Томосот од Цариград нема многу да ни даде, ама многу ќе ни земе – до кога ќе се занимаваме со веќе решен црковен проблем? прашува  митрополитот  Тимотеj

И со Томос од Цариград и без Томос од Цариград, ние веќе сме во екумената на православните цркви, бидејќи можеме да сослужуваме со останатите православни цркви, без оглед на тоа дали нѐ признаваат како автокефални или не, изјави митрополитот дебарско-кичевски и портпарол на Синодот на МПЦ-ОА, г. Тимотеј.

The post Владиката Тимотеј: И со Томос од Цариград и без Томос, ние веќе сме во екумената на православните цркви appeared first on Република.

Митрополитот Преспанско-Пелагониски Владиката Петар во интервју за емисијата „Аргумент+“ на ТВ24 вели дека за МПЦ-ОА била завршена работа дека условите од Вселенската патријаршија за издавање на томос - се неприфатливи.

Независно што одредени митрополити излегуваат во јавноста со поинакви тврдења, ние на пленарна седница на Синодот досега два пати застанавме зад овој став, а така очекуваме да биде и на претстојната пленарна синодска седница која се планира да се одржи кон крајот на јуни, вели владиката.

https://republika.mk/vesti/makedonija/baraat-da-se-otkazheme-od-imeto-mpts-i-makedonskata-dijaspora-otkri-g-g-stefan-za-baranata-na-vselenskata-patrijarshija/

Владиката Петар во емисијата „Аргумент+“ говореше за 4 услови наметнати од Вселенската патријаршија: Нашата црква да не се нарекува Македонска Православна Црква туку само Охридска Архиепископија, во ниеден контекст да не се употребува името Македонија ниту изведенка од него, натаму за јуриздикцијата на епархиите во странство и за признавање на Православната црква на Украина за која ставот на МПЦ ОА е дека ќе се признае кога ќе ја признаат сите помесни православни цркви, а околу условот за името на МПЦ, ставот е дека двојна формула можеби би била најоптимално решение, Вселенската патријаршија да не нарекува како што сака а нам да ни биде оставено да си се нарекуваме како што сакаме.

The post Митрополит Петар: Бараат во никаков контекст да нема „Македонија“ или „македонски“ appeared first on Република.

Митрополитот Петар рече дека барањата од Цариград, за кои пред неколку дена извести архиепискот охридски и македонски г.г Стефан, само уште еднаш потврдиле дека прашањето за добивањето на Томос за нас било само политичко, а не канонско.

https://republika.mk/vesti/makedonija/baraat-da-se-otkazheme-od-imeto-mpts-i-makedonskata-dijaspora-otkri-g-g-stefan-za-baranata-na-vselenskata-patrijarshija/

Ете сега веќе доаѓа до израз дека нашето прашање за црквата не било црковно туку било политичко и ден денеска од нас не се бара, не се кажува, не се тврди дека имаме било какви проблеми со каноничноста на црквата или со верата и учењето туку исклучиво од нас се бара да се откажеме од нашиот идентитет, потенцираше за „Сител“ Митрополитот Петар на одбележувањето на празникот на Светите Браќа Кирил и Методиј.

Во моментов добивањето на Томос од Цариград останува отворено прашање се до надминувањето на различните ставови.

The post Митрополит Петар: Се покажа дека прашањето за МПЦ не е канонско, туку политичко appeared first on Република.

Вселенската патријаршија поставува неприфатливи услови за да ѝ додели томос за автокефалност на Македонската православна црква – Охридска архиепископија, изјави архиепискот охридски и македонски г.г Стефан.

Прашан кога ќе биде доделен томосот, тој за штипската телевизија ТВ Стар одговори – кога ќе се исполни времето.

Тоа не може да се претпостави. Може да биде и утре, а може да биде и задутре. Така што ние да ја чуваме црквата, да ја градиме црквата, да градиме односи и релации со другите помесни православни цркви. Тоа ќе дојде кога ќе се исполни времето како што порачува и апостолот Павле, изјави поглаварот на МПЦ-ОА.

Прашан што конкретно бара Вселенската патријаршија, тој посочи дека биле поставени неприфатливи услови - откажување од името Македонска православна црква, отстапување на македонската дијаспора и признавање на Православната црква на Украина.

Вселенската патријаршија која нè упатуваше на тоа и за кое впрочем се потпишани сите православни цркви во Шамбези дека така треба тоа да се случува не прифати во заедничко сослужување во канонско единство со сите православни цркви. Ако ни даде томос ние ќе го прифатиме, но условите кои ни се поставуваат се неприфатливи за нас – откажување од името Mакедонска православна црква, отстапување на македонската дијаспора и признавање на украинската црква која ја призна Цариград, рече г.г. Стефан.

Според поглаварот на МПЦ-ОА, барањата на Цариградската патријаршија тешко ќе бидат позитивно одговорени и реализирани, особено тие поврзани со името и со дијаспората.

Името ние си го имаме, тоа име е наше на никој друг не припаѓа и затоа не треба никој да бара да се откажуваме ние од нашето име, а името на нашата црква е Македонската православна црква возобновена Охридска архиепископија затоа се соджат и и двете имиња во името на нашата црква. Дијаспората кога ќе преземат од сите други народи православни кои имаат своја дијаспора тогаш нека биде и нашава, но тоа прашање тешко ќе биде реализирано односно одговорено во позитивна насока кон барањата на Цариградската патријашрија, изјаци г.г. Стефан.

The post Бараат да се откажеме од името МПЦ и македонската дијаспора, откри г.г.Стефан за барањата на Вселенската патријаршија appeared first on Република.

Поглаварот на Македонската православна црква – Охридска архиепископија, митрополит скопски, архиепископ охридски и македонски и на Јустинијана Прима, г.г. Стефан. упатил телеграма со честитка за именденот на Вселенскиот Патријарх г. г. Вартоломеј во која покрај желбата за негово мирно патријархување порачува дека МПЦ-ОА трпеливо и смирено го очекува Томосот за нашата црква од Вселенската патријаршија.

Ваша Светост, честитајќи Ви за Вашиот именден, дозволете ми уште еднаш да Ви посакам мирно патријархување на престолот на Вселенската патријаршија, од која трпеливо и смирено ја очекуваме долгоочекуваната радосна вест, Томос за нашата Помесна православна црква, се наведува во телеграмата.

Македонскиот Архиепископ во честитката и поздравот од, како што наведува, богоспасуваната Охридска Архиепископија, на Вселенски Патријарх г. г. Вартоломеј му посакува вечна заштита, трезвеност на духот, сила на волјата, утеха и поддршка од Богородица, многу здравје и долг живот.

Смирен и најсакан архипастире и богољубив Претстојателу на првопрестолната Мајка Црква, даруван со благодат Патријарх на маченички осветената катедра на Константинопол, дозволете ми на денот на Вашиот небесен покровител, светиот апостол Вартоломеј, лично и во името на нашата помесна Црква, да Ви честитам за Вашиот именден и радувајќи се со Вас, да Ви посакаме вечна заштита од Вашиот небесен покровител, трезвеност на духот, сила на волјата, утеха и поддршка од Богородица, многу здравје и долг живот, наведува г.г. Стефан во телеграмата.

Телеграмата била прочитана на неделната Света литургија во Сечесниот патријаршиски храм на Светиот Великомаченик Георгиј Победоносец во Фанар, каде претставник на архиепископот Стефан бил митрополитот тетовско-гостиварски г. Јосиф. Со благослов на надлежниот Високопреосветен митрополит дебарско-кичевски г. Тимотеј на литургијата присуствувале и претставници на монашката заедница од свештените Обители Бигорски, Рајчица и Пречиста, предводени од епископ Антаниски г. Партениј.

Во неделно обраќање по повод својот именден, како што објави Вселенската патријаршија на својата официјална страница, Вартоломеј направил осврт на поголемите настани што на црковен план ја одбележаа годишнината од минатиот именден. Меѓу другото, тој го истакнал и враќањето на Охридската архиепископија во канонско единство со православниот свет.

Мината година ја примивме во семејството на канонските цркви и Охридската архиепископија, порачал Вартоломеј, кој потоа забележал дека по прифаќањето на нашата Црква, уследиле и некои неканоски дела во рамките на интерправославните односи.

Патријархот Вартоломеј во беседата се осврнал и на војната во Украина.

Разбирливо е дека во последниов едногодишен период, од јуни минатата година или поскоро од избувнувањето на несветата и разорителна војна во Украина, го следиме развојот на настаните, се молиме за враќање на мирот и во секоја прилика ја осудуваме руската агресија во независна и суверена држава, спротивно на секоја смисла на меѓународното право и на етичкиот поредок. Плачеме со расплаканите сопруги и мајки на римските и украинските војници кои паднале на полињата на битките, порачал Вартоломеј.

The post Поглаварот на МПЦ-ОА Стефан до вселенскиот патријарх Вартоломеј по повод неговиот именден: Трпеливо и смирено го очекуваме Томосот appeared first on Република.

По повод годишнинатата од доделувањето на Томосот за автокефалност на Македонската Православна Црква -Охридска Архиепископија (МПЦ-ОА) од страна на Соборот на Српската православна црква (СПЦ) на 5 јуни во црквата „Света Софија“ во Охрид ќе се одржи света архиерејска литургија.

Светиот архијерејски синод на Македонската Православна Црква – Охридска Архиепископија (МПЦ – ОА) го повикува македонскиот богољубив народ да земе молитвено учество на света архијерејска литургија по повод годишнината од доделувањето на Томосот за автокефалност на МПЦ – ОА од страна на Соборот на Српската Православна Црква (СПЦ), на 5 јуни 2023 година, на празникот на Светиот Дух, во Катедралниот храм на Охридските Архиепископи – „Света Софија“ во Охрид. Литургијата е со почеток од 9 часот, соопшти Канцеларијата на Светиот архијерејски синод на МПЦ – ОА.

Светиот архиерејски синод на Српската православна црква (СПЦ) на заседанието на 20. минатиот месец донесе одлука за доделување канонски отпуст на Православната Охридска Архиепископија (ПОА) и интегрирање во МПЦ-ОА.

На заседанието особено внимание беше посветено на темата за конечното решавање на канонскиот статус на архиереите на Православната Охридска Архиепископија, во светло на минатогодишната одлука на Светиот архиерејски синод за враќање во канонски статус и воспоставување литургиско единство, како и последователната одлука за доделување на Томос за автокефалност на Македонската православна црква - Охридска архиепископија. За таа цел, Соборот донесе одлука за доделување канонско ослободување на ерархии на оваа автономна црква од страна на СПЦ и нејзино интегрирање во Синодот на Македонската православна црква во согласност со светите канони и Устави на двете помесни Цркви, како и претходно постигнатиот договор на Синодите на сите три црковни структури, информираше во соопштение Светиот архиерејски синод на СПЦ.

Српскиот патријарх Порфириј на 5 јуни минатата година му врачи акт на поглаварот на МПЦ-ОА г.г Стефан, со кој се потврди одлуката на СПЦ објавена на 24 мај по сослужувањето на заедничка литургија во Соборниот храм во Скопје, со која СПЦ ја одобри и упати благослов за автокефалноста на МПЦ – ОА, ставајќи крај на 55-годишниот спор меѓу двете цркви.

По благодата Божја имаме прилика да го овенчаме тоа што веќе постои меѓу нас, а тоа е единството, кое во еден период беше нарушено, но е воспоставено во духот на Црквата, а тоа е Македонската црква – Охридската архиепископоија дека има не само услови потребни да се организира во контекст на автокефална црква и дека тоа е најдобар можен начин и метод за животот на нашите православи браќа и сестри во Македонија. Затоа она што веќе го реализиравме преку служењето на литургија во Скопје, денеска чувствуваме и јавно пред сите да го објавиме документот, кој се нарекува Томос, изјави Порфириј по литургијата во Белград на 5 јуни минатата година.

The post Литургиско чествување на годишнината од доделувањето на Томосот за автокефалност на МПЦ-ОА appeared first on Република.

Утрово со празничната Литургија во чест на светиот Партениј Лампсакиски, во Бигорската Обител чиноначалствуваше Митрополитот на Имврос и Тенедос г. Кирил, во сослужение со Митрополитот Дебарско-кичевски г. Тимотеј и епископот Антаниски г. Партениј.

Митрополитот на Имврос и Тенедос г. Кирил на владиката Тимотеј му подари сребрен јубилеен медалјон, во чест на 30-годишнината од патријаршиската служба на патријархот Вартоломеј.

Притоа, владиката Кирил на владиката Тимотеј му искажа голема почит и поддршка за долгогодишната пастирска служба и борбата за афирмација на нашата Црква, на што Митрополитот дебарско-кичевски возврати со достоинствена благодарност, поканувајќи го и изразувајќи желба дека патријархот Вартоломеј за скоро време ќе ја посети РС Македонија и Охрид и ќе го додели очекуваниот Томос за автокефалност од Првопрестолната Вселенска Патријаршија.

На литургијата присуствува голем број верници, од сите делови на државава, кои со посебна почит му го честитаа именденот на владиката Партениј.

Утрово со празничната Литургија во чест на светиот Партениј Лампсакиски, во Бигорската Обител чиноначалствуваше Митрополитот на Имврос и Тенедос г. Кирил, во сослужение со Митрополитот Дебарско-кичевски г. Тимотеј и епископот Антаниски г. Партениј.

Митрополитот на Имврос и Тенедос г. Кирил на владиката Тимотеј му подари сребрен јубилеен медалјон, во чест на 30-годишнината од патријаршиската служба на патријархот Вартоломеј.

Притоа, владиката Кирил на владиката Тимотеј му искажа голема почит и поддршка за долгогодишната пастирска служба и борбата за афирмација на нашата Црква, на што Митрополитот дебарско-кичевски возврати со достоинствена благодарност, поканувајќи го и изразувајќи желба дека патријархот Вартоломеј за скоро време ќе ја посети РС Македонија и Охрид и ќе го додели очекуваниот Томос за автокефалност од Првопрестолната Вселенска Патријаршија.

На литургијата присуствува голем број верници, од сите делови на државава, кои со посебна почит му го честитаа именденот на владиката Партениј.

Митрополитот Дебарско-кичевски г. Тимоте литургија

- Високопреосвештениот митрополит на Имврос и Тенес г. Кирил, висок претставник на Вселенската Патријаршија, престојува во посета нашата Обител, како голем пријател на нашата Црква и претставник на Неговата божествена Сесветост, Вселенскиот Патријарх г. г. Вартоломеј, носејќи ги неговите поздрави и благослови за именденот на владиката г. Партениј. Владиката Кирил доаѓа од Имврос, родното место на Вселенскиот Патријарх, каде што ја извршува својата архијерејска должност, информираше претходно отец Кирил.

Освен посетата на Митрополитот на Имврос и на Тенедос, во Бигорскиот манастир, по повод празникот на Свети Партениј Лампсакиски и именденот на игуменот епископ г. Партениј, допатува и познатиот атински хор по источно православно црковно пеење „Тропос“, кој важи за еден од најдобрите хорови во православниот свет.

The post Митрополит Тимотеј: Го очекуваме доаѓањето на Вселенскиот Патријарх и доделувањето на Томосот appeared first on Република.

Со мотор загина 67-годишен маж од кочанското село Чифлик.

Според информациите, утрово во 05,30 часот во СВР Штип е пријавено дека на патот од с.Чифлик кон манастир „Св.Богородица“ моторцикл „томос“, управуван од Б.С.(67) од с.Чифлик, кочанско излетал надвор од патот. Во несреќата на место на настанот починал Б.С.

Од екипа од итна медицинска помош констатирана е смрт. Увид на местото на настанот извршила екипа од Полициска станица Кочани.

The post Загина 67-годишен чифлижанец, итал на „томос“ кон манастирот Богородица appeared first on Република.

Универзитетскиот професор и поранешен директор на Комисијата за односи со верските заедници Цане Т. Мојаноски вели дека доколку се случи БПЦ да не ја признае афтокефалноста на МПЦ-ОА тоа нема да влијае на доделувањето на Томосот од страна на Вселенската патријаршија.

Ако ја погледнеме нивната практика дека се што е до 1944 година го присвојуваат како сопствен дел од историјата, такво поведение е можно. Но, што ќе значи за МПЦ-ОА ако една патријашија не ја прифаќа? Веројатно тоа прашање ќе стои отврено како што стои отворено прашањето за други православни цркви. Тоа нема да ја намали можноста МПЦ да е составен ден од православната екумена, да општи со неа. Во текот на јуни, нашиот архиепископ ќе богослужи на Фанар со вселенскиот патријарх. Да се надеваме дека таква заедничка литургија во иднина ќе стори и Бугарската православа црква, вели Мојаноски во интервју за Фокус.

Но, додава, без разлика на тоа каков ќе биде ставот на Бугарската православна црква, тоа нема да влијае на доделување на Томосот.

Тоа е прашање кое во јавноста создава забуни. Во православната црква долго време се заговараше идејата автокефалноста да се поврзува со консензусот на сите православни цркви. Тоа решение не стапи во сила што значи дека важечко правило е дека вселенскиот патријарх на основа на поднесокот, во случајот на СПЦ, дека ја поддржува и прифаќа автокефалноста на МПЦ-ОА ги известува другите помесни цркви. Тие потоа, секоја поединечно, ја вклучуваат таа црква во литургиите, вели Мојановски во интервјуто.

На прашањето зошто СПЦ одбра да ја признае МПЦ баш во овој момент, поранешниот претседател на Комисијата за односи со верските заедници објаснува дека има повеќе фактори.

Прво, во СПЦ се промени еден дел од црковната ерархија, која повеќе или помалку беше поддржувач и прифаќаше определени гледишта кои се поблиски до световните гледишта отколку до црковните. А, се однесуваа на пример, за стратегијата за српските земји која може да се препознае во некоја од доктрините кои се присутни меѓу балканските земји кои се нарекуваат големодржавни концепти. Таа беше во унисон во концептот на Руската православна црква чија доктрина се нарекува „Руски свет“, во која руската црква смета дека таа треба да го организира православниот живот на луѓето кои се блиску до руската култура и јазик. Второ, во овој период има значителен број поместување кои се случуваат на Балканот во последните десетина година. Тоа можете да го видите во однос на позиционирањето на земјите во однос на одделни организации и вредности како евроатланските интерграции, вели тој.

Според Мојаноски, клучниот фактор во целиот процес е иницијативата на вселенскиот патријарх да го отвори прашањето на МПЦ како резултанта на обраќањето на МПЦ-ОА и обраќањата на политичките водства на Македонија.

Катализатор на тоа прашање е одлуката на Вселенската патријаршија од 9 мај, кога таа се определува во апелациска постапката да ја симне шизмата и да ја прими во канонско единство, потенцира во интервјуто универзитетскиот професор и поранешен претседател на Комисијата за односи со верките заедници.

The post Мојаноски: МПЦ ќе го добие Томосот и ако БПЦ не ја признае appeared first on Република.

Српскиот патријарх Порфириј денеска му врачи акт на поглаварот на Македонската православна црква – Охридска архиепископија, г.г Стефан, со кој се потврдува одлуката на СПЦ, која беше објавена на 24 мај по сослужувањето на заедничка литургија во Соборниот храм во Скопје, со која СПЦ ја одобри и упати благослов за автокефалноста на МПЦ – ОА, ставајќи крај на 55-годишниот спор меѓу двете цркви.

-Денеска по благодата Божја имаме прилика да го овенчаме тоа што веќе постои меѓу нас, а тоа е единството, кое во еден период беше нарушено, но е воспоставено во духот на Црквата, а тоа е Македонската црква – Охридската архиепископоија дека има не само услови потребни да се организира во контекст на автокефална црква и дека тоа е најдобар можен начин и метод за животот на нашите православи браќа и сестри во Македонија. Затоа она што веќе го реализиравме преку служењето на литургија во Скопје, денеска чувствуваме и јавно пред сите да го објавиме документот, кој се нарекува томос, изјави Порфириј по денешната литургија во Белград.

Српскиот патријарх по литургијата во Скопје на 24 мај најави дека Светиот собор на СПЦ му дал должност на Синодот, во соработка со архиепископот Стефан и неговиот Синод, да разработат техничко-организациски детали, по што ќе следи свеченото прогласување на официјалниот акт, што се случи денеска.

На денешната архиерејска литургија во Белград во Соборниот храм на Свети Архангел Михаил служеа српскиот патријарх Порфириј и архиепископот на МПЦ –ОА г.г. Стефан, јави дописникот на МИА од Белград.

Со патријархот Порфириј, освен г.г. Стефан сослужуваа и митрополитите Преспанско-пелагониски Петар, Дебарско-кичевски Тимотеј, Повардарски Агатангел, Европски Пимен, Кумановско-осоговски Григориј, Високопреосветените епископи Зворничко-Тузлански Фотиј, Крушевачкиот Давид, Ремезијанскиот Стефан, Топличкиот Јеротеј, Западноевропскиот епископ Јустин и епископот јегарски архимандрит Нектариј.

Присуствуваат и Високопреосветениот митрополит тетовско-гостиварски г. Јосиф, Преосветениот епископ Хераклејски Климент, Неговото Високопреосвештенство Епископот бачки г. Иринеј, Неговото Високопреосвештенство епископот марчански г. Сава и Неговото Високопреосвештенство, пензионираниот епископ канадски г. Георгиј.

На заседанието на Светиот архиерејски синод на СПЦ во мај беше донесена едногласна одлука за прифаќање на автокефалноста на МПЦ. За таа одлука гласаа сите 42 епископи на СПЦ.

По заедничката литургија на МПЦ и СПЦ во Скопје, патријархот Порфириј ја соопшти одлуката на Соборот, кој „едногласно и еднодушно излезе во пресрет на барањата на Македонската православна црква – Охридска архиепископија“ и ја прифати нејзината автокефалност.

Патријархот потоа рече дека по „заедничкото извршување на техничките и организационите детали ќе бидат информирани сите други православни цркви кои ќе бидат поканети според својот канонски ред и поредок го прифатат автокефалниот статус на МПЦ-ОА “.

Со овој чин на СПЦ се отвори и процесот за стекнување на Томос за автокефалност, кој двете сестрински цркви очекуваат да биде доделен од страна на вселенскиот патријарх Вартоломеј.

Вселенскиот патријарх на 9 мај 2022 година објави одлука за враќање на нашата Црква во канонско единство со останатите православни цркви. Познато е дека вселенскиот патријарх Вартоломеј уште во февруари 2022 година испрати писмо до СПЦ со апел да го реши процесот со МПЦ-ОА.

Г. г. Стефан на заедничка литургија со патријархот Порфириј во Соборниот храм во Скопје обзнани дека Вселенската патријаршија ја прифатила молбата на МПЦ-ОА за сослужение што ќе се одржи во храмот во Фанар на роденденот Црквата, на празникот Педесетница (12 јуни).
Посетата на делегација на МПЦ-ОА во Белград повторно се случува без информирање на јавноста. А од литургијата неме официјален пренос.

The post Патријархот Порфириј му го предаде томосот на архиепископот на МПЦ г.г. Стефан appeared first on Република.

Позитивни сигнали пристигнаа од Цариград и од Москва по добиениот благослов од СПЦ за автокефален статус на МПЦ-ОА. За Вселенската патријаршија, отстранувањето на 55 годишната шизма е историски момент, а за РПЦ радосен настан што бил чекан многу години.

– Историски момент е што шизмата која траеше речиси шест децении, по иницијатива на Вселенската патријаршија, заврши, беше отстранета и влегуваме во нов период, оцени вселенскиот патријарх Вартоломеј.

Тој посочи дека уште пред одлуката на Вселенската патријаршија за прифаќање на Охридската архиепископија во канонска и евхаристиска заедница постоел дијалог меѓу црквите на Македонија и Србија.

– Во изминатиот период, пред нашата одлука, беше започнат дијалог со Црквата на Скопје, но нашата одлука ѝ олесни на Црквата на Србија и во четвртокот на 19 мај, неговото блаженство патријархот Порфириј, поглаварот на СПЦ го покани поглаварот на Охридската црква и имаа заедничка литургија во Белград. Ова нè исполнува со задоволство. Тоа е историски момент. Една шизма што траеше околу шест децении, по иницијатива на Вселенската патријаршија, заврши, беше отстранета и влегуваме во нов период. Оваа заедничка литургија на 19 мај, Србија ја нарече литургија за помирување и драго ни е за овие случувања, рече вселенскиот патријарх во интервју за грчката телевизија ЕРТ и изрази задоволство од последните случувања во црковното прашање.

Вартоломеј, како што јави дописничката на МИА од Атина, во интервјуто објаснува дека конкретното прашање со шизмата, многу години било во фокусот на Патријаршијата, а доста често доаѓале делегации од „Црквата на Македонија“ за консултации, но и барања од политичкото раководство.

Тој посочи дека по „апелациското прибегнување (еклитон) на таа црква кон мајката црква, која според одлуката на четвртиот екуменски собор на Халкидон го има ова неотуѓиво право да одлучува за такви случаи на највисоко ниво“, била отстранета шизмата.

– Врз оснава на овој еклитон ја отстранивме шизмата, прогласивме дека влегуваме во евхаристиска заедница со нив. Ја нарековме нивната црква Охридска архиепископија, го исклучивме терминот „македонска црква“ и било каков изведен збор од зборот „Македонија“. Ги ограничивме границите на јурисдикцијата во границите на територијата на Македонија, како што се вика денес и сите дополнителни административни прашања ѝ ги доделивме на Светата црква на Србија, со предуслов, овие останати работи да бидат врз основа на светоканонскиот чин и вековните пракси на целата православна црква, истакна вселенскиот патријарх.

Српската црква, според него, постапила правилно да се придружува кон одлуката на Вселенската патријаршија.

За Руската православна црква „признавањето на автокефалноста на Црквата во Македонија од страна на Српската православна црква“ е радосен настан, за кој се очекува да се разговара на следниот состанок на Светиот синод

The post Се очекува многу скоро Цариград да издаде томос за МПЦ под името Охридска архиепископија appeared first on Република.

Српскиот патријарх Порфириј вчера по сослужувањето на заедничка литургија со aрхиепископот охридски и македонски, г.г. Стефан во Соборниот храм во Скопје, ја одобри и упати благослов за афтокефалност на Македонската православна црква – Охридска архиепископија, ставајќи крај на 55-годишниот спор меѓу двете цркви. -Она што беше раздвоено од 1967 година Господ не удостои да биде исцелено, нагласи српскиот патријарх. Архиепископот г.г. Стефан, пак, по објавата за прифаќање на афтокефалноста од страна на Порфириј, рече: „Бог ни даде ден во кој дочекавме да ја слушнеме одамна посакуваната и очекувана вест“.

– Благодарение на вашите молитви воспоставивме единство, а сега браќа и сестри ви носиме уште една радост – Светиот архиерејски собор на Српската православна црква едногласно во пресрет на барањето на Македонската православна црква – Охридска архиепископија, Соборот на нашата црква ја благословува и одобрува афтокефалноста на МПЦ-ОА, рече српскиот патријарх Порфириј.

Тој додаде дека Светиот собор на СПЦ му дал должност на Синодот, во соработка со архиепископот Стефан и неговиот Синод, да разработат техничко-организациски детали, по што ќе следи свеченото прогласување на официјален акт.

Проценките се дека тоа може да се случи веќе на 12 јуни на Духовден на Педесетница празникот на црквата. На тој ден заеднички ќе сослужуваат Вселенскиот патријарх Вартоломеј и Архепископот Охридски г.г Стефан.

Српскиот патријархот Порфириј објасени дека тотогаш ќе бидат известени сите помесни православни цркви по својот каконски ред и тие да го прифатат афтокефалниот статус на МПЦ-ОА.

– Денес да се радуваме бидејќи денеска се радува целата црвка, се радуваат небото и земјата кога браќата се сакаат, кога го слават името на Господ, да се радуваме што по 55 години служевме света литургија прво во Белград, па во Скопје, два пати за само неколку дена, нагласи српскиот патријарх.

Господ не поставил граници народот да се дели, продолжи во обраќањето патријархот Порфириј, туку границите значат можност секој народ подобро да се организира како свој посебен печат, посебни дарови што ги добил од Бога, ги умножувал, ја создал различноста и на секој му дал со свој личен печат да биде збогатен со другите, за да тогаш во заедница и убавина на сите народи сите да бидат едно.

– Во едно сме единствени, во Христа сме едно, и навистина браќа и сестри, еден е Господ и една е црквата негова, една е верата наша и љубовта наша и затоа денеска неописливо се радуваме, бидејќи пред наши очи се случува чудо и ние сме дел сме од тоа чудо, учесници на тоа чудо. Она што беше раздвоено од 1967 година Господ не удостои да биде исцелено, нагласи српскиот патријарх.

Пред неколку дена во Белград, денеска во Скопје служевме света литургија, повтори патријархот Порфириј и во Белград каде што имаше повеќе илјада луѓе и овде каде што сме собрани денеска видов радост, љубов во очите на сите нас, гледам обврска задача и порака на нас архиереите, а тоа е дека вашата љубов и вашите молитиви во Белград и овде го надминаа искушението и овозможија Господ да направи чудо.

– Да покаже дека разбираме дека сме едно, дека не можеме едни без други, дека сме едно тело, дека Христос е нашата нашата мерка и оти неговите заповеди се закон по кој сакаме да живееме. Дека тој е алфа и омега на нашето постоење и во историјата и во вечноста, додаде српскиот патријарх Порфириј.

По објавувањето на радосната вест од страна на патријархот Порфириј, следеше долг и громогласен аплауз од верниците кои се наоѓаат во и околу Соборниот храм „Свети Климент Охридски“.

Г.г. Стефан на заедничка литургија на МПЦ-ОА и СПЦ во Соборниот храм рече дека нашето благодарствено писмо и нашата молба за сослужение е прифатена и на роденденот на Црквата, на Педесетница, ќе сослужуваме во храмот на Вселенската Патријаршија во Фанар.

– Еве, и во навечерието на ова торжество на љубовта, ни пристигна уште една радост – блага вест од Царицата на градовите – Константиновиот град: примено е нашето благодарствено писмо и нашата молба за сослужение е прифатена – па на роденденот на Црквата, на Педесетница, ќе сослужуваме во храмот на Вселенската Патријаршија во Фанар, истакна Архиепископот Охридски и Македонски г.г. Стефан.

Овој денешен свет ден, како што рече тој, е и бањата Витезда, зашто ни пристапи човек – таткото на православните, Неговата Сесветост Вселенскиот Патријарх г. г. Вартоломеј, кој нè спушти во водата, бидејќи не 38, туку 55 години седевме чекајќи во тремот и не наоѓајќи некој да се погрижи за нас!

– Потоа ни пристапи и друг човек, нашиот собрат и денешен сослужител, да нè пресретне здрави и исцелени и срдечно да нè прегрне – и да нè испрати при првосвештеникот за да го потврди нашето исцеление, како што слепиот беше пратен во бањата Силоам, додаде г.г. Стефан.

Архиепископот охридски и македонски посочи дека и нашата 80-годишна заложба за самостојна Црква никогаш немала и нема за цел да нè оддели од Телото Христово, туку да ни дозволи и ние, подобно на другите православни народи, слободно да можеме да ја извршуваме својата мисија меѓу својот народ, овде, во Татковината и насекаде по светот, до каде што нѐ има.

– Овој историски период кој сите ние го минуваме е празник за сите христијани во Македонија, без разлика на национално потекло, кои се внуци на оние што сонуваа да ја видат обновена својата Охридска Архиепископија, да ја видат автокефална или се правнуци на сите оние кои некогаш живееле обединети под едниот омофор на Охридскиот Архиепископ. Тие наши предци сега од небесната Црква се радуваат заедно со нас, гледајќи ги нашата радост и нашето единство, нагласи г.г. Стефан.

Тој потсети дека неодамна во Светосавскиот храм во Белград се случи братското помирување, кое произлезе од мајчинската иницијатива на Мајката Црква – Вселенската Патријаршија и на Неговата Сесветост.

The post Дали Царигардската патријаршија ќе и го додели томосот на МПЦ веќе на 12 јуни? appeared first on Република.

Потегот на СПЦ со благослов да ја одбори автокефалноста на МПЦ-ОА, е очекуван, вели за Телма поранешниот претседател на комисијата за односи со верските заедници, Цане Мојановски.

Според него, најоптимистички прогнози се дека македонската црква, томосот може да го добие уште на почетокот на јуни за време на заедничкото сослужување со патријархот Вартоломеј.

The post Мојановски: Томосот МПЦ може да го добие до крајот на јуни appeared first on Република.

Патријархот Порфириј на заедничката литургија во Соборниот храм во Скопје упати Томос за афтокефалност во Вселенската патријаршија на Македонската православна црква – Охридска архиепископија.

Благодарение на вашите молитви воспоставивме единство, а сега браќа и сестри ви носиме уште една радост – Светиот архиерејски собор на Српската православна црква едногласно во пресрет на барањето на Македонската православна црква – Охридска архиепископија, Соборот на нашата црква ја благословува и одобрува афтокефалноста на МПЦ-ОА, рече српскиот патријарх Порфириј.

Тој додаде дека Светиот собор на СПЦ ставил на должност на Синодот во соработка со архиеписопот Стефан и неговиот Синод, да разработат техничко-организациски детали, по што ќе следи свеченото прогласување на официјален акт.

Потоа ќе бидат известени сите помесни православни цркви по својот каконски ред и тие да го прифатат афтокефалниот статус на МПЦ-ОА, рече патријархот Порфириј. 

The post Патријархот Порфириј објави: Соборот на СПЦ прифаќа и признава автокефалност на МПЦ-ОА appeared first on Република.

Претседателот Стево Пендаровски упати писмо до Неговата Сесветост Вартоломеј, Архиепископ Цариградски – Нов Рим и Вселенски Патријарх, по повод признавањето на каноничноста на нашата Црква од страна на Вселенската патријаршија.

Во писмото претседателот Пендаровски оценува дека со примањето на нашата Црква во канонско единство и во евхаристиско општење е исправена историската неправда нанесена врз Црквата и нејзините верници. Претседателот Пендаровски изрази надеж и очекување за скорешно конечно решавање на административниот статус на Нашата црква преку доделување на Томос за автокефалност од страна на Вселенската патријаршија, истакнувајќи дека целосното заокружување на автокефалноста на Нашата црква е од врвен национален интерес, бидејќи отвора можност за нов и необременет духовен раст на Охридската Архиепископија и напредок и помирување во македонското општество.

Во продолжение го проследуваме интегралниот текст од писмото на претседателот Пендаровски до Вселенскиот Патријарх Вартоломеј.

Ваша Сесветост,

Со големо задоволство ја примив веста за историската одлука од 9 мај 2022 година на Светиот и Севишен Синод на Вселенската Патријаршија. Примајќи ја нашата Црква во канонско единство и во евхаристиско општење, Вие ја исправате историската неправда нанесена врз Црквата и нејзините верници и ги исцелувате длабоките рани предизвикани од децениската изолација. Особено важно е што на нашата Црква и го признавате и нејзиниот историски континуитет со древната Охридска Архиепископија која низ вековите била прибежиште и извор на духовна сила и надеж за православните верници.

Вашата Сесветост ужива голем углед и почит кај огромното мнозинство  македонски граѓани, независно од нивната етничка, верска, политичка и генерациска припадност. Со овој праведен и мудар чекор вие ја оправдувате надежта на моите сограѓани од православна христијанска вероисповед дека токму Вселенската Патријаршија може да и помогне на нашата Црква конечно да го завземе своето вистинско место во православниот свет. И со тоа, да ги избришете вештачки создадените поделби и да го отворите просторот за градење на духовно единство на православните верници.

Во овој клучен период, навремените одлуки на Вселенската Патријаршија можат решавачки да влијаат на духовниот идентитет на сегашните и идни генерации, а со тоа и на духовниот и општествен амбиент во Република Македонија. Оттука, не е сеедно дали нашето единство со православниот свет ќе се темели врз живата реалност на нашата Црква, или врз анахрони решенија, наметнати од надвор кои се спротивни на волјата на бројните верници.

Имајќи го предвид историското и канонско право на Вселенската Патријаршија, заедно со моите сограѓани од православна вероисповед искрено се надевам и го очекувам скорото конечно решавање на административниот статус на Нашата црква преку доделување на Томос за автокефалност од Ваша страна. Целосното заокружување на автокефалноста на Нашата црква е од врвен национален интерес за нас бидејќи отвора можност за нов и необременет духовен раст на Охридската Архиепископија и напредок и помирување во македонското општество.

На крај, Ваша Сесветост, ја користам оваа прилика Вам и на Светиот и Севишен Синод на Вселенската Патријаршија да ви ги пренесам изразите на моето највисоко почитување.

The post Пендаровски од Вселенскиот патријарх Вартоломеј побара томос за автокефалност на Охридската Архиепископија appeared first on Република.

Томосот на Вселенската патријаршија со кој Обединетата СПЦ на Кралството СХС од 1922 година добила самостојност чинел 1,5 милини француски франци. Тоа бил вториот томос, додека првиот датира од 1879 година кога била формирана српската држава.

И врз основа на вториот томос сега СПЦ и МПЦ-ОА треба да ги продолжат разговорите околу статусот на Охридската архиепископија, по нејзиното признавање од страна на Вселенската патријаршија.

Белградскиот весник „Време“ од 3 јануари 1922 година, објавува текст со наслов „Прашањето на нашата Патријаршија“ во кој меѓу другото пишува:

По ослободувањето и обединувањето, една од најприродните потреби била обединувањето на српската црква и нејзино прогласување за автокефална патријаршија. Познато е дека во тој поглед биле водени преговори со Вселенската патријаршија во Цариград и дека нашиот тамошен преговарач, г.Панта Гавриловиќ, во свое време веќе дошол до спогодба. Во замена за некои 1 ипол милион француски франци, царигардската патријаршија се согласила да ја признае нашата автокефална обединета црква на чело со својот патријарх. Оваа трансакција, иако во црковните работи изгледа малку недолична, била неопходно нужна, главно со оглед на нашите сојузници во Јужна Србија каде влијанието на цариградската патријаршија се уште е многу силно и каде нерасположението кон нас или анатемата би можеле да бидат многу штетни. Значи, преговорите се завршени, но во Цариград се уште не паднало дефинитивното признавање на нашата патријаршија. „Томосот“, со кој се врши признавање се уште не му е издаден на нашиот Архиерејски собор…“.

А, причината за неиздавањето на Томосот била таа што починал дотогашниот патријарх во Цариград и изборот на нов. За нов патријарх, во меѓувреме, бил избран Мелетиј Метаксакис.

Во Службениот весник на Обединетата Српска православна црква „Гласник“, од 14 јули 1920 година, бил објавен декретот на кралот Александар Караѓорѓевиќ во кој стоело:

Во името на Неговото величество Петар I според милоста Божја и народната волја, кралот на Србите, Хрватите и Словенците, ние, Александар наследникот на престолот-на предлог на застапникот на нашиот министер за верата, на нашиот министер за образование, а по сослушувањето на Министерскиот совет и согласно одлуката на соборот на сите српски православни архиереји од Кралството на Србите, Хрватите и Словенците од 13/26 мај 1919 година, одлучивме и го прогласуваме: Обединувањето на сите православни црковни области во Кралството на Србите, Хрватите и Словенците, а имено: Архиепископијата белградска и Митрополиите на Србија, Архиепископијата Карловачка и Митрополиите српски со далматинските епископии далматинско-истранска и бокакоторската, Архиепископијата Цетинска и Митрополиите на Црна Гора, Брдо и Приморјето, Митрополијата Скопска, Рашко-призренската, Велешко-дебарската, Пелагониската, Преспанско-охридската, Струмичката, еден дел од Митрополијата Воденска, Епископијата Полеанска, Митрополиите на Босна и Херцеговина-Дабро-босанската, Херцеговско-захумската, Зворничко-тузланската, Бањалучко-бихаќката-во една Автокефална Обединета српска православна црква на Кралството на Србите, Хрватите и Словенците. Застапникот на нашиот Министер за верата, нашиот Министер за образование да го изврши овој Указ.

Александар с.р.

Конечно, Обединетата српска православна црква на Кралството на Србите, Хрватите и Словенците го добила Томосот на Вселенската патријаршија на 19 февруари 1922 година. Во него, пак, меѓу другото стои:

Уредувајќи и правејќи се како што треба, а заради надградување, Светата Црква смета дека и ова е својствено за доброто уредување и канонскиот поредок, да ги подесува и уредува границите на црковната управа според политичките промени што се случуваат, доколку тоа е дозволено со светите црковни закони, за управувањето со црковните работи да се врши без потешкотии и целисходно и од тоа да произлезе поголема полза за христоимениот народ.

Според тоа и во поглед на Богоспасеното Кралство на Србија, со оглед на тоа што тоа по бившите балкански војни од 1912 и 1913 година и доскорешната голема светска војна е проширено и зголемено и подигнато во едно обединето Кралство на СХС според милоста и благословот Божји, во своите граници ги оипфати епархиите кои до скоро биле под канонска управа на Патријаршискиот Вселенски Престол и тоа митрополиите:Скопската, Рашко-призренската, Велешко-дебарската, Пелагониската, Преспанско-охридската и дел од митрополијата Воденска, Епископијата Полијанска, врз основа на Букурешкиот договор од 10 август 1913г.; Митрополијата Струмичка врз основа на Нејскиот договор од 27 ноември 1919 година; а врз основа на договорот со Австрија потпишан во Сен-Жермен во Лајн од 10 септември 1919 година Митрополиите во Босна и Херцеговина: Босанската, Херцеговската, Зворничката и Бањалучко-бихаќската. Покрај тоа во границите на ова обединето Кралство на СХС влегле и Автокефалните Православни Цркви: Карловачката и Црногорската, како и две далматински епархии: Задарската и Бокакоторската; а со заедничка одлука на претседателите на овие цркви собрани на Собор прогласено е нивно управно единство со Српската Црква во една автокефална црква под името „Автокефална Обединета Пра вославна Српска Црква на Кралството на СХС“. Заради тоа нашата Христова Црква на молба на црквата и на владата на Кралството на СХС, имајќи ги предвид канонството и оправданоста на црковното обединување во една целина на оние црковни области, кои се веќе политички обединети, заради конечно единство и хармонија во управата, според правилото на Оците кое вели дека: „епископите на секој народ треба да го признаат првиот меѓу себе и него да го сметаат за глава“, и заради поголема и општа полза на обединетите области кои ги имаат од единството, со едногласна одлука, што е донесена на седница на Светиот Синод под претседателство на Нашата Смерпост, одлучува и го утврдува следното: го одобрува и го благословува црковното ослободување и присоединуваето кон Автокефалната Обединета Православна Српска Црква на оние епархии кои до скоро биле под негова управа и кои се погоре споменати.  Признавајќи го, пак, прогласеното единство на автокефалните цркви: Српската, Црногорската и Карловачката, како и двете далматински епрхии ја прима од сите формираната Света Автокефална Обединета Православна Српска Црква како сестра во Христа, која ги има и ужива сите права на автокефалност, според прописите и редот на Света Православна Црква…“.

Извор: Пресинг.тв

The post Томосот на Обединетата СПЦ на Кралството СХС чинел 1,5 милиони француски франци appeared first on Република.