Ретките болести се тест за декларираната социјална правда, еднаквост и хуманост на македонското општество. Покрај соодветното лекување, суштински се и социјалниот ефект, прифаќањето од средината, психичката состојба. На Светскиот ден на ретките болести, 29 февруари, Националната алијанса за ретки болести на Македонија (НАРБМ) организираше панел дискусија каде што се дискутираше за моменталната состојба на лицата со ретки болести и нивните семејства, како и потребите за системски решенија прку усвојување на Стратегија за ретки болести.

Наташа Анѓелеска од НАРБМ пред панел дискусијата изјави дека не е само предизвик достапноста на терапијата туку предизвик се и сите други сегменти од секојдневното живеење. Како што посочи, човек кој има ретка болест не ретко се соочува и со стравот дали ќе остане жив, а доколку е жив, каков квалитет на живот ќе има.

Човек кој има ретка болест не ретко се соочува и со стравот дали ќе остане жив, а доколку е жив, каков квалитет на живот има и колку е можно да се реализира себеси како личност било тоа да е дали ќе заврши образование, дали ќе се вработи, дали ќе функционира во општеството. Значи, не е само предизвикот достапноста на терапијата или достапноста на дијагноза иако во одредени ситуации сме имале отежнувачки околности во тој поглед, меѓутоа, и сите оние други сегменти од секојдневното живеење, рече Анѓелеска.

Таа информираше дека во нашата држава нема точна бројка колку лица се дијагностицирани или колку имаат ретка болест. Тоа е заради тоа што секој се уште не добива дијагноза. Меѓутоа, согласно податоците што ги објавува Министерството за здравство, на крајот на минатата година биле регистрирани 822 лица во регистарот за ретки болести.

Додаде дека изминативе години буџетот на Програмата за ретки болести преку која се обезбедуваат терапиите постојано се зголемува, но од друга страна пак, терапиите се енормно скапи и ретко кога е можно да бидат достапни веднаш кога ќе излезат на пазарот.

Од нив, помалку од половина добиваат терапија, не заради тоа што терапија не сака државата да обезбеди, туку затоа што не постојат терапии за сите ретки дијагнози. За оние за коишто постојат, терапијата е достапна. Изминативе години буџетот на Програмата за ретки болести преку која се обезбедуваат терапиите постојано се зголемува. Меѓутоа, секогаш имаме ново откриени пациенти, секогаш имаме нови дијагнози. Проблемот е што тие терапии се енормно скапи, што ретко кога е можно да бидат достапни веднаш кога ќе излезат на пазарот и проблемот е всушност што ние како мала држава немаме некои претставништва на фармацевтските компании, додаде Анѓелеска.

Министерот за здравство Илир Демири на панел дискусијата посочи дека во континуитет се следи развојот во светот и се инвестира во унапредување на дијагностички процедури, како и обезбедување на терапија за пациенти со ретки болести.

Во 2009 година кога на државно ниво беа одвоени 25 милиони денари средства за пациенти со ретки болести, денеска се одвојуваат некаде околу 950 милиони денари. Не само во обезбедување на терапија, туку инвестираме и во дијагностички процедури. Министерство за здравство ќе продолжи да се грижи за оваа категорија на пациенти, рече Демири.

Душан Томшиќ од Комисијата за антидискриминација изјави дека децата со ретки болести не смеат да бидат сегрегирани по основ на својата состојба бидејќи се случува тие почесто да отсуствуваат од образовниот систем. Тој појасни дека треба да се обезбедат услови за да можат овие деца да ја продолжат својата настава во домот или пак да имаат некои дополнителни часови.

Комисијата за спречување и заштита од дискриминација апелира до државата час поскоро да ја донесе Стратегијата за ретки болести во која што се претставени сите овие предизвици и сите овие области коишто сега се напоменати. Се надевам дека со една таква стратегија и добра буџетска рамка дека можат да се отстранат сите овие слабости, рече Томшиќ пред почетокот на панел дискусијата.

Тој појасни дека треба да се работи на подигнување на свеста, дека овие деца воопшто не се опасни и дека ова се состојби коишто на секој може да му се случат, а со соодветен третман ќе можат подеднакво да посетуваат настава.

Сопругата на претседателот на Македонија, Елизабета Ѓоргиевска на панел дискусијата појасни дека се идентификуваат околу шест илјади ретки болести, со кое се соочуваат околу 300 милиони луѓе во светот. Меѓу нив, како што рече, е и нашата мала и храбра заедница која достоинствено се справува со сите здравствени предизвици кои ги носат ретките болести.

Првата работа кога станува збор за ретките болести е дијагностицирањето, кое за нив е исклучително тешко, сложено и скапо и се разбира уште поскапо е лечење кое изискува специфични протоколи и медикаменти. Покрај соодветното лекување, суштински се и социјалниот ефект, прифаќањето од средината, психичката состојба. Клучно е што покрај неопходната здравствена грижа и нега која сама за себе е комплексна и со огромни финансиски импликации како заедница како општество, неопходно е да понудиме топлина, љубов, грижа, рече Ѓоргиевска.

The post Човек кој има ретка болест се соочува и со стравот дали ќе остане жив, а ако е жив, каков квалитет на живот има appeared first on Република.

Пациентите со механичка потпора на срце примаат терапија стара повеќе од половина век, која одамна не се употребува никаде во светот. Иако деновите од животот им се бројат, а секој ден и гледаат на смртта во очи, државата нема слух да го набави за нив толку потребниот лек ентресто. Додека ние умираме, парите оддржавната каса се трошат за луксузи - потиштени се од здружението „Храбро Срце”. Пациентите сами се снаоѓаат како знаат и умеат само за да дојдат до лекот ентресто, пренесува ТВ Алфа.

„Во Македонија се применува купена од странство, шверцувана од странство, нелегално донесена. Тука во Македонија ја нема. Не е толку скапа, еднакво е скапа колку и оние лекови кои што ги примаме сега, но е многу квалитетна, далеку поквалитетна и далеку повеќе позитивнирезултати се добиваат со неа. Велите шверцувана,во аптеките ги продаваат тие лекови шверцувани или? Кој како ќе се снајде некои одиме во странство, во Србија можеш да ги купиш, можеш во Албанија, можеш секаде само во Македонија ентрестото не е дозволено”, вели Претседателот на здружението „Храбро Срце”, Васко Јолески.

Пумпите кои кај 20-те пациенти ја заменуваат работата на срцето,откажуваат и се во критична состојба. Само последнава година 6 пациенти ја изгубија шансата за живот, а нас веќе две и пол години не залажуваат со празни ветувања. На 26-ти октомври лани Владината комисија за човечки ресурси го задолжила ресорното министерство да им излезат во пресрет на пациентите, но и понатаму се оглушувале на нивните апели за помош, додека прават стани-седни на министерската фотеља.

„За сега последно да добиеме на ден пред распуштање на владата односно формирање на онаа влада која што треба да ги спроведе изборите одговор дека сега ќе му упатат барање на министерството за здравство сериозно да ја сфати работата и сериозно да се зафати со тој проблем. Значи ова што ни го прават нас не е ништо повеќе од предизбирна кампања“ –вели Јолески.

Бројот на пациенти впишпани во националната листа за трансплантација се зголемува, најмладиот пациент е девојка на 26-годишна возраст. До сега во Македонија не е направена нити една замена на вештачка пумпа со срце од донор.Затоа бараме да се набави лекот енстресто, да се укине партиципацијата за одржување и сервис на уредите како и за сите здравствени услуги поврзани со болеста кои никаде во светот не се плаќаат. Секој ден ни е измачување, на овој начин нас само ни се одложени маките. Без наша воља ни имплантираа ваков уред, а не ни кажаа дека потоа ќе е многу тешко за трансплантација на срце. Во тој случај сами ќе одлучевме дали да чекаме трансплантација но штом ни ги ставија, медицинската етика им налага да најдат решение за нас - вели Јолески.

The post Пациентите со механичка потпора на срце добиваат лек што светот го има исфрлено од употреба пред половина век appeared first on Република.

Онколошките пациенти да бидат мирни, ќе има биолошка терапија, изјави денеска министерот за здравство Фатмир Меџити, одговарајќи на новинарско прашање дали ќе има биолошка терапија за онколошките пациенти, кои треба да ја добијат идната недела.

Министерот Меџити, кој присуствуваше на промовирање на нов апарат во Општата болница „8 Септември“, беше прашан и дали следен чекор ќе биде да се унапреди статусот на болницата.

Апсолутно се што е потребно за да функционира како што заслужуваат пациентите и граѓаните, тоа што ќе биде императив и што ќе имаме основа за таква постапка, ние одма ќе постапиме. Јас како министер и мојот кабинет, тука сме за целосна поддршка и за болницата „8 Септември“, нагласи министерот за здравство.

Директорот на ГОБ „8 Септември“, Христијан Костов, на новинарско прашање кога ќе почне да работи екцелераторот и од кога ќе се почне да се третираат таму онколошките пациенти, кажа дека е во процедура вработување на нов физичар, како и дека апаратот е поставен.

Во процедура е вработувањето на новиот физичар, апаратот е поставен, ги имаме сите потребни додатни материјали и тоа што е потребно за да почне со работа овој акцелератор. Секако, ќе имаме помош и од некоја странска болница. Се надевам за брзо време и ќе можеме да почнеме со првите пациенти коишто ќе бидат за радиозрачење. Што се однесува до дневната болница за онколошките пациенти, веќе имавме две средби со менаџментот на Клиниката за онкологија и веќе утврдивме кои лекови ќе се даваат кај нас, рече тој.

Дневните болници, појасни директорот, се три амбуланти што ќе работат во прва смена, а од Клиниката за онкологија ќе бидат испраќани пациенти кои ќе бидат третирани во „8 Септември“.

Ние овде имаме двајца доктори онколози кои ќе се грижат за тие пациенти. Се надевам дека тоа ќе биде по Нова година, за брзо време ќе почнеме, нагласи Костов.

The post По Нова година треба да почне со работа дневната болница за онколошки пациенти во ГОБ „8 Септември“ appeared first on Република.

Владата на СДСМ и ДУИ и Министерството за здравство не само што не ги решаваат проблемите на пациентите, туку и дополнително активно работат на нивното продлабочување, ова денеска преку прес-конференција го истакна Игор Николов од ВМРО-ДПМНЕ.

Не само што нема системско решение за континуирано обезбедување на терапија за болните од малигни заболувања гледаме дека истите овие ликови 7 години не мрднаа со прст за ветувањето за дисперзија во лекувањето на пациенти со малигни заболувања и не воспоставија услови со кадар и опрема. Со тоа, остана нереализирано и ова ветување како и низа други ветувања. И на крај за да биде иронијата поголема, истите овие ликови држат партиски трибини за здравство како на пример онаа партиската трибина на СДСМ во Битола и во Штип кои се еклатантен пример за негрижа и нерешавање проблемите, туку нивно создавање. Денеска гледаме дека партиската трибина посветена на здравјето во Битола не ги реши проблемите на онколошките пациенти, па така да согласно информациите кои ги добиваме од пациентите во онколошкиот оддел на оваа Клиничка болница трета недела по ред нема: 1.Tаблети Letrozole при што се кумулира голем број на пациенти што се на листа на чекање. 2.Понатаму, втора недела нема и Oxaliplatin, две недели го нема лекот Zoladex“, потенцира Николов.

Тој додава дека пациентите кои се обратија до Комисијата за здравство реагираат и за недостиг на основни информации во однос на тоа кога ќе се набават овие лекови, единствено добиваат одговор дека ќе бидат контактирани и дека се ставени на листа на чекање.

Токму дисперзија на лекувањето на малигни заболувања требаше да биде во Битола со оглед дека таму има акцелератор – радиотерапевтски апарат кој не работи 7 години и фаќа прашина. Во Клиничките болници во Штип и во Тетово иако има специјалисти радиотерапевти онколози, сепак истите овие партиски функционери без срам денес се појавуваат на партиски трибини за здравство во овие градови, без да ги исполнат ветувањата и без да преземат системски мерки за една од најранливите категории пациенти, а тоа се малигните заболувања.Партиските трибини за здравство кои се без отчет што е сработено не кажуваат, поминаа, проблемите на пациентите останаа и се продлабочија, а решенија нема, ниту пак се на повидок. Нема отчет зошто нема работа и не постои трибина со која СДС ќе ја покрие својата неспособност и лагите на овие партиски функционери заради кои клиничките болници во Битола и Штип се на колена“, вели Николов.

Николов вели дека ова е одлика на владеењето на оваа Влада која пред да замине во неповрат го остави битолското здравство со недостиг од 100 здравствени работници, функционирање на оддели под знак на прашалник, а во Штип каде исто така помина партискиот караван без отчет и без одговори нема одговор зошто најважниот капитален проект – нова Клиничка болница во Штип остана неизградена. Заради не работа, системски пропусти, лаги и манипулации време е владата на СДСМ и ДУИ да замине час поскоро.

The post Николов: Пациентите со малигни заболувања во Битолската болница трета недела без терапија appeared first on Република.

Од ВМРО-ДПМНЕ реагираат дека втора недеа по ред, има целосен молк од надлежните во однос на скандалот на Онкологија.

Од партијата додаваат дека пациентите и нивните семејства се жалат дека ниту во моментов ја нема потребната современа терапија за сите пациенти кои што имаат потреба. Според најавите, оваа терапија требаше да биде и на позитивна листа за овие дијагнози и покрај тоа што четири министри за здравство неколку години по ред ветуваа дека ќе има нова модерна позитивна листа и најсовремени лекови за болните од канцер на истата.

Наместо да најде решение директорката се крие зад вработени на Клиниката кои според неа „ќе одлучувале“ за терапија.

Директорката е должна да даде одговори:

1. Што има преземено за да има терапија за сите?

2. Зошто се молчи за недостигот на терапија?

3. Кои конкретни чекори ги преземал менаџментот таа како менаџер за да има терапија за сите пациенти кои имаат потреба?

Пропустите се резултат на системската долгогодоишна негрижа која очигледно стана пракса кај повеќке категории пациенти исто како и кај пациентите со цистична фиброза, дијабетичарите и други.

Затоа клучно е прашањето:

1. Кој ќе одговара за нееднаквиот третман на пациентите и свесното поткопување на јавното здравство токму од институциите кои треба да се грижат и обезбедат терапија за пациентите?, се наведува во реакцијата на ВМРО-ДПМНЕ.

https://republika.mk/vesti/makedonija/vo-onkologija-funktsionirala-organizirana-mafija-direktorot-ministerot-i-kovachevski-se-direktno-odgovorni/

The post Втора недела целосен молк за Онкологија, а пациентите ниту во моментов ја немаат потребната современа терапија appeared first on Република.

Матичните лекари ќе може да препишуваат терапија за висок притисок, дијабетес, астма, хронична опструктивна белодробна болест, астма и хипотироидизам. Оваа новина во примарната здравствена заштита денеска ја најавија министерот за здравство Фатмир Меџити и д-р Злате мехмедовиќ, координатор на реформите за примарна заштита во МЗ.

Неделава ја посветуваме на промоција на новините во системот на примарна здравствена заштита, отпечатени се информативни брошури со поддршка од СЗО, завршена е едукацијата за 700 матични лекари за новиот правилник за препишување лекови и во следните неколку дена планираме посети во повеќе здравствени домови во државата, со цел одблиску да ги запознаеме пациентите и докторите со овие новини, изјави Меџити.

На овој начин се врши растоварување на секундарното и терциерното здравство, преку засилување на улогата на матичните лекари, како и намалување на административните процедури за препишување на хронична терапија, објасни министерот. Потребно е, кажа Меџити, да се обезбедат специјализации по семејна медицина за матичните лекари.

Паралелно со тоа ќе овозможиме поголем број лекари од општа пракса да имаат специјализација по семејна медицина, со цел пациентите да добијат што е можно повеќе здравствени услуги на едно место - ЕКГ, ЕХО, доплер, спирометрија, проширен ЛУ1 пакет и слично, појасни министерот.

Сите овие активности се реформска мерка и се дел во програмата за економски реформи на Владата за периодот 2023 -2025, а доставен е и предлог да влезат во новата стратегија на Светска банка за партнерство со нашата држава за периодот 2024-2028 година.

На овој начин правиме децентрализација на здравство, тоа што не успеавме со општините, рече Меџити.

Реферомите кои беа денеска најави ќе треба да се спроведат во следните три години.

Хипертензијата и дијабетесот обично се дијагностицираат доцна, со манифестирани симптоми или развиени компликации во болнички услови. Оваа анализа покажа дека пациентите што ќе бидат дијагностицирани како дијабетичари или хипертоничари, се на третман со лекови. Сепак во студијата 27 отсто од оние кои беа идентификувани со трет трет степен на хипертензија и 41 отсто од оние кои беа откриени со хипертензија од втор степен, беа на монотерапија во времето на прегледот на медицинските податоци, изјави д-р Мехмедовиќ.

Д-р Мехемдовиќ најави дека и прегледот кај матичниот лекар ќе може да се закажува онлајн, секој индивидуално, преку Мој термин.

Закажувањето кај матичен лекар нема да важи секаде и секогаш. Во работата на матичните лекари со хронични пациенти и со итни случаи, ќе се остават термини за прегледи на останати пациенти, рече д-р Мехмедовиќ.

The post Матичните лекари ќе може да препишуваат терапија за висок притисок, дијабетес, астма, ХОББ и хипотироидизам appeared first on Република.

Дијабетирачите во Македонија ја добија терапијата која доцнеше подолго време, но датум за состанок со министерот за здравство уште не добија. Во изјава за МИА Димче Велев, претседател на Сојузот на здруженија на дијабетирачи потврди дека е пуштена антидијабетната терапија и инсулинските игли, заедно со новите терапии. .

На 11 август од Министерството за здравство најавија состанок со претставници на Сојузот, но Велев вели дека очекува да ги повикаат секој момент.

Во меѓувреме, пуштаат антидијабетна терапија, заклучно со денеска комплет ја пуштаат цела, заедно со новите терапии, не само во систем, туку пуштени се реално. Тоа е работа на компаниите и на нивните ресурси за дистрибуција, очекуваме брза ефикасност, вели Велев.

Останува отворено прашањето за тоа што ќе се прави со промената на системот за глукомери и ленти.

Тендерот е потпишан и за неколку недели, во најбрз можен рок, се очекува да се донесат 40 илјади глукомери и 700 сензори за деца. Два сензора ќе бидат нови. Првпат во 30 години, државата воведува сензори за деца до 18 години. Секое дете до 18 години, слепи деца, како и оние со гестациски дијабетес ќе добиваат сензор. Тоа е промена. За седумстотини деца веќе нема да има боцкање на глукомер, туку ќе бидат со сензори, изјави Велев.

Вели дека бараат сите лица со тип еден, да добијат сензори.

Владата веќе најави 570 дополнителни нови сензори. Одлука нема формална, но се најавени. Нас нѐ интересира сега акцискиот план за превенција на дијабетес нѐ интересира за да може да почнеме со едукација. Имаме повеќе предизвици - протоколот да се смени што е изработен заедно со СЗО, претдијабетесот и дијабетесот да почнат да се третираат на примарно ниво, кај матичните доктори, а за инсулин, да се оди на терцијално ниво, на клиника. Другото да го работат матичните и дијабетолозите, појаснува Велев во изјавата.

Во однос на најавите за тужби поради доцнењето на терапијата, Велев рече дека е разговарано со адвокати како да се состават претставки до Министерството, додека се чека средбата.

https://republika.mk/zivot/zdravje/osum-mesetsi-nemame-insulinski-igli-lenti-za-merene-sheker-zoshto-nema-antidijabetna-terapija-a-dogovorite-se-potpishani-pred-tri-mesetsi-prashuvaat-dijabeticharite/

The post Дијабетирачите добија терапија, но не и датум за состанок со Министерството за здравство appeared first on Република.

Доколку чувствувате дека уморт и стресот ви се акумулирале, обидете се со акупресурната терапија на точката наречена Лао Гонг. Тоа е „магична“ точка која ве ослободува од замор и ја буди внатрешната енергија. Со притискање на оваа точка, за само неколку минути можеме да се ослободиме од заморот, да добиеме дополнителна енергија што можеме да ја канализираме во различни области од нашиот живот.

Точката Лао Гонг е многу лесно да се најде, се наоѓа во средината на нашата дланка.

Откако ќе ја пронајдете, направете ги следните вежби:

Вежба против замор

Опуштете ја раката и со другата рака притиснете на точката Лао Гонг. После тоа, започнете со меки ротациони движења. Масирајте ја точката со кружни движења додека не се чувствувате опуштено и полни со енергија.

Вежба за концентрација

Во случај да се чувствувате дека не можете да се концентрирате на нешто важно, веднаш притиснете ја точката Лао Гонг со палецот пет пати. Вдишете длабоко со секој притисок и додека го пуштате прстот, издишете. Подобрувањето ќе го почувствувате за само неколку минути.

Вежбајте со кинески топки

Доколку немате специјални кинески топчиња за масажа на дланките, слободно користете ореви или обични топчиња со слична големина. Земете ги топчињата во рака и почнете да ги тркалате, едното меѓу другото на дланка. На овој начин ќе ја активирате точката Лао Гонг, но и други важни точки кои ќе ви помогнат да се опуштите.

https://youtu.be/JZEcWc8wdlg

The post Притиснете ја „магичната“ Лао Гонг точка и ќе се ослободите од замор и стрес appeared first on Република.

Во клубот „Минус еден“ во Скопје, во петок (24.2.2023), ќе се одржи журка по повод 2 години од основањето на музичката платформа „Терапија“, со DJ артистите Ивана Драгшиќ, Тијана Т. и Uran B.

Платформата „Терапија“ се основаше во ек на пандемијата од КОВИД-19, со цел да понуди простор и можност за опстојување на домашната електронска клупска сцена. Овој музички медиум постепено растеше и се развиваше, но понуди и еден нов концепт за реализација на музички настани. Покрај стандардните забави и промоцијата на домашните диџеи, „Терапија“ ја поврза електронската музика и сцена со македонското културно наследство.

Имено, беа организирани повеќе журки -  перформанси на локации кои се дел од домашното културно наследство и тоа: „Македониум“ (Крушево), Споменикот на слободата (Кочани), Чифте Амам, Пошта и Железничката станица во Скопје, како и настани во Музејот на современа уметност.

Во пресрет на утрешната журка имавме краток разговор со основачката на „Терапија“, Слободанка Тренчева – Боте, која ја имаше и иницијалната замисла за развојот на оваа платформа, која полека но сигурно се интегрира во домашната, но и регионалната клупска сцена.

Среќна сум што „Терапија“ утре одбележува 2 години од своето постоење. Не сакам да кажам дека утре ќе „славиме“ затоа што живееме во еден навистина чувствителен период (економска и воена криза) и затоа мора да се однесуваме согласно околностите. Журките и сцената повеќе никогаш нема да бидат исти. Оттука е и нашата замисла, да ги поддржиме домашните артисти, но и да направиме поврзување со регионот. И затоа, утре ќе имаме и домашен диџеј, како добро познатата Драгшиќ, но и одличните Тијана Т. (од Србија) и Uran B. (од Косово). Ги поканувам сите да дојдат во „Минус еден“. Сите со некоја носталгија и меланхолија го паметиме ноќниот живот во Скопје. Утре, ќе донесеме „парче“ од минатото, но и ќе го трасираме патот за понатаму. Затоа, вреди да се дојде, вели Боте.

„Терапија“ во претстојниот период ќе продолжи и со организација на перформанси, настани на уникатни локации, поврзувајќи различни уметници и лица кои се дел од креативниот сектор.

Во Македонија не е лесно да се биде успешен. Малкумина ќе те поддржат, многумина ќе те етикетираат, но на крајот сите ќе гледаат да се „прилепат“ за приказната кога ќе видат дека е успешна. „Терапија“ е успешна приказна и ќе постои за сите искрени луѓе, кои сакаат квалитетна и автентична музика и перформанси, завршува основачката на „Терапија“.

Картите за утрешниот настан можат да се најдат во претпродажба во кафулињата „Кино Карпош“ и BKW Hybrid Bar. А, истите можат да се набават и на влезот на „Минус еден“.

The post Музичката платформа „Терапија“ слави втор роденден appeared first on Република.

Светски ден на борба против ракот.Лицата со малигни заболувања се соочуваат со континуиран недостиг на терапија.Акцелераторот во ГОБ “8 Септември” иако промовиран најмалку 10 пати не е ставен во функција.Нема термини за КТ и МР со цел навремена дијагностика и третман, а за резултати се чека и по неколку недели, обвинува ВМРО-ДПМНЕ.

Нема термини за пет скен, има листа на чекање за зрачење на пациенти кои чекаат со месеци.Неколку месеци пациентите со малигни заболувања чекаат за да им се изврши интервенција.

Термини за мамографија исто така нема или се чека со месеци.

Намалени се средствата од Програмата за рана детекција на малигни заболувања за 2 милиони денари наместо да се зголеми сумата за оваа намена.

Со ова се намалува опфатот на жени кои ќе бидат опфатени со скринингот на рак на грло на матка и дојка, чија цел е што порано откривање зашто тоа може да спаси живот.

Нула грижа за пациентите со малигни заболувања – ова е генералниот впечаток од приложените “реформи” на оваа власт кои се на штета на пациентите.

За овој пристап кон пациентите со малигни заболувања некој мора да сноси #одговорност.

Владата предводена од ВМРО-ДПМНЕ заедно со здруженијата на пациенти и експерти од соодветните области веднаш ќе донесе сет мерки со цел решенија за овие предизвици.

The post Лицата со малигни заболувања се соочуваат со континуиран недостиг на терапија appeared first on Република.

Македонската музичка патформа „Терапија“, која дава поддршка на електронската клупска сцена е номинирана за наградата „Амбасадор“, која се доделува во Хрватска, а се однесува и за регионалната електронска сцена. Можете да гласате на овој линк: https://bit.ly/3Ecp3sK.

„Терапија“ е номинирана за награда во групата: „Регионален медиум на годината“, како платформа која дава простор за промоција на домашни, регионални и европски DJ артисти.

Ова е прв пат, Македонија да влезе во потесен избор за оваа престижна награда, која овозможува соработка и поврзување на артистите од електронската клупска сцена, но и на целокупниот креативен сектор.

Наградата Амбасадор се доделува од 2016 година. Претставува платформа која ги истакнува најдобрите музички фестивали, клубови, уметници, музички платформи и слично.

Основачот на „Терапија“, Тренчева Слободанка – Боте се заблагодарува до сите соработници и претставници на музичкиот сектор од регионот, но во својата изјава говори и за недостатокот од домашна поддршка.

„Голема благодарност до земјите од регионот, како Хрватска, Србија, Косово, Босна и Херцеговина и Бугарија, до сите кои препознаа дека Терапија е нешто повеќе од музичка платформа. Домашната стручна јавност беше порезервирана, но научена сум да го одам потешкиот пат. За повеќе да те вреднуваат во Македонија треба да добиеш признание на меѓународно ниво. За жал, ова е пракса и во други сектори и сегменти од општеството. Терапија продолжува да биде светла точка, да ја афирмира земјата, клупската сцена и културното наследство. Без компромиси и без граници“, изјави Тренчева Слободанка – Боте.

Во изминатиот период, „Терапија“ се фокусираше и на организирање на перформанси на значајни спомен-обележја кои се дел од македонското културно наследство, но и јавни простори кои се важни за заедницата.

The post Музичката платформа „Терапија“ номинирана за престижната „Амбасадор“ награда appeared first on Република.

Научниците идентификувале нова потенцијална терапија за Ковид-19, а тоа е биолошка супстанца произведена од модифицирани клетки од човечка кожа, пишува „Сајенс Дејли“.

Научниците откриле дека супстанцијата може да го спречи САРС-КоВ-2, вирусот што предизвикува Ковид-19, да се репродуцира самостојно, додека ги штити инфицираните клетки кога се тестираат на клетките на човечките бели дробови.

Иако истражувањето е во рана фаза, ова откритие отвора можност за нови терапии за пациентите со Ковид. Деталите од истражувањето се објавени во списанието „Биоматериалс енд Биосистемс“ (Biomaterials and Biosystems).

Бевме изненадени кога откривме дека оваа потенцијална терапија го запира новиот пат на репликација на вирусот и во исто време ги штити инфицираните клетки - вели водечкиот автор на студијата, д-р. Ахмед Г. Ибрахим, доцент на Институтот „Седарс-Синаи“ во Лос Анџелес.

Во моментов има неколку третмани за Ковид-19, но сите првенствено се насочени кон спречување на размножувањето на вирусот.

Новиот потенцијален третман спречува репликација и во исто време го заштитува и поправа погоденото ткиво, што е важно затоа што симптомите што се развиваат во случај на Ковид-болест може да траат долго по исчезнувањето на вирусната инфекција.

Потенцијалната терапија што се истражува во студијата ја реализираа научниците користејќи клетки на кожата – дермални фибробласти, масни клетки кои природно го подобруваат колагенот и произведуваат протеински молекули кои ја штитат бариерата на кожата.

Тие биле во можност инженерски да ги модифицираат за да создадат терапевтски екстрацелуларни везикули. Тоа се наночестички кои служат како систем за комуникација помеѓу клетките и ткивата.

Фибробластите овозможија лачење на екстрацелуларни везикули, кои успеваат да го поправат ткивото.

Во претходните експерименти на лабораториски глувци, истражувачите докажаа дека екстрацелуларните везикули можат да го поправат оштетувањето на срцето и белодробното ткиво и мускулите.

Кога почна пандемијата на Ковид-19 во 2020 година, научниците почнаа да истражуваат дали екстрацелуларните везикули можат да дејствуваат како лек против САРС-КоВ-2.

Студијата е спроведена во соработка со научници од УЦЛА (Универзитет во Калифорнија, Лос Анџелес), еден од најселективните универзитети во САД.

Експертите ги тестирале везикулите со нивна примена на епителните клетки на човечките бели дробови, кои го обложуваат белодробниот тракт и ги таргетираат инфекциите со вирусот САРС-КоВ-2.

Тие откриле дека везикулите го спречуваат започнувањето на воспалителен процес кој може да резултира со клеточна смрт. Во исто време, откриено е дека клетките произведуваат помалку АКЕ протеин кој користи САРС-КоВ-2 за да инфицира други клетки.

Истражувачите потоа го споредиче новиот потенцијален третман за ковид со ефектот на ремдесивир, лек кој моментално се користи за лекување на Ковид-19, и открија дека ремдесивир не го инхибира производството на АКЕ.

Наместо тоа, ремдесивир го спречува вирусот да фати протеин наречен AКE2, што значи дека екстрацелуларните везикули можат да бидат уште еден начин да се спречи вирусот да навлезе во клетките.

Вирусите немаат своја „машина“ која им овозможува да навлезат во клетките, па затоа користат протеини. Веруваме дека таргетирањето на AКE протеините е само еден од начините на кои САРС-КоВ-2 ги инфилтрира клетките, ги „граби“ нивните генетски информации и ги реплицира во телото - објаснува Ибрахим.

Се чини дека екстрацелуларните везикули успеале да го запрат процесот на „крадење“ генетски информации.

Оваа потенцијална биолошка терапија за Ковид-19 е нова по тоа што има два аспекта: ги штити инфицираните клетки, што не го прави ремдесивир, а во исто време ја спречува репликацијата на вирусот - вели коавторот на студијата д-р. Едуардо Марбан, извршен директор на Институтот Седерс-Синаи.

Научниците веруваат дека новата терапија би можела да се користи во синергија со ремдесивир, имајќи предвид дека тие делуваат на различни молекули со ист резултат – спречување на вирусот да навлезе во клетките.

The post Научници откриле нова потенцијална терапија за Ковид-19 appeared first on Република.