Поранешниот претседател на Косово Ибрахим Ругова вчера доби улица во Чаир а на свеченоста присуствуваше и неговата ќерка Теута.

Taa има дипломирано на Универзитетот во Колумбија и е член на Парламентот на Косово.

Семејството Ругова пред неколку години доби албанско државјанство Уке Ругова, синот на Ругова и неговата сопруга Блерта Ругова ќерката Теута Ругова и неговиот друг син Мендим Ругова.

The post Ова е Теута, ќерката на Ибрахим Ругова која вчера беше во Скопје appeared first on Република.

Градоначалникот на Тетово Биљал Касами денеска објави дека за една година откако е на функцијата, Општина Тетово успеала да го намали за 3 милиони евра наследениот долг кој изнесувал 24 милиони евра. „Имајќи предвид дека воедно влеговме во инфраструктурни проекти, нето долгот е намален за еден милион евра“, рече градоначалникот.

Касами рече дека од претходната локална власт раководена од Теута Арифи општината  наследила „хаос, куп проблеми, блокирана сметка и 24 милиони евра долг, несметајќи ги казнените камати за долговите“ и додаде дека само на име на таа казнена камата годинава извршителите од општината изнудиле близу 1 милион евра. Тој нагласи дека по преземањето на власта го објавил наследениот долг затоа што граѓаните, рече, имаат право да знаат каде се трошат нивните пари.

„Последиците од недомаќинското раководење на поранешната локална власт со општина Тетово спречија да реализираме повеќе проекти кои ги планиравме. Тука се и тековните притисоци и опструкции од централната власт, која не ни одговори позитивно на ниту еден повик за помош. Но, и покрај сѐ, нашата упорност и работа даваат резултати. Денеска имаме општина со вратен дел од долгот и со многу нови проекти“, рече Касами.

Тој потоа нагласи дека енергетската криза и цената на струјата за една година, на општината и наметнала обврски за 60 милиони денари повеќе во однос на претходната година, односно100 милиони денари за периодот од ланскиот октомври па до крајот на септември годинава.

„Оваа состојба уште повеќе ја влошува политичката и незаконска одлука на Владата на штета на граѓаните и локалната власт, која не смее да основа јавни претпријатија за стопанисување со електрична енергија

The post Касами исплати три милиони евра од наследениот долг од Теута Арифи appeared first on Република.

Општина Тетово поднесе уште една кривична пријава за злоупотреба на службената положба против поранешната градоначалничка Теута Арифи.О ва е четврта тужба против екс градоначалничката.

Ја обвинуваат за оштетување на буџетот на општината за над 66 милиони денари.

Од локалната власт истакнаа дека тужбата е поднесена под сомнение за прекршување на Законот за работни односи, Законот за управување со буџетски книги и корисници на буџетот.

Претходно, општината Тетово побара од сите вработени кои склучиле договор со општината писмено да одговорат за работата што ја извршувале.

The post Општина Тетово со нова кривична пријава за Арифи, четврта по ред appeared first on Република.

По денешните врнежи Тетово е под вода. Во градот има поплава и граѓаните се загрижени дека водата ќе им влезе во подрумите и домовите.

Според жителите ова е директна причина од лошото работење на поранешната градоначалничка Теута Арифи која целосно го запусти градот и воопшто не се инвестираше во чистење на шахтите и подборување на атмосферската канализација

The post Тетово е под вода, Теута остави потоп appeared first on Република.

Градоначалникот на Тетово, Биљал Касами на денешната прес-конференција објави дека општината поднела кривична пријава против поранешната градоначалничка Теута Арифи за еден предмет на експропријација. Тој ја обвини неговата претходничка дека поради овој предмет општинскиот буџет е оштетен за над еден милион евра.

Вредноста на експропријацијата била три милиони денари, сега каматата за оваа сума е 65 милиони денари. Инаку, овој случај датира од 80-тите години, а повторно бил активиран во 2015 година, за кој сите судски одлуки се позитивни. Се сомневаме дека претходното раководство намерно не го обжалило решението, за кое денеска Општина Тетово плаќа камата и со тоа не само што се оштетува буџетот на општината, туку и на граѓаните. Ние како општина поднесовме кривична пријава против поранешната градоначалничка и нејзин близок функционер, против судија и адвокат, поради сомнение дека ги злоупотребиле службените овластувања и положби, со што е оштетен буџетот на Општина Тетово во износ од 68 милиони денари. За овој случај, од добивањето на мандатот само за камати плативме над 29 милиони денари или приближно половина милион евра. Вредноста на овој предмет, кој се однесува на имот чија експропријација била извршена многу порано, била околу 40 илјади евра - изјави Касами.

Тој тврди дека поранешното раководство не реагирало навреме.

Не поднеле никаков приговор или договор со странката за да не го оштетат буџетот на Општина Тетово, со единствена цел, да ги искористат евентуалните пазарења што можеле да се направат со странката. Ние не сакаме да се претставуваме како жртва, ниту се обидуваме да шпекулираме за многуте пропусти и законски прекршувања направени во времето на претходните локални власти, туку само сакаме да ги откриеме фактите и аргументите. Се обидуваме да им објасниме на граѓаните каде завршиле нивните пари и зошто општината е во огромни долгови. Граѓаните имаат право да знаат зошто е блокирана сметката на Општина Тетово, а со тоа се кочи нормалното функционирање на локалната власт - истакна Касами.

Тој рече дека со сопственикот имале неколку средби кои завршиле неуспешно околу можно договарање за исплата на експропријацијата, без да бара исплата на камата.

The post Општина Тетово поднесе кривична против Теута Арифи appeared first on Република.

Одговорот на приоритетни дипломатски центри за недавање агремани Теута Арифи од ДУИ да биде амбасадорка не е само нарушување на репутацијата на кандидатката, туку и на нашата дипломатија и на државата која номинира кандидати кои не поминуваат, вели за „Слободен печат“ Антонијо Милошоски, ексминистер за надворешни работи и претседател на собраниската Комисија за надворешна политика.

Ако на одбивањето на Теута за амбасадорка во Брисел се надоврзе и претходното одбивање на Љубомир Фрчкоски за амбасадор во Вашингтон, односно од двата најважни дипломатски центри добиваме непријатни вести за имиџот на нашата дипломатија и на целата држава. Консеквенците од тоа нема да останат само за кандидатката, туки и за државата. Во изминативе 30 години не се случило да има ваква дипломатска бламажа – вели Милошоски.

The post Милошоски: Одбивањето на Арифи за амбасадорка е невидена дипломатска бламажа appeared first on Република.

Бујар и Ахмети да се договорат дали ја праќале Теута Арифи предлог амбасадор или не и на колку места, реагираат од ВМРо-ДПМНЕ.

СДСМ и ДУИ продолжуваат да ја бламираат државата, Османи да каже на колку места се обиде да ја направи Теута Арифи амбасадор, па ја вратија.

 

По Вашингтон, Анкара, Теута Арифи не ја сакаат ниту во Брисел. Но прашањето е што толку го задолжила Арифи СДСМ и ДУИ за овие и покрај сите одбивања упорно да сакаат од истата да направат амбасадор.

 

Можеби Османи сака да го сокрие срамот, но го издаде Ахмети, кој кажа дека Теута Арифи била во игра за амбасадор.

 

Очигледно никој не им кажал дека во САД, Турција и ЕУ, не сакаат политичари и амбасадори кои држеле на платен список неколку стотици лица без да одат на работа. Ниту пак поминуваат политичари кои правеа матни дилови како тој со Миодраг Давидовиќ Дака.

 

Арифи очигледно може да продолжи да биде функционер само во ДУИ, или ако Ковачевски по налог на Ахмети ја именува во влада како утешна награда.

 

Уште по фрапантно е што некои политичари не можат да сфатат дека нивното време помина, дека со години го лажат народот, прават матни зделки и ја уништуваат иднината на поколенијата кои допрва треба да дојдат. Арифи, заедно со СДСМ и ДУИ сега се одбиени од Вашингтон, Анкара и Брисел, а наскоро и од македонските граѓани на следните предвремени парламентарни избори - се наведува во реакцијата на ВМРО-ДПМНЕ.

The post Бујар и Ахмети да се договорат дали ја праќале Теута Арифи како предлог амбасадор или не и на колку места appeared first on Република.

Потврда дека Арифи била планирана за амбасадорка во Брисел неодамна во изјава за медиумиte даде лидерот на ДУИ Али Ахмети. Тој потврди дека Арифи би била добар предлог за амбасадор во ЕУ во Брисел, со оглед на фактот што е поранешен вицепремиер за евроинтеграции.

Госпоѓата Арифи беше вицепремиер за евроинтеграции, и го познава овој процес. Оценето е дека Арифи може да придинесе по однос на ова точка, а причина за тоа се нејзините придонеси и претходните врски кои ги имала со регионот а и со ЕУ, изјави на 31 март оваа година Ахмети.

Шефот на дипломатијата Бујар Османи демантира дека за Арифи биле испратени барања за агремани во Вашингтон, Брисел и во Анкара. Тој потврди само дека имало размислување сопартијката да биде амбасадорка во Брисел но дека ни за таму немало формализиран предлог.

Никогаш немало формализиран предлог за Теута Арифи. Имало размислување, но никогаш формализиран предлог за да биде пратен во Брисел, рече шефот на дипломатијата Османи на денешната прес-конференција, одговарајќи на новинарско прашање за тоа колку е позитивно одговорено од шесте предлози испратени од МНР, односно од Владата, до Кабинетот на претседателот на државата.

Според неофицијални информации од МНР на кои се повикува пратеникот Антонијо Милошоски, предлогот на Арифи за амбасадорското столче во Анкара веројатно требало да биде амортизер поради чувството на нелагодност од одбивањето од Брисел. Претходно за амбасадорка во Вашингтон за Арифи имало усни консултации, но повратно мислење никогаш не било добиено, што се толкува како одбивање. За амбасадорското столче во Брисел пак, Арифи поминала на затворена владина седница, но остана нејасно дали Владата го повлекла предлогот со Арифи или пак, за неа согласност нема од претседателот на државата Стево Пендаровски.

The post Османи контра Ахмети: Никогаш немало формализиран предлог за Теута Арифи appeared first on Република.

Делегацијата на Европската Унија во Скопје денеска за ТВ21 истакнаа дека немаат никакво писмо во врска со екс градоначалничката Теута Арифи.

„ЕУ не доби никакво официјално договорно писмо за смена на актуелниот шеф на мисијата од Владата на Македонија“, велат за ТВ21 од Делегацијата на ЕУ во Скопје.

Инаку, изминативе денови во јавноста се појавија информации дека Теута Арифи ќе биде именувана за амбасадор.

Министерот за надворешни работи Бујар Османи денеска на прес конференција посочи дека никогаш не било пратено барање за добивање агреман за која било држава за именување на Теута Арифи за амбасадор.

„Никогаш немало формализиран предлог за Теута Арифи. Имало размислување, но никогаш формализиран предлог за да биде пратен во Брисел“, рече шефот на дипломатијата Османи на денешната прес-конференција, одговарајќи на новинарско прашање за тоа колку е позитивно одговорено од шесте предлози испратени од МНР, односно од Владата, до Кабинетот на претседателот на државата.

The post Делегацијата на ЕУ нема добиено никакво писмо за Теута Арифи appeared first on Република.

Шефот на диломатијата Бујар Османи им порача да внимаваат што објавуваат за Теута Арифи и оти таа била жртва на лажни вести. Според него, поранешната градоначалничка никогаш не била предлог за САД и за Турција а за амбасадор во ЕУ само се размислувало.

„Никогаш немало предлог за Теута Арифи да биде амбасадор во Анкара. Вчера беа објавувани информации без да се бара став од МНР. Немало размислување, предлог, ниту одбивање. Ниту предлог во Вашингтон. Немало формализиран предлог за во Брисел, имало само размислувања. Три дена се споменува име, места, дека се одбиени агремани, и покрај тоа што пуштивме соопштение, за второто не бев прашан, така да, да внимаваме, во однос на споменување на имиња. Јас не можам да коментирам имиња, но бидејќи беше спомената Арифи, да кажам дека немало таков предлог“, рече Османи на денешната прес конференција.

The post Според Османи, Арифи не била предлог за САД и Турција, за во ЕУ само се размислувало appeared first on Република.

СРАМ
Да се номинра три пати човек за амбасадор и три пати да биде одбиен од различни држави не е проблем на кандидатот туку на оној кој го кандидира.
Евидентно дека приватните интереси се над државните.
Османи постапува неодговорно, но секако тоа не е без согласност на државниот врв.
Не ве плаќаме за да ни нанесувате ваков срам.

Ова е коментарот на актерката Софија Куновска, некогаш висок функционер во СДСМ, како реакција на упорноста на власта Теута Арифи да биде поставена за амбасадор.

Вчера беше објавено дека е одбиениот предлог Теута Арифи да биде амбасадор на Македонија во Турција. Претходно имаше информација дека агреман за неа не е добиен од Вашингтон и од Брисел.

https://republika.mk/vesti/makedonija/nema-demant-ni-od-mnr-ni-od-teuta-arifi-deka-ja-odbile-i-od-turcija/

The post Куновска за Теута Арифи: Не ве плаќаме за да ни нанесувате ваков срам appeared first on Република.

Молк од Министерството за надворешни работи по информациите за одбиениот предлог Теута Арифи да биде амбасадор на Македонија во Турција. „Канал 5“ побара официјален став од МНР и лично од поранешната градоначалничка на Тетово, но не доби одговор дали е точно дека по Вашингтон и Брисел, и Анкара не одобрила агреман за неа.

https://republika.mk/vesti/makedonija/nitu-turcija-ne-ja-saka-arifi-za-ambasador/

Пред само два дена медиумите пишуваа дека Арифи не го помина филтерот на Европската Унија за амбасадор во Брисел, но по само неколку часа се огласија од МНР од каде демантираа тврдејќи дека Македонија досега воопшто не испратила предлог до ЕУ за да добие агреман, бидејќи се уште немало усогласено решение.

Од друга страна лидерот на ДУИ Али Ахмети пред еден месец потврди дека Арифи е предлог за амбасадор, бранејќи ја пред медиумите дека неговата сопартијка има долгогодишно искуство и може да помогне во дипломатијата.

Арифи беше заменик премиер за евроинтеграции, го познава процесот на интеграција. Проценивме дека госпоѓата Арифи може да даде придонес, поради нејзиното искуство, односи коишто ги имала преходно и во регионот и со Европската Унија, рече тој.

The post Нема демант ни од МНР ни од Теута Арифи дека ја одбиле и од Турција appeared first on Република.

Се чини дека Теута Арифи, поранешна градоначалничка на Тетово, нема да може да се вклучи во македонската дипломатија. По Вашингтон и Брисел, и официјална Анкара одби таа да биде амбасадор на Македонија во Турција, дознава весникот „Коха“.

Извори на „Коха“ тврдат дека по одбивањето на Вашингтон и Брисел, Владата и Министерството за надворешни работи се обиделе да ја испратат Арифи во Анкара, Турција. Сепак, официјалната реакција на Република Турција била брза и агреманите нема да бидат одобрени.

Претходно таа беше непожелна за амбасадор и во САД и во ЕУ.

The post Ниту Турција не ја сака Арифи за амбасадор! appeared first on Република.

Министерството за надворешни работи како шпекулации ги оцени информациите што ги објавија одредени медиуми дека не било прифатено барањето за агреман за амбасадор на нашата земја во Европската Унија, бидејќи, како што посочуваат од МНР, таков предлог воопшто не бил пратен.

Министерството за надворешни работи ги демантира шпекулациите кои се појавија во одредени медиуми дека не е прифатено барање за агреман за амбасадор на Република Македонија во Брисел од причини што досега воопшто не е пратен предлог за добивање на агреман до Европската Унија, затоа што се уште нема усогласен предлог на државата за амбасадор, се вели во денешната реакција од МНР.

The post MНР за одбивањето на Арифи: Немаме испратено предлог за амбасадор appeared first on Република.

Предлогот на македонската влада за амбасдорка во ЕУ, во Брисел, да биде испратена Теута Арифи, истакната членка на ДУИ, не го поминал филтерот на Европската Унија, објави МКД.мк повикувјќи се на доверливи дипломатски извори.

Теута Арифи, поранешната градоначалничка на Тетово, која по неуспешниот обид да биде испратена во Вашингтон, во март годинава од македонската влада беше предложена за амбасадорка во ЕУ. Претходниот план на владеачката коалиција Арифи да биде испратена како амбасадорка во САД не ги помина филтрите на Стејт департментот во Вашингтон. Молкот од Вашингтон за ваквото кадровско решение, во македонското МНР било разбрано како несогласување.

По мартовската владина одлука, опозициската партија Алијанса за Албанците побара Европската Унија да ја одбие акредитацијата за Теута Арифи.

„Наша должност е, како граѓани на оваа земја и како опозиција, да побараме од ЕУ да ја одбие акредитацијата на Теута Арифи. Нејзината акредитација би била многу штетен сигнал за правдата, бидејќи стекнувањето дипломатски имунитет од страна на Арифи би значело прекинување на нејзините кривични предмети“, изјави Арбен Фетаи, раководител на Одделот за евроинтеграција на Алијансата за Албанците.

На последните локални избори Теута Арифи ја изгуби градоначалничката функција на Тетово. „Таа беше казнета од тетовц за уништувањето што му го направи на Тетово како градоначалник со корумпираната власт во два мандата. Против Теута Арифи се поднесени две кривични пријави за корупциски дела. Таа ја договори приватизацијата на 71 илјада квадратни метри површина од некогашниот шумско-индустриски комбинат ‘Јелак’ во центарот на Тетово, за да му овозможи на прорускиот олигарх и поранешен министер на Радован Караџиќ, Дака Давидовиќ да заработи 200 милиони евра во операција за недвижнини. Арифи призна дека потпишала повеќе од 800 фиктивни договори за наградување партиски активисти и политички поддржувачи со пари на даночните обврзници. Ја остави Општина Тетово со долг од повеќе од 24 милиони евра, додека годишниот буџет на општината е 26 милиони. Како поранешен градоначалник на Тетово таа мора да понесе одговорност и за трагедијата во ковид-болницата каде во септември 2021 година животот го загубија 14 пациенти...

Стекнувањето дипломатски имунитет на Арифи би значело прекин на кривичните постапки покренати против неа. Ова не смее да се случи! ЕУ никогаш не смее да се користи како штит од страна на корумпираните. Затоа ја повикуваме ЕУ да ја одбие акредитацијата на Теута Арифи. Такво нешто е можно, како што докажаа САД во случајот со Фрчкоски. Сега на ред е ЕУ да докаже дека нема место за корумпираните во Брисел“, соопшти Алијанса на Албанците.

The post Теута Арифи не помина за амбасадорка ни во ЕУ appeared first on Република.

Дипломатијата со оваа власт на СДСМ и ДУИ, администрирана од Ковачевски, тоне секој ден, обвинуваат од ВМРО-ДПМНЕ.

На листата скандалозни одлуки за именувања на кои веќе се наоѓаат ТВ презентерката, синот на аналитичарот, колоритниот транзициски лик Фрчкоски, вечниот функционер Жерновски, сега се придодаваат и испраќањето на Теута Арифи, Виктор Димовски и Зоран Попов. Ова покажува дека дипломатската служба се доживува како монета за поткусурување на меѓупартиски дилови. Теута Арифи како предлог за амбасадор во ЕУ е многу навредливо и за Европската Унија и за граѓаните во Македонија. Ликот кој се покажа како исклучително неспособен градоначалник, кој остави зад себе урбан и еколошки хаос, кој ја заглави општината во долгови, кој одделувал милиони денари преку 800 сомнителни договори за вработувања, оваа влада го предлага да ја застапува Македонија и граѓаните пред ЕУ. Не помалку скандалозна е и одлуката за именување на Зоран Попов за амбасадор во САД и Виктор Димовски за амбасадор во Франција. И двајцата освен партиско - политички функции немаат никаква заслуга за Македонија, ниту пак капацитет, за да бидат назначувани на вакви значајни позиции, реагираат од ВМРО-ДПМНЕ.

Според нив СДСМ ги погазува професионалците во дипломатија и за жал создава скандал дипломатија која ја срами Македонија кај што ќе стигне.

The post Со овие амбасадори власта ги срами и своите граѓани и земјите каде што ги праќа appeared first on Република.

Изборот на Владата Теута Арифи да ја претставува Македонија во ЕУ, а Зоран Попов од СДСМ во САД за ВМРО-ДПМНЕ е задоволување на големите коалициски апетити.

Портфолоито на Теута Арифи е проблематично, особено што по три градоначалнички мандати од Тетово замина со еколошка катастрофа како багаж и долг на општината од 30 милиони евра.

Ковачевски и Османи за претставник на Македонија во ЕУ, во Брисел, ја праќа Теута Арифи, градоначалничката која ги загуши тетовчани и им остави 30 милиони евра долгови. Арифи откако направи еколошка катастрофа во Тетово со урбан хаос, илјадници дивоградби и диви депонии, сега ќе треба да ја претставува земјава во ЕУ. Со што Арифи се докажа како компетентна за амбасадор во ЕУ? Дали со тоа што во Тетово правеше криминални тендери или затоа што имаше на список 800 договорно вработени, од кои поголемиот дел не биле во државата додека земале плата, велат од ВМРО-ДПМНЕ.

За амбасадорот во Париз, Ковачевски и владата го предлагаат Виктор Димовски, истакнат кадар на СДСМ, без никакви одлики за државата.

За амбасадор во САД, владата го предлага Зоран Попов, сегашен државен секретар и претседател на републичката комисија за надворешни работи на СДСМ.

СДСМ и ДУИ од дипломатијата прават дом за згрижување на функционери од нивните партии, кои зад себе го имаат не само партискиот багаж, туку и разни криминални и коруптивни афери, без никаков допринос за општеството. Ова е потценување и за државите на прием, на кои наместо професионалци, им се испраќаат луѓе кои првпат одат во дипломатска мисија или луѓе кои имаат црни петна позади себе, велат од опозициската партија.

The post СДСМ и ДУИ ја направија дипломатијата дом за згрижување корумпирани функционери appeared first on Република.

Активистот Ивор Мицковски бурно реагира на веста дека Теута Арифи ќе биде нов македонски амбасадор во ЕУ.

https://republika.mk/vesti/makedonija/teuta-arifi-ambasador-vo-eu-dimovski-od-anb-vo-francija/

Одлична порака - никогаш во ЕУ, депонија држава, презадолжен град, политика на етнички трла наместо граѓанско општество, криминал, корупција, клиентелизам, непотизам и перење пари за партија.
Се ова е дел од нејзината политичка кариера и ние ќе ја праќаме во Брисел, вели Мицковски.

The post Мицковски: Криминал, корупција, клиентелизам, непотизам и перење пари – и ние ја праќаме во Брисел! appeared first on Република.

Поранешната градоначалничка на Тетово и вицепремиерска за евроинтеграции, Теута Арифи, ќе биде нов македонски амбасадор во ЕУ, дознава „Фокус“.

Според информациите на неделникот, актуелниот директор на АНБ Виктор Димовски, ќе замине на амбасадорска служба во Париз, а добро упатени извори за „Фокус“ тврдат амбасадорското место во Вашингтон ќе биде пополнето со Зоран Попов, дипломат од кариера кој е државен секретар во МНР.

Неофицијално, овие предлози од МНР веќе се поминати на Влада и треба да стигнат на одобрување кај претседателот на државата.

Потоа, законската процедура предвидува издавање на агреман од земјата-домаќин каде се упатуваат.

The post Теута Арифи амбасадор во ЕУ, Димовски од АНБ во Франција appeared first on Република.

Некогашниот министер за финансии Џевдет Хајредини, жесток критичар на ДУИ, ја трола нејзината поранешна градоначалничка на Тетово, Теута Арифи, на која наследникот Билал Касами ѝ извади еден куп „валкани алишта“.

„И евентуалното заминување на Теута Арифи за амбасадор во Вашингтон значително може да придонесе во борбата со корупцијата во Македонија“, се надоврза Хајредини на Фејсбук на реакциите во јавноста за потписот од претседателот Стево Пендаровски за испраќање на Љубомир Фрчкоски за амбасадор во Обединетите нации.

The post Хајредини: Заминувањето на Арифи за амбасадор во САД може да придонесе во борбата со корупцијата во Македонија appeared first on Република.