Похуваните тиквички на грчки начин се совршениот летен ручек.

Потребно:

3-4 тиквички

200-250 г брашно

сол, сув зачин, црвен пипер, бибер, оригано

4-5 јајца

масло

За преливот:

1 врзоп магдонос или мирудија

4-5 чешниња лук

бибер

оцет

Подготовка:

Тајната е во сечкањето на тиквичките. Имено, тиквичките се засекуваат сè до дршката, за да можете од нив да направите лепеза. Потоа, се валаат во смесата за панирање од брашно, јајца и зачини. Така изваланите тиквичките се ставаат во масло за пржење додека заруменат. Со нив се послужува и прелив од ситно сечкан магдонос или мирудија, лук и јаболков оцет. Уживајте!

https://youtu.be/y9S0ei9zxHY

The post Лесен оброк за на жешково време: Тиквички похувани на грчки начин appeared first on Република.

Тиквичките се здрави и богати со витамините Б и Ц, како и калиум, а тие се и многу вкусни. Може да се подготват на многу начини, но од нив може да се направи и многу вкусен леб, што може да биде одлична замена за обичниот леб.

Ова е рецепт за брза подсготовка леб со тиквички.

Потребни состојки:

2 поголеми тиквички

2 јајца

350 гр. брашно

150 гр. масло

150 гр. фета сирење

1 мала лажичка прашок за пециво

сол и бибер

Начин на подготовка:

Излупете ги и изрендајте ги тиквиците и оставете да отстојат малку, а потоа добро исцедете ги. Ставете ги во сад, а потоа додадете ги останатите состојки. Прво јајцата, а потоа брашното и маслото, фета сирењето и прашокот за пециво.

На крајот, додадете малку сол и бибер и измешајте добро.

Ставете ја смесата во калап за печење леб, а одозгора наросете сусам или ленено семе. Печете на 180 степени, околу 40 минути, додека не добие убава, златна боја.

Оставете го лебот да се олади, а потоа можете да уживате во дегустацијата.

The post Лесен и брз рецепт за леб од тиквички, здрава замена за обичниот леб appeared first on Република.