Земјите од регионот сè уште се под метеоролошки предупредувања за топлотен бран, цела Црна Гора и Босна и Херцеговина се во минус, како и делови од Хрватска, а предвидените температури на места ќе достигнат и над 40 Целзиусови степени.

Кога станува збор за Хрватска, најтопло утрово беше во Дубровник, 27,5 степени. Хрватските метеоролози прогнозираат дека горештините ќе продолжат и во вториот дел од неделата, особено на Јадранот, додека во внатрешноста почестите врнежи ќе донесат времено освежување, кое особено ќе биде изразено во петок.

Републичкиот хидрометеоролошки завод на Република Српска издаде предупредување поради продолжување на топлотниот бран на територијата на цела Српска. Температурата на воздухот денес ќе се движи до 42 Целзиусови степени.

Црвеното предупредување е и на територијата на целата Федерација Босна и Херцеговина, а температурите во Мостарскиот регион ќе достигнат околу 42 Целзиусови степени, во Вишеградската максимална температура на воздухот ќе се движи меѓу 37 и 42 степени, а на планините околу 30 степени.

Се повикуваат граѓаните да преземат мерки на претпазливост во најтоплиот дел од денот и да не се напрегаат. Посебно предупредување се однесува на постарите лица и лицата со нарушено здравје и децата. Не се исклучени и појава на невреме во планинските предели. Заводот за итна медицинска помош, кој, велат, секојдневно води евиденција за бројот на пациенти на кои им е потребна помош.

Во цела Црна Гора е прогласен црвен аларм поради многу топол бран, со тоа што попладне локално може да се очекува облачност. Максималната температура се прогнозира од 36 до 43 степени, а УВ индексот ќе биде висок – 10.

На територијата на Македонија денес ќе има многу топло време со температури околу и над 41 степен, а истото време се прогнозира и за следните денови. Поради топлотниот бран што ja зафати Македонија, Владата одлучи бремените жени и лицата над 60 години да бидат ослободени од работни обврски до четврток.

На работодавците им се препорачува да ги реорганизираат работните активности за да се избегнат градежните и другите физички активности на отворено во периодот од 11 до 17 часот, а градинките да не ги изнесуваат децата надвор во тој период од денот.

The post Цел регион е зафатен од топлотен бран: Се апелира граѓаните да преземат мерки на претпазливост во најтоплиот дел од денот и да не се напрегаат appeared first on Република.

Територијата на Македонија се до крајот на оваа седмица ќе се наоѓа под влијание на екстремно топла воздушна маса која продира од северните предели на Африка. Токму поради ова температурите насекаде ќе надминуваат 30 степени, додека во најтоплите централни и југоисточни предели, како и во Скопската котлина тие ќе се искачат и до 40 степени.

Не се исклучува можноста температурата локално во централните и во југоисточните предели да надмине и 40 степени. Ув индексот ќе има многу висока вредност 9, па поради ова апелираме граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.

Времето и понатаму ќе биде сончево со појава на мала до умерена локална облачност. Сепак оваа седмица атмосферата нема да биде во целост стабилна, па така во попладневните часови ќе има изолирана појава на нестабилност, проследена со пороен дожд, грмежи и засилен ветер, а можна е  и појава на краткотрајно невреме.

Утре (вторник) нестабилност во попладневните часови ќе има особено во западните предели од државава.

The post Топол бран до крајот на неделава: Температури до 40 степени, но и можност за невреме appeared first on Република.

Светот штотуку го доживеа својот најтопол април досега, продолжувајќи ја 11-месечната серија на соборување на температурниот рекорд секој месец, објави во средата набљудувачката организација на ЕУ за климатски промени.

Секој месец од јуни 2023 година е најтоплиот досега измерен и регистриран на планетата, според месечниот преглед на Службата за климатски промени Коперник (C3S).

Вклучувајќи го април, просечната глобална температура беше највисока за 12-месечен период досега, 1,61 степени Целзиусови над просечната температура во прединдустрискиот период од 1850 до 1900 година.

Некои од екстремите, вклучително и рекордните температури на површината на морето неколку месеци по ред, ги наведоа научниците да истражат дали човечката активност предизвикала пресвртна точка во климатскиот систем или дали сме сведоци на значителна промена во климатскиот систем.

Емисиите на стакленички гасови од согорувањето на фосилните горива се главната причина за климатските промени. Во последните месеци, природниот феномен Ел Нино, кој ги загрева површинските води во источниот дел на Тихиот Океан, исто така ги зголеми температурите.

Во април беа забележани одредени временски екстреми, вклучително и топлотниот бран во Сахел кој е можна причина за илјадници смртни случаи.

Климатологот Хејли Фаулер од Универзитетот во Њукасл рече дека податоците покажуваат дека светот е опасно блиску до прекршување на целта на Парискиот договор од 2015 година за запирање на глобалното затоплување на 1,5 степени Целзиусови над прединдустриските нивоа.

Неговото мислење е дека светот веќе ја изгубил таа битка и дека сега мора што побрзо да работи на намалување на емисиите на штетни гасови за да се задржи зголемувањето на глобалната температура под 2 степени Целзиусови во однос на прединдустрискиот период.

The post Светот го доживеа својот најтопол април досега appeared first on Република.

Светот мора да се подготви за поинтензивни топлотни бранови, предупредија денеска Обединетите нации, бидејќи северната хемисфера се приближува до максималните температури.

Овие појави ќе продолжат да се интензивираат и светот мора да се подготви за поинтензивни топлотни бранови - изјави Џон Наирн, експерт на Светската метеоролошка организација на ОН на прес-конференција во Женева.

Тој додаде дека феноменот Ел Нињо само ќе ја зголеми појавата и интензитетот на екстремните топлотни бранови.

Во Северна Америка, Азија, Северна Африка и во медитеранскиот басен, неколку дена оваа недела температурите ќе надминат 40 степени Целзиусови.

Еден од значајните феномени што ги забележавме е дека бројот на симултани топлотни бранови на северната хемисфера се зголеми за шестпати од 1980-тите. Овој тренд не покажува знаци на намалување - рече експертот.

Како што оцени, топлотните бранови ќе имаат сериозно влијание врз здравјето и животот на луѓето.

The post Планетата гори, паѓаат температурни рекорди, ама тоа не е најлошо: Експертите имаат застрашувачки прогнози appeared first on Република.