Советот на Општина Охрид на денешната вонредна седница свикана по повод смртта на Владиката Тимотеј, утре 28 ноември, го прогласи за Ден на жалост на територијата на Општина Охрид.

Претходно, советниците и градоначалникот на Општина Охрид, Кирил Пецаков со едноминутно молчење му оддадоа почит на Владиката Тимотеј.

Согласно донесената одлука утре се откажуваат сите културни настани и манифестации на територијата на општината.

Светиот архијерејски синод (САС) на Македонската Православна Црква на вчерашната вонредна седница одлучи Дебарско-кичевскиот Митрополит Тимотеј да биде погребан во четврток, 28 ноевмри, на Плаошник. Претходно, со почеток во 9 часот во храмот „Св. Софија“ ќе бидат одржани заупокоената Света Литургија и Опелото. На Светата Литургија ќе чиноначалствува Неговото Блаженство Архиепископ Охридски и Македонски г.г. Стефан во сослужение со надлежните епархиски архијереи на МПЦ – ОА, како и со претставници од другите Помесни Православни Цркви.

Погребението ќе биде извршено до јужната апсида на Плаошкиот манастир. Владиката Тимотеј почина по кратко боледување на 25 ноември на 73 годишна возраст.

The post Утре e ден на жалост во Охрид по повод смртта на владиката Тимотеј appeared first on Република.

На 5 јуни, на празникот Педесетница или Св. Тројца, поглаварот на МПЦ-ОА, Г.Г. Стефан, и Вселенскиот патријарх Вартоломеј најверојатно во Цариград ќе ја одржат првата заедничка богослужба.

Ова го најави софиски Дневник на својата веб-страница во текст посветен за црковните состојби по признавањето на МПЦ-ОА од страна на Вселенската Патријаршија за канонска и ја повика решението за автокефалност да го бара низ дијалог со СПЦ.

-Ниту ја потврдувам, ниту ја демантирам ваквата информација, изјави за „Пресинг ТВ“ портпаролот на Синодот на МПЦ-ОА, владиката Тимотеј.

Во текстот не се споменува децидно местото на заедничкото богослужење, но најверојатно тоа ќе биде во Царигардската патријаршија.

https://republika.mk/vesti/balkan/deneska-spc-kje-rasprava-za-mpc-oa/

The post На 5 јуни прво заедничко сослужение на Вартоломеј и г.г Стефан? appeared first on Република.

Мижи Асан да ти баам. Со цел памет нѐ убедуваат дека 240.000 луѓе не знаеле дали се православни, римокатолици или протестанти, па затоа биле внесени во општата графа „христијани“ на пописот. А јас тврдам дека од тие 240.000 попишани, дури 238.000 се православни, ама некому така му одговарало,  вели во разговор за Плусинфо митрополитот дебарско-кичевски и портпарол на Синодот на Македонската православна црква (МПЦ-ОА), г. Тимотеј. откако во резултатите од Пописот 2021 година, освен графите „православни“, „католици“, „адвентисти“, „протестанти“, вметната е и графата „христијани“ која брои над 240.000 луѓе.

Според него, појавата на графата „христијани“ е резултат на несоодветни попишувачи.

На попишувачите никој не им објаснил како стојат работите, односно дека и православните и римокатолиците и протестантите се христијани. Кога мене ме попишуваа, никој не ме праша дали сум православен христијанин. Јас морав да инсистирам да ме попишат како православен. Ако не инсистирав, којзнае во која графа ќе бев пишан, па сега ќе излезеше дека и јас како владика не знам од која вера сум. Ние сакаме да веруваме во институциите, но ова што се случи со пописот е неприфатливо и срамно. Поделбата на бројот на православните во две посебни графи со сигурност ќе направи штета во иднина – истакна г. Тимотеј.

Целиот текст овде.

The post Поделбата на бројот на православните во две посебни графи со сигурност ќе направи штета во иднина, вели митрополитот дебарско-кичевски Тимотеј appeared first on Република.