Италијанскиот град Торино, донесе одлука пушењето на отворено да биде дозволено само ако другите луѓе се оддалечени најмалку пет метри од пушачот, а градоначалникот Стефано Ло Русо смета дека одлуката се заснова на „здрав разум“.

Се работи за почитување на оние кои не пушат, а во исто време се работи за промовирање на културата на почит“, изјави Ло Русо, член на централно-левичарската Демократска партија, за локална радио станица.

Сите оние кои не ја почитуваат оваа регулатива ризикуваат казна од 100 евра. Забраната се однесува на пушење цигари, пури, лулиња, загреани тутунски производи и електронски цигари, стои во одлуката што во понеделникот ја усвои и ја одобри градскиот совет.

Регулативата предвидува на луѓето кои пушат да им приоѓаат на другите со цигара „само со нивна согласност“, додека пушењето на отворено е целосно забрането во присуство на деца и трудници.

Торино не е првиот голем италијански град кој го ограничува пушењето на отворено. Во 2021 година, Милан го забрани автобуски станици, такси, стадиони, паркови и гробишта.

The post Италијански град го забрани пушењето на оддалеченост помала од пет метри од други луѓе appeared first on Република.

Слушнавме врисоци од зградата кои ни го привлекоа вниманието. Слушнав како човек вреска кога го виде девојчето како се наведнува преку работ. Девојчето се повеќе се потпираше и се качуваше, држејќи се само со две раце, а нозете и беа во воздух, банкарот Матија Агуци (37) го опиша моментот кога го спасил девојчето (3) кое паднало од балкон на петти кат од зграда во Торино, пренесува CNN.

Ги слушнал врисоците кога заедно со неговата девојка отишле да купат леб. Тој слушнал крик и се обидел да го привлече вниманието на девојката, но сфатил дека таа не може да го слушне.

- Ѝ викнав да остане мирна и да се врати внатре. Кога ја видов како паѓа, застанав на патот, ги затворив очите и се надевав дека се ќе биде најдобро, го ублажив нејзиниот удар и двајцата паднавме на земја - објасни Италијанецот кој беше прогласен за херој во градот. Се здобил со полесни повреди.

– Отпрвин не почувствував знаци на живот, потоа девојчето почна да плаче и јас дишев со олеснување – додаде тој.

Девојчето со возило на брза помош било пренесено во болница, а нејзините родители биле во шок.

- Постапките на Мети Агуци, нашиот сограѓанин кој фати и спаси живот на девојче кое падна од петти кат, се херојски и необичен гест - напиша градоначалникот на Торино, Стефано Ло Русо. Тој повика на почит на Агуци.

Му се заблагодари и премиерката Мелони.

- Приказната за малото девојче кое падна од балкон на петти кат во зграда во Торино можеше да се претвори во трагедија. Но, благодарение на брзината на Мети Агузи, кој ја виде како паѓа и ја зграпчи во воздухот, нејзиниот живот беше спасен. Голема чест и благодарност до овој млад херој – напиша таа.

За се му се заблагодари и премиерката Мелони.

Приказната за малото девојче кое падна од балкон на петти кат во зграда во Торино можеше да се претвори во трагедија. Но, благодарение на брзината на Мети Агузи, кој ја виде како паѓа и ја зграпчи во воздухот, нејзиниот живот беше спасен. Голема чест и благодарност до овој млад херој – напиша таа.

Poteva trasformarsi in tragedia la vicenda di una bimba caduta dal 5° piano di un balcone in un edificio a Torino. Ma grazie alla prontezza di Mattia Aguzzi, che l'ha vista precipitare e afferrata al volo, la sua vita è salva. Tanto onore e gratitudine per questo giovane eroe. pic.twitter.com/B6yzkEYZan

— Giorgia Meloni (@GiorgiaMeloni) August 27, 2023

За ситуацијата се осврна и човекот кој го спаси девојчето.

- Не ме нарекувајте херој, судбината ме постави таму - рече тој.

Целата ситуација ја истражува италијанската полиција.

The post Банкар спасил девојче кое паднало од зграда во Торино: „Јас не сум херој, ова беше игра на судбината“ appeared first on Република.

Српскиот тенисер Новак Ѓоковиќ се пласираше во финалето на завршниот Мастерс, победувајќи го Тејлор Фриц, по два тајбрејка со 2-0 сетови.

Ѓоковиќ го доби првиот сет по неизвесен тај-брејк, а во вториот постојано заостануваше со еден брејк, но на крајот се избори за тај-брејк и победи со 2:0.

Ова беше шести меѓусебен меч помеѓу Србинот и Американецот, а и овојпат, после скоро два часа подобар беше Ѓоковиќ.

Победата ми беше во втор план, морав да се борам за да преживеам. Не се чувствував комфорно по маратонската битла со Медведев и знаев дека ќе ми треба време да се прилагодам на играта на Фриц, кој има еден од најдобрите сервиси во светот, изјави Ѓоковиќ.

The post Ѓоковиќ после голема борба до финале во Торино appeared first on Република.

Новак Ѓоковиќ имаше видливи проблеми во финишот на вториот сет што го загуби против Данил Медведев, но на крајот со 2:1 во сетови ја доби тениската војна против рускиот тенисер на завршниот турнир во Торино.

Иако не му беше премногу важна победата, бидејќи веќе го имаше освоено првото место во Црвената група и имаше сигурно полуфинале против тејлор Фриц, Новак одигра и чесно и спортски до крај и победи со 6:3, 6:7(5), 7:6(2).

И тоа го стори во свој стил со битка докрај, иако во финишот на третиот сет беше во загубена ситуација.

Медведев направи брејк за предност од 5:4 и сервираше за меч и за прва победа на турнирот на осумтте најдобри тенисер во 2022 година, но и тоа не беше доволно за успех против Ѓоковиќ.

Србинот ексрпресно го врати брејкот и драмата од над 3 часа во Торино продолжи со втор тај-брејк.

Новак водеше од почеток до крај и во маратонски меч го доби тај-брејкот со 7:2 во поени и без пораз патрува во полуфиналето на завршниот турнир во сезоната.

Вечерва од 21 часот во директен дуел Циципас и Рубљов ќе одлучат кој ќе биде вториот полуфиналист од Црвената група и кој ќе игра за финале против Каспер Руд.

The post Ѓоковиќ во драматичен меч го победи и Медведев appeared first on Република.

Албанскиот бизнисмен Фатмир Ара, кој исчезна пред два дена, е пронајден мртов во селото Сан Карло Канавесе во Торино.

Италијанските медиуми јавуваат дека телото било пронајдено на земја, на неколку чекори од темниот автомобил паркиран покрај патот. Според првичните информации, се работи за убиство.

Ара (43) е по потекло од Албанија, а живеел во Мати (Торино).

Неговото исчезнување било пријавено на 2 септември. Обвинителството од градот Ивр работи на расветлување на околностите на случката.

The post Познат албански бизнисмен пронајден мртов во Торино: Исчезнал пред два дена, а телото е крај пат до темен автомобил appeared first on Република.

Петнаесет претставници од земјава ќе бидат дел од балканската делегација на Слоу Фуд што ќе учествува на годинашниот 14. Тера Мадре Салоне дел Густо во Торино.

Слоу Фуд Македонија, со поддршка на Министерството за земјоделство, шумарство и водостопанство, ќе се претстави со своја кујна и ќе одржува дегустации и презентации.

На Тера Мадре што ќе се одржува од 22 до 26 септември, ќе има над 3 000 делегати од 130 земји и повеќе од 700 изложувачи. Програмата предвидува голем број работилници и конференции кои ќе може да се проследат и онлајн.

Тера Мадре, најголемиот собир на Слоу Фуд мрежата, цели кон тоа да дизајнира поинаква иднина за храната, иднина која зазема облик преку секојдневните избори на поединците, во колективните напори на заедниците и во политиките на јавните и на приватните институции, наведуваат организаторите.

Балканската делегација ќе брои околу 130 члена: од Црна Гора 30, од Албанија 21 и од Бугарија 18. Ќе има и 12 делегати од Турција, осум од БиХ, седум од Романија, по шест од Хрватска и Грција, два од Косово и три од Србија.

Тера Мадре ќе биде домаќин на неколку штандови со произведувачи од регионот.

The post Македонија со 15 претставници на Тера Мадре Салоне дел Густо во Торино appeared first on Република.

Основното јавно обвинителство до овој момент нема отворено предмет за настанот кој ја разбранува македонската јавност, а кој се однесува на евровизиската претставничка Андреа Коевска која го фрли државното знаме на подот при фотографирањето синоќа во Торино, Италија.

До овој момент нема индиции дека во настанот имало намера државното знаме да се изложи на подбив и исмејување, велат од Обвинителството за „Слободен печат“.

Македонската евровизиска претставничка Андреа Коевска уште еднаш се обрати до јавноста, овојпат преку „Инстаграм“.

https://republika.mk/scena/muzika/andrea-se-obrati-preku-stori-makedonskoto-zname-kje-prodolzam-da-go-veam-gordo-kako-do-sega/

The post Се огласи Обвинителството за инцидентот со македонското знаме во Торино appeared first on Република.