Стресот предизвикан од современиот начин на работа пред компјутер e предизвик за сечие тело. Главата и вратот често страдаат од положбата во којашто се наоѓаат со часови, па болката е придружена со проблеми со рамената, очите и траен замор.

Понекогаш лошото држење е причина за болка и непријатност во нашето тело. Направете еден брз експеримент. Турнете ја главата нанапред, а потоа подигнете ја за да погледнете нагоре колку што ви дозволува вратот. Оваа незгодна поза е токму онаа која луѓето зад екранот често несвесно ја заземаат, а истражувањата покажаа дека ако сме во таа положба само 30 секунди се јавува болка, вели д-р Ерик Пепер, професор на Универзитетот на Сан Франциско во Калифорнија (САД).

Тој објаснува како главоболките може да бидат предизвикани од разни нешта, но треба да се концентрираме и да избегнуваме што повеќе причинители на болката. Еден од начините се дишењето и држењето на телото.

Делотворно е како да не се задржува напнатоста во мускулите на вратот, па така да се стане посвесен за таа состојба. Стегнете ги мускулите, па опуштете ги целосно и тоа се повторува и практикува што почесто, додека човекот не се навикне на опуштањето.

Друг совет гласи – поставете потсетник за накусо да станете за да се истегнете.

За положбата на екранот, важно е таа да нѐ тера да бидеме исправени,односно да ни биде пред очите, а не долу. Професорот советува и да го подигнеме лаптопот со држач, ако е потребно, па и посебна тастатура.

The post Работа пред компјутер е тешка физичка работа appeared first on Република.