Томислав Тунтев добива висока позиција во ТАВ. Според информации до кои дојде Република, по напуштањето директорска позиција во агенцијата за цивилно воздухопловство Тунтев се враќа на работна позиција главен советник на генералниот директор на ТАВ Македонија, Неџат Курт.

Некои медиуми објавија дека Тунтев се враќа во ТАВ Аеродром Охрид, како советник на директорот, но извори на Република тврдат дека тој добива повисока позиција, односно станува советник на генералниот директор,Курт.

Неговата оставка доаѓа непосредно пред промената на власта. Додека се конституира новата влада, предводена од ВМРО-ДПМНЕ, кадрите на СДСМ бараат спас. Дали ТАВ ги презема кадрите на СДСМ?!

The post Дали ТАВ ги презема кадрите на СДСМ?! Тунтев станува главен советник на генералниот директор appeared first on Република.

Директорот на Агенцијата за цивилно воздухопловство (АЦВ) Томислав Тунтев поднел оставка од функцијата од лични причини уште на 27 мај годинава.

Управниот Одбор на Агенцијата за цивилно воздухопловство на седницата одржана на 30 мај, во согласност со законските прописи, ја констатираше поднесената оставка и донесе одлука за разрешување од функцијата директор на АЦВ, на мое барање. Со тоа, на 31 мај престана мојот работен однос во АЦВ. Во согласност со законските одредби, на работа се враќам во аеродромскиот оператор ТАВ Македонија, каде што досега мируваше мојот работниот однос – вели Тунтев.

Тунтев беше директор на Агенцијата за цивилно воздухопловство пет и пол години, од 2019 досега.

The post Томислав Тунтев поднел оставка од директор во Агенцијата за цивилно воздухопловство appeared first on Република.

Стапија во сила новите законски одредби од областа на воздухопловството кои овозможуваат целосно транспонирање на новата регулатива на Европската Унија од областа на воздушниот сообраќај. Надлежноста, активностите и организацијата околу трагање и спасување во воздухопловството преминуваат во Центарот за управување со кризи (ЦУК), хеликоптерите од МВР се враќаат во цивилниот регистар на воздухоплови во АЦВ, а се предвидува уште еден независен извор на финансирање на цивилните воздухопловни власти.

Директорот на АЦВ, Томислав Тунтев, во разговор за МИА објаснува дека легислативните промени и нови решенија се во насока на унапредување на условите за развој на воздухопловните активности.

Европската воздухопловна регулатива ја креира ЕАСА (ЕАЅА) - Агенцијата на ЕУ за безбедност во воздушниот сообраќај, со која нашата држава во 2013 година има потпишано посебен работен аранжман - билатерален договор, и на тој начин сме се обврзале дека ќе ги имплементираме сите европски регулативи во нашето законодавство. Таквата обврска произлегува и од Договорот за формирање на европска заедничка воздухопловна област, што Македонија го потпиша со Европската Унија во 2006 година. Новиот закон за воздухопловство претставува чекор напред во создавање на услови и можности за побрза, полесна и поефикасна транспозиција на европското воздухопловно законодавство, објаснува Тунтев.

Како што укажува тој, ЦУК ја презема оперативата околу трагање и спасување во воздухопловството.

На тој начин се прави јасна и прецизна дистинкција во надлежностите за Потрага и спасување (S&R - Search and Rescue) во воздушниот сообраќај - надзорот останува во рамки на АЦВ, додека оперативата преминува во ЦУК. Таквата поделба на надлежностите овозможува превенција и спречување на евентуален конфликт на интереси во областа на трагањето и спасувањето на воздухоплови и луѓе во вонредни околности, укажува директорот на АЦВ.

Со новиот закон, хеликоптерите од МВР се враќаат во цивилниот регистар на воздухоплови во АЦВ. По повеќегодишна посебна интерна организација, регистрирање и одржување, сертификација на полициските хеликоптери повторно е во надлежност на АЦВ.

Тунтев појаснува дека за таа цел во изминатиот период биле преземени повеќе заеднички активности во МВР и АЦВ, околу конверзија на полициските пилотски дозволи во цивилни, како и инспекциски надзори за сертификација на воздухопловите.

Законот предвидува и дополнителен начин на финансирање на АЦВ, односно уште еден независен извор на финансирање на цивилните воздухопловни власти. Тоа се однесува на реализација на надзорните активности на АЦВ врз аеродромскиот оператор и превозниците, како субјекти на националната авиоиндустрија.

Законските одредби предвидуваат надомест во вредност до едно евро за секој заминат патник од македонските аеродроми. На тој начин ќе се намали доминантното учество на надоместоците од прелети во финансирањето на националното регулаторно и надзорно тело, со што ќе бидат ослободени дополнителни средства за развој на воздухопловните активности и системи во државата. Ваквиот модел, на комбинирано финансирање на цивилните воздухопловни власти од повеќе независни извори, се применува во голем број европски држави, затоа што овозможува посоодветна распределба на надоместоците за надзорните активности на националниот регулатор, објаснува Тунтев.

Новиот закон предвидува и изработка и имплементација на Национален план за спречување на несакано излетување и неовластено влегување на воздухопловите (aircraft excursion and incursion) на маневарските површини на аеродромите.  Планот треба да придонесе  за значајно унапредување на безбедноста на воздушниот сообраќај на македонските аеродроми, затоа што, според АЦВ, претставува основа за превенција од инциденти, сериозни инциденти или несреќи на воздухоплови на полетно-слетната патека и другите маневарски површини на аеродромите.

The post Промени кај оперативата при воздухопловни несреќи, хеликоптерите на МВР се враќаат во цивилниот регистар appeared first on Република.

Дезинформација е дека поранешниот претседател на Казахстан, Нурсултан Назарбаев избегал со авион што во Бишкек, Киргистан слетал од Македонија, велат за МИА од МВР. Директорот на АЦВ Томислам Тунтев за МИА, пак, изјави дека на 7 јануари имало лет од Скопје за аеродромот Манас во Бишкек, при што авионот дошол од Истанбул и заминал за Бишкек.

Тој појасни дека станува збор за најавен и одобрен бизнис лет со авион од типот „бомбардиер глобал експрес“ од турски оператор што ги исполнува сите услови и барања, односно што ја доставил целокупната потребна документација за да добие одобрение од македонските воздухопловни власти.

Руската агенција РИА Новости вчера пренесе вест на локалните медиуми во Казахстан дека два приватни авиона, наводно на семејеството Назарбаев, слетале на аеродромот „Манас“, во главниот град на Киргистан, Бишкек, од кои едниот бил од Македонија.

https://republika.mk/vesti/svet/so-avion-od-makedonija-prebegalo-semejstvoto-na-kazahstanskiot-pretsedatel/

The post Имало бизнис лет, но не бегало семејството Назарбаев, вели Тунтев од АЦВ appeared first on Република.