На 12.09.2024 во 16:40 часот во СВР Скопје било пријавено дека на крстосницата од ул.„Васко Карангелевски“ и ул.„Владимир Комаров“ во Скопје, патничко возило „нисан“ со скопски регистарски ознаки, управувано од В.К.В.(38), удрило во С.К.(19), двете од Скопје.

Во несреќата со тешки телесни повреди се здобила С.К., констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Тешко повредена тинејџерка во Скопје appeared first on Република.

Пронајдена 14-годишната девојка која исчезна пред три дена.

„Денеска во 08.30 часот во СВР Скопје било пријавено дека во с. Сарај, полициски службеници ја пронашле М.А.(14) од Скопје, за која на 24.05.2024 во Полициската станица Бит Пазар нејзината мајка пријави дека се оддалечила од домот“, информираше Министерството за внатрешни работи (МВР).

The post Пронајдена тинејџерката од Скопје која исчезна пред три дена appeared first on Република.

На 20.04.2024 во 21:20 часот во Полициската станица Драчево, З.А.(42) од Скопје пријавила дека од домот се оддалечила нејзината ќерка Л.А.(18) од Скопје.

Се преземаат мерки за расчистување на случајот.

The post Тинејџерка пријавена за исчезната appeared first on Република.

Тинејџерка од американската сојузна држава Пенсилванија е обвинета дека ја избодела мајка си до смрт, затоа што таа ѝ го зела мобилниот телефон.

Припадниците на полицијата од локалната станица во Вилкс-Баре во петокот попладне биле повикани да интервенираат по пријава дека една жена не дава знаци на живот. По пристигнувањето на местото на злосторството, полициските службеници пронашле жена со повеќе убодни рани во пределот на вратот и грбот, а можеле само да констатираат смрт.

На местото на настанот било пронајдено и 11-годишно момче со повреди на грбот нанесени од нож, кои, сепак, не биле опасни по живот, како и 13-годишната ќерка на убиената која е обвинета со убиство.

Според полицијата, девојката на лице место признала дека ја убила мајка си по расправија при која ѝ го одзела „ајфонот“

Според полицијата, девојчето изгледало вознемирено и се каело за тоа што го направила.

The post Тинејџерка до смрт ја избоде мајка си зошто ѝ го зела „ајфонот“ appeared first on Република.

СВР Тетово поднесе кривична пријава против Р.И.(19) од Шуто Оризари, Скопје.

Пријавата е поднесена поради постоење основи на сомнение за сторено кривично дело „лажно пријавување“.

-На 18.01.2024, пријавената лажно пријавила дека Е.И. од Тетово насилно ја држел во неговиот дом и дека и биле понудени пари за сексуални услуги, информираат од полицијата.

The post Кривична за тинејџерка: Лажно пријавила дека и нуделе пари за сексуални услуги appeared first on Република.

Одлуката на една мајка да купи вибратор за нејзината ќерка тинејџерка предизвика жестока дебата на социјалните мрежи.

Мајката од Австралија дошла до оваа необична одлука откако го гледала обраќањето на психологот д-р Робин Бакли на конференција на ТЕД посветена на родителството и интимните односи меѓу тинејџерите. Како што вели, така дошла до „револуционерно сознание“.

Според излагањето на д-р Робин Бакли, кај девојчињата почнува да се развива желба за благ сексуален контакт на возраст од 11 до 14 години, а намерата да се направи нешто во врска со тоа обично се јавува помеѓу 15 и 19 години. Имајќи го ова на ум, д-р Бакли ѝ дала вибратор на нејзината ќерка кога имала 13 години.

https://youtu.be/h1yJYnCbNHM?si=obJq0vdY50t2UPgc

Нејзиниот потег предизвика бурни реакции, но мајка од Австралија, која сакаше да остане анонимна, во отвореното писмо објавено на порталот „Кидспот“ објасни што ја поттикнало да го следи примерот на психологот:

Планирам да ѝ купам вибратор на ќерка ми тинејџерка. Пред да ме распнете во коментари, слушнете ја и мојата страна, пишува оваа мајка.

Таа продолжи да раскажува како, кога била дете, нејзината мајка секогаш зборувала за мастурбирањето како нешто „срамно“. Така, кога почнала да излегува со момци, не знаела што ѝ се допаѓа. Нејзинот прв сексуален однос бил многу непријатен.

Гледајќи наназад, мислам дека ако ми беше дозволено да го истражувам и да го разберам моето тело, можеби ќе бев во подобра ситуација, подобро би се снашла и повеќе ќе уживав во мојата прва врска и односи, напиша таа.

Кога го гледала обраќањето на д-р Бакли, најпрво ја совладала мачнина, по што ѝ станало кристално јасно дека нејзиното интимно искуство би било многу поинакво доколку нејзината мајка имала поинаков однос кон мастурбацијата.жж

Најмногу ѝ се допаднало објаснувањето на докторката дека на својата ќерка ѝ купила вибратор бидејќи сакала да се чувствува „безбедно“ додека го истражува своето тело, со што оваа мајка апсолутно се сложила. Психологот додава дека мастурбацијата може да им помогне на девојките „да го намалат стресот, да ги ублажат главоболките и менструалните грчеви“.

The post Мајка ѝ купила вибратор на ќерката тинејџерка: Пред да ме распнете, слушнете го ова! appeared first on Република.

Деветнаесетгодишната  Ј.М., која е осомничена дека превезувала дрога за препродажба, е средношколка и повремено држи часови по тенис, соопштија српските медиуми. Дополнително, откриваат дека нејзиното момче, со кого живее, е ММА тренер.

Станува збор за тинејџерка која на 12 март годинава со автомобил „смарт“ отишла на Копаоник и од непознати лица презела црна патна торба во која имало вкупно 8,5 килограми марихуана спакувана во 20 пакувања и ја ставила во багажникот. На совозачкото седиште се наоѓала малолетничка, против која е се води одделна постапка.

При враќањето во Белград, осомничените биле запрени од српските полициски специјалци и уапсени.

Тинејџерката денеска на рочиштето во Вишото јавно обвинителство во Белград се бранеше молчејќи.

Обвинителството и предложило притвор до 30 дена за да не го повтори делото за краток временски период.

Таа се товари за кривично дело неовластено производство и пуштање во промет наркотични дроги.

The post Учи деца тенис, а во слободно време дила: Која е тинејџерката фатена со торба полна марихуана? appeared first on Република.

Моли Расел, 14-годишна ученичка од Лондон била пронајдена мртва во нејзината спална соба откако на интернет гледала содржина поврзана со самоубиство, депресија и анксиозност. Како што соопштиле властите, Моли починала од „чин на самоповредување додека страдала од депресија и негативните ефекти на онлајн содржините“, повикувајќи се на резултати наистрагата.

Ендрју Вокер, судски вештак, рече дека не мисли дека „е безбедно“ да го користи терминот самоубиство како причина за нејзината смрт, туку се одлучил за „самоповредување“.

Изнесувајќи ги своите откритија тој посочи:
„Моли беше во транзициски период во нејзиниот млад живот што ги отежна одредени елементи на комуникацијата“.

Таа беше „изложена на материјал што може да има негативно влијание врз неа и, дополнително, она што започна како депресија стана посериозна депресивна болест“, изјави тој за Судот за суд во северен Лондон.

14-годишна ученичка од Лондон била пронајдена мртва во нејзината спална соба откако на интернет гледала содржина поврзана со самоубиство, депресија и анксиозност.

Од нејзината смрт во ноември 2017 година, нејзиниот татко Иан води кампања за подобра заштита од потенцијално опасните алгоритми на социјалните мрежи.

Вокер рече дека „особено графичката“ содржина што ја видела „романтизирано самоповредување“ и се фокусирала на „ограничен и ирационален поглед без никаква противтежа на нормалноста“.

Тој рече дека тоа „имало тенденција да изолира и обесхрабрува дискусија“ со луѓе кои можеле да ѝ помогнат, и наместо тоа „се стреми да го претстави самоповредувањето и самоубиството како неизбежна последица на состојба од која немало закрепнување“.

Таткото на девојчето, Иан Расел (59) рече дека приказната на Моли не е сама и дека има многу други тинејџери кои се соочуваат со истите проблеми како и неговата ќерка.

- Сакам да кажам, колку и да е лошо во моментов, секогаш има надеж. Ако имате проблем или се борите со себе, ве молиме разговарајте со некој кому му верувате. Постојат организации кои можат да ви пружат поддршка и помош. Направете се за да живеете што подолго – изјави Иан Расел.

Моли прегледала над 16.000 објави на Инстаграм во последните шест месеци од нејзиниот живот, од кои 2.100 биле поврзани со самоубиство, самоповредување и депресија. Истрагата открила дека таа погледнала околу 469 објави на Pinterest со слична тема.

Директорот на NSPCC, организацијата за заштита на децата, Питер Ванлес, рече дека таков случај ќе мора да биде шокантен за Силиконската долина.

- Технолошките компании мора да бидат одговорни бидејќи безбедноста на децата е на прво место, а финансиските и комерцијалните одлуки се на второ место. Овој трагичен случај е предупредување за децата ширум светот – заклучи Ванлес.

The post Тинејџерка почина од самоповредување – страдала од „негативни ефекти од онлајн содржини“ appeared first on Република.

Четворица тинејџери, тројца Авганистанци и еден Иранец, се обвинети за силување на 16-годипна девојка во близина на главната железничка станица во Линц, во Австрија.

За тројца од нив, двајца 15-годишни Авганистанци и еден 14-годишен Иранец, кои се уапсени по силувањето им е одреден притвор од 14 дена. Четвртоосомничениот, 15-годишен Авганистанец, кој сам се предал во петокот вечерта, треба да биде сослушан денеска.

Според весникот „Кронен цајтунг“, полицијата ги уапсила првите тројца, откако полициска патрола ги фатила во зграда во близина на станицата додека ја силувале девојката, додека четвртиот успеал да побегне, но потоа сам се пријавил во полиција тврдејќи дека „нема што крие“.

Од тројцата во притвор, двајца изјавиле дека станувало збор за „сексуални дејствија со согласност“, додеека третиот молчи.

Жртвата е 16-годишна Германка, која изнесува сериозни обвинувања за четворицата напаѓачи. Таа е хоспитализирана и кај неа, се забележани празнини во меморијата од големата траума.

Доколку монмчињата бидат прогласени за виновни за групно силување, им се заканува затворска казна до седум и пол години. За возрасни, казната е двојно поголема.

Според австриските медиуми, овој случај на групно силување потсетува на случајот „Леони“, 13-годишно девојче од Тулн во близина на Виена, кое во 2021 година во Виена го силувале неколку мажи, по што тоа починало.

Извршителите на делото, кога виделе дека жртвата е мртва, нејзиното тело го однеле во блиската зелена површина и го потпреле на дрво. Го откриле случајни минувачи. За ова грозоморно групно силување со смртни последици беа осомничени четворица Авганистанци на возраст од 16 до 23 години. Едниот успеа да побегне во Велика Британија, но пред нешто повеќе од една недела беше пронајден и екстрадиран во австриската полиција, па сега е во истражниот затвор со претходно уапсените тројца.

The post Тројца Авганистанци и еден Иранец групно силувале тинејџерка во Австрија appeared first on Република.

Министерството за внатрешни работи информира дека вчера во 13.30 часот во Полициската станица Центар, А.П.(38) од Скопје пријавила дека од Клиниката за токсикологија ја известиле дека Р.И.(16), чиј старател е А.П., се оддалечила од клиниката.

Полицијата презема мерки за пронаоѓање на лицето.

The post Тинејџерка избегела од Клиниката за токсилогија appeared first on Република.

Брзиот антигенски тест на коронавирус кај 15-годишната Ева Валабернштајн од Хановер покажува позитивен резултат веќе девет месеци. Меѓутоа, кога прави ПЦР-тест, резултатот е секогаш негативен.

Лекарите не може да ја најдат причината, а тинејџерката има проблем секогаш кога ќе направи брз тест на коронавирус.

Германскиот РТЛ, кој ја пренесе приказната, објави дека на 13 април 2021 година Ева првпат била тестирана на училиште со брз тест на коронавирус. Тестот покажал позитивен резултат по што ја повикала мајка си Кристина да ја земе во училиште.

И тогаш почнува маѓепсаниот круг. Ева оди на ПЦР-тест и во карантин додека го очекува резултатот. Три дена подоцна дознава дека нема Ковид-19. Следниот ден се враќа на училиште и се тестира со брз тест. Резултатот повторно е позитивен.

Беше многу непријатно, стресно. Ништо не можев да направам, вели 15-годишното девојче.

Истото и се случувало со недели, пробала дури 30 брзи тестови на коронавирус, но сите дале позитивен резултат.

Докторите не знаат што се случува, а на почетокот никој не ѝ верувал. Таа морала да направи неколку тестови во присуство на учител или лекар бидејќи и тие не ѝ верувале.

Ни велеа дека може да има лажно позитивни тестови, дека можеби погрешно сме го направиле тестот итн. На почетокот никој не ни веруваше. Во последните 9 месеци ќерка ми неколкупати беше во карантин, пропушти голем број часови и не можеше да прави ништо со другарите бидејќи учеството во јавниот живот е можно само со негативен брз тест или дополнителна вакцинација. Мислев дека никогаш нема да заврши бидејќи никој не можеше да најде причина зошто брзите тестови секогаш покажуваат дека ќерка ми е позитивна на коронавирус, вели Кристин.

Во меѓувреме, управата на училиштето ја ослободила 15-годишната од обврската за тестирање, а таа примила две дози од вакцината.

The post Тинејџерка со месеци е позитивна на брз тест, никој не знае зошто appeared first on Република.