Припадници на терористичкита група блиска до ИСИС, Хајат Тахрир ал Шам, добиле пратка со беспилотни летала од Украина, додека властите во Киев во замена побарале искусни борци за да бидат испратени на фронтот против руските сили. Како што пишува сирискиот весник Ал-Ватан, шефот на украинското разузнавање, Кирил Буданов, одржува редовен контакт со водачот на Хајат Тахрир ал-Шам во врска со регрутирањето борци на териториите под контрола на група  во провинциите Идлиб и Алепо во Сирија.

Хајат Тахрир ал-Шам, до 2017 година позната како Џабхат ал Нусра, е џихадистичка терористичка организација која моментално контролира половина од сириската провинција Идлиб, како и делови од провинциите Хама, Алепо и Латакија.

САД и земјите од НАТО не го класифицираат Хајат Тахрир ал-Шам како терористичка група, а наместо тоа ја означуваат како дел од таканаречената сириска опозиција. Оваа класификација ги олеснува контактите со нејзините милитанти.

The post Украина испраќа дронови на група блиска до ИСИС, а за возврат добива искусни борци за на фронтот против руските сили appeared first on Република.

Израелската армија (ИДФ) денеска ги нападна милитантите на Хамас кои беа во училишниот комплекс во Кан Јунис, кој служеше како команден центар на групата.

Борбени авиони на израелските воздухопловни сили, управувани од Јужната команда, ги нападнаа терористите кои се наоѓаа во училишниот комплекс „Ал Хасана“ во областа Кан Јунис. Терористите на Хамас планираа, режираа и изведоа бројни терористички операции додека беа на училиште, се вели во соопштението на ИДФ.

Во нападот беа направени најмногу напори за да се избегнат цивилни жртви.

The post ИДФ: Нападнавме училиште во кое се криеја терористи appeared first on Република.

Обвинети во истражниот центар во руската област Ростов организирале бекство и зеле двајца полицајци како заложници, соопштија денеска руските власти, цитирани од британските медиуми.

Група затвореници од истражниот затвор во Ростовската област, кои зедоа двајца припадници на затворскиот персонал како заложници, бараат да им се обезбеди автомобил и слободно да си заминат“ – соопштија руските служби за итни случаи.

Според овие информации, група од шестмина затвореници кои зеле двајца вработени како заложници во затворот, бараат да им се обезбеди излез од истражниот затвор.

Тие тврдат дека се членови на терористичката организација Исламска држава, која е забранета во Руската Федерација. Затворениците се вооружени со ножеви и остри предмети.

Руските медиуми, повикувајќи се на упатен извор, наведуваат дека оперативен офицер и надзорник во истражниот затвор во Ростовскаја биле земени како заложници, а затворениците кои ги заробиле се товарат за тероризам.

Агенцијата наведува дека преговорите за ослободување на заложниците се во тек и дека на лице место се шефот на регионалниот штаб на Федералната поправна служба и претставници на органите на прогонот и обвинителството.

The post Драма во руски затвор: Припадници на Исламската држава избегале од затвор и држат двајца полицајци како заложници appeared first on Република.

Според израелските новинари по тајната посета на џамија во Малме, како што објавија британските медиуми, исламските екстремисти наводно „планираат да го бомбардираат“ Евросонг во Шведска поради учеството на Израел следната недела.

Според „Дејли мејл“, исламските екстремисти планираат следната недела да го бомбардираат местото на Евровизија во Шведска во знак на протест поради учеството на Израел.

Тајните новинари на еден израелски информативен канал рекоа дека стражарите во најголемата џамија во Малме – градот во кој се одржува настанот – им кажале дека терористите планирале да ја нападнат арената каде што ќе се одржи петдневниот натпревар.

Претставувајќи се како муслимански британски туристи, новинарите тврдат дека биле предупредени од обезбедувањето да не присуствуваат на настанот.

Израелскиот ТВ канал Кешет 12 снимениот разговор го пријавил на организаторите на настанот, како и на шведската полиција, која сега го истражува случајот.

Пропалестинските активисти ја повикаа Евровизија да му забрани на Израел да учествува на натпреварот поради војната во Газа, за која Хамас вели дека има повеќе од 32.000 мртви, од кои повеќето жени и деца.

Еден Голан, руско-израелски пејач, ќе го претставува Израел на Евровизија.

Евровизија претходно ја забрани Русија откако таа ја нападна Украина во февруари 2022 година, но му дозволува на Израел да се натпреварува оваа година и покрај тоа што песната на Голан предизвика контроверзии, дури и пред почетокот на овогодинешниот натпревар.

The post Британски медиуми: Терористи се закануваат дека ќе ја детонираат арената во Шведска за време на Евровизија 2024 година appeared first on Република.

Најмалку 10 лица се убиени за време на упад на израелската армија во камп на северот на окупираниот Западен Брег.

„Безбедносните сили за време на судирите елиминираа 10 терористи“ во Нур Шамс, недалеку од градот Тулкарем, соопшти армијата.

Акцијата траела повеќе од 40 часа, а осум лица се уапсени.

Израелската армија тврди дека цел на упадите се членови на палестинската вооружена група, но меѓу жртвите често има и цивили.

The post Десет терористи убиени во упад во камп на Западниот брег, соопшти израелската армија appeared first on Република.

„Скај Њуз Арабија“ известува за можноста врските меѓу Украина и Исламската Држава да биле искористине за организирањето и изведувањето на терористичкиот напад на „Крокус“ центарот во Москва, кога загинаа повеќе од 140 луѓе.

Како пример за заедничката активност на Украинците и исламистите, ТВ каналот го наведува испраќањето на вооружените сили на Украина во Судан за учество во граѓанската војна. Оваа украинска операција беше потврдена и од Главната разузнавачка управа на Министерството за одбрана на Украина, а особено од шефот на одделот, Кирил Буданов.

Исто така, за време на борбите во Донбас, беа забележани милитанти со ознаки на Исламската Држава, а и самите припадници на терористичката организација објавуваа материјали за нивното учество во битките на страната на украинските сили.

Власта на Зеленски користи терористички организации за да учествуваат во конфликтот во Украина и да им наштетат на интересите на Русија во странство“, забележува експерт на „Скај њуз“.

The post „Скај Њуз“: Врските меѓу Украина и ИСИС можеби се искористени за организирање на терористичкиот напад во Москва appeared first on Република.

Судот во Москва го уапси единаесеттиот обвинет во случајот со терористичкиот напад на Крокус, Мухамед Зоир Шарипзода, соопшти судот.

„Окружниот суд избра мерка за превенција против Шарипзода Мухамед Зоир, родум од Република Таџикистан, кој е обвинет за сторено кривично дело од став „б“ од дел 3 од член 205 од Кривичниот законик (“ Терористички чин“)“, изјави соговорникот на агенцијата РИА Новости.

Пукањето и пожарот во концертната сала Крокус во Красногорск се случија вечерта на 22 март.

Неколку мажи упаднаа во зградата, пукајќи во луѓето од непосредна близина и фрлајќи запаливи бомби.

Според последните податоци на Министерството за вонредни состојби, во нападот загинале 144 лица.

Во тој случај претходно беа уапсени десет обвинети, меѓу кои и четворица државјани на Таџикистан, кои според истрагата биле директни извршители на терористичкиот напад.

Покрај тоа, на 1 април во Дагестан беа приведени четворица странци кои учествуваа во финансирањето и обезбедувањето оружје на криминалците кои го нападнаа Крокус. Еден ден претходно, безбедносните сили уапсија уште тројца централноазијци осомничени за вмешаност во терористички напад во Москва, Екатеринбург и Омск.

Како што изјави минатата недела директорот на ФСБ, Александар Бортников, првото сведочење на уапсениот ја потврдува украинската трага. Според Истражниот комитет, терористите по нападот заминале кон Киев за да ја добијат наградата. Руските разузнавачки служби сметаат дека зад ова злосторство стојат САД и Велика Британија, анализираат локалните медиуми.

The post Уапсен единаесеттиот обвинет вмешан во масакрот во Москва appeared first on Република.

Конфликтот во Украина го испровоцира Западот, во тоа веќе нема ни најмал сомнеж, истакна денеска рускиот министер за надворешни работи, Сергеј Лавров, информирајќи го својот намибиски колега Пејавали Мушеленга, со кого се сретна во Москва, за ситуацијата во Украина, за текот на специјалната операција и за ре4шавањето на украинскиот судир, пренесува „Спутник“.

Лавров говореше и за терористичкиот наопад во московската концертна сала „Крокус сити хол“, истакнувајќи дека на Русија не ѝ е потребна помош од Западот, кој покажува војни стандарди.

Од една страна, сигурен сум дека ќе успееме да се справиме со оваа истрага, а од друга страна, не ни е потребна помош која очигледно би била манифестација на двојни стандарди и насочена кон туркање на теорија поволна за Западот дека зад нападот во „Крокус“ стои ИД и дека Украина нема никаква врска со тоа. Уште еднаш велам: Сами ќе го решиме тоа, рече Лавров.

Тој оцени и дека подготвеноста на Интерпол да помогне во истрагата поврзана со нападот е неочекувана.

Ден по нападот, кога на Запад се слушна дека Исламска држава, а не Украина е одговорна, одеднаш, неочекувано, раководството на Интерпол објави дека е подготвено да помогне во истрагата, рече Лавров.

Потсети дека слични иницијативи немало претходно ни во случаи на кои исто така им било потребно вниманието од меѓународната заедница, како на пример за саботажата на „Северен тек“.

Денеска во јавноста се случна и првото директно обвинување од Русија дека Украина стои зад нападот во „Крокус“. Имено, на прљашањето дали зад терористичкиот напад стои Украина или џихадистичката група Исламска држава, секретарот на рускиот Совет за безбедност, Николај Патрушев, истакна: „Нормално, Украина“.

За потсетување, шефот на Истражниот комитет на Русија, Александар Бастрикин, објави дека според последните информации, бројот на загинатите во терористичкиот напад се искачи на 139.

Четворицата терористи, кои крвавиот напад го извршија за само 18 минути, биле пресретнати во областа Брјанск, на помалку од 100 км од руско-украинската граница, додека со бело „рено“ се обидувале да побегнат во Украина.

The post Лавров: Не ни треба помош од Западот, сами ќе го решиме случајот со терористичкиот напад appeared first on Република.

Руски истражители биле во Таџикистан за да ги испитаат семејствата на четворицата мажи кои стојат зад терористичкиот напад на трговскиот центар во Москва, јавија светските агенции.

Тројца таџикистански безбедносни извори изјавиле дека руските истражители ги испитувале семејствата на осомничените за нападот во Крокус Сити Хол во Москва, во кој загинаа 139 лица, а околу 180 се повредени.

Изворите, кои не биле овластени да даваат информации за овој случај, велат дека таџикистанските безбедносни службеници ги донеле семејствата на осомничените од различни делови на земјата во главниот град Душанбе.

Против четворицата напаѓачи во Русија е поднесено обвинение, а ако бидат обвинети им се заканува доживотен затвор поради терористичкиот напад.

The post Се испитуваат и роднините на терористите од Москва appeared first on Република.

Двајцата терористи кои учествуваа во нападот на концертната сала Крокус во Москва најверојатно добиле инструкции кога патувале во Турција додека биле регрутирани на територијата на Русија!

Хонорарот од 500.000 рубљи, кој еден од терористите го спомнал при сослушувањето, всушност се пари што и биле ветени на целата група, а не на поединец.

- Групата не може да се нарече организирана терористичка ќелија во класична смисла бидејќи не постоела во структура. Формирана е буквално неколку недели пред терористичкиот напад - објаснил изворот.

За нападот биле избрани луѓе за кои претходно не се знаело дека се посветени на радикалниот ислам, така што на специјалците им било тешко да го спречат терористичкиот напад во подготвителната фаза.

The post Teрористите од Москва имале хонорар од 1250 евра! appeared first on Република.

Францускиот претседател Емануел Макрон денеска изјави дека Русија е жртва на исламистички напад и додаде дека групата одговорна за нападот во Москва неколкупати се обидела да изврши акции на француска територија.

Им предложивме на руските служби и на нашите партнери во регионот да ја зајакнат соработката, нагласи Макрон по пристигнувањето во Гвајана.

Мораме да избегнеме секаква инструментализација или искривување на она што се случи и да дејствуваме прецизно и ефективно. Тоа е духот во кој одиме напред и се надевам дека Русија ќе го стори истото – изјави Макрон откако неговиот руски колега Владимир Путин ја обвини Украина.

Француската влада го подигна степенот на тревога за тероризам на највисоко ниво по нападот во Москва.

The post Терористите од Москва, планирале напади и на Франција: Макрон прогласи тревога appeared first on Република.

Еден од осомничените за терористичкиот напад во Москва, наводно по апсењето е мачен со струја.

Телеграм каналот СОТА објави фотографии на кои се гледа осомничениот Таџикистанец, со згрчено лице и спуштени панталони, на кого гениталиите му се поврзани со жици на воен теренски телефон.

Телеграм каналот Сива зона, наведува дека низ жиците се пушта струја од 80 волти.

Осомничениот на сослушувањето по апсењето, признал дека стигнал од Турција на 4 март и дека добил наредба да ги убие сите присутни во концертната сала.

https://republika.mk/vesti/shamsedin-fariduni-eden-od-osomnichenite-za-napadot-vo-moskva-objavil-fotografii-na-instagram-koi-ukazhuvaat-na-lokatsijata-aksaraj-vo-istanbul/

За тоа му е ветена награда од половина милион рубљи. Половина пари веднаш му биле префрлени, по што следела обука од еден месец. Исто така рекол дека не знае кој му го доставил оружјето.

Се појави и информацијата дека припадник на руската безбедносна служба, по апсењето му отсекол уво на еден од осомничените и му го ставил во уста.

The post Едниот осомничен го мачеле со струја, на друг му го исекле увото: Уапсените за нападот во Москва се најдоа во пекол appeared first on Република.

Еден од терористите кои го извршија терористичкиот напад во Москва, во кој според последните информации се убиени 143 лица, денеска изјави дека тоа го направил за пари, јави телевизијата Росија-24.

Мажот, кој зборувал руски со силен акцент, кажал дека „го слушал проповедникот“ на Интернет, по што бил контактиран од „неговиот помошник“.

„Тој (помошникот на проповедникот) ми пиша пред еден месец и ми понуди. Се согласив. Ми понуди да убивам за пари“, изјавил осомничениот терорист, пренесуваат руските медиуми.

На прашањето кого точно треба да убие, тој одговори дека му било кажано „да ги убие сите по ред, без разлика“.

The post Руски медиуми: Еден од осомничените терористи изјавил дека нападот во Москва го извршил за пари appeared first on Република.

Терористите кои убија повеќе од 90 луѓе во Москва се обиделе да побегнат во Украина, пренесува рускиот канал ШОТ!

Околу 3 часот во областа Карачин во областа Брјанск, полицијата пукала во белиот „симбол на Рено“ со кој терористите избегале по нападот на концертната сала Крокус. Автомобилот беше прегазен, гумите беа дупнати, а предниот дел се вртеше поради огромната брзина со која се движеше.

Двајца терористи веднаш биле поразени, додека другите двајца побегнале во шумата, но по кратка потрага биле лоцирани и уапсени.

Уапсени се државјани на Таџикистан. Медиумите ги пренесуваат нивните наводни фотографии, но засега не е официјално потврден идентитетот на осомничените.

Најмладиот меѓу нив наводно е Мухамедсобир Фајзов (19), кој при апсењето бил ранет и поради оштетувањето не може да го затвори окото. Моментално е во болница каде е опериран. Фаизов се обиде да пука за да ги држи безбедносните сили подалеку, но беше ранет.

По нападот, терористите поминале околу 400 километри и им останале помалку од 100 километри за да стигнат до границата.

Инспекторите на Рускиот истражен комитет почнаа да ги испрашуваат осомничените за терористичкиот напад на Крокус.

– Специјалните служби во областа Брјанск, недалеку од границата со Украина, приведоа четворица осомничени меѓу оние кои извршија терористички напад во концертната сала Крокус – се наведува во соопштението на Истражниот комитет.

Според ФСБ, терористите ќе бидат префрлени во Москва. И руската тајна служба тврди дека уапсените имале намера да избегаат во Украина.

– По терористичкиот напад имале намера да ја преминат границата на Руската Федерација и Украина, а имале релевантни контакти на украинска страна – велат од ФСБ, а пренесуваат руските медиуми.

The post Објавени првите фотографии од терористите и возилото со кое се обиделе да избегаат appeared first on Република.

Федералната служба за безбедност на Русија денеска соопшти дека по нападот што го извршија синоќа во концертната сала „Крокус сити хол“ во Москва, терористите имале намера да ја преминат границата меѓу Русија и Украина и дека имале контакти на украинска страна.

Истражниот комитет на Русија претходно соопшти дека осомничените за нападот се уапсени недалеку од украинската граница.

Директорот на ФСБ Александар Бортников претходно денеска му пријавил на претседателот на Русија Владимир Путин за апсење на 11 лица, меѓу кои и терористи кои директно учествувале во терористичкиот напад во Москва, јави РИА Новости во соопштението на Кремљ.

The post Терористите имале намара да бегаат кон Украина, објави федералната служба за безбедност на Русија appeared first on Република.

Русија уапси 11 лица, вклучително и четворица осомничени напаѓачи, во врска со пукањето во кое загинаа најмалку 93 лица во концертна сала во Москва, соопшти Кремљ.

Кремљ соопшти дека шефот за безбедност на ФСБ Александар Бортников го информирал претседателот Владимир Путин дека меѓу уапсените има и „четворица терористи“ и дека службата работи на идентификување на инволвираните.

Рускиот истражен комитет соопшти дека бројот на загинати се искачи на 93 во нападот во кој вооружени лица во маскирна облека отворија оган со автоматско оружје врз посетителите на концертот во близина на главниот град во петокот.

Сликата од автомобилот руските власти ја објавија синоќа, беше и на потерница, а утрово медиумите го објавија истиот автомобил, тврдејќи дека во него се уапсени терористи. Но, сликата на наводниот напаѓач не е потврдена, таа кружи на социјалните мрежи, а засега нема потврда дека навистина се работи за уапсен терорист.

The post Објавени фотографии од автомобилот со кој бегале напаѓачите во Москва и од едниот наводен терорист appeared first on Република.

Немало време за евакуација бидејќи напаѓачите се приближувале, свдочат очевидци.

По ова звуците на огномет станале уште посилни и поблиски, во салата започнала огромна паника, луѓето почнале да се разотидуваат на различни правци, но се судриле, немало евакуација. Потоа почна пукањето во концертната сала, долу, од левата страна на бината, видов линија на огнот како оди кон луѓето. Сите почнаа да лежат на подот, почнавме да лежиме еден врз друг во ходникот, почнавме да ја координираме толпата да се движи напред. Притоа сфативме дека можат да влезат од која било врата со митралези и се обидовме да се преселиме до најблискиот излез горе. Полека, еден ред, лазејќи, напред, нагоре, извлековме и почнавме да излегуваме - додаде тој.

The post Лежевме едни преку други бидејќи немаше место, а немаше ни време за евакуација, напаѓачите се приближуваа, страотни сведоштва на очевидци appeared first on Република.

Терористите го разбираат само одмаздничкиот терор. Никакви судења или истраги нема да помогнат ако силата не се спротивстави со сила, а смртта со тотални егзекуции на терористи и репресија врз нивните семејства“, напиша Медведев na X.

Доколку се утврди дека се терористи на режимот во Киев, невозможно е да се постапи поинаку со нив и со нивните идеолошки инспиратори. Сите тие мора да бидат пронајдени и безмилосно уништени како терористи. Вклучувајќи ги и функционерите на државата што извршила такво злосторство. “, заклучи тој.

The post Терористите го разбираат само одмаздничкиот терор, невозможно е да се постапи поинаку со нив и со нивните идеолошки инспиратори, напиша Медведев appeared first on Република.

На денешен ден во 1998 година во кафулето „Панда“ во Пеќ, во ѕверски терористички напад беа убиени неколку српски деца.

Таа вечер, во периодот од 20:00 до 20:15 часот, маскирани терористи на ОВК упаднаа во кафулето, познато како омилено место за собирање на учениците од гимназијата Свети Сава од Пеќ, и од вратата отворија оган со автоматско оружје, при што убија четворица млади момчиња од српска националност.

На лице место починаа Гвозденовиќ Вукота (16), Радевиќ Иван (25), Иван Обрадовиќ (14) и
Трифовиќ Драган (17).

Од здобиените повреди во болница починаа Станојевиќ Зоран (17) и Светислав Ристиќ (17), а тешко ранети беа Мисад Шабовиќ и Влада Лончаревиќ.

Вистината за ова злосторство никогаш не е откриена, ниту, пак, некој одговарал за тоа.

The post Денот кога маскирани терористи на ОВК ѕверски убија шест српски момчиња во „Панда“ кафе во Пеќ appeared first on Република.

Албанскиот премиер Еди Рама продолжува да дава појаснувања за италијанските медиуми околу прашањето за имигрантите кои од Италија ќе бидат трансферирани во прифатни центри во неговата земја.

Во интервју за италијанскиот дневен весник Corriere della Sera, одговора на критичките забелешки дека меѓу бегалците може да има и терористи.

„За да се гарантира максимална безбедност, вели тој, имигрантите ќе поминат низ филтерот на безбедносните агенции на двете земји. – Нема причина да се плашиме. Едноставно мораме да имаме волја и грижа да ја исполниме оваа заложба со почитување на човечкото достоинство и правилата утврдени за функционирање на оваа заедничка операција, кои вклучуваат и контрола од безбедносните агенции на двете земји“, појаснува Рама.

Додека Европа се соочува со огромен бран имигранти, шефот на албанската Влада посочува дека немало слично барање од други земји од ЕУ, но и доколку имало, гарантира дека одговорот секогаш ќе бил негативен.

„Не сме контактирани и нема да бидеме отворени за никакви барања, исто како што не бевме отворени за слични барања пред да пристигне барањето од Италија. Во Рим не можевме да кажеме „не“ бидејќи имаме долг на благодарност што никогаш нема да можеме да го вратиме и никогаш не смееме да го заборавиме“, потанцира премиерот на Албанија.

Според него, благодарноста кон Италија е за прифаќањето на илјадници албански граѓани по падот на тоталитарниот режим, кога земјата ја зафати масовен егзодус.

Спогодбата потпишана меѓу двајцата премиери Рама и Џорџа Мелони се очекува да помине на ратификација во албанскиот парламент, а потоа да почне да се применува од пролетта 2024 година. Ќе профункционираат два прифатни центри каде месечно ќе бидат сместување по три илјади, а годишно 36 илјади мигранти, за што сите трошоци ќе ги сноси италијанската страна.

The post Рама уверува дека со мигрантите нема можност за влез и на терористи appeared first on Република.