Полициски службеници на Федералната полициска управа вчера под надзор на Обвинителството на Босна и Херцеговина го идентификуваа лицето кое во изминатиот период преку социјалните мрежи „Тик ток“ и „Фејсбук“ објавуваше различни содржини, меѓу кои имаше повици за убиство на полицајци, јавуваат локалните медиуми.

Лицето е кривично процесуирано во просториите на Федералната полициска управа во Сараево, против него ќе биде поднесена пријава за сторено кривично дело, соопштија од полицијата.

Станува збор за Осман Малагиќ, роден 1996 година, со живеалиште во Сараево, пишуваат медиумите од Босна и Херцеговина.

The post Тинејџер на „Тик ток“ повикувал да се убиваат полицајци appeared first on Република.

Самопрогласени „експерти“ и „нутриционисти“ преку „Тик ток“ советуваат дека со јадење на голема количина на тврдо варени јајца се зголемува и подигнува задникот и тоа „без вежбање“.

@hananerech Food that has helped me grow my glutes! Eat good!! 🫶🏽💪🏽 #transformation #fyp #gymtok #xyzbca #fitness #nutrition #fypシ #fitnessmotivation #gymtips #transformationvideo #food ♬ son original - 🎵

Станува збор за неколку видеа од Тик ток на кои самопрогласени нутриционисти велат дека со јадење на колку што можете повеќе варени јајца, вашиот задник ќе биде полн и подигнат „подобро отколку од вежбање“. Секако со вакви видеа лесно е да се заведат младите тинејџерки.

Дека овој опасен тренд од кратките видеа на интернет зема замав и на Балканот предупредува Тања Ј., мајка на 14-годишно девојче од Србија.

Забележав дека ќерка ми јаде голема количина варени јајца секој ден, иако знам дека не е љубител на јајца. Кога ја прашав што прави прво се обиде да ме излаже, но потоа ми призна дека тоа е тренд на „Тик ток“ и дека јаде речиси 15 јајца дневно за да го подигне задникот и тој да ѝ биде во подобра форма отколку да оди во теретана. Останав без зборови, бесна и исплашена. Тоа не е нормално, не е здраво, бидејќи лекарите советуваат јајца да се јадат умерено. Навистина апелирам до родителите да се грижат и да бидат повеќе вклучени со своите деца, бидејќи вакви работи може да се пропуштат!, вели таа.

Зборувајќи за тоа колку опасен и погрешен е овој „совет“, сертифицираниот нутриционист Бојка Динева Јовановска од Здружението за нутриционизам и диететика „Цд Диет Клуб Бојка“ за „Република“ вели дека штетата може да биде многу голема по нивното здравје со несакани последици:

- Зголемување на ЛДЛ лошиот холестерол
- Замастување на црн дроб
- Згрутчување на крвните садови
- Хормонален дисбаланс
- Зголемен ризик од кардиоваскуларни заболувања
- Преоптоварување на жолчката (жолчното кесе)
- Опстипација (нередовно празнење на цревата)
- Стрес
- Агресија
- Нервоза,

кои што ќе произлезат од крајниот непосакуван резултат, а тоа доведува до големо  разочарување.

Сè повеќе на социјалниte мрежи се шират разни реклами со препарати за слабеење кои ветуваат брзи резултати за кратко време. Разни видови на напитоци, прашоци, таблети, креми итн. Сето тоа е само една лага. Резултати не може да се добијат преку ноќ, волшебно стапче не постои. Со повеќе труд и желба, здрава исхрана и вежбање до солидни резултати, потенцира Динева Јовановска, која е и автор на книгата со здрави рецепти „За здрава храна“ - едно убаво четиво за подобар, успешен и исполнет животен век.

Таа препорачува дека правилната дневна доза за возрасните е две јајца, варени како ужинка со свеж зеленчук или како омлет за време на ручек со свежа салата.

За младите коишто вежбаат и сакаат да изгледаат фит и здраво, препорачувам консумирање на 3 до 5 живи јајца од препелица (зависно од возраста), наутро во смути. Јајцата од препелица се невидена биогена енергија, полни се со витамини и минерали, и есенцијални аминокиселини.
Даваат енергија и го подобруваат целокупното здравје, вели Динева Јовановска.

The post Јадат и по 15 јајца дневно за подобар задник – ќе им донесе само нарушено здравје и агресија, предупредува нутриционистот Динева Јовановска appeared first on Република.

Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.

The post „Тик ток“ укинува стотици работни места, ја користи вештачката интелигенција appeared first on Република.

Социјалната мрежа Тик Ток во сопственост на BiteDance соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.

Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.

Вработените, од кои повеќето беа ангажирани во операции за модерирање, биле известени за отпуштањата преку електронска пошта.

The post Тик Ток укинува стотици работни места, повеќе ќе користи вештачка интелигенција appeared first on Република.

Наставничка од скопско основно училиште предупредува дека и во Македонија меѓу учениците масовно се шири опасен Тик ток предизвик. Таа за „Локално“ упати апел до родителите да внимаваат на своите дека зошто тие го пробуваат предизвикот на онесвестување, кој може да има сериозни последици.

Не знам како точно се вика предизвикот, но децата велат дека го виделе на Тик ток. Си ги стискаат дијафрагмите сè додека не се онесвестат. Некогаш тоа го прават еден на друг, некогаш сами. Но, имало случај кога дете останало онесвестено подолго време па морале да го прскаат со вода и да повикаат некој да им помогне, раскажа наставничката.

The post Наставничка од Скопје алармира: Децата си ја притискаат дијафрагмата до онесвестување поради „Тик ток“ предизвик appeared first on Република.

Џонас, познат тик-токер купил златни прачки во вкупна вредност од 5.134 евра но заборавил каде ги скрил.

„Момци, јас сум целосен идиот“, започна инфлуенсерот на TikTok Џонас.

Тој тврди дека златото го купил пред три години, но со текот на времето заборавил каде го сокрил во својот стан.

 „Веќе немам поим. Тогаш бев убеден дека никој нема да го најде скривалиштето. Но, не земав предвид дека можеби ќе заборавам каде се“, вели тој во видеото.

Го пребарал целиот стан и заклучил дека понатамошната потрага е залудна и дека некој иден станар ќе биде пресреќен доколку  го најде златото . Но, не изгледа премногу вознемирен поради загубата

The post Познат тиктокер купил златни прачки за пет илјади евра и заборавил каде ги скрил appeared first on Република.

Српска блогерка на „Тик ток“ го пренесува нејзиното искуство при посетата на Охрид и кажува што сè може да се купи таму за 10 евра.

Што може да се купи за 10 евра во Охрид? За почеток можете да купите мини крофни кои чинат 1,30 евра, а потоа печена или варена пченка за 1,60 евра. Потоа можете да се качите во такси-чамец и да пловите преку Охридското Езеро за пет евра и магнет за фрижидер кој чини едно евро, а на крајот шолја еспресо за едно евро и десет центи, вели таа.

@milicawoo Šta se može kupiti za 10 evra u Ohridu 🇲🇰 Kako vam deluju cene? 💸 #ohrid #fy #balkantiktok #fyp #traveltok ♬ A Summer Place - Hollywood Strings Orchestra

The post Што може да се купи во Охрид за 10 евра? appeared first on Република.

Американското Министерство за правда во петокот поднесе тужба против Тик Ток и нејзината матична компанија „Бајт Денс“ поради тоа што не ја заштитиле приватноста на децата помлади од 13 години на споменатата социјална мрежа.

Владата објави дека Тик Ток го прекршил Законот за заштита на приватноста на децата преку Интернет, кој бара услугите наменети за децата да добијат родителска согласност за собирање лични податоци на корисници на возраст под 13 години.

Тужбата е најновата американска акција против Тик Ток и нејзиниот кинески родител поради стравувањата дека компанијата неправилно собира огромни количини на податоци за Американците за кинеската влада, а истовремено влијае на содржината на начини кои потенцијално им штетат на Американците.

„Целта е да им се најде на патот“

Во тужбата, на која и се приклучи Федералната трговска комисија, се наведува дека целта е да се стави крај на „незаконското масовно нарушување на приватноста на децата“ на Тик Ток.

Одделот за правда соопшти дека Тик Ток свесно им дозволувал на децата да креираат редовни сметки на Тик Ток, а потоа да создаваат и споделуваат кратки видеа и пораки со возрасни и други на редовната платформа Тик Ток. Тик Ток ги собирал личните податоци на овие деца без согласност на нивните родители.

САД наведуваат дека милиони американски деца на возраст под 13 години користат Тик Ток со години и дека страницата „ги собира и задржува личните податоци на децата“.

– Тик Ток свесно и постојано ја нарушуваше приватноста на децата, загрозувајќи ја безбедноста на милиони деца низ целата земја – рече претседателката на ФТЦ Лина Кан, чија агенција го проследи случајот до Министерството за правда во јуни.

Пристигна одговорот на Тик Ток

FTC бара казни до 51.744 долари по прекршување дневно од Tik Tok за несоодветно собирање податоци.

Тик Ток не даде веднаш коментар, но во јуни рече дека работи со FTC повеќе од една година за да одговори на загриженоста на агенцијата и рече дека е „разочаран што агенцијата води судски спор наместо да продолжи да работи со нас на разумен резолуција“.

Ројтерс првпат објави во 2020 година дека FTC и Министерството за правда ги истражуваат наводите дека популарната апликација за социјални медиуми не успеала да се усогласи со договорот од 2019 година, чија цел е заштита на приватноста на децата.

The post Америка го тужи ТикТок – масовно ја нарушува приватноста на децата помлади од 13 години appeared first on Република.

ладата на Косово денеска донесе одлука за забрана на апликацијата „ТикТок“ во јавните институции со цел да се елиминираат кибер ризиците.

Заменикот министер за внатрешни работи и јавна управа на Косово, Бардиљ Добра, изјави дека одлуката е превентивна мерка, следејќи ги чекорите на европските земји.

Рековме дека е дозволено користење на ТикТок на лични уреди, но не и на државниот систем, рече тој.

Одлуката е донесена со цел да се елиминираат сајбер ризиците и сите институции се обврзани да ги воспостават потребните технички ограничувања за забрана на TikTok, беше речено по седницата на владата.

The post Владата на Косово забрани ТикТок во јавните институции appeared first on Република.

Републиканскиот претседателски кандидат Доналд Трамп се приклучи на социјалната мрежа за кратки видеа ТикТок, што е во сопственост на кинескиот технолошки гигант ByteDance и која тој се обиде да ја забрани додека беше претседател на САД.

Политико, кој прв ја објави веста, соопшти дека Трамп првото видео го објавил синоќа на овој свој нов профил. Во видеото, Трамп ги поздравува фановите на борбата за Ultimate Fighting Championship во Њуарк, Њу Џерси.

До осум часот утринава ( 10 часот по средноевропско време) профилот со адреса @realdonaldtrump собра повеќе од 450.000 следбеници.

ByteDance пред суд го оспорува американскиот закон што стапи на сила во април, според кој треба да го продаде ТикТок до следниот јануари или ќе се соочи со забрана.

Белата куќа соопшти дека не сака да го забрани ТикТок, но од причини за националната безбедност сака социјалната мрежа повеќе да не е во кинеска сопственост.

TикТок тврди дека нема да ги споделува податоците на американските корисници со кинеската Влада и дека презела значителни мерки за заштита на приватноста на своите корисници.

Во 2020 година судот го блокираше обидот на Трамп да го забрани ТикТок, додека тој беше претседател.

The post Доналд Трамп и се придружи на видео мрежата TикТок appeared first on Република.

ЕУ денеска започна истрага за апликацијата Лајт на ТикТок и се закани дека ќе ја суспендира функцијата „зависна“ што ги наградува корисниците за гледање и лајк на видеа, поради загриженоста за безбедноста на децата, изјави претставник на Европската комисија.

Европската комисија изразува загриженост за „ризиците од сериозна штета за менталното здравје на корисниците“, вклучително и малолетниците, од програмата за награди, рече претставникот.

ТикТок Лајт е во функција во Франција и Шпанија од март.

The post ЕУ се заканува: Ќе ги суспендира наградите на ТикТок Лајт поради ризикот од „зависност“ appeared first on Република.

Претставничкиот дом на американскиот Конгрес со „360“ гласа за и „58“ против усвои закон кој предвидува забрана на социјалната платформа ТикТок, доколку нејзиниот сопственик, кинеската компанија „Бајтденс“ не го продаде своето право на работа на американскиот пазар во рок од девет месеци, пренесува Данас.

Платформата има околу 170 милиони корисници во САД, а одлуката е донесена затоа што американските безбедносни служби ја сметаат за ризик за националната безбедност.

Во усвоениот закон се вели дека „Бајтденс“ мора да најде купувач во рок од 270 дена, или платформата ќе биде забранета, а Белата куќа има можност да го продолжи тој рок за уште 90 дена, доколку претседателот Џо Бајден утврди дека има напредок во продажбата.

Кинеската компанија силно лобираше за да се обиде да го спречи усвојувањето на законот, за кој рече дека ги крши правата на корисниците од Првиот амандман и ги загрозува малите бизниси.

„Жално е што Претставничкиот дом поддржува закон кој би ги погазил правата на слободата на говорот на 170 милиони Американци, ќе уништи седум милиони бизниси и ќе затвори платформа која придонесува 24 милијарди долари годишно за американската економија“, соопшти компанијата на социјалната мрежа Х (Твитер).

Кинеската компанија исто така навести дека може да го оспори законот на суд, а на корисниците им порача дека планираат да ја продолжат борбата „искористувајќи ги сите законски права“.

The post САД: Конгресот усвои закон со кој се предвидува забрана на социјалната мрежа ТикТок appeared first on Република.

Претставничкиот дом на САД со големо мнозинство денеска го одобри нацрт-законот што ќе го принуди ТикТок да се откаже од својот кинески сопственик или да добие забрана во САД.

Пратениците гласаа - 352 „за“ предложениот закон и 65 „против“, во редок момент на двопартиско единство во политички поделениот Вашингтон.
Засега според американски медиуми, не се знае каква ќе биде „судбината“ на законот во Сенатот каде треба да се одобри за да стапи на сила.

Нацрт-законот ќе го забрани TикТок од продавниците за апликации во САД, освен ако платформата за социјални медиуми, што ја користат околу 170 милиони Американци, не биде издвоена од кинеската матична компанија BiteDance.

The post САД чекор поблиску до забрана на „Тик ток“ appeared first on Република.

Само еден месец е отворен профилот на „Тик ток“ на српскиот претседател Александар Вучиќ, а тој веќе има над 60 илјади следачи и милионски прегледи на видеата. После хит објавата на која тој открива дека Волдеморт е Србин, па и онаа каде потпевнува по автопат, сега Вучиќ повторно е во центарот на вниманието со видеото со Џони Деп:

@jasamaleksandar Kako je Džek Sperou doveo Džonija Depa u Beograd? #johnnydepp #piratesofthecarribean #jacksparrow #jasamaleksandar #serbia🇷🇸 #srbijanesmedastane #follow ♬ original sound - Ja sam Aleksandar

The post Ново видео од тик-токерот Вучиќ, овојпат со Џони Деп appeared first on Република.

Властите во Непал објавија дека ја забраниле употребата на апликацијата во земјата бидејќи, според нив, „ги нарушува социјалната хармонија и семејните структури“.

Како што пренесува „Економист“, овој потег следува откако владата на Непал им нареди на компаниите што управуваат со глобалните платформи за социјални медиуми да основаат локални канцеларии во земјата.

Непалските власти рекоа дека „Тик-ток“ има содржини што поттикнуваат верска омраза, насилство и сексуална злоупотреба и дека доведоа до конфликти во реалниот живот, кои бараа распоредување на полициските сили и воведување полициски час, пишува „Њујорк тајмс“.

Bytdance, кинеската матична компанија на „Тик-ток“, не го коментира случајот, но претходно таквите забрани ги нарече „погрешни“.

„Тик-ток“ е забранет во Индија од 2020 година, а апликацијата исто така предизвика загриженост во САД, ЕУ и Канада за наводно споделување чувствителни податоци на корисници со кинеската влада.

The post Непал го забрани „Тик-ток“ appeared first on Република.

Возачот на пунтото кој возеше по спротивен правец на автопатот „Милош Велики“ близу Белград најверојатно се снимал за на тик-ток.Познавачите на жртвата Дејан Ј. велат дека тој бил фер човек но по малку чуден.

- Живееше сам, правеше масажи и продаваше правосмукалки. Беше малку чуден и необичен, осамен лик, но никогаш не правеше проблеми и не беше арогантен. Не веруваме дека сакал да се самоубие на овој начин, особено што имал сопатник во автомобилот. Таа можност за нас е сосема невозможна. Од друга страна, снимаше клипови за социјалните мрежи, учествуваше и во живо и зборуваше за разни работи.

The post Возачот во „пунтото“ кој возеше во спротивен правец се снимал за Тик-ток? appeared first on Република.

Убиството на Орхан Бајрами Оки (39), кој беше убиен во Ханиоти, Грција било најавено со видео на Тик-Ток од страна на профил со име „tmeriii0101“, објави порталот 4NEWS.mk.

Профилот е веќе избришан, а според порталот во објавеното видео завчера на фотографија пишува дека Оки е следен на листата за ликвидација.

Во ново видео објавено вчера е соопштено дека Оки е ликвидиран, а има најава за ликвидација на уште две лица.

4NEWS.mk пишува дека профилот не бил нов и дека најавувал и други убиства, а на истиот имало и содржина поврзана со убиство во Косово, но и тоа во Шиша бар во Старата скопска чаршија.

The post Убиството на Оки било најавено на Тик Ток appeared first on Република.

Коста К.(13), момчето  што уби девет ученици постојано добива пораки за поддршка на социјалните мрежи, а само на Тик-Ток му пристигнале 2.000 вакви пораки.

Најмладиот малолетник убиец во светот некако успеал да дознае дека по невидениот масакр станал ѕвезда на Тик Ток меѓу тинејџерите од целиот свет, но и меѓу постарата популација и упорно бара да му се врати мобилниот телефон поради Тик Ток и другите социјални мрежи, повторувајќи дека законот му го дозволува тоа.

The post Коста стана звезда на Тик-Ток, бара мобилен да ги види пораките за поддршка appeared first on Република.

Не бидете идиоти, алармираат експертите за новиот тренд кој се шири преку „Тик ток“, а во кој корисници тврдат дека со истурање и мачкање на пиво на кожата се добива најдобриот тен. Доктори за британскиот „Сан“ предупредуваат дека овој метод е многу опасен, зошто пивото изложува на ризик од топлотен удар и рак на кожата.

Ова е уште еден тренд со сериозни последици. Оштетувањето од сонцето е неповратно и предизвикува до 90 проценти од најчестите видови на рак во Велика Британија. Луѓето се изложени на сериозен ризик да развијат сите видови на рак на кожата, а изгорениците на кожата се силно поврзани со развојот на меланом, вели Кетрин Клифорд, ко-основач на добротворната организација за подигање на свеста за ракот на кожата, а други експерти се согласуваат.

Нанесувањето пиво на кожата и потоа изложувањето на сонце без претходна заштита значително го зголемува ризикот од изгореници, топлотен удар и предвремено стареење. Имено, без заштитен фактор, потребни се само 10 минути на сонце за да изгори. Со текот на времето, ова предизвикува ризик од рак на кожата, а во 70 проценти од случаите предизвикува оштетување на сонцето, додава д-р Стефано Пиетрини.

The post „Не бидете идиоти“: Овој Тик ток тренд за сончање остава трајни лоши последици appeared first on Република.

Гувернерот Грег Џанфорте потпиша нацрт-закон за забрана на ТикТок во Монтана, со што стана првата држава што целосно ја забрани апликацијата во САД.

Републиканскиот гувернер го потпиша законот во средата, велејќи дека забраната има за цел да ги заштити граѓаните од странско влијание, бидејќи ТикТок е во сопственост на „Бајтденс“ со седиште во Пекинг.

„Косристењето на ТикТок од страна на Кинеската комунистичка партија за шпионирање на Американците, кршење на нивната приватност и собирање на нивните лични, приватни и чувствителни информации е добро документирана“, се вели во соопштението на Џанфорте. „Денес, Монтана ја презема најодлучната акција од која било држава за да ги заштити приватните податоци и чувствителните лични податоци на Монтанците од собирање од страна на Кинеската комунистичка партија“.

Акцијата на државата следи по напорите во Конгресот, вклучително и двопартиски нацрт-закон во Сенатот, насочен кон ТокТок и други апликации од странски противници. Но, моментумот заглави во последниве недели откако либертаријанските членови како Ранд Пол (републиканец) и прогресивните демократи како Александрија Окасио-Кортез (демократ) се изјаснија против забраната.

Забраната ќе стапи на сила на 1 јануари 2024 година, доколку судовите не постапат прво, а сите продавници за апликации што ќе понудат ТикТок на 1,1 милион жители на државата, ризикуваат да се соочат со казни што ги спроведува Министерството за правда во Монтана. Таа казна започнува со почетна казна од 10.000 долари по прекршување, а потоа и 10.000 долари на ден кога прекршувањето продолжува.

The post Монтана стана прва држава во САД што го забрани ТикТок за сите жители appeared first on Република.