Потпретседателот на ВМРО-ДПМНЕ, Александар Николоски во емисијата „Заспиј ако можеш“ ги прокоментира информациите дека владата во Македонија била создавана под влијание на албански и косовски политичари и истакна дека во нормални услови ова е мешање во внатрешните работи во државата.

За жал ова во овие услови тоа не може да се дефинира како класично мешање во внатрешните работи на Република Македонија, од проста причина што мешањето е на барање на премиерот. Интервенцијата и на Еди Рама и на семејството на Јашари, било на барања и на тогашниот и на барање на идниот премиер. Значи Зоран Заев и Димитар Ковачевски се јавувале кај Еди Рама да го молат да се јавува кај албанските политички партии во Македонија се со цел тие да ја поддржат владата на СДСМ и таа влада да не падне. Истото го правеле и во Косово, што значи дека толку ја понижија македонската држава и македонскиот народ, што самите бараат да има мешање во внатрешните работи на Македонија, посочи Николоски.

Тој истакна дека на следните парламентарни избори потребна е масовна, референдумска поддршка на ВМРО-ДПМНЕ, за да нема уцени од никого.

Кога ќе се промени власта Еди Рама ќе може да сонува да се меша во Македонија и да составува влада. Тој филм после промената на власта, ни Рама, ни некој од Косово, ни било кој од соседството, нема да го гледа. Не планираме ни ние да им се мешаме на нив, но исто така нема да дозволиме да ни се мешаат во внатрешните работи, заклучи Николоски.

The post „Се јавувале да го молат“: Мешањето на Еди Рама и на семејството на Јашари било на барање на Заев и Ковачевски appeared first on Република.

Пиунот Димитар Ковачевски ја пофали тиранската средба, а со тоа потврди дека оваа средба е на негово барање за спас на неговата и кариерата на Али Ахмети.Наместо осуда за тоа што националните интереси се дискутираат во други држави, Ковачевски со ловорики зборуваше за тиранската средба, велат од ВМРО-ДПМНЕ.

Но, граѓаните бараат одговори. Што е договорено на оваа средба и какви отстапки ќе прифати Ковачевски се со цел да си ја задржи фотелјата на Илинденска.

Дали Ковачевски треба да прифати нови предавства на штета на националните интереси, или на оваа средба Али Ахмети и Еди Рама му испорачаа нови бизнис интереси кои пиунот Ковачевски беспоговорно ќе мора да ги прифати.

Димитар Ковачевски и СДС мора да одговорат каква агенда и план разработен на оваа средба добиле на маса за продолжување на агонијата и тонењето на Македонија?

Овие средби кои се организираат Ковачевски и Ахмети немаат никаква врска со положбата на Албанците во Македонија, туку само и само за криминалните интереси и богатење на поединци од власта на СДС и ДУИ.

Свесни се Димитар Ковачевски и Али Ахмети дека секој ден се повеќе ја губат довербата од граѓаните, па затоа се решени да направат се само да купат ден повеќе на политичката сцена.

Граѓаните не заслужуваат повеќе предавства од страна на оваа антидржавна власт на СДС и ДУИ, и за тоа ќе доживеат дебакл на следните предвремени парламентарни избори.

The post ВМРО-ДПМНЕ бара Ковачевски да одговори какви барања доби од тиранската средба appeared first on Република.

Ковачевски ги потврди нашите сомневања, средбата во Тирана е со цел спасување на неговата политичка кариера и кариерата на Али Ахмети.

Вчера Димитар Ковачевски ја пофали средбата во Тирана, но не и соопшти на јавноста што се доби на маса за спас на владата.

Јасно е дека средбата во Тирана не беше само за новогодишен ручек, туку за спас на владината коалиција на СДС и ДУИ.

Дали Ковачевски треба да прифати нови национални предавства, или пак на маса му се ставени нови бизнис интереси на ДУИ?Нека се охрабри пиунот Димитар Ковачевски и нека каже што задачи доби од Али Ахмети и Еди Рама, бара ВМРО-ДПМНЕ.

Пиунот Ковачевски ќе прифати се што ќе му дадат, знаејќи дека неговиот рејтинг се движи во статистичка грешка и граѓаните секој ден се помалку и веруваат на оваа влада.

Доколку СДС и ДУИ сметаат дека се што прават е за доброто на граѓаните, наместо средби во други држави, нека се охрабрат и нека закажат средба со граѓаните на предвремени парламентарни избори.

Само договор со граѓаните е за доброто на државата, ама после сите предавства и криминали кои ги направија, свесни се дека граѓаните ќе ги казнат за сите национални разнебитувања.

The post Ковачевски ја пофали средбата кај Рама, но не откри какви услови доби? appeared first on Република.

Петар Поп Арсов

Се сретнаа во Тирана!

Разговараа за европската иднина на Македонија? Застанаа цврсто во борбата против криминалот и корупцијата, особено на оној криминал и онаа корупција присутна во највисоките ешалони на власта? Истата власт во која учествуваат дваесет години! Темелно расправаа за енергетската криза, скапотијата, осиромашувањето и бесперспективноста на македонските граѓани кои спасот го бараат во бегство од државата со која владеат, односно учествуваат во власта веќе дваесет години?

Отворено стана збор за надминување на проблемите во образованието, проблемите со печатењето на учебниците, сведителствата и останатите материјали кои се печатат во компанија избрана од Министерството за образование со кое раководи министер од ДУИ? Дискутираа за зголемување на ефикасноста и квалитетот на услугите на државната администрација и како за почеток „административците“ да почнат да одат на работа... и да работат нешто... таму... ако не е проблем?!

Усвоија дури и заклучок дека ќе побараат промена на Уставот заради воспоставување на „Бадинтер“ во општините под нивна контрола и стопирање на праксата на мајоризација над Македонците?

Разговараа како правно и со правда да се затвори случајот со палењето на тетовската болница и никогаш да не се повтори такво нешто? Разменија предлози и решенија за спречување на праксата да се пуштаат во сообраќај технички неисправни автобуси за веќе да не се палат и излетуваат од патиштата предизвикувајќи огромни човечки жртви?

Се надевам дека уште од првата реченица беше сфатена иронијата на текстот без да предизвика чувство на мачнина и негодување заради неговата небулозна содржина доколку истиот имаше сериозен контекст.

Секако дека не разговарале за споменатите теми! Тоа се теми за разговор на сериозни и посветени политичари, лојални на сопствената држава! Теми кои ги засегаат сите граѓани, вклучително и оние кои гласаат за нив. Изјавите дека средбата била неформална, пријателска, братска или тоа дека се разговарало за европската иднина на Македонија и Албанија се обични лаги кои го зајакнуваат впечатокот дека оваа гарнитура на политички лидери на албанската заедница е далеку од декларативните заложби за соживот или едно општество за сите. Тоа е гарнитура заглавена во ретрополитиките. Гарнитура која ја интересира само остварувањето на тесните „племенски интереси“. Така беа и свикани во Тирана, како поглавици на посебни племиња кои треба да се помират меѓу себе, да му го испушат лулето на мирот што им го понуди Рама и да се договорат како ќе делуваат понатаму. Отчетност пред македонската држава и јавност, нула!

Без разлика на тоа што се разговарало на средбата, било тоа суштинско или нешто сосема неважно, симболиката на пораката која што е испратена е исклучително сериозна. Сериозна е затоа што доаѓа пет години после онаа првата средба од која произлезе „Платформата на тиранијата на малцинствата“. Средба која што се случува и покрај фактот што во меѓувреме Заев и Ковачевски ги прифатија и имплементираа сите компоненти на оваа платформа. Порака која вели дека комуњарските премиери се поставуваат, опстојуваат или паѓаат од власт во Тирана, кај Рама. Каква е одлуката на Рама за Ковачевски, „прајминистерот на фјучр Вест Булгариа“, ќе видиме во следниот период од потезите кои што ќе бидат повлечени од партиските поглавици што беа на средбата?!

Зошто беше средбата во Тирана?

Првото нешто кое што паѓа на памет е заради бетонирање на ставот за поддршка на уставните измени со цел внесување на Бугарите во Уставот? Зарем само заради Бугарите би оделе во Тирана? Такво нешто во нормални околности ќе беше средено тука во Скопје, дури и со посредство на дипломати со ниво пониско од нивото на еден амбасадор. Толку се посветени и издресирани да воопшто ќе немаше потреба од дополнителен напор од амбасадорите на земјите со особен авторитет во Македонија. Под поимот авторитет не го подразбирам македонското туку англиското значење на овој збор, па кој како сака нека си го сфати.

Зошто тоа не се случи во Скопје? Има ли ерозија во авторитетот на стратешките партнери во редовите на политичките претставници на албанската заедница предизвикана од геополитичките придвижувања?

БЕСА дефинитивно е доказ дека има, особено ако се знае дека симпатиите на Анкара кон оваа партија беа нескриени и сосема отворени во времето на нејзиното формирање. Ако неодењето на претставник на БЕСА на средбата во Тирана го доведеме во некаква далечна врска со турската блокада на проширувањето на НАТО со Шведска и Финска, ќе заклучиме дека и тука веќе нешто сериозно „смрди“ благодарение на геополитиката и геополитичките интереси. Згора на тоа, ако во истиот контекст ја ставиме и посетата на претставникот на рускиот патријарх Кирил на МПЦ, која се случува во истиов период, пак ќе заклучиме дека Македонија станува сериозен полигон за пресметка на секој со секого и секој против секого, особено внатре во самото НАТО и на НАТО кон надвор.

И во Бугарија го гледаме овој судир на секој против секого и секој со секого при што земјата долго време е полигон на сериозни геополитички пресметки, демек заради Македонија. Таму одамна е загубена доминацијата на западниот авторитет и она што го гледаме во моментов е некој вид на хибридна пресметка која засега се случува во политичкиот ринг. Бугарите самите се виновни за состојбата во која се наоѓаат и после многу избори и обиди за формирање на стабилна влада сè уште се заглавени во македонската кал. Да беа малку посилни и помудри навреме ќе одолееа на сите предизвици и замки во кои упаднаа и не вовлекоа и нас.

Тука би го додале и неконтролираното однесување на косовскиот премиер Курти кој постојано провоцира тензии и судир, нешто кое што во моментов воопшто не им е од интерес на САД и НАТО овде на Балканот. Неговата игра по жица создава несигурност кај стратешкиот партнер. Оваа несигурност веќе се чувствува и во Македонија за што доказ е потребата од Еди Рама и неговата интервенција во процесот на зачувување на сите овци на број.

Од тие причини, средбата во Тирана треба да се гледа како нешто многу повеќе од една лидерска средба на политичарите Албанци од Македонија. Тоа е средба од дефанзивен карактер за крупните играчи, но со офанзивни намери на ситните донесувачи на топките кои седеа на масата со Рама.

Каков ќе биде одговорот на Македонците? Ќе има ли воопшто одговор? Во јавноста се слушнаа повици за реципрочен одговор на македонскиот премиер и негова иницијатива за свикување на средба на македонските политички лидери.

Патетично! Навистина патетични повици!

За да свикаш лидерска средба треба да си лидер над лидерите! Авторитет над авторитетите! Не некој кој што не ја контролира ниту сопствената партија ниту пак владата на која фигурира како премиер. Несериозно е да се очекува од Ковачевски, кој со радост ја поздрави средбата во Тирана надевајќи се дека таа средба ќе ја продолжи неговата власт уште некое време, да повлече таков потег. Несериозно е да се очекува еден шибицар, за кој има индиции дека учествувал во коруптивни активности, да се занимава со теми кои би имале сериозен импакт во одбраната  на националните интереси на македонскиот народ. Несериозно е да се очекува од човекот кој се истакна во спроведувањето на туѓи агенди да се промовира во национален лидер.

Несериозно е, но нешто мора да се стори! Одговор мора да има!

Можеби изборите се вистинскиот одговор?!

The post Тиранска средба за спас на „прајминистерот на фјучр Вест Булгариа“… или? appeared first on Република.

Како дел од посетата на Тирана, каде албанскиот премиер Еди Рама ги собра претставниците од албанските партии од Македонија, лидерот на ДУИ и придружбата го посетиле и Културниот центар на Македонија во Тирана, со кој раководи еден од Заевите директори, Златко Ориѓански. Музичарот со гордост зборува како го угостил „господинот Али Ахмети“ и дека тој ја почитувал неговата работа во Албанија.

11 јануари 2023, фантастичен почеток на новава година. Во посета на нашиот Културно информативен центар во Тирана, дојде господинот Али Ахмети, заедно со вицепремиерот Артан Груби и нивните помошници, Арбр Адеми и Фатон Ахмети.
Имавме прекрасен и длабок разговор на многу теми, вклучително и нашиот пат кон Европската унија. Благодарам на посетата и големата почит кон мене и мојата работа овде, пишува тој.

The post Ориѓански „ќефој“ што во посета му бил „господинот Ахмети“: Имавме прекрасен длабок разговор, фантастичен почеток на годината appeared first on Република.

Никакви средби, и спроведување на туѓи агенди нема да го спасат од катастрофален пораз Димитар Ковачевски и СДСМ на следните предвремени парламентарни избори.Целосниот молк за средбата во Тирана, е само уште еден доказ дека оваа средба е по барање на Ковачевски за спас на неговата кариера, анализира ВМРО-ДПМНЕ.

Оваа средба е токму на барање на Димитар Ковачевски за да добијат помош за продолжување на мандатот, а за возврат да се реализираат други агенди на штета на Македонија-велат од опозициската партија.

Евидентна е паниката и стравот на СДС и ДУИ за опстојувањето на нивната влада, бидејќи вртоглаво ја губат довербата од граѓаните, па затоа им беше потребна оваа средба

СДС и Ковачевски треба да одговорат дали од средбата во Тирана на маса ќе добијат повторно штетни договори, кои за спас на своите кариери безпоговорно ќе ги прифатат?Државните прашања и националните интереси, како и одлуките за државата се носат во Македонија и македонското Собрание.Граѓаните на предвремените парламентарни избори ќе го казнат ова антидржавно однесување на СДС и Ковачевски.

https://republika.mk/vesti/makedonija/taravari-prizna-deka-kaj-rama-se-dogovorale-ustavnite-izmeni-vo-makedonija/

The post Молкот во СДСМ за средбата во Тирана е доказ дека таа е на барање на Ковачевски appeared first on Република.

За средбата на албанскиот премиер Еди Рама, на која беа поканети лидерите на политичките партии на Албанците во Македонија,  доцна синоќа објава на Фејсбук имаше Рама.

Тој постираше  и фотографија од неформалната вечера во владината вила во Тирана.

На средбата присуствуваа Али Ахмети од ДУИ, Арбен Таравари од Алијанса за Албанците, Мендух Тачи, ДПА и Африм Гаши, Алтернатива. Од поканетите не присуствуваше само Билал Касами од Движењето БЕСА.

Со  Рама беа и министерката за Европа и надворешни работи Олта Џачка, координаторот на пратеничката група на владејачката Социјалистичка партија Таулант Бала и генералниот секретар на партијата Дамијан Ѓикнури.

– На здравје! Добра година за Албанците каде и да се #Албанско братство #AlbanianBrotherhood

Албанските лидери на средбата уживаат со вино.

Рама не наведува за што разговарале, но по средбата лидерот на АА, Таравари на новинарско прашање потврди дека „меѓу другото е разговарано и за уставните измени”.

– Да, меѓу другото разговаравме и за уставните измени. Познато е дека нема ниту еден лидер на албанска политичка партија  во Македонија кој не ги поддржува уставните измени, со единствена цел во ноември  да почнат реалните преговори со ЕУ, рече Таравари.

Според него, ја анализирале и општата состојба во Македонија, Албанија и регионот, руската инвазија врз Украина, економската ситуација и заедничката иднина на Скопје и Тирана во правец на ЕУ, со став „како земји членки на НАТО заедно да го продолжат патот до ЕУ”.

Тој не сакаше да го коментира неприсуството на Движењето БЕСА, велејќи дека тоа е одлука на партијата.

Таравари потврди дека во Тирана, пристигнал од  Приштина, каде што имал средби со косовската претседателка Вјоса Османи, со премиерот Албин Курти, со спикерот на парламентот и со лидери на политички партии.

Претходно, уште во текот на средбата, Њуз24 јави дека тема била  внатрешно-политичката ситуација во Македонија, улогата на албанските партии во надминувањето на ќор-сокакот за обезбедување мнозинство за изгласувањето на на уставните измени во македонското Собрание.

The post Таравари призна дека кај Рама се договорале уставните измени во Македонија appeared first on Република.

Лидерот на ДПА, Мендух Тачи, по оваа средба изјави дека не разговарале за ништо конкретно, освен за заедничката иднина на двете земји во Европската унија.

„Братска средба си посакавме една на друга и на сите Албанци нова година. Зборувавме за нашата заедничка иднина на патот кон Европската унија, а не за нешто поконкретно. Ви благодарам! Среќно!“, рече Тачи.

The post Тачи: Разговаравме за нашата заедничка иднина во ЕУ appeared first on Република.

Заврши средбата меѓу лидерите на албанските партии во Македонија и албанскиот премиер Еди Рама.

На средбата присуствуваше и министерката за Европа и надворешни работи, Олта Џачка.

Рама на фејсбук објави фотографија од средбата со новогодишна честитка до со сите Албанци, како што наведува, каде и да се.

Лидерот на ДУИ Али Ахмети, пак, кој на средбата со Рама во Тирана пристигна во придружба на првиот вицепремиер Артан Груби, за ТВ21 рече дека во пријателските и братски разговори ќе се разгледаат сите теми.

„Средбата е пријателска и братска, темите ќе видиме да ги разгледаме сите теми кои што мислиме дека се корисни, особено ме интересира зајакнувањето на заедничката стратегија за приближување на патот кон Европската Унија, а тоа е исклучително важна мисија за нашите земји, исклучително важна за зајакнување на мирот, стабилноста и напредокот на економијата. И тука најмногу ќе го фокусирам моето внимание“, изјави Ахмети за ТВ21.

Учесници на средбата се Али Ахмети од ДУИ, Африм Гаши од Алтернатива, Мендух Тачи од ДПА и Арбен Таравари од Алијанса за Албанците.

Поканата ја одби Биљал Касами од Беса.

Лидерот на ДУИ, Али Ахмети, по средбата изјави дека средбата поминала во позитивен и братски дух.

Според Ахмети, иднината на двете земји е во ЕУ и предизвиците што ги очекуваат во овој период се заеднички и за Албанија и за Македонија, затоа, според него, потребна е заедничка координација.

Тој го потенцираше заминувањето на младите од Македонија, но и од Албанија, нагласувајќи дека треба многу да се работи за да се усогласат нашите стандарди со оние на земјите од ЕУ за да се спречи натамошното иселување.

Првиот човек на Алијанса за Албанците Арбен Таравари изјави дека средбата повеќе наликува на вечера за почеток на новата година.

Тој нагласи дека на средбата се разговарало за предизвиците што ги очекуваат нашите две земји на патувањето кон ЕУ и оти го уверил премиерот на Албанија дека не постои албанска партија која е против интеграцијата на земјата во ЕУ и со тоа дека се за уставни измени.

Таравари не сакаше да го коментира неучеството на лидерот на Движењето Беса, Биљал Касами нарекувајќи го тоа нешто лично.

Лидерот на ДПА, Мендух Тачи, по оваа средба изјави дека не разговарале за ништо конкретно, освен за заедничката иднина на двете земји во Европската унија.

„Братска средба си посакавме една на друга и на сите Албанци нова година. Зборувавме за нашата заедничка иднина на патот кон Европската унија, а не за нешто поконкретно. Ви благодарам! Среќно!“, рече Тачи.

The post Заврши вечерата во Тирана, изјави дадоа Ахмети, Таравари, Тачи appeared first on Република.

Лидерот на Беса и тетовски градоначалник, Биљал Касами, кој не присуствува на средбата меѓу Еди Рама и лидерите на партиите на македонските Албанци во Тирана, преку социјалните мрежи се осврна на средбата.

Да, оваа Беса, со оваа политичка сила ве победи двапати по ред во главниот град на Албанците во Македонија- Тетово. Овој пат никој не може да ве спаси од пораз на следните избори, кога и да се одржат!, пишува Касами, откако Ахмети ги прозва од Тирана поради неговото недоаѓање на средбата со албанскиот премиер Еди Рама и лидерите на четирите партии на Албанците во Македонија.

Пред почетокот на средбата во Тирана, Ахмети го коментираше неучеството на Беса на оваа средба.

Би било убаво да беше. Но, секој има свои мисли, своја автономија. Времето ќе докаже колку е продуктивно тоа размислување, изјави кусо Ахмети.

The post Касами му возвраќа на Ахмети: Оваа Беса ве победи двапати по ред во главниот град на Албанците во Македонија – Тетово appeared first on Република.

Лидерите на албанските партии во Македонија вечерва во Тирана имаат средба со албанскиот премиер Еди Рама на која присуствува и министерката за Европа и надворешни работи, Олта Џачка.

Рама на фејсбук објави фотографија од средбата на која се гледа дека тој и неговите гости наздравуваат со вино. Тој упати новогодишна честитка до сите Албанци – каде и да се. Пораката беше проследена со хаштагот „Албанско братство“.

Лидерот на ДУИ Али Ахмети, пак, кој на средбата со Рама во Тирана пристигна во придружба на првиот вицепремиер Артан Груби, рече дека во пријателските и братски разговори ќе се разгледаат сите теми.

„Тема на средбата е внатрешно-политичката ситуација во Македонија, улогата на албанските партии во надминувањето на ќорсокакот во Македонија за обезбедување мнозинство, бидејќи Собранието мора да направи одредени уставни измени поврзани со напредокот и продолжувањето на процесот на евроинтеграции“, коментира телевизијата „Њуз 24″.

Телевизијата потсетува дека на 19 јули 2022 година кога беа отворени преговорите за Албанија, преговорите беа отворени и за Македонија, но со услов од Бугарија која бара уставни измени со вметнување на бугарското малцинство во Уставот.

The post „Албанско братство“: Тиранската вечера започна со чаша црвено вино appeared first on Република.

Лидерот на Демократска унија за интеграција (ДУИ) Али Ахмети во придружба на Артан Груби попладнево пристигна во Тирана на средба со премиерот на Албанија, Еди Рама, пренесува ТВ21.

Пред вечерашната средба со албанскиот премиер Еди Рама во Тирана во изјава за ТВ21 рече дека средбата е пријателска и братска.

На прашањето за темите за кои ќе се разговара на оваа средба, тој одговори дека ќе ги видат на средбата, но повеќе ќе се фокусира на зајакнување на заедничката стратегија кон ЕУ.

Средбата е пријателска, братска. Ќе ги видиме темите. Сите теми кои се важни, особено ме интересира градење и зајакнување на заедничката стратегија за приближување на патот кон Европската унија. Ова е исклучително важна мисија за нашата земја. Зајакнување на мирот, стабилноста и напредокот на економијата, рече Ахмети.

The post Ахмети за ТВ21: Важна ми е заедничката стратегија за патот кон ЕУ appeared first on Република.

Премиерот Еди Рама во Тирана вечерва одржува средба со лидерите на албанските партии во Македонија, на која присуствува и министерката за Европа и надворешни работи, Олта Џачка, јави „Њуз 24″.

Тема на средбата е внатрешно-политичката ситуација во Македонија, улогата на албанските партии во надминувањето на ќорсокакот во Македонија за обезбедување мнозинство, бидејќи Собранието мора да направи одредени уставни измени поврзани со напредокот и продолжувањето на процесот на евроинтеграции, наведува телевизијата „Њуз 24″.

Телевизијата потсетува дека на 19 јули 2022 година кога беа отворени преговорите за Албанија, преговорите беа отворени и за Македонија, но со услов од Бугарија кој бара уставни измени со вметнување на бугарското малцинство во Уставот.

Средбата ја свика премиерот Рама со лидерите на албанските политички партии во Македонија. Учесници на средбата се Али Ахмети од ДУИ, Африм Гаши од Алтернатива, Мендух Тачи од ДПА и Арбен Таравари од Алијанса за Албанците. Поканата ја одби Билал Касами од Беса, додава телевизијата.

The post Започна Тиранската вечера appeared first on Република.

Лидерот на Алијанса за Албанците Арбен Таравари, кој вечерва ќе биде дел од лидерската средба кај албанскиот премиер Еди Рама во Тирана, денеска во Приштина бил примен од претседателката на Косово Вјоса Османи. Таравари, придружуван од пратениците Артина Ќазими и Елми Азири, на средбата изразил загриженост поради состојбите на северот од Косово.

На средбата разговаравме и за ситуацијата на северот на Косово, која со загриженост ја следиме и гласно зборувавме за осудата на тамошните дестабилизирачки структури. Им честитав на властите на Косово за поднесувањето на апликацијата на Косово за членство во Европската Унија, изразувајќи уверување дека ЕУ ќе биде на ниво пред исклучителниот предизвик што го загрозува мирот, безбедноста и нашите заеднички вредности, посветувајќи се на конечното обединување на нашиот континент, кажал на средбата Таравари.

Во партиското соопштение се вели дека тој ѝ честитал на претседателката Османи за „општото управување на Косово и фокусот на институциите во борбата против криминалот и корупцијата, што е и главен приоритет на Алијансата за Албанците“.

„Соработката со институциите на Косово за да се научи од досегашното искуство во изготвувањето на правната рамка за борба против корупцијата, би била корисна и за нашата земја", нагласил претседателот на Алијансата за Албанците, Арбен Таравари.

The post Пред средбата со Еди Рама Таравари отиде кај Вјоса Османи во Приштина appeared first on Република.

Лидерот на Алтернатива, Африм Гаши, чија партија е дел од владејачкото мнозинство, на средбата со албанскиот премиер Еди Рама оди со „сопствена агенда која е поврзана со политичката корупција во Македонија“. Како што соопштуваат од Алтернатива, Гаши ќе биде дел од средбата со Еди Рама вечерва во Тирана на која ќе пристигнат и лидерите на останатите политички партии кои ги застапуваат интересите на албанската етничка заедница, но нема да навлегува во дневно политичките агенди на останатите.

За Гаши, еден од приоритетите е уставниот амандман за спречување на застарување на кривичните дела поврзани со политичка корупција.

Алтернатива ја прифати поканата на албанскиот премиер Еди Рама без намера да влегува во дневно политичките агенди на другите поканети. Сакаме да потенцираме дека како партија на иднината сме подготвени да разговараме со секого ако темите се важните прашања кои ги загрижуваат Албанците во Cеверна Македонија. Имаме сопствена агенда и за истата очекуваме поддршка од сите присутни. Еден од приоритетите е нашиот Уставен амандман за спречување на застарување на кривичните дела поврзани со политичката корупција. Најважно од сè е дека нема нашиот политички капитал да го жртвуваме за амортизирање на ничија партиска криза. Граѓаните треба да бидат спокојни и да бидат сигурни дека Претседателот на Алтернатива, Африм Гаши, ќе продолжи да биде нивниот глас, соопштија од кабинетот на Гаши.

На средбата која ја свика Еди Рама покрај Гаши ќе присуствуваат лидерите на ДУИ, Али Ахмети, на Алијанса за Албанците, Арбен Таравари и на ДПА, Мендух Тачи.

Билал Касами, претседател на Движењето Беса, ја прифати поканата, но најверојатно ќе има одвоена средба со албанскиот премиер затоа што одбива да седне на заедничка маса со Ахмети.

The post Гаши ќе одел на средбата кај Рама, имал агенда за политичката корупција во Македонија appeared first on Република.

The post Беса: Груби и Ахмети не знаат кој пат да го изберат, па бараат помош од Еди Рама appeared first on Република.

Средбата во Тирана е за спас на политичките кариери на Ковачевски и Ахмети, поддржани од Апасиев кој глуми лажен патриот.Ковачевски нема ништо против средбата во Тирана, иако за македонски прашања се расправа надвор од државата, тоа е така зошто тој гледа гума за спасување на својата политичка кариера.

Дали средбата во Тирана е на барање на Ковачевски?, прашува ВМРО-ДПМНЕ.

Кој ќе биде резултатот на средбата од Тирана, дали Ахмети ќе ги учи во Тирана за зелената агенда, или ќе му донесе втора тиранска платформа на Ковачевски, кој за да се спаси ќе треба да ја прифати?

Единствениот договор кој треба да го има помеѓу сите политички партии во Македонија, не во Тирана, е обединување против криминалот на СДС и ДУИ и договор за избори за народот да одлучи.

https://republika.mk/vesti/makedonija/sredba-na-albanskite-lideri-so-rama-vo-tirana-za-spas-na-foteljata-na-kovachevski/

The post Дали средбата кај Рама ќе ги спаси политичките кариери и бизнисите на Ковачевски и Ахмети? appeared first on Република.

Министерот за надворешни работи Бујар Османи вчера изјави дека денешниот состанок во Тирана е новогодишна средба со цел размена на мислења по однос на актуелните прашања во регионот и посакување успех во годината што е пред нас и апелираше да не се создава „некаква конспирација“ во врска со неа.

Според Османи, за средбата нема однапред предвидена агенда за која што ќе се разговара и таа ќе претставува можност за комуницирање и размена на идеи, информации и ставови за добробит на регионот и на Македонија и Албанија.

– Можам да кажам дека премиерот на Албанија е докажан пријател на Република Македонија, посебно тоа го докажа во текот на овие години и месеци преговори со Република Бугарија, кога буквално некогаш на сметка и на интересите на Албанија, ги кажуваше позициите и на Република Македонија во тој дел. Навистина не сметам дека треба да се создаде некаква конспирација по однос на овие средби, рече Османи.

Пратеникот од Движењето Беса, Фадил Зендели вчера изјави дека неговата партија добила покана за средбата, но рече дека тие нема да присуствуваат на неа. Тој оцени дека оваа средба е во полза на ДУИ и дека секогаш кога оваа партија има внатрешни проблеми се одржуваат вакви средби во Тирана.

– Ние имаме покана од премиерот на Албанија за утрешната средба. Централното претседателство одлучи дека ние сме спремни да соработуваме со Република Албанија и со премиерот Рама, но како политичка партија Движење Беса не сме спремни да седнеме на иста маса со ДУИ. Во овој момент на ДУИ му е потребна средба во Тирана. Не гледаме дека на некој друг му е потребна таква средба. ДУИ има интерес од една таква средба како што тоа го злоупотреби во 2017 година за свои цели. Секогаш кога имаат свои внатрешни проблеми со свои внатрешни противници, (ДУИ) бараат помош од регионот. Не гледаме дека сега треба да им излеземе на помош, рече Зендели.

Тој потенцира дека кога политичките партии на Албанците барале да седнат на маса да се договорат за некои прашања, лидерот на ДУИ никогаш не бил подготвен да зборува со нив, дури, како што рече, во некои медиуми ги има навредувано.

– Ако сме ние злобници, тогаш не гледаме никаква причина да седнеме со него на иста маса кога нему му е потребно, истакна пратеникот на Беса, додавајќи дека ќе имаат средба со премиерот на Албанија, но не кога тоа е само во интерес на ДУИ.

Од Алтернатива и Алијанса за Албанците за МИА потврдија дека добиле покана за средбата и дека ќе одат на неа, без да прецизираат детали.

– Исто како што сме одговориле позитивно на сите покани за средби и во овој случај ја потврдуваме поканата, како и нашето присуство на вечерата организирана од премиерот Еди Рама, изјавија за МИА од Алијанса за Албанците.

Од Алтернатива потврдија дека претседателот на партијата Африм Гаши ќе присуствува на средбата, но дека не се знае за што ќе се разговара.

The post Средба на албанските лидери со Рама во Тирана за спас на фотелјата на Ковачевски appeared first on Република.

Беса ја примила поканата за средба на албанските партии од Македонија во Тирана под покровителство на албанскиот премиер Еди Рама, но проблем е Али Ахмети.

Портпаролот на Беса за Алсат изјави дека тие позитивно одговараат на поканата од Рама, но не сметаат дека е разумно да седат на иста маса со Али Ахмети.

Ние како Беса воопшто немаме дилема во однос на политичките цели во корист на интересите на Албанците во Република Македонија од страна на премиерот на Република Албанија, г. Еди Рама. Наша грижа е со целите и политичките трикови на ДУИ и Али Ахмети. Ние како Беса позитивно одговараме на поканата на премиерот Еди Рама, но немаме потреба и не  гледаме за разумно да седиме на маса со ДУИ на Али Ахмети секогаш кога тој треба да се спаси, изјави Фарук Авзиу, портпарол на Беса.

The post Касами сака да оди на баци рака во Тирана, но не сака да седи на иста маса со Ахмети appeared first on Република.

Лидерот на БЕСА, Билал Касами, не сака да седне на иста маса со првиот човек на ДУИ, Али Ахмети.

„Ние како Беса воопшто немаме дилема во однос на политичките цели во корист на интересите на Албанците во Република Македонија од страна на премиерот на Република Албанија, г. Еди Рама. Наша грижа е со целите и политичките трикови на ДУИ и Али Ахмети. Ние како Беса позитивно одговараме на поканата на премиерот Еди Рама, но немаме потреба и не гледаме за разумно да седиме на маса со ДУИ на Али Ахмети секогаш кога тој треба да се спаси“,изјави Фарук Авзиу, портпарол на Беса.

Според дел од медиумите лидерската собиранка на Ахмети,Таравари,Касами, Тачи и Гапи ќе се одржела утре во Тирана на покана на премиерот Еди Рама.

The post Проблем за Рама, Касими не сака да седи на иста маса со Ахмети appeared first on Република.