Вреќа полна со евра била пронајдена покрај возилото кое во неделата излета од регионалниот пат Тетово - Попова Шапка. Во несреќата загина 80-годишниот возач од Австрија.

Случајот го пријавиле случајни мотоциклисти, а пожарникарите и полицијата пристигнале по 15 минути за да ја констатираат смрт на постариот маж од Виена.

https://republika.mk/vesti/crna-hronika/80-godishnen-vozach-zagina-na-patot-kon-popova-shapka/

Противпожарната служба потврди дека нашла пари, но рекоа дека се предадени на полицијата.

Брзо пристигнавме со тетовската полиција и со некои други возачи кои беа зад автомобилот и го видоа инцидентот. Ја видовме жртвата која беше надвор од автомобилот. Немаше сомнителни работи како алкохол или нешто опасно. Тоа беше длабок пад на автомобилот околу 150 метри. Жртвата беше надвор од автомобилот, работите исто така биле расфрлани надвор. Има и слики и работи што ги документиравме, видовме пари околу колата како српски динари, евра и денари . Во торба, според она што ги виделе останатите пожарникари, имало поголема сума на пари што ги имала жртвата. Поголема сума на евра, изјави за „Алсат“ Авни Амети, началник на ППБ – Тетово.

Од тетовската полиција велат дека сите пронајдени предмети моментално се во полициската станица Тетово. Засега е готов само прелиминарниот лекарски извештај, а како причина за смртта е наведено внатрешно крварење.

Но, од полицијата се уште немаат одговор каде претходно бил австрискиот државјанин, од каде дошол, со кого се сретнал и зошто му биле потребна оваа сума пари. За случајот се известени и Одделот за меѓународна полициска соработка, Министерството за надворешни работи, Амбасадата на Австрија и Канцеларијата на Интерпол.

The post Вреќа полна со евра пронајдена по сообраќајката кај Попова Шапка appeared first on Република.

Во потрага по преживеани, спасувачите во Газиантеп, Турција пронашле торба во која имало два милиони долари меѓу урнатините, пишува БНН.

Се појави и видео на кое се гледа како спасувачите бројат огромни суми пари.

WATCH: #BNNTurkey Reports.

Thousands of houses were destroyed after two #earthquakes of 7.7 and 7.6 in #Turkey.#Turkey #Turkiye #earthquake #deprem pic.twitter.com/t2aLFWRk9C

— Gurbaksh Singh Chahal (@gchahal) February 17, 2023

Торбата и парите се предадени на полицијата. Надлежните најавија дека целиот накит и пари, чии сопственици не се пронајдени, ќе бидат префрлени во државната каса.

The post Торба полна долари пронајдена под урантините, надлежните објаснија каде одат сите пронајдени пари и накит appeared first on Република.

Основното јавно обвинителство Куманово донесе наредба за спроведување истражна постапка против три лица од скопско Студеничани за кои постои основано сомнение дека сториле кривично дело „разбојништво“ предвидено во член 237 став 4 во врска со став 2 и став 1 од Кривичниот законик.

Осомничените, како што информираат од Jавното обвинителство, двајца браќа на возраст од 25 и 18 години и нивен 28-годишен роднина, го сториле делото на 23 февруари во Куманово, кога со употреба на сила одзеле поголема сума пари од едно лице од Ваксинце. Тие го чекале оштетениот пред маркет во автомобил без регистарски ознаки.

– Кога оштетениот дошол до неговото возило паркирано во близина, тројцата осомничени го нападнале и го удриле по главата, нанесувајќи му повреда од која изгубил свест. Од багажникот на автомобилот тие одзеле две црни торби со пари во различни валути и апоени и тоа: 45.000 евра, 13.000 швајцарски франци, 150.000,00 денари, 60.000,00 српски динари, 40.000.00 албански леки, 100 бугарски лева, 800 хрватски куни и 300 турски лири, по што веднаш побегнале кон Скопје. На овој начин тие се стекнале со противправна имотна корист од вкупно 3.745.000 денари, се наведува во соопштението на Јавното обвинителство.

Надлежниот јавен обвинител до судијата на претходна постапка од Основниот суд во Куманово доставил предлог за определување мерка притвор за тројцата осомничени. Судијата го прифатил предлогот на обвинителството и на осомничените им определи притвор во траење од 30 дена

The post Tри лица од Студеничани со употреба на сила одзеле од багажникот на возилo две црни торби со евра, франци, денари, динари, левови, куни.. appeared first on Република.