Кристијано Роналдо отворено го критикуваше својот поранешен тренер. Португалскиот репрезентативец гостуваше во подкастот на Рио Фердинанд и искрено кажа што мисли.

Поранешните соиграчи од Манчестер Јунајтед проговорија за моменталната ситуација во „црвените ѓаволи“.

Ситуацијата секако не е добра. „Црвените ѓаволи“ се на 14. место, со два порази и една победа.

-Манчестер мора да почне да обновува сè. Мислам дека на сите им е јасно. Ќе биде потребно време бидејќи се уште е еден од најголемите клубови во светот, но им требаат огромни промени. Тоа е единствениот начин да се вратиме на врвот како клуб и луѓето од клубот го знаат тоа. Тренерот вели дека не можат да се борат за првото место во Лигата на шампионите. Како менаџер на Манчестер, не можете да го кажете тоа. Мора да се борите, кажа Роналдо.

Општо познато е дека Кристијано Роналдо не беше миленик на Тен Хаг, а сето тоа заврши со прилично грозен раскин на договорот во 2022 година.

Тоа беше втор период на Роналдо на „Олд Трафорд“. Првиот пат беше од 2003 до 2009 година, кога постигна 145 гола на 346 натпревари.

Играше и за Спортинг, Јувентус и Реал Мадрид, додека денеска настапува за Ал-Наср

The post Роналдо за Тен Хаг: Манчестер Јунатед мора да почне да обновува сè appeared first on Република.

Манчестер Јунајтед веќе донел одлука да се раздели со својот менаџер Ерик Тен Хаг ова лето, пренесува Џанлука Ди Марцио.

Популарниот стручњак за трансфери зборуваше за холандската веб-страница „сокерњуз.нл“ каде откри дека, како и ривалите Челси, и црвените ѓаволи ќе бараат нов менаџер по крајот на оваа сезона.

Според него, опции пред управата на клубот се Киеран Мекена, Маурисио Покетино и Роберто Де Зерби.

Доколку „сините“ го назначат актуелниот тренер на Ипсвич, тогаш мета на Јунајтед ќе биде Аргентинецот, кој до вчера беше на чело на лондончани. Што се однесува до италијанскиот стручњак, од „Олд Трафорд“ допрва треба да контактираат со поранешниот менаџер на Брајтон.

Причината за очекуваната разделба на фудбалерите на Манчестер со Тен Хаг е неубедливиот настап на тимот во Премиер лигата во штотуку завршената кампања. „Црвените ѓаволи“ завршија само на осмото место во поредокот со 14 првенствени порази и негативна гол разлика.

Доколку не успеат да победат во саботното финале на ФА Купот против градскиот ривал Манчестер Сити, ќе бидат надвор од европските натпреварувања следната сезона

The post Teн Хаг си заминува од „Олд Трафорд“ appeared first on Република.

Повредата на левиот бек, Лук Шо е покомплицирана од очекуваното и тој нема да може да игра на неделниот дуел со Брајтон од последното коло во Премиер лигата, призна менаџерот Ерик тен Хаг.

Оваа сезона, 28-годишниот дефанзивец има само 15 настапи за Манчестер Јунајтед. Тој моментално има повреда на мускулот и се очекуваше да се врати на терените пред крајот на сезоната, но се чини дека тоа нема да се случи. Сепак, постојат некои шанси англискиот репрезентативец да биде во тимот за финалето на ФА Купот против Манчестер Сити на 25 мај на „Вембли“.

Победата над Сити во финалето ќе го одведе Манчестер Јунајтед во Лига Европа. Во спротивно, „црвените ѓаволи“ ќе се надеваат дека ќе забележат подобар резултат против Брајтон отколку Њукасл против Брентфорд, за да се искачат на седмото место во Премиер лигата и да остварат пласман во Конференциската лига.

-Не можам да кажам дали Хари Мегваер или Лук Шо ќе играат за Англија на Европското првенство. Но, се надеваме дека и двајцата ќе бидат во ред за финалето на „Вембли“. Хари има поголеми шанси да учествува на натпреварот. Со Лук ситуацијата е посложена и да речеме дека има минимални шанси да игра, изјави Тен Хаг.

Тој исто така откри дека централните бекови Рафаел Варан и Виктор Линделоф веќе тренираат и најверојатно ќе бидат достапни за настап против Манчестер Сити. Ова е дополнителен бонус кон враќањето на Лисандро Мартинез. Аргентинецот се појави против Њукасл во неделата по долгиот третман на повреда.

The post Еден повреден друг навреден: Тен Хаг не може да скрпи тим за финалето на ФА купот appeared first on Република.

Тренерот Ерик тен Хаг одговори на споредбата што ја направи Жозе Мурињо за нивната работа во Манчестер јунајтед.

- Освен Мурињо, ниту еден тренер не ги доби играчите што ги сакаше, што ни требаа. Уверен сум дека ќе ги постигнеме нашите цели, но конкуренцијата е голема. Има седум или осум екипи во Премиер лигата кои имаат многу добри состави и во иднина ќе се борат за титулата. Значи, за да ја освоите титулата, треба да создадете навистина квалитетен тим, рече главниот тренер на Манчестер Јунајтед во интервју за „ESPN“.

Претходно Жозе Мурињо правејќи споредба со Тен Хаг за работата во Манчестер јунајтед, рече дека ја немал поддршката што ја ужива Тен Хаг.

-Немав такво ниво на поддршка. Немав такво ниво на доверба. Во тимот имаше од претходно неколку играчи што не ги сакав пред, истакна Мурињо.

Португалскиот стручњак беше тренер на клубот од мај 2016 до декември 2018 година

The post Teн Хаг најде оправдување: Не ги добив играчите што ги посакував appeared first on Република.

Тренерот на Манчестер јунајтед, Ерик тен Хаг ги коментираше последните резултати на тимот.

- Ни треба каква било помош, но прво тимот и јас мора да дејствуваме. Мора да се подобруваат на секој натпревар. Неколку пати кажав: играчите мора да преземат одговорност. Јас треба да бидам одговорен, но и тие. Ова важи за сите. Можеби во некои моменти очекувате уште повеќе од постарите играчи отколку од помладите. Но, ние мора заедно да направиме чекор напред. Не е важно кој на која возраст е. Треба да составиме тим кој ќе може да победи, рече тренерот.

„Црвените ѓаволи“ немаат победа во последните четири натпревари. Моментално Манчестер јунајтед се наоѓа на осмото место во поредокот во Премиер лигата со 28 бодови во 18 кола

The post Teн Хаг бара и играчите да преземат дел од вината appeared first on Република.

Ерик тен Хаг реагираше на свирежите на навивачите по денешниот пораз од Борнмут (0:3).

- Разбирам дека се разочарани и изнервирани. Ние, исто така. Мора да играме подобро - и да го правиме тоа на секој натпревар. Морам да преземам одговорност. Ние сме целосно нестабилни. Ги имаме потребните способности, но треба да ги покажуваме на секој натпревар. Ни треба стабилност. Можеме да имаме многу добар натпревар против многу противници. Способни сме за ова, но треба да го правиме на секои три дена. Треба да ги подигнеме нашите стандарди, изјави тренер на Манчестер јунајтед.

Тимот предводен од Тен Хаг по денешниот пораз остана на 27 бода за во моментов 6. место пред комплетирање на 16.коло на англиската Премиер лига.

Манчестер јунајтед има девет победи и дури седум порази. За Борнмут ова беше петти триумф сезонава и 13. место со 19 бодови.

The post Jунајтед понижен на „Олд Трафорд“, Тен Хаг го разбира гневот на фановите appeared first on Република.

Англискиот фудбалски великан Манчестер јунајтед подготвува летно „чистење“ во соблекувалната, пренесуваат денеска британските медиуми, наведувајќи дека дури 13 фудбалери би можеле да го напуштат клубот од „Олд Трафорд“.

Холандскиот стратег Ерик тен Хаг сака да продолжи со обновата на екипата ова лето и ги сложува коцките од мозаикот на тимот, а според медиумите пред излезна врата од клубот се Ентони Еланга, Ерик Бајли, Арон Ван – Бисака, Алекс Телес, Дони ван де Бек, Факундо Пелистри, Брендон Вилијамс, Ентони Марсијал …

Клупскиот капитен Хари Мегваер, исто така, е меѓу играчите чија иднина на „Олд Трафорд“ е неизвесна.

Се шпекулира дека Тен Хаг ќе се обиде да го ангажира мексиканскиот напаѓач од Феенорд, Сантијаго Хименез (21), кој досега оваа сезона постигна 18 голови на 36 дуели во сите натпреварувања

The post Кој ќе лета? Teн Хаг ќе прави чистка во Манчестер appeared first on Република.

Холанѓанецот Ерик тен Хаг, менаџерот на Манчестер Јунајтед, по историскиот срам и пораз од Ливерпул со 7:0 изјави дека тоа не е вистинското лице на овој тим.

„Црвените ѓаволи“ го претрпеа најлошиот пораз од 1931 година.

Шест од седумте гола кои Јунајтед ги прими во вториот дел од натпреварот.

"Второто полувреме беше непрофесионално. Тоа не може да се случи и мора да разговараме за тоа. Се работеше за целиот тим, видов дека 11 поединци ги загубија главите. Тоа не е Манчестер Јунајтед, ние имаме повисоки стандарди", изјави Тен Хаг.

The post Тренерот на Манчестер како девојка пред раскинување со момчето: Мораме да разговараме appeared first on Република.

 Легендарниот менаџер на Манчестер јунајтед, Алекс Фергусон ја пофали работата на Ерик тен Хаг во клубот од „Олд Трафорд“.

Тен Хаг го освои својот прв трофеј со Јунајтед, победувајќи го Њукасл со 2:0 во финалето од англискиот Лига куп.

-Ерик е на вистинскиот пат. Неговиот избор на засилувања беше навистина добар. Мислам дека ова одигра клучна улога, го цитира Фергусон „Манчестер ивнинг њуз“.

На 24 натпревари во Премиер лигата, Манчестер јунајтед освои 49 бодови и се најде на третото место во поредокот

The post Легендата Фергусон го испофали Тен Хаг appeared first on Република.

Тренерот на Манчестер јунајтед, Ерик тен Хаг изјави дека „црвените ѓаволи“ треба да најдат вистинска замена за напаѓачот Кристијано Роналдо.

– Да, свесни сме дека загубивме напаѓач. Затоа, мислам дека треба да најдеме напаѓач, но тој мора да биде вистинскиот. Мора да е играч кој носи квалитет во тимот, а не само просечен, бидејќи тоа само создава проблеми. Знаете дека критериумите овде во Манчестер јунајтед се високи, изјави Тен Хаг за „Sky Sports“.

Во ноември Роналдо го раскина договорот со Манчестер јунајтед и моментално има статус на слободен играч.

Зимскиот преоден рок во Премиер лигата се отвора на 1 јануари, а се затвора на 31 јануари

The post Тен Хаг бара замена за Роналдо appeared first on Република.

Португалскиот репрезентативец и фудбалер на Манчестер Јунајтед, Кристијано Роналдо, отворено зборуваше за статусот во клубот од Олд Трафорд, холандскиот тренер Тен Хејг, прозивките на неговиот поранешен соиграч и многу други теми.

Роналдо во ексклузивно интервју во емисијата „Без цензура“ реши да си ја отвори душата.

Тој призна дека се чувствува како црна овца во Јунајтед и чувствува дека е предаден од клубот.

„Не е само тренерот, туку и другите двајца, тројца момци околу клубот“, рече Роналдо, а потоа го зеде на нишан Холанѓанецот Тен Хаг.

„Не го почитувам затоа што не покажува почит кон мене. Ако вие немате почит кон мене, јас никогаш нема да имам почит кон вас“, јасен е Кристијано.

Новинарот Пирс Морган го праша Португалецот дали мисли дека челниците на Јунајтед се обидуваат да го натераат да го напушти клубот.

„Искрено, не треба да го кажам тоа. Не знам... Но слушај, не ми е гајле.  Луѓето треба да ја слушнат вистината. Да, се чувствувам изневерено и се чувствувам како некои луѓе не ме сакаат тука, не само годинава, туку и лани“, изјави Португалецот.

Роналдо се осврна и на критиките на неговиот поранешен соиграч Вејн Руни.

"Не знам зошто толку жестоко ме критикува. Веројатно затоа што ја заврши кариерата, а јас се уште играм на високо ниво. Нема да кажам дека изгледам подобро од него. Што е вистина", изјави Португалецот со насмевка.

Роналдо истакнува дека Јунајтед се уште е во неговото срце, но дека клубот очигледно оди на погрешен пат.

„Го сакам Манчестер Јунајтед, ги сакам навивачите, тие се секогаш на моја страна. Но, ако сакаат да променат, мора да променат многу, многу работи“.Некогаш треба да уништиш нешто за да го изградиш повторно и ако почнат од мене, не ми е проблем“, изјави познатиот ас.

The post Роналдо никогаш поискрен: Се чуствувам како црна овца во Јунајтед, не го почитувам Тен Хаг appeared first on Република.