Без изненадување на трите саботни натпревари со кои се отвори сезоната 2024/25 во Првата македонска кошаркарска лига.

Шампионот МЗТ Скопје Аеродром беше убедлив на средбата со Шкупи, ТФТ во второто полувреме го скрши отпорот на МКК Куманово, додека најнеизвесно беше на натпреварот меѓу Работнички и Феникс.

Резултати:

Работнички – Феникс 90:85
ТФТ – МКК Куманово 81:70
Шкупи – МЗТ Скопје Аеродром 59:95

В недела играат:

Еуро Никел – Пелистер
Вардар – Гостивар и
Чаир – Кожув.

The post Фаворитите со победи ја стартуваа новата сезона во Првата македонска кошаркарска лига appeared first on Република.

Македонскиот кошаркарски прволигаш ТФТ во својот состав ќе има двајца нови странци со кои ќе го надополни отсуството на повредениот Донован Доналдсон. Дресот на тимот од населбата Тафталиџе ќе го носат Џермејн Бишоп и Дупри МекБрејер.

Бишоп и минатата сезона беше дел од ТФТ, а Дупри МекБрејер доаѓа од германскиот второлигаш Нирнберг каде лани имаше просек од 13.0 поени, 2.9 асистенции и 2.6 скока на 32 одиграни натпревари.

ТФТ се подготвува за настапот во АБА 2.

The post ТФТ со двајца нови странци во тимот appeared first on Република.

Убава вест за сите љубители на спортот, а особено на кошарката. Скопје за прв пат во својата историја има чест да биде домаќин на квалификациски турнир од официјалната кошаркарска лига на шампиони во организација на светската кошаркарска федерација ФИБА. Нашата гордост од Тафталиџе, екипата на ТФТ, храбро го прифати предизвикот да биде домаќин на великани од самиот врв на европската кошаркарска елита. Во период од 21.9 – 25.9. 2022 година, во три натпреварувачки дена, преку елиминационен систем на натпревари, Европа ќе го добие новиот учесник во групната фаза од лигата на шампионите. За престижното „столче“ во елитата, покрај нашиот ТФТ, како минатогодишен освојувач на купот на Македонија, ќе се борат и романскиот ЦСО Волунтари, швајцарски Фрибург, најстариот британски кошаркарски клуб Лестер Рајдерс, како и одлично познатите Кемниц од Германија и Тофаш Бурса.
Натпреварите ќе се играат во салата „Борис Трајковски“, а карти за истите може да се набават на овој линк.

The post ТФТ домаќин на квалификациски турнир од официјалната кошаркарска лига на шампиони во организација на ФИБА appeared first on Република.

ТФТ си го олесни патот до место во разигрувањето за титула откако во 9. коло од Суперлигата славеше на гостувањето кај Феникс 2010 со 58-76.

Гостите кои имаа двоцифрена предност на полувремето одолеаја на налетот на домаќинот во второто полувреме кога ‘виолетово-жолтите’ стигнаа и до изедначување, а со добра игра во финишот ја запишаа 17. победа со која се изедначија со Гостивар и Еуро Никел на табелата.

Николов со 15 поени и Хортон со 14 беа најефикасни кај победничкиот тим, а кај Феникс најефикасни беа Петков со 15 и Митревски со 14 поени.

The post ТФТ славеше против Феникс2010 appeared first on Република.

Екипата на ТФТ е најпријатното изненадување во досегашниот дел од кошаркарското првенство на Македонија. Со освоениот трофеј во Купот, тимот од Тафталиџе го сврте вниманието на кошаркарската јавност кон себе.

Боро Смилковски, најзаслужниот за постоењето и подемот на клубот во интервју за „Страна.мк“ го открива рецептот за успех на клубот.

Интервјуто го пренесуваме во целост.

Кошаркарската приказна на ТФТ претставува вистинско освежување на спорстката сцена во Македонија. Од каде идејата и почетоците на формирање на клубот од Тафталиџе?

Идејата потекнува многу одамна, сепак реализацијата на таа идеја се случува во 2018 година кога конечно созреваат условите за тоа.

ТФТ е еден од ретките клубови кои посветуваат внимание на работата на младинските категории. Дали тоа е важен елемент за напредок во македонската клупска кошарка?

Од самото формирање на клубот како еден од приоритетите на функционирање е формирање на ТФТ кошаркарска академија и младински селекции од каде во иднина би можеле да добиеме првотимци како „домашен производ“ на ТФТ. Во моментов имаме М18 и М15 селекција со околу 100 членови заедно со ТФТ академијата за почетници. Постојано работиме на унапредување на условите за функционирање на младинските школи и планирани се сериозни инвестиции во тој дел во периодот што следи.

На завршницата на купот ТФТ заигра по втор пат и успеа да слави над Пелистер, Академија ФМП и во финалето против актуелниот првак МЗТ Скопје. Тимот сите мечеви ги доби со двоцифрена разлика, кој е рецептот за успехот?

Успехот на неодамна завршениот куп на Македонија е производ на нешто што се случи во последните неколку дена. Мислам дека одлучноста во пристапот уште на првиот натпревар со Пелистер беше една од пресудните работи. Таа одлучност и желба за натпреварување не донесе во ситуација да го забележиме првиот триумф на турнирот.

Во тој момент на сите, а најмногу на себе си докажавме дека имаме квалитет и дека можеме да се натпреваруваме и против најдобрите. Останатите натпревари ги одигравме со една неверојатна енергија и самоувереност, силно верувајќи дека можеме и до пехарот што се испостави како точно и заслужено на крајот.

Како ја направивте селекцијата на играчи во тимот која е одличен спој на странци во комбинација со македонски играчи?

Селекцијата на играчи е направена после еден обемен скаутинг и доста непреспиени ноќи за потребите на истиот. Тимот е спој на играчи со големо искуство кои се неопходни да ја „држат соблекувалната“ со еден лидер на теренот како Аце Костоски, физички надмоќни странци и млади талентирани домашни играчи. За сето ова да функционира пред се е потребна хемија, што е резултат на квалитет и човечки особини на играчите како и голем број „оф корт“ активности и дружби.

Од каде љубовта за црно-белата боја, дресови во кои настапува и тимот?

Црно-белата боја на ТФТ се должи на мојата љубов спрема Партизан чиј навивач сум уште од дете.

Вие сте еден од ретките клубови кои не се општински или со голем спонзор. Како успевате финансиски да издржите околу обврските во клубот?

Клубот се финансира од една група ентузијасти поточно кажано фанатици кои секојдневно прават огромна жртва се со цел овој проект да функционира. Во моментов како и кај сите останати спортски клубови од голема помош ни е и спортскиот ваучер кој има значаен удел во реализацијата на нашиот годишен буџет.

Покрај настапот на домашна сцена, ТФТ има и меѓународно искуство со настапите во БИБЛ а играше и во квалификациите за ФИБА Лига на шампиони. Кои се амбициите на ТФТ до крајот на сезоната и во наредниот период?

Успехот од купот на Македонија пред се ни покажа што е потребно за да се победи и се надевам со еден таков пристап дека оваа екипа има капацитет за големи нешта оваа година. Како краткорочна цел за оваа сезона ќе кажам дека имаме амбиција да се пласираме на Фајнал 4 турнирот од БИБЛ и пласман во плејофот во македонското првенство.

Преземено од „Страна.мк“

The post Кошаркарската приказна на ТФТ: Освојувањето на Купот ни покажа што е потребно за да се победи, имаме капацитет за големи нешта appeared first on Република.

Екипата на ТФТ е првиот финалист во кошаркарскиот Куп на Македонија, откако вечерва во првото полуфинале ја совлада Академија ФМП Навико со 94:72.

Ова е прво финале во историјата за ТФТ. Екипата од скопската населба Тафталиџе се покажа како подобра од онаа кој функционира во Кисела Вода.

Целата прва петорка на ТФТ постигна двоцифрен број поени, а најмногу од сите Хортон – 20.

Во утрешното финале закажано за 19:30 часот, ТФТ ќе се соочи со поуспешниот од вечерашниот натпревар МЗТ Скопје Аеродром – Феникс (19:30 часот).

Претходно, во женското финале ќе играат Кам Баскет и Бадел.

Купот „Благоја Георгиевски – Буштур“ се игра во СРЦ „Кале“ во Скопје

The post Големо финале во купот за ТФТ appeared first on Република.

Кошаркарскиот клуб на Академија ФМП експресно се врати на победнички патеки на домашната сцена, триумфирајќи над составот на Куманово со убедливи 86-68.

Ова беше четврти триумф за тимот на тренерот Александар Петровиќ против неговиот поранешен клуб, извојуван пред се благодарение на одличното издание на ФМП во второто полувреме.

Резултатот на паузата изнесуваше 40-41, но домашните кошаркари потоа заиграа далеку подобро, ја добија третата четвртина со 27-18, а потоа во последните десет минути целосно го скршија отпорот на кумановци. Триумфот е уште позначаен ако се знае дека ФМП настапи без својот најдобар стрелец Крстајиќ, во чие отсуство вечерва најефикасни беа Лука Стојановски со 26 и Ајви со 23 поени.

Зивчевиќ со 23 поени и осум скока беше најдобар поединец во таборот на Куманово. ТФТ ја оправда фаворитската улога во скопската пресметка со Работнички, декласирајќи ги „центарци“ со 103-72. ТФТ беше подобар ривал во сите четвртини, постепено зголемувајќи си ја предноста до конечните „плус 31“.

Хортон со 23 поени беше главно име во победничкиот тим, 19 поени постигна Мајкл, додека кај Работнички најефикасен при овој убедлив пораз беше Какруки, кој го заврши мечот со 22 поени и седум скокови зад своето име.

Гостивар со супериорна игра го совлада тимот на КК Ангели со преубедливи 106-60.

Избраниците на Алек Јончевски тргнаа фуриозно од самиот почеток, на полувреме имаа убедливи 52-23, позитива што уште повеќе ја зголемија до крајот на мечот.

Силаџи беше најефикасен со дабл-дабл од 20 поени и 10 скокови, а дабл-дабл во таборот на Гостивар имаше и плејмејкерот Ворку, кој го заврши натпреварот со 15 поени и 13 асистенции.

The post ТФТ убедлив против Работнички, ФМП Академија му нанесе нов пораз на Куманово appeared first on Република.