид покрива 7 општини и во првото тромесечие од 2024 година се забележува стабилна безбедносна состојба со намалување од 13.5% на бројот на кривични дела во однос на првото тромесечиче во 2023 година на подрачјето кое го покрива.

„Во делот на спроведувањето на изборите кои ни претстојат, СВР Охрид има изготвено план и е спремен за справување со безбедносните предизвици кои ги носат изборите. Од аспект на човечки ресурси, пополнетоста е на незадоволителни 52%. Имајќи го предвид фактот дека Охрид е популарна туристичка дестинација во летниот период, има потреба од дополнителн број на полициски службеници и проширување на капацитетите, особено на полициската канцеларија во Пештани. Исто така, треба да се размислува за дислоцирање на СВР Охрид во поголем објект кој ќе биде на соодветна локација која ќе овозможи поефикасно работење“, потенцираше министерот Тошковски.

Што се однесува до Полициската станица за граничен надзор Охридско Езеро, министерот Тошковски беше информиран дека ја покриваат сината граница во должина од 23.4 километри и постапуваат во делот на илегална миграција, прекуграничен криминал по воден пат на охридското езеро, контрола на внатрешната пловидба како и санкционирање на незаконит риболов. Во тој контекст се соочуваат со недостиг на обучени полициски службеници со соодветни дозволи за управување на пловни објекти, како и немање на договор со економски оператор за сервисирање на пловните објекти.

„Полициската станица за гранични проверки и граничен надзор Свети Наум покрај тековните активности во летниот период врши проверки и на езерскиот сообраќај преку отворање на привремен граничен премин за туристички посети. Се соочуваат со недостаток на човечки ресурси, а ја истакнаа и потребата од подобра едукација и обука на кадрите кои се распоредуваат во организациските единици кои се дел од граничната полиција.“, подвлече Тошковски.

The post Тошковски: СВР Охрид треба да биде во поголем објект, кој ќе биде на соодветна локација која ќе овозможи поефикасно работење appeared first on Република.

The post Тошковски: Поднесена кривична против градоначалникот на Богданци поради злоупотреба на службена положба appeared first on Република.

Техничкиот министер за внатрешни работи Панче Тошковски денеска остварил работни посети на Регионалниот центар за гранични работи Југ, Полициската станица за гранични проверки и граничен надзор Богородица и Одделението за внатрешни работи Гевгелија.

Како што денеска соопштија од МВР, на состанокот било потврдено дека Регионалниот центар за гранични работи Југ, во чиј состав е и ПС за ГН и ГП Богородица постапува во рамки на предвидените приоритети согласно стратешкиот план, со посебен акцент на илегалната миграција, криумчарењето мигранти и прекуграничниот криминал и во овој дел се постапува во соработка со Фронтекс. Во тој контекст, се додава во соопштението, во последниот период се бележи намалување на миграцијата.

- Што се однесува до ОВР Гевгелија безбедносната состојба на подрачјето кое го покрива е стабилна и се задржува ниска бројка на извршени кривични дела. Од страна на раководството бев запознаен дека се преземаат мерки и активности насочени кон расчистување на изборни нерегуларности. Во делот на човечките ресурси и материјално-техничката опременост ситуацијата е критична бидејќи кадровската пополнетост е 36 проценти, а има недостаток и на моторни возила потребни за ефикасно полициско постапување, заклучил техничкиот министер Тошковски, се наведува во соопштението од МВР.

The post Тошковски во посета на РЦ Југ, ОВР Гевгелија и ПС за гранични проверки и граничен надзор Богородица appeared first on Република.

Министерот за внатрешни работи, Панче Тошковски, оствари работна посета на Полициската станица за граничен надзор Сопот, која покрива дел од граничната линија на север со соседна Србија.

Како што соопшти МВР, при посетата, министерот Тошковски одржал работен состанок со раководството каде бил запознаен со тековната работа, територијата на надлежност на станицата, кадровската пополнетост и состојбата со материјално-технички средства.

Во оваа организациска единица има доволна опременост со моторни возила и во тој контекст бев информиран дека поседуваат едно ново возило со термална камера, а неодамна е извршена поправка и на другото возило кое е опремено со термална камера кое не било во функција од 2016 година и во наредниот период ќе се разгледа можноста истото да биде преземено во некоја од другите полициски станици за граничен надзор каде нема ниедно возило од овој тип, подвлекол министерот.

Тошковски бил информиран дека согласно обемот на работа кој го имаат, потребно е зајакнување со човечки ресурси бидејќи под нивна надлежност е и транзитниот центар за привремено сместување на мигранти кој се наоѓа во Табановце, стои во соопштението на МВР.

The post Потребно е зајакнување со човечки ресурси: Тошковски во посета на Полициската станица за граничен надзор Сопот appeared first on Република.

Делегација предводена од техничкиот министер за внатрешни работи Панче Тошковски, денеска и утре во Крањ, Република Словенија, учествува на министерска конференција во рамки на Брдо процесот.

Како што соопшти МВР, на првиот ден министерот Тошковски остварил билатерална средба со министерот за внатрешни работи на Црна Гора, Данило Шарановиќ на која се разговарало за соработката меѓу двете министерства и можноста за нејзино продлабучување.

- На средбата од страна на министерот Шарановиќ беше потенцирано дека Црна Гора дозволува влез на нејзина територија со лични карти со старото име, а од страна на министерот Тошковски беше побарано да се овозможи влез во државата и со старите образци на патни исправи, доколку истите се со важечки рок, соопшти МВР.

Оваа средба, како што велат од МВР, била искористена и за разгледување на начинот на функционирање во рамки на МАРРИ регионалната иницијатива каде двете држави членуваат, при што било констатирано дека активностите во овој дел мора да се интензивираат.

На крајот од средбата било заклучено дека како две пријателски држави имаме заеднички интерес за соработка и размена на искуства, особено во делот на борбата со организираниот криминал и високата корупција.

The post Тошковски на средба со црногорскиот колега Шарановиќ, како дел од министерска конференција во Словенија во рамки на Брдо процесот appeared first on Република.

The post Тошковски: Во пунктот БЕКО ставени се во функција две дополнителни базни станици за фотографирање за лични документи appeared first on Република.

The post Тошковски во Куманово, Кратово и Крива Паланка: Полициските службеници да бидат соодветно вреднувани согласно тежината на работните задачи кои ги извршуваат appeared first on Република.

The post Тошковски: Од понеделник започнуваме со нов начин на издавање на лични карти во Скопје appeared first on Република.

The post Кривична пријава и предлог за поведување на дисциплинска постапка за Началник во МВР кој не постапил по правосилна судска одлука appeared first on Република.

Техничкиот министер за внатрешни работи, Панче Тошковски, се сретна со Митко Пешов и Јане Ченто, осудени за „27 април“ кои издржуваат висока затворска казна. Тошковски го афирмираше познатиот став, дека двајцата ја имаат неговата поддршка.

Борбата за правда не смее да запре, се додека не се постигне конечната слобода. На тој пат овие луѓе не се сами и секогаш ќе ја имаат мојата поддршка, затоа што вистината е на нивна страна. Сигурен сум дека пред нас е почетокот на едно ново време, време на правда и слобода за сите неправедно осудени, вели Тошковски.

Јане Ченто во неколкунаврати досега побара фер судење, а да го гонат за дело кое што го сторил, а не за терористичко загрозување на уставниот поредок. Тој посочува дека ќе дојде ден кога ќе се открие цела хајка која се водела против него, како и местенките од судските процеси.

Истовремено, судот во Стразбур пресуди на страна на Пешов. Тој бил незаконски држен во притвор.

The post Тошковски на средба со Ченто и Пешов: Сигурен сум дека пред нас е почетокот на едно ново време, време на правда и слобода за сите неправедно осудени appeared first on Република.