Легендарниот играч за врска Тони Крос се плаши да ја пушти својата ќерка сама навечер во Германија, па и по пензионирањето ќе продолжи да живее на Пиринејскиот Полуостров...

- Германија повеќе не е земјата како што беше пред 10 години поради масовните миграции. Прашањето за масовната миграција стана премногу неконтролирано. Проблеми има насекаде. Премногу е гужва, премногу е. Некои имигранти се добри луѓе, но ако не можете да ги разликувате од оние кои не се добри за нас, ќе биде тешко на крајот. Тогаш односот на Германците ќе станува се повеќе поделен-вели Крос.

Тој додаде дека и по кариерата ќе продолжи да живее во Шпанија со семејството, бидејќи не ја смета Германија за истата земја како кога си замина пред 10 години. Исто така, како една од причините навел дека во Германија се плаши да ја пушти ќерка си да излезе сама навечер.

The post Kрос: Ќе останам да живеам во Шпанија, во Германија се плашам да ја пуштам ќерка ми сама навечер поради мигрантите appeared first on Република.

Дефанзивецот на Реал Мадрид, Даниел Карвахал зборуваше за обидите да се убеди Тони Крос да го одложи своето пензионирање.

-Се обидовме да го убедиме Тони да остане, но тоа е тешко. Знаеме каков е неговиот менталитет, колку е цврст во сите негови одлуки. Среќни сме поради него и целосно го поддржуваме доколку тоа е она што тој навистина го сака, изјави Карвахал за „Madrid Zone“.

Во вторник, 21 мај, се дозна дека 34-годишниот Германец нема да го продолжи договорот со Реал и ќе се повлече од фудбалот по Евро 2024 година.

Заедно со Реал Мадрид, Крос четири пати ја освои Лигата на шампионите, четири пати триумфираше во шпанската Ла Лига, Суперкупот на Шпанија и Суперкупот на УЕФА.

Претходно, Крос играше и за Баер Леверкузен и Баерн Минхен

The post Соиграчите го убедувале Крос да остане во Реал appeared first on Република.

Германскиот играч за врска Тони Крос (33) го продолжи договорот со мадридски Реал до јуни идната година, објави денеска Кралскиот клуб.

Договорот на Крос истекуваше на крајот на овој месец.

Германскиот фудбалер дојде во Реал во 2014 година од Баерн и со шпанскиот клуб освои четири титули во Лигата на шампиони, три во шпанското првенство и Купот на кралот, како и пет светски клупски титули.

Со германската репрезентација Крос ја освои светската титула во 2014 година.

The post Легендата Крос останува во Реал appeared first on Република.

Тренерот на Реал Мадрид, Карло Анчелоти проговори за продолжување на договорот со играчот од средниот ред Тони Крос.

- Крос е клупска легенда. Тој е врвен играч. Нов договор? Очекувам Крос дефинитивно да ја заврши кариерата тука во Реал Мадрид, изјави Анчелоти.

Новинарот Фабрицио Романо напиша дека 33-годишниот фудбалер договорил нова соработка со клубот кој ќе биде со важност до јуни 2024 година.

Крос е во Мадрид од летото 2014 година. Вкупно за „Кралевите“ настапи на 405 натпревари, постигна 27 гола и 88 асистенции.

The post Aнчелоти сака Крос до крајот на кариерата да игра за Реал appeared first on Република.

Тони Крос потпиша нов едногодишен договор со Реал Мадрид и на „Сантијаго Бернабеу“ и заедно со овој договор ќе остане цела деценија во клубот, објави весникот „Марка“.

Германецот кој од 2014 година го носи кралскиот дрес, досега одигра 405 натпревари и постигна 27 гола и притоа ги освои сите можни трофеи.

Крос со Реал четири пати триумфира во Лигата на шампионите, три пати во Ла Лига, има пет титули од светското клупско првенство и по три трофеи од европскиот и од шпанскиот Суперкуп.Во следните денови се очекува истото да го направи и Лука Модриќ.

The post Крос останува во Мадрид, се чека и Модриќ да го продолжи договорот appeared first on Република.

Фудбалерот на Реал и поранешен германски репрезентативец Тони Крос изјави дека сè уште не одлучил дали и следната сезона ќе го носи дресот на клубот од Мадрид.

„Размислувам што да правам следната сезона. Разговарам со клубот. Има многу фактори, а во моментов одлука нема“, изјави денеска Крос за шпанските медиуми.

„Во секој случај многу сум мирен. Знам дека можам уште многу да ѝ помогнам на оваа екипа“, додаде германскиот фудбалер, кој има договор со Реал до 30 јуни оваа година.

Крос (33) дојде во Реал во 2014 година од минхенски Баерн и досега за мадридскиот клуб одигра 395 натпревари на кои постигна 27 голови.

Со Реал освои 18 трофеи.

The post Дали Крос ќе остане во Реал? appeared first on Република.

Фудбалерот на Реал Мадрид, Тони Крос ќе одлучува за својата иднина по завршувањето на претстојната сезона.

Според шпански „АС“, 32-годишниот играч од средниот ред ја одбил понудата на мадридскиот клуб за продолжување на договорот кој е со важност до 30 јуни 2023 година.

Како што пишува шпанскиот весник, Германецот ќе види како се чувствува на физички и мотивациски план пред да одлучи дали ќе игра уште некоја сезона за Реал Мадрид или ќе ја заврши кариерата.

Крос минатата сезона постигна три гола и имаше три асистенции на 44 настапи за „Кралевите“ во сите натпреварувања.

The post Тони Крос не исклучува да се пензионира по крајот на сезонава appeared first on Република.