Со одлука на Министерството за култура за директор на Национална установа Уметничка галерија - Тетово од денес ќе биде Беса Даути, информираа од тетовската установа. Даути е неколку години вработена во Уметничката галерија во Тетово, како ликовен кустос, а по професија е академски сликар.

- Беса Даути студирала сликарство на Академијата за уметности во Тетово. Работи како академски сликар и ликовен кустос во Уметничката галерија Тетово. Искуството, длабоките познавања на културно-образовна формација на Беса Даути ќе го инспирира и тимот на Галеријата и нашите уметници, посетители и љубители на уметноста, што ќе донесе сериозна посветеност на континуираниот развој на установата, се вели во соопштението на Уметничка галерија.

Беса Даути доаѓа на местото на досегашната директорка, Арбенита Мета, која ја раководеше установата од октомври 2023 година.

The post Беса Даути е нова директорка на Уметничка галерија – Тетово appeared first on Република.

Од 20 дена во февруари само во пет дена немало загаден воздух, односно имало надминување на дозволената гранична вредност од 50 ПМ10 во текот на 15 денови.  Со оглед дека во јануари среднодневните концентрации во 22 дена биле над дозволените 50 ПМ10, веќе е надминат светскиот здравствен стандард што вели дека во една календарска година не треба да има повеќе од 35 денови со загаден воздух.

-Овие бројки се показател на она што постојано го потенцираме дека во зимскиот период затоплувањето на домовите со фосилни горива, дрва и мазут, предизвикува најголемо загадување на воздухот. Не треба ништо да измислуваме, за се има решение, се ќе се смени кога гасот ќе биде доминантен начин за затоплување. Исто така, во Тетово има прекумерна употреба на возила и голем сообраќаен хаос, а не се користи градскиот автобуски превоз.  Помалку возила на улиците исто така ќе значи помалку загаден воздух, изјави д-р Ратко Давидовски од Центарот за јавно здравје во Тетово, специјалист по хигиена и здравствена екологија

Во текот на 2023 година имало 89 денови со загаден воздух, а во 2022 година биле загадени 108 денови. Во 2021 имало 132 денови со загаден воздух, а во 2020 година од 366 денови 138 биле со загаден воздух во Тетово. Тетовци најмногу се соочуваа со загадениот воздух во 2015 година со оглед дека од 365 денови дури во 350 имало високо присуство на штетните ПМ10 честички.

The post Во Тетово од 20 дена во февруари само пет дена немало загаден воздух appeared first on Република.

Контролите на Државниот просветен инспекторат над работата на основните и средните училишта во државата во изминатите неколку месеци, потврдуваат дека Тетово е општина која најлошо ги менаџира своите надлежности и обврски во областа на образованието. Тоа е резултат на несовесно работење на градоначалникот кој наместо на квалитетот на наставата и интересите на учениците, фокусиран е на политички игри кои ги спроведува токму преку образовните установи, велат од Министерството за образование и наука (МОН).

Од страна на просветните инспектори констатирани се бројни неправилности, особено при избори и именувања на директори и тоа во седум општински основни и средни училишта, за што давани се насоки за постапување и поведувани се соодветни постапки.

Во три основни училипта - „Истикбал“, „Ѓерѓ Кастриот Скендербеу“ – Порој и „Беса“ во Мала Речица, именувани се директори кои не ги исполнуваат законските услови за извршување на функцијата. Двајца од нив (во „Истикбал“ и „Беса“) се назначени и без да се спроведе оглас за избор на директор, исто како и во гимназијата „7ми Март“.

Во средното училиште „8ми септември“ не е распишан оглас за избор на директор три месеци пред истекот на мандатот на актуелниот директор на училиштето, како што наложува законот, додека во гимназијата „Кирил Пејчиновиќ“, противзаконски е разрешен директор и не е постапено согласно насоките од записникот на просветните инспектори при констатитирањето на прекршокот, што пак е утврдено за време на контролниот надзор.

Најнов случај на констатирана нерегуларност е обидот на директорката на ОУ „Лирија“ за преземање на вработени од други институции со лажна изјава, за што известени се надлежните органи и институции за понатамошно постапување.

Законите важат подеднакво за сите и мора да се почитуваат. Раководството на општина Тетово е свесно за прекрошоците кои ги има направено и залудни се обидите да се даде политички контекст на реакциите на институциите и на голем дел од тетовските граѓани. Никој не е над законот и за непочитувањето треба да знае дека сноси одговорности и има последици, се вели во соопштението на МОН.

The post Тетово е општина која најлошо ги менаџира своите обврски и надлежности во образованието, покажуваат контролите на ДПИ во школите appeared first on Република.

Претседателот на Владата на Република Македонија, Талат Џафери денеска присуствуваше и се обрати на настан со кој се означи почетокот на изградбата на обиколницата на Тетово преку клучката Требош до Непроштено.

Во продолжение ви го пренесуваме интегралното обраќање на премиерот Џафери:

Драго ми е што денеска отпочнуваме со решение на еден горлив проблем не само за тетовци, туку и за целиот Полошки регион и пошироко. Со децении стоеше само како идеја изградбата на обиколницата околу Тетово, која создаваше невиден сообраќаен хаос за граѓаните од западниот дел на Македонија и тешкотии во нивното секојдневно функционирање. Со обиколницата од улиците на централното градско подрачје ќе ги тргнеме камионите, тешките товарни возила, превозниците и транспортерите, односно  ќе имаат можност да возат по современ и безбеден пат, а со тоа ќе ги заштитиме и граѓаните кои живеат во овој регион.
Обиколницата околу Тетово е голем проект кој ќе се протега од клучката „Требош“ до Непроштено. Средствата за овој проект се  обезбедени од буџетот на Јавното претпријатие за државни патишта во износ од над 12,2 милиони евра.
Инвестирањето во патната инфраструктура е приоритет на Владата на Република Македонија. Реализираме рекордни инвестиции во патиштата. Започнавме со реализација на најголемата капитална инвестиција во историјата на нашата земја, изградбата на Коридорот 8 и Коридорот 10-д, европски коридори кои ќе не поврзат со исток и запад, со што Македонија станува клучен транзитен центар.
Кога велам исток мислам на црното море, да не има недоразбирања во смисла на идеолошките поврзувања.
Со изградбата на овие два коридори, ги зајакнуваме врските со соседите, отвораме работни места, создаваме можности за нови бизниси, ги вклучуваме во работа и домашните компании и стимулираме економски раст и зголемување на трговската размена.
Македонија го менува својот лик и станува уште подостапна за инвеститорите кои се повеќе ги препознаваат нашите можности и потенцијали.
Нема да дозволиме граѓаните да бидат изолирани и исклучени од цивилизација во сопствената држава. Наш приоритет е забрзан развој на Македонија, отворање на нови пазари, нови инвестиции, европска иднина овде во нашата држава. Граѓаните го заслужуваат тоа и наша обврска е тоа да го исполниме.
Само минатата година реализиравме околу 400 милиони евра во капитални проекти. Имено овие неколку години успеавме да изградиме и рехабилитираме преку 1.400 километри патна мрежа. Само во патната инфраструктура инвестираме преку 2 милијарди евра.
Го подигнавме квалитетот на патиштата низ земјава, а со тоа влијаеме и на квалитетот на животот на граѓаните.
Ние не бегаме од предизвиците - докажавме дека се соочуваме со нив. Нашата примарна цел е да создадеме модерна и безбедна патна инфраструктура, која ќе овозможи рамномерен развој на сите региони во државата и квалитетно ќе не поврзе со земјите од Европската Унија и соседите. Овие инвестиции ги реализираме за да создадеме услови за економски раст, олеснувајќи го транспортот на товар и патници и отворајќи нови можности за домашните компании.
Секој километар изграден пат во земјава е влог за сите нас, за идните генерации, за економски развој и просперитет на целата држава.

The post Џафери од Тетово: Инвестициите во инфраструктурата се влог за сите нас, за економски развој и просперитет на државата appeared first on Република.

Новоназначениот вршител на должност муфтија од страна на Исламската верска заедница (ИВЗ) за тетовскиот регион Селвер Џемаили во полиција пријавил дека бил попречуван да почне со работа. Тој пријавил во полиција дека не можел да пристапи до канцелариите во Муфтиството и порано.

Денеска (31јануари) во 7 часот и 30 минути Џ.С. (52) од Тетово во СВР Тетово пријавил дека Џ.С. и Ш.Ш. ги заклучиле вратите од објектот на ИВЗ во Тетово и му оневозможиле како в.д. муфтија да влезе и да ги извршува работните задачи, иако поседувал решение од Исламската верска заедница изготвено на 8.11.2023 година. Истото се случувало подолго време, а во спречувањето биле инволвирани и лица ангажирани како обезбедувачи во ИВЗ. Веднаш по пријавувањето на случајот, на местото се испратени полициски службеници за да се спречи евентуално нарушување на јавниот ред. Се преземаат мерки за расчистување и документирање на случајот, информира СВР Тетово.

Исламската верска заедница на Република Македонија објави соопштение за овој случај во кое посочи дека досегашниот муфтија е разрешен и мора да ги напушти канцелариите, а како в.д. е назначен Селвер Џемаили.

На 9 ноември, Ќани Несими е разрешен од функцијата муфтија на Тетовското муфтиство со едногласна одлука на Ријасетот, а истовремено од тој момент тој нема право да ги користи печатите на муфтиството, ниту да се појавува во јавноста како муфтија. Неговото име како муфтија е избришано и од Централниот регистар и на негово место стои вршителот на должноста назначен од страна на Ријасетот на ИВЗ на РСМ, д-р Селвер Џемаили, се вели во соопштението на ИВЗ објавено на социјалната мрежа Фејсбук.

Од ИВЗ бараме од надлежните институции да ја решат настанатата ситуација согласно нормативните акти.

The post Се искараа муфтиите во Тетово, се побара помош и од полицијата appeared first on Република.

Лидерот на ВМРО-ДПМНЕ, Христијан Мицкоски денес е во посета на тетовското Кале и црквата Св. Атанасиј.

Нека е за многу години. Тетово е гордо на своите традиции.

Заедно да се избориме за промени и победа над хаосот.

Тие ја одземаа државата, ние ќе ја вратиме во рацете на народот.

Заедно и силно. Момент за промени“ – истакна Мицкоски.

The post Мицкоски: Тие ја одземаа државата, ние ќе ја вратиме во рацете на народот appeared first on Република.

Граѓаните кои сакаат да ја посетат Попова Шапка од денеска ќе имаат можност да ја користат нововоспоставената автобуска линија која тргнува од Тетово. До скијачкиот центар досега немаше редовна автобуска линија, а Општина Тетово воведува превоз во сабота и недела.

Од Тетово кон Попова Шапка автобуси ќе тргнуваат во 08:30, 11:00, 14:00 и 17:00 часот со почетна точна – во близина на поранешната појдовна станица на жичарницата од градот до скијачкиот центар.

На ден 27.01.2024 година (сабота), со почеток во 11:00 часот, ЈП „Тетово Транспорт“-Тетово ќе организира свечен настан за пуштање во употреба на новата линија за јавен превоз во правец „Тетово – Попова Шапка – Тетово“. Поаѓањето ќе биде со автобус од градската жичарница. Заедно со градоначалникот на општина Тетово, Биљал Касами ќе се упатиме кон Попова Шапка, се вели во повикот на Општина Тетово.

Во соопштение, од општина Тетово најавија дека повратен билет за едно лице ќе чини 200 денари.

Оваа линија очигледно ќе влијае не само на зголемување на бројот на туристи, туку и на олеснување на сообраќајот кон овој патен правец. Ајде да уживаме заедно во убавините на зимскиот центар. Секогаш сме на услуга на граѓаните, порачуваат во соопштението од Канцеларија за комуникации и односи со јавноста на Општина Тетово.

Патниците ќе се превезуваат со автобуси на Јавното претпријатие „Тетово Транспорт“ – Тетово, кои имаат редовни градски линии. За враќање од Попова Шапка кон Тетово предвидени се термините 09:30, 12:30, 15:30 и 18:30 часот.

The post Од денеска ќе има автобуски превоз од Тетово до Попова Шапка и назад appeared first on Република.

Еден од повредените во пукањето кое се случи минатата недела пред Клиничкиот центар во Тетово им подлегна на повредите, јавува локалната телевизија Коха.

Според медиумот станува збор за 41-годишен жител на тетовското село Гајре. Уште по пукањето, беше познато дека едно лице е во тешка состојба и дека се бори за живот.

Пукањето се случи пред девет дена. Две лица добија притвор, а по 48 часа, беа ослободени. Тетовците кои завршија зад решетки се само двајца од четворицата осомничени во случајот со пукањето. Засега државните органи соопштија дека причината се нерасчистени фамилијарни односи.

The post Почина еден од повредените во пукањето пред болницата во Тетово, сите осомничени на слобода appeared first on Република.

На годинешното празнување на Богојавление-Водици во соборниот тетовски храм „Свети Кирил и Методиј“ осветениот крст во црковниот базен го фати 21-годишниот Давид Дамјановски.

Претходно, архиерејската литургијата, чинот на водосвет и положување на осветениот крст во црковниот базен ги изврши митрополитот г. Јосиф.

По втор пат скокам по осветениот крст и за прв пат успеав да го фатам. Посакувам Господ да дарува здравје, љубов и бериќет оваа година, истакна Дамјановски.

По осветениот крст скокаа и 24-годишниот Давид Ристовски и 23-годишниот Наден Ристовски, сите тројца од населбата Два бреста во Тетово.

The post 21-годишниот Давид Дамјановски го фати осветениот крст во Тетово appeared first on Република.

Вчера во 17.10 часот во СВР Тетово, З.Р.(42) од Тетово пријавил дека околу 14.50 часот во неговиот угостителски објект во Тетово, Ф.Д., М.Н. и Ѓ.С. оштетиле дел од инвентарот, физички го нападнале него, од вработениот со закана одзеле пари, додека пред објектот со тврд предмет оштетиле патничко возило „ауди а7“ со скопски регистарски ознаки, сопственост на С.Ѓ.(41) од Скопје, гостин во објектот.

По преземени мерки било констатирано дека Ф.Д. е лице со здравствени проблеми, по што полициски службеници од СВР Тетово го обезбедиле и го спровеле во здравствена установа во Скопје, велат од тетовската полиција, додавајќи дека по целосно расчистување и документирање на случајот ќе следува соодветна пријава.

The post Банда предводена од здравствено нестабилно лице кршела и тепала во тетовски локал appeared first on Република.

Скоро два часа голем дел од тетовското градско подрачје беше без снабдување со електрична енергија. Прекинот од 16 до 18 часот според компанијата  Електродистрибиција бил направен по барање на Територијалната противпожарна единица, а со цел да се изгасне пожар и да се спречат поголеми проблеми.

Дел од тетовското градско подрачје попладнево имаше прекин во снабдувањето со електрична енергија по итно барање на противпожарните служби со цел да се спречи поголема несреќа бидејќи во одредена локација настанал пожар. Екипите на Електродистрибуција веднаш интервенираа на лице место, информираше Вјоса Селими портпарол на Електродистрибуција.

По надминување на ситуацијата, според Електродистрибуција, снабдувањето со електрична енергија е повторно нормализирано.

The post Пожар остави поголем дел од Тетово без струја appeared first on Република.

Вчера во 19.00 часот во СВР Тетово, Б.Б.(33) од тетовска Брвеница и Ј.К.(32) од тетовско Долно Седларце пријавиле дека околу 15.25 часот на улица „Маршал Тито“ во Тетово, поради недоразбирање во сообраќајот, биле физички нападнати од едно лице, кое употребило и метален предмет и го оштетило и возилото „форд галакси“ сопственост на Б.Б..

Од СВР Тетово велат дека се преземаат мерки за расчистување на случајот, по што ќе следува соодветен поднесок.

The post Маж ги нападнал, па им го искршил и возилото по недоразбирање во сообраќајот во Тетово appeared first on Република.

МВР објави детали за пукањето пред болницата во Тетово. Се трага по пет лица. двајца се повредени , од кои едниот со тешки повреди.

Денеска околу 18 часот и 5 минути во СВР Тетово пријавено е дека пред влезот на Ургентен центар во тетовската Клиничка болница било пукано во две лица од тетовското село Гајре, кои се здобиле со прострелни рани.

Служби на СВР Тетово и јавен обвинител се на лице место и се преземаат мерки за пронаоѓање на пет лица, кои се сомничат во врска со случајот.

Инаку, на овој случај денеска, исто така, му претходела физичка пресметка помеѓу еден од ранетите и еден од осомничените за учество во пукањето. Се работи на расчистување на случајот, соопштуваат од МВР.

The post МВР за пукањето пред тетовската болница: Се трага по пет лица, двајца се повредени appeared first on Република.

По повод доаѓањето и престојот во Тетово на висока делегација од Собранието на Кралството Саудиска Арабија предводена од Абдулах Бин Мухамед Ал Шеикх, утре (четврток ) од 5 часот и 30 минути во Тетово ќе се воведе посебен сообраќаен режим, информираат од СВР Тетово.

Изменетиот режим ќе се однесува и применува на улицата „Маршал Тито“ од влезот - излез на Тетово до градскиот плоштад и обратно, потоа на потегот од
градскиот плоштад до крстосницата со улицата „Браќа Миладинови“ и обратно и на улицата „Браќа Миладинови“ на потегот од крстосницата со улицата
„Илинденска“ до крстосницата со улицата „Ѓорче Петров“.

Посебниот режим ќе се применува до 12 часот.

Во овој период се апелира до граѓаните без поголема и неодложна потреба да не се движат со нивните возила во овој дел од градот или да ги паркираат на споменатите улици, да имаат трпение и целосно да се придржуваат на наредбите и насоките од полициските службеници на СВР Тетово. Со тоа, граѓаните најнепосредно ќе придонесат да не се наруши непреченото и безбедно движење на гостите од Саудиска Арабија, и воопшто нормалното одвивање на сообраќајот во Тетово, велат од СВР Тетово.

The post Посебен режим на сообраќај и во Тетово за посетата на делегација од Саудиска Арабија appeared first on Република.

Во три угостителски објекти, од кои два на подрачјето на СВР Тетово и еден на подрачјето на Охрид, при спроведени полициски и истражни дејствија, биле затекнати вкупно 99 женски лица со потекло од Украина, Русија, Белорусија, Албанија, Косово, Колумбија, Србија, Аргентина, Бугарија, Казахстан и Македонија, кои престојувале спротивно на целта, а пронајдена е една ќеса со прашкаста материја и еден пиштол „Гамо“ калибар 4,5 милиметри, соопштија од МВР.

На 04/05.01.2024 година, Националната единица за сузбивање на криумчарење мигранти и трговија со луѓе при Сектор за криминалистички истраги во Одделот за сузбивање на организиран и сериозен криминал, во содејство со ОСПО, а во координација со јавен обвинител од ОЈО ГОКК, по добиени наредби за претрес од Основен кривичен суд, Скопје, се појаснува во соопштението, извршени се претреси во три угостителски објекти, од кои два на подрачјето на СВР Тетово и еден на подрачјето на Охрид.

Во угостителскиот објект сопственост на И.И.(26), биле затекнати 50 девојки од Украина, Русија, Белорусија, Албанија и Косово, како и ќеса со дрога, а исто така биле легитимирани 80 гости. Во угостителскиот објект, сопственост на А.Џ.(26), беа затекнати 36 девојки од Украина, Русија, Белорусија, Албанија, Колумбија, Србија, Аргентина, Бугарија и Македонија, а пронајден е и пиштол, додека легитимирани биле 95 гости во објектот. При претресот извршен во угостителскиот објект во Охрид, сопственост на Х.А.(34), биле затекнати 13 девојки од Украина, Русија, Белорусија, Казахстан и Македонија, а затекнати и легитимирани биле 47 гости во објектот, соопштија од МВР.

Во однос на затекнатите женски лица кои престојувале спротивно на целта, се посочува, ќе се отпочне со прекршочна постапка пред надлежен суд, а против сопствениците ќе бидат поднесени соодветни поднесоци.

The post Најдени 99 девојки во ноќни клубови во Тетово и Охрид appeared first on Република.

Во 7 часот и 10 минути во СВР Тетово пријавено е дека на магистралниот пат Гостивар-Кичево, во непосредна близина на отворените сепарации (каменоломи) се случила сообраќајна несреќа.

Во неа учествувале две патнички моторни возила:„ауди“ со странски регистарски ознаки управувано од 42-годишниот Е.З. од Кичево и „шкода“ со скопски ознаки што ја управувал Ш.Н.(48) од тетовско Камењане.

Во несреќата, од здобиените повреди, двајцата возачи починале на местото, а смрт констатирале лекари од гостиварската Итна помош, велат од МВР за „Скопје1“.

Јавен обвинител и екипа од гостиварското Одделение за внатрешни работи извршиле увид на местото.

The post Двајца возачи загинаа во несреќата на патот Гостивар-Кичево appeared first on Република.

Синдикалната организација на вработените во тетовската печатница Напредок бараат институциите да преземат мерки и се реши нивната состојба со оглед дека од декември 2023 година не работат, а чекаат плати од август 2023 година. Тие побарале од сопственичката структура да им го реши статусот и да им исплати плати, придонеси и К15, но сè уште тоа не е направено.

Печатницата како правен субјект е поделен на две фирми, Напредок 1 и Напредок Принт, чиј пак сопственик е компанијата Просветно дело. Во декември од Просветно дело се изјаснија дека нема да работи печатница Напредок и 15 декември 2023 немаме репроматеријали и не работиме. Ние сме принудени да доаѓаме на работа за да се реши статусот и да ги добиеме неисплатените плати. Досега преку кажан збор имавме неколку најави дека ќе има исплата, но во пракса нема ништо со образложение дека нема пари, дека сметки се блокирани, дека УЈП не работи и слично, информираше на денешната средба со новинарите, Живе Ќировски, претседател на синдикалната организација на вработените во печатницата.

Вработените во тетовска печатница Напредок во текот на годината неколку пати преку медиумите бараа реакција од државата затоа што со години нередовно примаат плати и немаат здравствено осигурување. Проблемите, според нив се почнати од 2020 година.

Напредок Принт нема земено плата за август, септември, октомври, ноември, декември и К15, а Напредок 1 нема земено плата за октомври, ноември, декември и К15. И здравствено осигурување немаат работници. Ние не знаеме како ќе биде решен нашиот статус, ние доаѓаме на работа, не работиме не придонесуваме затоа што нема репроматеријали. Ние доаѓаме на работа затоа што статусот не ние сменет освен поранешните договори за работа. Дали ќе бидеме технолошки вишок прогласени, дали ќе оди во стечај, сите ние сме во исчекување, истакна Живе Ќировски.

За барањата на работниците и синдикатот, МИА го побара Сашо Ангелевски, кој работниците го посочија дека е поставен за управител. Ангелевски во телефонски разговор посочи дека сопственикот ќе се произнесе за состојбата.

Во моментот сопственикот не е тука, ќе добиете од него изјава, ќе ве контактира за кратко време, истакна Ангелевски.

Печатницата Напредок во Тетово постои од 1948 година како државна фирма која во 1989 преминала во акционерско друштво. Од 2006 година е приватизирана со продажба на акциите. 

The post Вработените без плати и во лимбус: Се затвора печатницата „Напредок“ од Тетово, отворена 1948 година appeared first on Република.

Земјотрес со јачина од 3,4 степени и епицентар во Албанија доцна синоќа ги вознемири жителите на Тетово и Гостивар.

Според ЕМСЦ, земјотресот е регистриран во 23.30 часот, а епицентарот бил во Албанија.

Нема информации за причинета штета или повредени.

The post Земјотрес во Албанија, почувствуван и во Тетово и Гостивар appeared first on Република.

Тетовско-гостиварската епархија информира дека година се планира да се одржи Бадникарска поворка во Тетово на Бадник, сабота 6 јануари.

Како и претходните неколку години поворката ќе тргне од тетовската соборен храм Кирил и Методиј во Тетово веднаш после завршувањето на Светата Божествена Литургија во 10 часот.

Учесниците ќе се движат кон плоштадот каде е предвидена празнична програма со пеење на божиќни песни.

Еве и ова 2024 лето Господово, Господ не удостои, да им се приближиме на Божикните празници и да го прославиме раѓањето на Витлеемскиот Богомладенец Христос. Во таа насока, а држејќи се до веќе воспоставената традиција Ве известуваме сите православни христијани дека на 06.01.2024 година, со благослов на митрополитот Тетовско-гостиварски господин Јосиф, ќе се организира Бадниковата поворка. Ги повикуваме сите православни родители да ги донесат своите деца и на тој начин да искажеме почит и љубов кон Христос нашиот Господ. Да се обратиме со искрена молитва кон Богомладенецот и ние заедно со ангелите да ја пееме рождественската песна „Слава на Бога во висините, а на земјата мир и меѓу луѓето добра волја“, информираат од Тетовско-гостиварската епархија.

Во Тетово прв пат се одржа бадникова литија во 2017 година, а не се одржа во 2021 и 2022 поради пандемијата. Во 2023 година за прв пат после Бадниковата поворка имаше и масовна сенародна Бадникова прослава на тетовскиот плоштад.

The post Во Тетово ќе се организира Бадниковата поворка appeared first on Република.

СВР Тетово информира дека вчера се случила сообраќајна незгода во која тешко е повредена 51-годишна жена. Околу 21 часот и 35 минути имало судир на две возила на обиколницата за Тетово на автопатот од Скопје кон Гостивар.

Се случила сообраќајна несреќа во која учествувале две патнички моторни возила со тетовски регистарски ознаки „фолскфаген голф" управувано од А.С (27) од тетовско Ново Село и „опел корса", што го управувал Н.З.(51) од тетовско Боговиње. Во несреќата, сопатничаката од „корсата" И.З.(51) се здобила со тешки телесни повреди констатирани во тетовската Клиничка болница, информираше портпаролот Марјан Јосифоски.

На местото на несреќата увид извршила екипа од СВР Тетово.

The post Судар кај Тетово, тешко повредена жена пренесена на скопските клиники appeared first on Република.