Слоганот „Тој доаѓа„ ќе стане „Тој заминува“, ако продолжат ДУИ да ги потценуваат Албанците, му порачаа алтернативците на Али Ахмети, откако синоќа ги повика сите да се обединат во заеднички „Фронт за Европа„.

Велат дека се подготвени да бидат олеснувачи за окрупнување и обединување на општествените сили кои се подготвени конечно да се пресметаат со династијата на ДУИ која прави скапи приватни забави за задушување на внатрепартискиот револт.

И предводникот на „огнената група“ од ДУИ, Изет Меџити, изјави дека е изненаден од пораките на Ахмети, кој рече дека „ДУИ е незапирлив ураган што може да ги збрише сите кои ќе се обидат да ја спречат нивната мисија„.

Вели дека тој такви пораки не им испраќал ниту на најлутите непријатели, а камоли на синовите кои му служеле 20 години.

The post Алтернатива: „Тој доаѓа“ ќе стане „Тој заминува“ appeared first on Република.

За кампањата на ДУИ со слоганот „Тој доаѓа“ Изет Меџити од Тетово порача дека е резултат на паника во партијата, затоа што митинзите на незадоволните се многу посетени, па на тој начин сакаат да ја сензибилизираат јавноста, објави ТВ Телма. Додаде дека со кампањата Груби си поигрува со авторитетот на претседателот на партијата.

Незадоволните членови на ДУИ започнува со онлајн петиција за разрешување на Артан Груби и на владини министри. Изет Меџити вели дека ќе ги искористат сите демократски средства за да се слушне гласот на народот, не потенцирајќи што понатаму со ваквата петиција.

Денеска е петиција. Утре и задутре сигурно ќе има и други механизми, демократски. Ние сме искусни во политиката, секој ден сме со граѓаните и ќе најдеме начин да победиме и овојпат. Прво рекоа дека само двајца-тројца се незадоволни, после излезе само во Чаир и Сарај. Сега гледаме дека и во Тетово и сегде луѓето, гласачите, структурата се незадоволни од владеењето на Груби и другите, изјави изјава Изет Меџити, ДУИ.

The post Kампањата на ДУИ со слоганот „Тој доаѓа“ е резултат на паника во партијата, вели Меџити appeared first on Република.

Министерот за надворешни работи и член на Претседателството на ДУИ Бујар Османи вели дека новата кампања на ДУИ насловена „Тој доаѓа“ не се однесува на избори и најавува дека наредните денови ќе се знае што точно значи оваа кампања.

Во изјава за Канал 5 телевизија, Османи вели дека предвремени парламентарни избори нема да има и дека Владата е стабилна, а коалицијата има зголемено мнозинство.

– Избори ќе има редовни, некаде април – мај 2024 година. Ова кампања не се однесува на избори. Не се однесува на премиер Албанец, туку е сосема друга кампања којашто наредните денови веројатно ќе се открие – вели Османи.

Прашањето за изборите, според Османи, е тема која ќе стане актуелна следната година, а она на што сега треба да биде ставен фокусот се економската стабилизација, уставните измени и продолжувањето на европскиот пат на државата.

Во однос на информациите за можен напад врз делегацијата на ОБСЕ при посетата на Молдавија предводена токму од него, Османи рече дека нема поптврда за такво нешто.

– Веројатно има обид за издигнување на некој наратив на меѓународно ниво, бидејќи ОБСЕ и претседавачот на оваа Организација сепак е профил кој што може да ја издигне било која тема и било која нарација на меѓународно ниво. Во текот на посетата немавме никакви индикации за такво нешто- нагласи Османи.

The post „Тој доаѓа“ на ДУИ не се однесува на избори, загатката ќе биде одговорена деновиве appeared first on Република.