„Во план е изградба на гасна централа, за што ќе има понуди од странски ивеститори, а Владата ја разгледува и можноста за трансформација на постојните термоелектрани во гасни електрани“ рече премиерот Димитар Ковачевски во „24 анализа“ на ТВ24.

Тој додаде дека ваквите проекти треба да бидат разгледани од стручни лица, но дека странските кредитори веќе не финансираат извори на енергија кои загадуваат.

Во втора фаза е и историскиот проект Чебрен, за кој има реномирани меѓународни фирми кои испратија понуди. Во тек се анализите, а имаме девет големи светски компании кои се заинтересирани за проектот, рече Ковачевски.

Премиерот додаде дека службите прават се што е потребно за овој проект да успее и да влезе во фаза на проектирање и изградба.

The post Ковачевски: Ќе градиме гасна електрана, а термоелектраните да се трансформираат во гасни appeared first on Република.

Затворање на термоелектраните на јаглен најдоцна до 2030 година и поголеми вложувања во обновливи извори на енергија со цел подобрување на амбиенталниот воздух најави денеска министерот за животна средина и просторно планирање Насер Нуредини.

Тоа, според него, заедно со промена на начинот на греење во домовите ќе придонесе за намалување на загадувањето на воздухот и подобрување на здравјето на граѓаните.

Уште откако станав министер за животна средина зборуваме за менување на начинот на греење и производство на енергија во нÐ �шата држава. Сите сме свесни дека 65 отсто од енергијата се произведува од јаглен во РЕК  Битола и ТЕЦ Осломеј. Затоа целата наша Стратегија за енергетика е да го менуваме тоа и да инвестираме во обновливи извори на енергија. Тоа значи дека ги поддржуваме не само нашите инвестиции како ЕСМ во соларни панели во Осломеј и во Битола, туку и да ги затвориме РЕК Битола и ТЕЦ Осломеј најкасно до 2030 година, рече Нуредини на денешната средба со новинарите.

Идеја ни е, посочи, да имаме повеќе обновливи извори на енергија и да вложуваме во соларни панели и ветерни електрани, а многу битно за државата и за независност во енергетиката е да се изгради и хидроелектраната Чебрен за да имаме стабилна мрежа.

The post Нуредини најави затворање на термоелектраните до 2030 година appeared first on Република.