Курдската работничка партија (ПКК) денеска ја презеде одговорноста за нападот врз комплексот на турската национална воздухопловна-вселенска компанија „ТУСАШ“ во предградието Кахраманказан на Анкара.

Во нападот загинаа пет лица, а 22 беа повредени.

Турскиот претседател Реџеп Тајип Ердоган, на прес-конференција во својот авион по враќањето од самитот на БРИКС во Казан, изјави дека напаѓачите влегле во Турција од Сирија. Тој повторно се заколна дека Турција ќе го искорени тероризмот во неговото „седиште“ во Сирија, и додаде дека Анкара ќе продолжи да се бори со терористите додека не бидат уништени.

Нападот го извршиле двајца напаѓачи – маж и жена, кои загинале за време на акцијата. Турскиот министер за внатрешни работи Али Јерликаја изјави дека тие се идентификувани како членови на ПКК.

Вчера, Советот за безбедност на ОН го осуди терористичкиот напад врз „ТУСАШ“ и порача дека „сите терористички дејствија се криминални и неоправдани, независно од мотивите, времето или местото каде се извршени“. Советот ги повика сите земји на „активна“ соработка со Турција и со надлежните власти, истакнувајќи ја потребата да бидат изведени пред лицето на правдата извршителите, организаторите и финансиерите на терористичките акции.

ПКК е признаена како терористичка организација од Турција, ЕУ и САД.

The post ПКК презеде одговорност за нападот врз ТУСАШ во Анкара appeared first on Република.

Турскиот министер за внатрешни работи Али Јерликаја изјави дека во денешниот терористички напад врз комплексот на Турската воздухопловна и вселенска индустрија (ТУСАШ) во главниот град Анкара, загинале четири лица, а 14 се повредени, пренесува Анадолија. Тој потврди дека двајцата терористи биле неутрализирани.

Јерликаја го посети местото на нападот и изјави пред новинарите дека нападот се случил во 15:26 часот по локално време.

- Безбедносните сили веднаш пристигнаа на местото на настанот. Двајцата терористи, жена и маж, се неутрализирани. За жал, имаме четворица шехиди (маченици) и 14 ранети, од кои тројца се во тешка состојба, рече министерот.

Осудувајќи го тероризмот, Јерликаја изрази сочувство до турскиот народ и им посака брзо закрепнување на повредените.

Работиме на идентификација на терористите. Штом го дознаеме нивниот идентитет, ќе ги споделиме информациите за тоа која терористичка организација стои зад нападот,“ нагласи Јерликаја.

Инаку, ТУСАШ е државна компанија за оружје и авио-технологија со седиште во близина на Анкара. Оваа компанија произведува воени и цивилни авиони и хеликоптери, како и системи за беспилотни летала за турските вооружени сили и за странски пазари.

Според официјалниот веб-сајт, ТУСАШ е основана за да ја намали зависноста на Турција од увоз на авио-технологија за воени потреби.

Како членка на НАТО, Турција ја определи компанијата како лиценциран производител на американските борбени авиони Ф-16, а исто така има важна улога во модернизацијата на постарите авиони за потребите на турската војска.

Главни сопственици на оваа компанија се турските вооружени сили и цивилната агенција на турската влада.

The post Што е ТУСАШ, комплексот во Анкара кој го нападнаа терористите appeared first on Република.

Експлозија одекна во Анкара во близина на зградата на турската корпорација ТУСАШ, производител на воени авиони и вселенска опрема, а причините се уште не се јасни, објави агенцијата ИХА.

„Се случи експлозија во производствениот погон ТУСАШво Анкара, област Кахраманказан. Се слушнаа и звуци од истрели“, се вели во соопштението.

Турскиот министер за внатрешни работи Али Јерликаја денеска соопшти дека во просториите на Турската компанија за воздухопловна и вселенска индустрија (ТУСАШ) бил извршен терористички напад, во кој имало убиени и ранети.

Јерликаја во објава на својот профил на социјалните мрежи објави дека терористичкиот напад бил извршен во комплексот на компанијата ТУСАШ во областа Кахраманказан во Анкара.

„За жал, во нападот имаме загинати и ранети. На нашите маченици им посакуваме Божја милост, а на ранетите брзо закрепнување. Јавноста ќе биде информирана за ситуацијата. Важно е да се земат предвид информациите што доаѓаат од официјалните извори“, рече Јерликаја.

Во областа се испратени безбедносни сили, пожарникари и болничари. Беше објавено дека персоналот на одбранбената фирма бил упатен во засолништа од безбедносни причини.

Ankara'da TUSAŞ Tesisi önündeki patlama görüntülendi.pic.twitter.com/5zg9dCODyz

— Boşuna Tıklama (@bosunatiklama) October 23, 2024

The post Терористички напад во Турција, има загинати appeared first on Република.

Осум лица загинаа, а уште осум се повредени во пукање во Тел Авив, соопшти израелската служба за итни случаи.

Полицијата соопшти дека ги неутрализирала двајцата напаѓачи, кои ги опишаа како „очигледни терористи“.

Националната служба за итни случаи на Израел извести дека инцидентот се случил во близина на железничката станица во Јафа.

На вознемирувачките снимки кои се појавија на социјалните мрежи, може да се видат луѓе како лежат безживотно на станицата, додека се уште се слушаат истрели.

Израелските лекари претходно рекоа дека на местото на несреќата имало најмалку седум повредени лица.

The post Терористички напад во Тел Авив, убиени се осум луѓе appeared first on Република.

Француските власти спречиле три терористички напади на Олимписките и на Параолимписките игри во Париз и во ругите градови домаќини, изјави обвинителот за антитероризам на земјата, Оливие Кристен.

Кристен откри дека еден од нападите бил насочен кон „израелските институции или израелските претставници во Париз“, додавајќи дека израелските спортисти не биле директна цел на напад.

Вкупно пет лица, меѓу кои и малолетник, се приведени поради сомнение дека се вмешани во три спречени заговори. Осомничените се соочуваат со обвиненија поврзани со тероризам и сè уште се во истражен притвор додека не биде целосно затворена истрагата.

Во интервју за „Франчеинфо“, Кристен откри дека во мај било приведено 18-годишен момче од Чеченија, под сомнение дека стои зад планот за напад на олимписките фудбалски натпреварувања што се одржуваа во „Сент Етјен“.

Франција ангажираше околу 18.000 француски војници и околу 35.000 полицајци во текот на ОИ и на ПОИ.

Ја зајакна својата воздушна одбрана, распоредувајќи борбени авиони, нападни хеликоптери, авиони за надзор, воени и полициски беспилотни летала за следење на небото над Париз и над Марсеј.

Превентивните мерки вклучуваа зголемени претреси на куќи и куќни апсења пред почетокот на ОИ, рече обвинителот, додавајќи дека полицијата и другиот безбедносен персонал досега извршиле 936 претреси на куќи во 2024 година, наспроти 153 минатата година.

Француските воздушни сили летаа повеќе од 750 часа во 350 мисии што резултираа со 90 пресретнувања, се вели во соопштението на Министерството за одбрана.

Повеќето од пресретнатите биле цивилни дронови, додавајќи дека биле уапсени 85 оператори на дронови. Тоа биле, главно, туристи, кои не биле запознаени со прописите што важеле во текот на Олимписките и на Параолимписките игри, се наведува во соопштението.

The post Француската полиција спречила три терористички напади за време на Олимписките игри appeared first on Република.

Осумнаесетгодишен Ирачанец е приведен во Виена во врска со истрагата за наводен заговор за напад на концертот на американската пејачка Тејлор Свифт во главниот град на Австрија, соопшти денеска австриското Министерство за внатрешни работи.

Министерството наведува дека приведениот Ирачанец потекнува од истиот круг како главниот осомничен, 19-годишен Австриец, од родители Албанци со потекло од Македонија.

Свифт вчера, денеска и утре требаше да пее на виенскиот стадион „Ернст Хапел“, но концертите се откажани.

The post Уапсен уште еден од групата која планирала терористички напад во Виена appeared first on Република.

Сите три концерти на мегаѕвездата Тејлор Свифт што требаше да се одржат во Виена се откажани, откако полицијата уапси две лица осомничени за планирање напади. Едното лице, 19-годишник, како што објавуваат австриските медиуми е со потекло од Македонија. Се трага по уште три лица.

Генералниот директор за јавна безбедност при австриското МВР, Франц Руф, го опиша 19-годишниот уапсен во Терниц како „непосреден главен сторител“, додека второто уапсено лице е 17-годишник, пренесува Австриската новинска агенција – АПА.

https://republika.mk/vesti/svet/19-godishnik-so-poteklo-od-makedonija-planiral-teroristichki-napad-na-kontsertite-na-tejlor-svift-vo-viena/

При вчерашниот претрес на куќа запленети се повеќе хемиски супстанци и технички средства. Тие сега ќе се оценуваат. Според Руф, пред само неколку недели, осомничениот дал заклетва за лојалност кон актуелниот водач на терористичката Исламска држава на Интернет.

Двајцата уапсени се родени во Австрија, родителите на 19-годишникот имаат корени од Македонија, а мајката на 17-годишната е Австријка, изјави генералниот директор за јавна безбедност Руф.

Апсењата на двајцата, според Руф „ја минимизираа заканата за оваа мала група“, а откажувањето на концертите на Тејлор Свифт беше „одлука и одговорност на организаторите“.

Руф потврдува дека имале дојава од странски служби, по што била спроведена истрага во комбинација со сознанијата на австриската разузнавачка служба.

Второто апсење, според австриските медиуми, е извршено вчера попладне во Виена, но се уште нема информации за осомничениот.

Основниот мотив на осомничениот за тероризам, чија цел бил еден од концертите на мегаѕвездата Телјор Свифт во Виена, било убивање на што е можно повеќе луѓе, објави денеска австрискиот весник „Кронен цајтунг“.

Очигледно 19-годишникот сакал да направи експлозив и за таа цел земал хемикалии од своето работно место, наведува весникот, додвајќи дека 19-годишникот бил со потекло од Македонија.

Масата обожаватели била цел, а не самата Тејлор Свифт, изјави извор од истрагата за весникот. Според весникот, напад со експлозиви за да се предизвика што поголема штета - тоа веројатно бил планот на осомничениот за тероризам.

The post Метата не била Свифт, туку да се убијат што повеќе луѓе – уапсениот е роден во Австрија, само родителите доаѓаат оттука appeared first on Република.

Трите концерти на американската пејачка Тејлор Свифт, кои требаше да се одржат во главниот град на Австрија, Виена, оваа недела, се откажани откако австриските власти уапсија две лица кои се сомничат дека планирале терористички напад за време на концертот.

Откако властите потврдија дека е планиран терористички напад на концертот на Тејлор Свифт на стадионот ‘Ернст Хапел’, немаме избор и мораме да ги откажеме трите закажани концерти за сигурноста и безбедноста на сите граѓани, се вели во објавата на промотерот „Баракуда мјузик“.

Кратко пред да биде објавено дека концертите се откажани, австриското министерство за внатрешни работи соопшти дека се уапсени две лица кои планирале терористички напад на концертот на американската ѕвезда, а главниот осомничен, според информации на весникот „Кронен цајтунг“, е 19-годишен Австриец со потекло од Македонија, кој живеел со своето семејство во градот Терниц.

Генералниот директор за јавна безбедност од австриското министерство за внатрешни работи изјави дека токму планираните концерти биле потенцијалните цели на главниот осомничен и дека рациите и апсењата се резултат на соработката на локалните и државните полициски агенции.

Идентификувавме релевантни подготвителни активности и исто така фокусот на 19-годишникот биле концертите на Тејлор Свифт, изјави Руф.

Во полициската акција биле запленети хемиски супстанци од домот на првоосомничениот, а превентивно биле расчистени и куќите во близина поради страв од присуство на поголеми количини експлозиви.

Руф воедно рече дека двајцата осомничени се радикализирале преку канали од интернет и дека 19-годишникот се заколнал на верност на терористичката група „Исламска држава“. Иако полицијата даде повеќе информации за главното осомничено лице, сепак за второто нема информации за тоа колку години има и дали е австриски државјанин.

The post 19-годишник со потекло од Македонија планирал терористички напад на концертите на Тејлор Свифт во Виена appeared first on Република.

Исламисти нападнаа хотел и познатата плажа Лидо во сомалиската престолнина Могадишу, убивајќи најмалку четиринаесет лица и повредувајќи над триесет, пренесе ДПА, повикувајќи се на портпарол на полицијата.

Бројот на жртвите може да се зголеми, бидејќи борбите помеѓу локалните сили и напаѓачите продолжуваат, додава агенцијата.

Потресни сцени беа споделени на социјалните мрежи, забележува ДПА. На видеата се гледаат луѓе како бегаат по плажата, обземени од ужас, додека одекнуваат истрели.

Спасувачките екипи не можат да стигнат до сите повредени поради продолжувањето на пукањето. Освен огнено оружје, се слушаат и експлозии.

Плажата Лидо е популарна дестинација за жителите на Могадишу за време на викендите. На пукањето му претходел самоубиствен напад на исламист, пренесе ДПА, повикувајќи се на податоци од полицијата.

Исламистичката терористичка група „Ал Шабаб“ ја презеде одговорноста за нападот преку изјава на своето радио, додава агенцијата.

The post Терористи почнаа да пукаат на популарна плажа, најмалку 14 загинати appeared first on Република.

Белгиската полиција во четвртокот приведе седум лица осомничени за планирање терористички напад, објави државниот обвинител. По наредба на судија во Антверпен, полицијата изврши 14 претреси низ целата земја, вклучувајќи го тој град, Брисел, Гент и Лиеж.

„Седум лица се приведени на распит“, се вели во соопштението на обвинителот.

Сите тие се приведени „под сомнение дека учествувале во активности на терористичка група, финансирале тероризам и подготвувале терористички напад“.

Во соопштението за медиумите не се открива за која терористичка група се работи, но Белгија во последните години има посебен проблем со исламистичкиот тероризам.

Во ноември 2015 година, бриселската ќелија на Исламската држава уби 131 лице во Париз, а во напад на белгиската престолнина во март 2016 година беа убиени 32 лица.

The post Поради планирање терористички напад уапсени седум лица во Белгија appeared first on Република.

Терористички напад се случил денеска во трговски центар во израелскиот град Кармиел на северот на земјата.

„Ерусалим пост“ пренесува дека итната помош соопштила дека две лица се ранети со нож и дека едното од нив, кое е на околу 20 години, е во несвест и во критична состојба пренесено во локалната болница.

Се наведува дека терористот влегол во трговскиот центар.

Нападот се истражува како „терористички“, а тамошната полиција соопштила дека напаѓачот е „неутрализиран“.

🔴 Dos personas resultaron gravemente heridas hoy en un ataque con cuchillo en el centro comercial "Hutzot Karmiel".
El terrorista, un árabe israelí, fue neutralizado por un civil que iba armado. pic.twitter.com/8WAiwADiw1

— Sivan Gobrin (@sivangobrin) July 3, 2024

#BREAKING: Multiple injuries reported in stabbing attack at mall in Karmiel, Israel. #Karmiel | #Israel pic.twitter.com/mmyevA9pfd

— Ivan Maltsev (@Potato_Event) July 3, 2024

The post Терористички напад во трговски центар во Израел appeared first on Република.

Српскиот министер за внатрешни работи Ивица Дачиќ денеска изјави дека црногорската полиција извршила разговор со сопругата на мажот кој во саботата рани жандарм пред израелската амбасада во Белград, а телефонот и е одземен и ќе биде испратен на вештачење во Србија.

Дачиќ во изјава за белградски медиуми нагласи дека нејзиното сведочење потврдило дека се работи за терористички чин, пренесе Бета.

Таа вели дека... добила видео порака. Нејзиниот сопруг бил во јавен превоз и рекол дека автобусот го носи во рај. Спомнал Израелци кои убиваат муслимани, рече Дачиќ.

Припадникот на Жандармеријата М.Ј. во саботата беше застрелан со самострел во вратот пред израелската амбасада во Белград. Тој пукал во напаѓачот, кој починал од здобиените рани.

По нападот МВР на Србија ги подигна безбедносни мерки на територијата на цела држава.

https://republika.mk/vesti/makedonija/mvr-guzhvite-na-tabanovtse-poradi-proglasenoto-tsrveno-nivo-na-bezbednosen-rizik-od-terorizam-vo-srbija/

Претседателот на Србија, Александар Вучиќ, вчера изјави дека црвената безбедносна тревога најверојатно ќе важи до вторник.

The post Вахабистот терорист од Белград ѝ пратил порака на сопругата од автобус, ѝ рекол дека го носи во рај appeared first on Република.

Српскиот министер за внатрешни работи Ивица Дачиќ изјави дека и денеска продолжува акцијата низ цела Србија по вчерашниот терористички акт, како и дека синагогата во Белград била можна прва мета на Милош Жујовиќ

Даиќ додаде дека е извршен претрес на неколку локации, а две лица се во притвор.

Треба да најдеме соодветна причинско-последична врска меѓу активностите на вахабистите и конкретниот настан. Затоа е спроведена широка акција на сослушувања и притвори, а во два случаи е одредена мерка притвор. За Игор Деспотовиќ, кој беше уапсен во Белград, и Кемал Беговиќ кој беше приведен при претресот во Нови Пазар. Одзеден му е елекот со знаме на таканаречената Исламска држава, изјави Дачиќ на РТС.

Дачиќ кажа дека реконструкцијата на движењето на Милош Жујовиќ, кој рани припадник на Жандармеријата во близина на израелската амбасада, покажа дека тој вчера првпат дошол до синагогата во Белград и дека е можно тоа да му била прва цел, но продолжил понатаму кон израелската амбасада поради големиот број припадници на полицијата околу синагогата.

Ова е насочен терористички напад, а ќе видиме кој се учествувал во него, посочи Дачиќ.

Според него, она што е неспорно за сите тие луѓе е дека припаѓаат на вехабистичкото екстремистичко движење.

Како што објасни Дачиќ, во Србија е прогласено „Црвеното ниво на закана“ што значи дека сите единици на Министерството за внатрешни работи се ставени на највисоко ниво на будност и дека нивната задача е да бидат видливи во обезбедувањето на јавниот ред и мир и спречување на можни терористички акти.

Тоа значи дека ќе ги има на многу локации низ Србија. Ова е превентивна мерка со цел да не се случат други дејствија. Понекогаш терористите знаат да направат таканаречена мамка, односно да направат акција која е од секундарен тип и потоа да следи друга главна акција. Овој терористичкиот акт беше запрен практично на самиот почеток, објасни Дачиќ и додаде дека граѓаните се безбедни.

The post Дачиќ: Синагогата во Белград е можна првична мета на терористичкот напад во Белград appeared first on Република.

Најмалку 18 лица се убиени, а 30 се повредени при терористички напади во североисточната нигериска држава Борно, соопшти локалната служба за итни случаи.

Од пред 15 години, Борно е подложен на напади од исламистички групи кои убија илјадници локални жители и принудија милиони да ги напуштат своите домови. Иако нигериската армија успеа да го ограничи капацитетот на исламистичките борци, тие сè уште извршуваат смртоносни напади врз цивили и напаѓаат припадници на безбедносните сили.

Раководителот на Агенцијата за управување со итни случаи во државата Борно, Баркиндо Саду, изјави дека вчера имало три одделни напади во градот Гвоза. Напаѓачи-самоубијци нападнале учесници на свадбена церемонија, луѓе собрани на погреб, како и болница во градот Гвоза. Саду посочи дека засега е потврдена смртта на 18 лица, меѓу кои две деца и бремена жена, а повредени се најмалку 30 лица.

Засега никој не ја презел одговорноста за нападите, но најактивни терористички групи во Борно се „Боко Харам“ и „Исламска држава - провинција Западна Африка“.

The post Најмалку 18 загинати и 30 повредени при терористички напади во североисточна Нигерија appeared first on Република.

оварен воз излета од шините во близина на Волгоград, во југозападна Русија, по „интервенција на неовластени лица“, јавија утринава руските медиуми.

На станицата Котлубан, во регионот на Волгоград, вагон излета од шините по интервенција на неовластени лица, јавија руските медиуми.

Пожарот што избувнал во резервоарот за гориво и во еден вагон е изгаснат, соопштија од Министерството за вонредни состојби.

Детали за инцидентот не се објавени.

Градот Котлубан е на околу 300 километри од границата со Украина, а регионот на Волгоград беше цел на напади со украински беспилотни летала.

The post Нов терористички напад? Воз излета од шини кај Волгоград по „интервенција на неовластени лица“ appeared first on Република.

Австралиската полиција денеска соопшти дека вчерашниот напад со нож, за време на црковна служба во близина на Сиднеј, ќе се третира како терористички акт.

Полицијата вчера уапси 15-годишно момче откако во асирската црква во Вејкли, околу 30 километри западно од Сиднеј, избоде со нож четири лица, меѓу кои и епископот на црквата. Повредените, меѓу кои е и напаѓачот се здобиле со полесни повреди.

Нападот се случи за време на проповед што се емитувала во живо на интернет.

Медиумите објавија дека напаѓачот изјавил дека тоа го прави од одмазда.

Да не го навредуваа мојот пророк, немаше да дојдам овде, вели тој на арапски на видеото кое е објавено по нападот.

Тоа е втор напад со нож во Сиднеј во изминатите денови. На 13 април со нож беа усмртени шест лица во трговскиот центар „Вестфилд бондаи џанкшн“ (Westfield Bondi Junction) во Сиднеј. Напаѓачот беше застрелан од полицијата. Инцидентот не е означен како терористички акт.

The post Му го навредувале пророкот: Откриен мотивот за терористичкиот напад во Сиднеј appeared first on Република.

Најмалку четири лица загинаа, а има и повредени во оружан инцидент во трговски центар во Сиднеј близу познатата плажа Бондај. Австралиската полиција потврди дека меѓу убиените е и напаѓачот.

A brave man fighting to terr0ri$t in Sydney, Australia. pic.twitter.com/natpaRIMHS

— Samira (@Logical_Girll) April 13, 2024

Трговскиот центар „Бонди Вестфилд“ е евакуиран откако маж почнал да напаѓа со нож, а дел од локалните медиуми јавуваат и за пукотници.

Државната полиција на Нов Јужен Велс соопшти дека полициската операција е во тек, но не соопшти повеќе детали.

🇦🇺 At least six adults and one child were injured in a knife attack in a #Sydney shopping center#SydneyShoppingCenter pic.twitter.com/H0WDb8J0ZJ

— WaRDaily (@Vid_Daily_) April 13, 2024

The post Најмалку четворица мртви во терористички напад во трговски центар во Сиднеј appeared first on Република.

Претседателот на Таџикистан, Емомали Рахмон, ги повика своите сограѓани да ги воспитуваат своите деца на начин што „нема да ја валка честа на таџикистанскиот народ“.

Ваквата порака на претседателот Рахмон доаѓа откако државјани на Таџикистан учествуваа во терористичкиот напад во „Крокус“ центарот во Москва, кога загинаа над 140 луѓе.

Претседателот на Русија, Владимир Путин, претходно изјави дека нарачателите на терористичкиот напад во „Крокус“ со терористичкиот напад и изборот на извршителите сакале да ја поделат Русија со предизвикување раздор на национална основа.

Путин им пораќа на граѓаните дека „не смеат да го дозволат тоа“.

The post Претседателот на Таџикистан побара воспитување на децата да „не ја валкаат честа на таџикистанскиот народ“ appeared first on Република.

По терористичкиот напад во Крокус доаѓа до одлив на мигранти од Русија кон Таџикистан.

Министерството за труд, миграција и вработување на Таџикистан соопшти дека го евидентира одливот на мигранти и добива голем број повици.

Ова не се толку поплаки за вознемирување, туку страв на нашите граѓани, паника, многумина сакаат да заминат. Сега ја следиме ситуацијата. Деновиве, повеќе луѓе доаѓаат [во Таџикистан] отколку што заминуваат“, вели заменик министерот, Шаноза Нодири.

The post По терористичкиот напад во Москва има одлив на мигранти од Русија appeared first on Република.

Поранешниот офицер на руската специјална служба, пензионираниот полковник Бахтиер Рахмонов ја обвинен  Украина за терористичкиот напад.

– Регрутирањето на убијците за терористичкиот напад во концертната сала Крокус Сити беше извршено преку Амбасадата на Украина во Таџикистан. Неколку недели пред терористичкиот напад, на веб-страницата на украинската дипломатска мисија се појави информација за покана на странци во таканаречената меѓународна легија – рече Рахмонов.

The post Руски офицер тврди: Украина е организатор на терористичкиот напад appeared first on Република.