Заменик претседателот на Владата и министер за транспорт Александар Николоски и директорот на ЈП за државни патишта Коце Трајановски, денес во 12:30 часот ќе извршат увид во изградба на автопат Охрид-Кичево.

За првпат во Македонија се овозможува да се гради и во зимски период, односно градежните компании набавија адитив кој овозможува да се асфалтира и на пониски температури, неодамна информираше Трајановски.

На овој начин се продолжува и градежната сезона. Ако таа досега беше 6 до 8 месеци сега ќе имаме асфалтирање во период од 8 до 10 месеци во годината. Сето ова, пак ќе овозможи забрзување на проектите и зимските услови во наредните месеци нема да бидат пречка да продолжиме со асфалтирањето. Досега зависевме од условите на времето кое на ниски температури налагаше да се прекине со асфалтирање. Оваа зима и во месеците што следуваат ќе продолжиме со асфалтирање и тоа на автопатот Кичево – Охрид каде што има тројца изведувачи, едниот е ‘Гранит’, вториот е ‘Илинден – Струга’, а третиот е самиот ‘Синохидро’, со што ќе овозможиме Кичево – Охрид пред летната сезона догодина да го пуштиме во употреба, ако не во двата правци, тогаш едниот да биде целосно асфалтиран и пуштен во сообраќај, додаде тој.

The post Се работи и на пониски температури: Увид во изградбата на автопат Охрид-Кичево ќе направат Николоски и Трајановски appeared first on Република.

По ужасните сцени кои беа видени во Англија на натпреварот помеѓу Нотингам и Борнмут, слични сцени беа видени и во Франција.

На натпреварот помеѓу Нотингам и Борнмут настрада Данило, кој го скрши зглобот на левата нога.

Данило, по еден дуел, лошо доскокна, при што му пукна ногата, а сè беше ужасно за гледање.

Уште полоши сцени се видени и во Франција на натпреварот меѓу Реимс и Лил. По дуелот меѓу Амаду Коне од Реимс и Анхел Гомес, играчот на Лил остана да лежи на земја.

Според реакциите на сите на теренот, ситуацијата е повеќе од сериозна, а наводно станува збор за повреда на главата кај Анхел Гомес.

Фудбалерот на Лил лежеше неподвижен на тревата повеќе од половина час, а продолжувањето на натпреварот беше под знак прашалник.

Конечно, Гомес беше изнесен од теренот по повеќе од половина час, и натпреварот беше продолжен

The post Фудбалер на Лил половина час лежеше неподвижен на теренот: Ужас на теренот во Франција appeared first on Република.

Силекс и Шкупи одиграа без голови на мечот на стадионот во Кратово, каде немаше нормални услови за игра. Во Кратово наврна пороен дожд кој го потопи теренот. На повеќе места имаше мали „езерца“, кои едноставно не дозволуваа да има нормална игра.

Топката воопшто не можеше да се движи, па често играчите мораа буквално само да ја исфрлаат што е можно подалеку.

Во второто полувреме, ситуацијата на еден дел од теренот се подобри, па фудбалерите на двата тима се обидуваа на тој дел да направат акција, но очекувано, немаше голови на овој натпревар.

The post Наместо фудбал, во Кратово како да се играше ватерполо appeared first on Република.

Учи, прочитај книга, заврши факултет, ќе бидеш попаметен играч на теренот. Тоа е сигурно. Ако тоа не го направиш, ако не се школуваш, еден ден, кога ќе заврши кариерата, ќе се најдеш во ситуација во која ќе прашаш некого: Дали може нешто да работам? Ќе добиеш одговор: Што да работиш, што знаеш да работиш?

Вака тренерот на легендарната Металопластика од Шабац, Србија Владан Матиќ, го почна своето излагање на конфренцијата „Хендбал токс“. Тој ги советуваше младите ракометари како да се однесуваат на теренот, како да вложуваат во себе и што е тоа што најдобро може да го направат за себе.

Каде ве води сето тоа после кариерата? Во пијанство, дрога, во растурени бракови. Ќе ви кажам што ве чека после кариерата. Вложите сè во себе, во своето образование, во својата спортска кариера, за да имате после некој нормален живот, бидејќи ракометот е мал спорт. Овде нема авиони, камиони, а и тоа ќе се потроши, кажа Матиќ на конфренцијата.

https://youtu.be/simSGQLFRZo?si=1kWfqU8_LQGFtG62

извор: https://www.balkan-handball.com/

The post Учи, читај книги, ќе бидеш попаметен и на теренот, сè друго води во пијанство, дрога, растурени бракови appeared first on Република.

В понеделник ќе започне поставувањето на нова современа тревната подлога на Националната арена „Тодор Проески“, а фудбалската репрезентација на Македонија хибридниот терен ќе го сефтоса на 20 ноември, во дуелот од последното квалификациско коло за пласман на ЕП 2024 против Англија.

Предвидено е на Арената „Тодор Проески“ да се постави хибридна трева, а тоа значи дека 70 отсто од тревата ќе биде вештачка, а 30 отсто ќе биде природна со посебна дренажа.

Владата на Македонија на редовната седница во вторникот донела одлука да се прифати донацијата од Фудбалската федерација на Македонија (ФФМ) во вредност од околу 400.000 евра за реконструкција на теренот со цел да се избегне невиден срам и фудбалерите да мора да играат во друга земја против Англија.

Акционерското друштво за стопанисување со станбен и деловен простор кој е задолжено за одржување на теренот вината наместо во себе, ја најде во некаков паразит кој ја јадел тревата, но тоа не го испра срамот од светската јавност, која се згрози од состојбата во која се наоѓа фудбалската арена.

The post Фудбал нема веќе да се игра на ќелав терен: Во понеделник ќе почне поставувањето на хибридна трева на Арената „Тодор Проески“ appeared first on Република.

Елиф Елмас одигра уште еден брилијантен натпревар во дресот на македонската репрезентација. Неговиот обид во 75.минута, кога топката за малку заврши крај голот, беше најава за голот на Барди со кој Македонија одигра 1:1 против Италија.

Елмас пред мечот имаше емотивна средба со поранешниот тренер Лучано Спалети, кој дебитираше како селектор на Италија.

Секогаш е тешко кога играш против европски првак. Игравме дисциплинирано и во првото и во второто полувреме. Тактички игравме дисциплинирано. Кога го примивме голот моравме да ја смениме концепцијата, видовте дека тогаш излеговме високо, игравме човек на човек. Тогаш се смени текот на играта. Теренот беше многу лош. Во вакви услови е недозволиво да се игра во Европа“, рече играчот на Наполи по мечот.

The post Елмас: Теренот беше многу лош, недозволиво е да се игра вака во Европа appeared first on Република.

Членот на младинската фудбалска репрезентација на Косово, 17-годишниот Ерион Кајтази, почина денеска за време на фудбалски натпревар, како последица на срцев удар, јави дописникот на МИА од Приштина.

Трагичниот настан се случи на гостувањето на неговиот матичен клуб Трепча ’89 во Призрен, на натпреварот со домашниот тим А&Н, во рамки на косовската Супрелига – јуниорска категорија.

Веста за смртта на 17-годишниот Кајтази, кого Фудбалската федерација на Косово (ФФК), но и домашните медиуми, го опишуваат како мошне талентиран фудбалер, освен неговиот матичен клуб и ФФК, ја потврдија и извори од болницата во Призрен, каде што тој бил пренесен по колабирањето на теренот и каде што е констатирана неговата смрт.

Во соопштението на ФФК се наведува дека за време на натпреварот А&Н – Трепча’89, Кајтази во еден момент паднал на теренот. Лекарските тимови на двата тима интервенирале за да му пружат прва помош, а потоа со возило на итната помош бил пренесен во болница, каде што е констатирана смрт од срцев удар.

Сочувства до семејството, неговиот клуб и ФФК, освен косовските фудбалски и други спортски клубови, изразија и голем број личности од јавниот живот во Косово.

The post Почина 17-годишен фудбалер на терен во Призрен appeared first on Република.

Одделението за комунална инспекција при Секторот Инспекторат на Град Скопје во текот на изминатата недела, согласно со своите законски овластувања, вршеше контрола на целата територија на град Скопје.

Инспекторите излегле на терен и извршиле девет контроли на физички лица и на правни субјекти по основ на поднесени електронски преставки на мејлот 24@skopje.gov.mk. Извршени се седум инспекциски надзори по претставки поднесени преку архива поднесени од физички лица и правни субјекти, четири со задолжување со решенија, а изречени се и 3 казни на физички и правни лица по Законот за јавна чистота.

The post Градските комунални инспектори минатата недела казнија три физички и правни лица appeared first on Република.