Филмот со најмногу приходи на американскиот „Боксофис“ за годинава е „Топ ган 2: Маверик”. Продолжението на класиката на режисерот Тони Скот од 1986 година, заработи 718,5 милиони долари во САД вкупно 1,489 милијарди долари во светски рамки.

Том Круз, според познавачите, е еден од последните „секс-симболи“ од „старата школа на Холивуд“ и „боксофис-мајстор“. Тоа, велат стручњаците, е главна причина за огромниот успех на вториот дел, заедно со фактот дека публиката е секогаш гладна за добра, старомодна, акција.

Филмот, инаку, ја престигна и последната „Невозможна мисија“ на Том Круз од 2018. и стана филм со најголема заработка со овој глумец воопшто.

Оценката на Семрежната филмска база на податоци – ИМДБ, за овој филм, е 8,4 / 10. На интернет страницата „Ротен томатос“, пак, го препорачуваат 99 отсто од гледачите.

The post „Топ ган 2: Маверик” имаше најмногу приходи во 2022 година appeared first on Република.

„Топ ган 2: Маверик“ (Top Gun: Maverick) стана петти филм со најголема заработка на сите времиња на американскиот домашен пазар, напредувајќи пред хитот „Црниот пантер“ на „Марвел“ од 2018 година.

„Топ ган 2“ има заработено 701 милион долари во Cеверна Америка, додека „Црниот пантер“ своевремено заработи 700 милиони долари. Долгоочекувано продолжение на хит-филмот „Топ Ган“ од 1986 година, со Том Круз во главната улога, може да се пофали и со светска заработка од 1,4 милијарди долари.

„Војна на ѕвездите: Моќта се буди“ од 2015 година е сѐ уште на првото место – со заработка од 936 милиони долари, додека „Одмаздници: Крај на игрите“ од 2019 година е на второто место со 858 милиони долари. Минатогодишниот „Спајдермен: Нема пат до дома“ – филм со најголема заработка објавен за време на корона-пандемијата – е трет на сите времиња откако заработи повеќе од 800 милиони долари дома.

Нареден, четврти филм на оваа листа е „Аватар“ од 2009 година на режисерот Џејмс Камерон, којшто е на четвртото место досега со 760 милиони долари во Северна Америка, а повторно треба да биде прикажан во кината подоцна овој месец. А, вториот дел излегува во декември оваа 2022 година.

The post „Топ ган 2“ стана петти филм со најголема заработка во САД appeared first on Република.