The post Почина таткото на Тони Михајловски appeared first on Република.

Во рамки на тридневната фестивалска програма, која започнува на 18.06.2024 година, почесни награди ќе им бидат доделени на тројца истакнати филмски професионалци од македонската филмска индустрија:

• Тони Михајловски, истакнат филмски актер: Роден на 30 јуни 1967 г., во Куманово. Дипломира на Универзитетот „Св. Кирил и Методиј“ на Факултетот за драмски уметности, Скопје, на отсекот за актерска игра во класата на проф. Владимир Милчин (1993). Од 1994 до 1999 г. работи во Македонскиот народен театар, а потоа преминува во статусот слободен уметник. Во 2013 г. повторно се враќа во Македонски народен театар – Скопје.

• Владимир Анастасов – Вац, продуцент, ќе ја добие наградата за истакнат филмски автор. Анастасов дипломирал на катедрата за Филм, Театар и ТВ продукција при Факултетот за драмски уметности во Скопје, Македонија. Во декември 2002 година, ја основа продуцентската куќа „Сектор филм“, во чии рамки е продуцент на голем број наградувани филмови, прикажани на меѓународни филмски фестивали.

• Марина Колоска, истакнат филмски работник: Дипломира на Универзитетот „Св. Кирил и Методиј“ на Факултетот за драмски уметности, Скопје, на отсекот камера. Во периодот од 2000 до 2004 година, својот кариерен пат го гради како дел од тимот на Македонската Радио Телевизија (МРТВ). До сега, Колоска била прв асистент на камера на над 60 кратки и играни филмови.

Шестото издание на „Златна рамка“ – Денови на македонскиот филм, во организација на Друштвото на филмските работници на Македонија (ДФРМ), ќе се одржи од 18. до 20. јуни, во киното „Фросина“ во Младинскиот културен центар (МКЦ). Филмските ентузијасти ќе може да ги проследат најновите филмски остварувања на домашните филмски таленти. Филмската ревија “Златна рамка“ ќе започне традиционално, со свеченото собрание на ДФРМ, по што ќе следува богата тридневна филмска програма.

Иницирана како дел од стратешката програма за афирмирање на филмската уметност и домашната продукција, „Златна рамка“ се етаблира како клучен настан за промоција на македонската кинематографија. Примарната цел на фестивалот е транспарентно да ја претстави годишната продукција, а со тоа да го подобри квалитетот на проектите и да генерира интерес кај домашната публика и медиумите. Исто така, оваа филмска ревија нуди платформа за филмските професионалци да разговараат за релевантни прашања и да ги споделат нивните достигнувања. Во текот на следните три дена, „Златна рамка“ ќе служи како енергично место за средба на филмаџиите, актерите и кино ентузијастите.

Присутните може да очекуваат да уживаат во програма со различни долгометражни филмови, кратки и документарни филмови од најновата македонска филмска продукција.

„Златна рамка“ ја симболизира основната кинематографска „рамка“, суштинската единица на филмската технологија. Оваа филмска ревија која веќе традиционално се одржува секоја година, продолжува да ги промовира македонските филмски дела и да придонесува за енергичниот културен дијалог што ги надминува лингвистичките и културните граници.

ПРОГРАМА
Долгометражни филмови:

• 18 јуни, 20.30 часот: „Преекспонирано“ во режија на Елеонора Венинова, во продукција на „ДНФ филмска продукција“.
• 20 јуни, 20.00 часот: „Лена и Владимир“ во режија на Игор Алексов, во продукција на „Мајнд продукција“.
• 20 јуни, 22.00 часот: „Домаќинство за почетници“ во режија на Горан Столевски, во продукција на „Лист продукција“.

Краткометражни филмови: На 19 јуни во 18 часот ќе бидат прикажани девет кратки филмови. На програмата се остварувања на режисерите: Александра Кардалевска, Ангела Димеска, Јован Саркањац, Јане Спасиќ, Ѓорче Ставрески, Сандра Георгиева, Сабедин Селмани, Берат Асани, Јане Алтипармаков и Гоце Трајковски.

Документарна програма:

• 18 јуни, 18.00 часот: „Бисер“ во режија на Драган Кумев, „Кумев Бротхерс продукција“.
• 18 јуни, 18.00 часот: „Последниот каубој на Балканот“ во режија на Сабедин Али, во продукција на „Визиони Плус д.о.о.е.л.“.
• 19 јуни, 12.00 часот: „Живот на крстосница“ (Недопирливи) од Зоран Димов, во продукција на “Супер Продукција БТР“ и „Емигрант сум или…“ од Сенад Абдули, “Арнел Продакшн д.о.о.е.л.“.
• 20 јуни, 18.00 часот: „Дневник по многу години“ (Јанsа) во режија Никола Т. Калајџиски, а во продукција на “Контраст Филм“.

Социјална програма „Фокус“: Специјални проекции кои ќе се одржат на 20 јуни во Домот за стари лица “Мајка Тереза“ за публиката која не може да го посети киното “Фросина“.

Дополнителни настани:

• 19 јуни, 20.00 часот: Презентација на филмската камера на „Sony“.
• 20 јуни, 12.00 часот: Трибина на тема “Зачувување на аудиовизуелното наследство“ на која учествуваат експерти како Владимир Ангелов, проф. Владимир Павловски, Игор Старделов и Роберт Јанкуловски.

The post Актерот Тони Михајловски, продуцентот Владимир Анастасов – Вац, и филмскиот работник Марина Колоска – добитници на почесни награди „Златна Рамка“ appeared first on Република.

Тони Михајловски (1967), театарски и филмски актер кој над триесет години е дел од македонската култура и уметност, почитуван поради својот талент, карактеристичност и посветеност е добитник на театарската награда за животно дело „Петре Прличко“ за 2024.

Вака едногласно одлучи Жири комисијата за доделување на актерска награда за животно дело „Петре Прличко" во состав: Фаик Мефаиловски претставник на Општина Велес, Благојчо Стојанов претставник на Општина Велес и Слободанка Чичевска актер, претставник на НУЦК театар „ЈХК- Џинот" Велес, на 6- ти март едногласно одлучи наградата за животно дело „Петре Прличко" да му припадне на актерот Тони Михајловски. Наградата ја доделуваат Народниот театар „Јордан Хаџи Констатинов-Џинот“ и Општина Велес.

Михајловски во Македонскиот народен театар е вработен од 1994 - 1999 година, откако дипломира актерска игра на Факултетот за драмски уметности- Скопје.

Повторно е дел од актерскиот ансамбл на театарот од 2003 година, а во текот на 2015 година е и уметнички директор на истиот. Првата улога во театар ја остварува во 1991 година во представата „Крик" во продукција на МНТ. Тони Михајловски е пред се актер, но и ТВ- водител, режисер и текстописец.

- Преку сите овие области тој се етаблира во една од најсестраните личности во македонската култура и уметност и во секоја од нив остварува автентични, препознатливи изведби и дела, забележани и од публиката и од критиката. Преку остварените ликови тој испишува голем дел во историјата на театарот. Михајловски е актер кој вредно и трпеливо ја гради својата кариера и прерасна во една од најдоминантните појави не само на македонската, туку и на балканската театарска и филмска сцена. Тој е еден од ретките наши актери чиј широк актерски распон е препознаен, видлив и вреднуван и надвор од нашата домашна продукција. Актер кој стана миленик на публиката од целиот Балкан, комплексна актерска личност кој реализира карактерни креации без исклучок дали се главни или споредни, низ кои се препознава и надоградува стилот на неговата игра: сигурноста и квалитетот на индивидуалноста на Михајловски, неговата енергија и страст кон даските што живот значат, кон камерата и моќта да го постави и толкува ликот низ неговата душа. Со појавата на Тони Михајловски театарот и филмот како медиуми станаа побогати, а публиката е таа која со нетрпение го исчекува секој негов нов лик, ново искуство, нова потврда на неговата актерска величина, потенцираат во образложението за наградата.

Додаваат дека неговата прецизна игра и можност за широка трансформација, од 2023 год несебично ја пренесува на следните генерации млади кои имаат интерс, а и желба за актерство преку „Актерско студио Михајловски".

Воедно потсетуваат дека за неговата работа како актер, доказ се и многубројните награди кои ги има добиено уште од 1993 и 1994 година. Награда „Трајко Чоревски" за млад актер на МТФ „Војдан Чернодрински , награда за најдобро актерско остварување на МТФ „Војдан Чернодрински"-Прилеп 2007 год, награда за актер за 1997 годона на „Златна Бубамара на популарноста", награда за најдобро актерско остварување на МТФ „Војдан Чернодрински" за улогата на Петар Стефановски во представата „Будење на пролетта" во 2000 година, награда „Златна маска" на фестивалот Охридско лето за улогата на Пер Гинт во истоимената представа во 2001 година, награда за најдобар актер на фестивалот „Јоаким Интер Фест" во Крагуевац - Србија во 2010 година, награда за најдобро актерско остварување на МТФ „Војдан Чернодрински" за улогата на Ефрем Поплавски во представата „Вечна куќа" во 2013 година, како и наградата „13- ти Ноември" на Град Скопје за 2022 година.

Наградата на Михајловски ќе му биде врачена на отворањето на Фестивалот „5-ре“ на 20 март вечерта на сцената на велешкиот театар „Јордан Хаџи Константинов-Џинот“, а во негова чест актерите од велешкиот театар премиерно ќе ја изведат претставата „Вечера за глупаци“ во режија на Ненад Витанов.

The post Тони Михајловски ја доби театарската награда за животно дело „Петре Прличко“ за 2024 appeared first on Република.

Повеќе ми значи Старата нова година, таа со причина ја викаат Стара, така сме славеле сè додека со декрет од КПЈ во 1954 година не било донесено дека официјалното славење е на 31 декември, за веројатно да се поништи влијанието на Божик, вели Тони Михајловски кој во новогодишната „Еден на Еден“ со Жаре зборува за неговите Нови години низ годините, за семејството, кариерата, новото студио...

Некако ми е пологично онака како што си го сместиле браќата католици, прво Божик, па Нова година. Ние некако наопаку, вели тој, откривајќи дека во моментот се придржува до Божикните пости.

Актерот вели дека сепак, секако дека ги слави двете Нови години и дека традиционално семејно китат елка.

И потоа ја раскитуваме после 3 - 4 месеци. Каков февруари, април. Како се носат ѕиври? Сите месеци со р, и елка стои сите месеци со р, раскажа Тони во свој стил.

https://youtu.be/iXt0NNxTFeQ?si=zF9oNjqRq9R-bmtP

Целата епизода ќе се емитува в недела од 19 часот на Канал 5.

The post Михајловски: Повеќе ми значи Стара нова година, некако наопаку славиме appeared first on Република.

The post Почнува со работа Актерско студио Михајловски appeared first on Република.

Во подкастот на Стефан Лазаров гостуваше познатиот актер Тони Михајловски, каде отворено зборуваше за целата своја кариера, за приватниот живот, за периодот кога беше на браникот на татковината во 2001 година, за учеството во политиката, а најемотивно беше кога тој зборуваше за неговата сопруга Александра.

На прашањето да се присети на периодот кога тој, а најмногу Александра се бореа со непријателот наречен – рак, тој искрено и емотивно зборуваше за тоа.

Тоа беше рушење на светот преку ноќ, во една секунда. За мене беше многу емотивно тоа, за неа...меѓутоа таа е страшен борец.Таа е жената која ме извади од едно мучуриште во кое бев западнат и којзнае каде ќе завршев ако не ја сретнев неа. Таа се грижеше буквално за мене и е заслужна за тоа што стигнав до тука. Додека траеше операцијата седнав порај Вардар и дваштри саати плачев и се молев. И морам да се заблагодарам на многу добри луѓе коишто помогнаа за тоа. После таа операција, мораше да направи уште еедна превентивна операција и тие луѓе многу помогнаа – зборува Михајловски за еден од најтешките периоди за него и неговото семејство.

https://www.youtube.com/watch?v=ccmBK8T3blY&t=6660s

The post Тони Михајловски за битката на неговата сопруга со ракот: Ми се сруши целиот свет преку ноќ, во една секунда, плачев додека ја оперираа appeared first on Република.

The post Тони Михајловски го цитира Делчев: Бугарите не не сакаат нас Македонците тие да не сакаа немаше да ни дадат пушки без муниција тие ја сакааат само територијата на Мајка Македонија appeared first on Република.

Не е точно дека не можеме да добиеме подобар предлог. Вие сте неспособни да се изборите за подобар, ѝ порача на власта актерот Тони Михајловски.

И грди сте исто така, им порача тој.

The post Михајловски: Не е точно дека не можеме да добиеме подобар предлог, вие сте неспособни appeared first on Република.

Наскоро ќе добиеме и датум. Датум за нашето непостоење. Самоизбришаните, коментира актерот Тони Михајловски.

The post Тони Михајловски: Наскоро ќе добиеме и датум – за нашето непостоење appeared first on Република.

Кога народот скокна против вас на 27 април го осудивте за тероризам. Ќе скокаме заедно овој пат?, го прашува актерот Тони Михајловски својот сограѓанин Максим Димитриевски, споделувајќи го текстот на кумановскиот градоначалник дека „денеска скокна Ламбе, утре ќе скокне народот!“.

https://republika.mk/vesti/makedonija/dimitrievski-deneska-skokna-lambe-utre-kje-skokne-narodot/

Извинете што вака зборувам за волкот миленик на многу овци, додава Михајловски.

The post Михајловски до Димитриевски: Кога народот скокна против вас на 27 април го осудивте за тероризам appeared first on Република.

Актерот Тони Михајловски има прост совет за власта за тоа како да го решат проблемот со незадоволните просветни работници, докторите, полицијата, земјоделците...

Само намалете со крадењето и ќе има и за наставниците, за дечињата со попреченост, за докторите, за полицајците, за земјоделците, за сите. Еве не мора да престанете. Само намалете, коментира тој.

The post Михајловски до власта: Не мора да престанете со крадење, ама еве – само намалете appeared first on Република.

И во смртта предаден, и по неа, напиша актерот Тони Михајловски на својот фејсбук профил по повод 150 години од раѓањето на Гоце Делчев.

Кој е последниот актер во Македонија кој на филм или во тв серијал го изиграл ликот на Ѓорѓија Николов Делчев? Кога последен пат се случило тоа? Како мислиме да одбраниме нешто, некого, било што, ако не направиме запис дека е дел од нашата и само нашата историја? Како да ги научиме младите генерации кои се, од каде се и чии наследници се ако не им го покажеме тоа на начин на кој го прават сите?

И да, Гоце покрај другото бил и БРАНИТЕЛ. На Македонија и Македонците. А ние денес не “произведуваме” БРАНИТЕЛИ. Ние ги предаваме.

Нека ти е Вечна Слава и Памјат Даскале!

Еден од недостојните. Неугледните.

The post Тони Михајловски: И во смртта предаден и по неа appeared first on Република.