Властите на Обединетите Арапски Емирати (ОАЕ) го пронајдоа телото на рабинот Зви Коган, кој исчезна во четвртокот, соопшти денеска канцеларијата на израелскиот премиер Бенјамин Нетанјаху, а Советот за национална безбедност на Израел издаде предупредување до граѓаните за патувањата во ОАЕ.

Во заедничкото соопштение од кабинетот на Нетанјаху и израелското Министерство за надворешни работи, се наведува дека израелската амбасада во Абу Даби била во контакт со семејството на Коган во ОАЕ и дека се информирани членовите на неговото семејство кои живеат во Израел, пренесе „Тајмс оф Израел“. Израел го нарече убиството „гнасен антисемитски чин на терор“ и вети дека ќе ги искористи сите расположливи средства за да ги изведе убијците пред лицето на правдата.

Канцеларијата на Нетанјаху претходно соопшти дека Коган бил емисар на Хабад, православна еврејска организација со ограноци низ целиот свет, додека израелските разузнавачи наведоа дека сметаат дека најверојатно станува збор за терористички акт и дека рабинот бил следен на кошер пазарот, кој водел до Абу Даби.

Коган имал израелско-молдавско државјанство и престојувал во Абу Даби како емисар на Хабад откако Израел ги нормализира врските со земјата кон крајот на 2020 година.

Советот за национална безбедност на Израел издаде предупредување за граѓаните кои патуваат во ОАЕ, наведувајќи дека и натаму постои закана за Израел и Евреите во таа земја.

The post Телото на исчезнатиот израелски рабин Зви Коган пронајдено во ОАЕ appeared first on Република.

На 06.10.2024 во 08.12 часот во СВР Штип, Б.К.(55) од Штип пријавила дека на место викано „Суитлак“ во Штип пронашла делови од човечко тело, изгризани најверојатно од диви животни а за кои, според облеката на нив, претпоставува дека се на нејзината мајка Д.Р.(74) од Штип, која на 19.07.2024 била пријавена дека се оддалечила од домот.

Увид бил извршен, а по наредба на јавен обвинител деловите од телото биле дадени на семејството.

The post Штипјанка пронашла изгризани делови од човечко тело, веројатно се на нејзината исчезната мајка appeared first on Република.

Турските власти соопштија дека е пронајдено безживотното тело на осумгодишното девојче Нарин Гуран, кое исчезна на 21 август во Дијарбекир.

Оттогаш се трага по детето чие тело е пронајдено во потокот Егертутмаз на 1,5 километар од селото Тавшантепе каде што живеело.

Турската телевизија НТВ соопшти дека полицијата забранила секому да влегува или да излегува од селото.

За жал, безживотното тело на Нарин, кој исчезна во населбата Тавшантепе во областа Баглар во Дијарбакир, го пронајдоа екипи на жандармеријата“, изјави Али Јерликаја, министер за внатрешни работи на Турција.

The post Пронајденото е телото на девојчето кое се бараше низ цела Турција appeared first on Република.

Имате необјасниви модринки на вашето тело? Еве кои здравствени проблеми можат да бидат причина за тоа

Во продолжение прочитајте што велат светските доктори на оваа тема, што сметаат дека може да се случува во вашето тело и кога е потребно да закажете прегледи.

Дигате тегови или тешки предмети

Подигањето тешки тегови или предмети е секундарна причина за појава на модринки по вашето тело. Тоа значи дека вашите крвни садови се веќе многу слаби, а физичката активност уште повеќе им наштетува. Воедно, дури и да имате многу здрави капилари, пренапорната физичка активност може да ги оштети. Така на пример, дигањето тегови со преголема тежина, за којашто вашето тело сè уште не е доволно подготвено, може да е опасно. Честа е појавата на вакви модринки и кај децата коишто носат на грб многу тешки ранци за на училиште. Во принцип, ваквите модринки не се нешто опасни по здравјето, но се индикација дека премногу се оптоварувате со тежина, којашто вашето тело не може да ја поднесе.

Пиете лекови

Одредени лекови влијаат врз крвта и истите можат да предизвикаат појава на модринки, коишто можат да варираат од одвај забележливи, до многу сериозни. Најчесто, тие се предизвикани од антидепресиви, аналгетици, антиинфламаторни лекови, антиасматични лекови, како и оние коишто содржат железо во составот. Најчестото апче коешто ја прави крвта потечна и доведува до појава на модринки на кожата, е аспиринот. Доколку имате забележано поврзаност помеѓу пиењето на одредени лекови и појавувањето модринки на вашата кожа, потребно е да се консултирате со лекар. Можеби ќе ви биде кажано дека морате да престанете да ги консумирате тие апчиња, за да избегнете внатрешно крвавење.

Имате некоја болест на крвта

Болестите поврзани со крвта и крвните садови, можат да предизвикаат појава на модринки. Проширени вени, Вон-Вилебрандова болест, тромбоцитопенија и леукемија, најчесто настануваат поради проблеми предизвикани од циркулацијата на крвта. Никако немојте да ја одложувате посетата на доктор, особено доколку имате забележано и други загрижувачки симптоми, како што се: болни и отечени нозе, крвавење на непцата, мали капиларни точки на телото или крвавења од нос.

Имате недостаток од витамини

Појавата на некои необјасниви модринки, може да бидат сигнал дека вашето тело има недостаток од некои хранливи состојки, на пример некои витамини. За малите деца, секогаш се грижиме да ги примаат во доволни количества, но ние возрасните, честопати забораваме на нивната важност. Така на пример, витаминот Б-12 игра значајна улога во производството на крв, витаминот К е одговорен за коагулација, а витаминот Ц има клучна улога во создавањето нови ткива. Без овие витамини, крвните садови стануваат многу кревки. Друг, исклучително важен витамин, е витаминот П. Без него, невозможно е производството на колаген, па крвните садови стануваат многу тенки, а тоа доведува до влошување на состојбата на кожата. Исто така, балансот на железо во организмот, е многу важен. Доколку имате премалку или премногу железо, тоа лошо се одразува на капиларите.

Како и да е, немојте да избрзувате за да купите витамински таблети, пред да направите тестирање за да видите дали имате недостаток од некои витамини и дали треба да ја подобрите вашата исхрана. Извори на витамин П, се свежо приготвен зелен чај, јаболка, тиква и лук. Витаминот К, го има во бананите, јајцата, јаткастите плодви и масните риби. Б-12 го има во џигерот, рибата, сирењето и марулата.

Имате хормонална нерамнотежа

Промените во хормоните, се најчеста причина за појава на модринки, особено ако имате недостаток од естроген. Тоа се случува доколку сте во период на менопауза, примате хормонска терапија или сте бремени. Недостатокот од естроген, значително ги слабее крвните садови и ѕидовите на капиларите можат многу лесно да се оштетат.

Повозрасни сте

Друга тажна, но природна причина за појавата на модринки, е возраста. Васкуларниот систем слабее со текот на годините, а ткивата ја губат својата еластичност. Модринките поврзани со возраста, најчесто се појавуваат на нозете, но не се опасни.

Дијабетес

Шеќерот во крвта, е првата работа којашто на сите им паѓа на памет кога некој ќе ја спомне оваа болест. Дијабетесот има негативно влијание врз циркулацијата на крвта, поради што многу лесно се појавуваат модринки по телото. Воедно, појавата од модринки може да е показател дека боледувате од оваа болест, уште додека е во многу рана фаза. Други симптоми коишто можете да ги чувствувате доколку боледувате од дијабетес, е честа појава на жед, на вашите рани им треба подолго време да заздрават, лесно се изморувате, визијата ви е заматена или имате бели дамки на кожата.

The post Кои здравствени проблеми можат да бидат причина за модринки по телото? appeared first on Република.

На 07.06.2024 година во 20.50 часот, во СВР Охрид е пријавено дека во водите на Охридското езеро во близина на месноста „Баден“ во близина на охридското село Љубаништа, удавен пронајден е Л.М.(54) од Неготино.

По наредба на јавен обвинител увид на местото на настанот, извршија полициски екипи а смрт, без видливи траги на насилство, констатира лекар од Итната медицинска помош.

Телото е предадено на обдукција во Судска медицина во Битола.

The post Во Охридското Езеро пронајдено тело на маж appeared first on Република.

Тело на машко лице синоќа било извадено од водите на Вардар во Скопје кај Центар, соопшти МВР.

Случајот бил пријавен синќа околу 19.50 часот во СВР Скопје дека во реката Вардар, на подрачјето на Центар, било забележано тело на машко лице.

-Полициски службеници од Единицата за интервентна полиција при СВР Скопје го извадиле телото од реката. Лекар од Итна медицинска помош констатирал смрт, а увид извршила екипа од СВР Скопје, наведуваат од МВР.

По наредба на јавен обвинител, телото било дадено на обдукција.

The post Тело на машко лице извадено од водите на Вардар на подрачјето на Центар во Скопје appeared first on Република.

Вчера околу 20 часот, тело на машко лице било забележано од водите на реката Вардар во Скопје.

Според изјавите на очевидците, телото на мажот било извлечено од страна на полицијата, во строгиот центарот на градот – помеѓу Камениот мост и мостот Око.

Неговиот идентитет засега е непознат за полицијата.

Полициските службеници од Единицата за интервента полиција при СВР Скопје го извадиле телото од реката и кај него не биле пронајдени документи за идентификација, велат од СВР Скопје.

Извршен е увид, а по наредба на обвинител телото е дадено на обдукција.

The post Тело на маж извлечено од Вардар кај Камени мост appeared first on Република.

Јадењето овошје и зеленчук е дел од исхраната што никој не смее да го занемари, но тоа често не е случај за многу луѓе. Понекогаш е полесно да се избере брзо достапна и едноставна храна која не треба многу да се обработува, или само да грицкаш нешто за да престанеш да бидеш гладен.

Во такви ситуации, многумина јадат опции како брза храна и храна богата со шеќери, сол и нездрави масти кои лошо влијаат на организмот, избегнувајќи да јадат зеленчук, кој е многу корисен за целокупното здравје. Група диететичари за Парада истакна што се случува со телото ако не јадеме доволно зеленчук.

Диететичарот Кара Харбстрит истакнува дека „прескокнувањето на порции зеленчук значи дека ги пропуштате клучните хранливи материи што би ги добиле од таквата диета, вклучително и влакната. Постојаниот низок внес на влакна може да влијае на здравјето на цревата или на целокупното здравје“.

Со неа се сложил и диететичарот Даниел Чавез, кој тврди дека „недостатокот на зеленчук во исхраната подразбира недостаток на влакна, што резултира со неправилно движење на дебелото црево и гастроинтестинални проблеми“.

Овошјето и зеленчукот треба да се јадат секој ден, а пожелно е да се јадат неколку различни видови во текот на денот. Сепак, тоа не е случај со многумина кои понекогаш не јадат ниту едно овошје или зеленчук во текот на денот.

Недоволното консумирање овошје и зеленчук може да го зголеми ризикот од многу здравствени состојби, вклучувајќи кардиоваскуларни болести, дијабетес, висок крвен притисок и мозочен удар“, вели диететичарот Џенифер Хернандез.

Последиците од нередовното консумирање влијаат и на имунолошкиот систем. „Без постојано снабдување со витамини и антиоксиданси од зеленчукот, имунолошкиот систем едвај може да се „бори“ со шмркањето“, вели диететичарот Калин Тру, пренесува Parade.

Здравата и урамнотежена исхрана е клучот за доволно ниво на енергија во текот на денот. Зеленчукот обезбедува есенцијални витамини и минерали кои помагаат да се претвори храната во енергија. Ако постојано го прескокнувате зеленчукот, може да се чувствувате уморни и тромни во текот на денот, што го прави предизвик да се концентрирате или да останете во чекор со вашите секојдневни активности“, истакнува Тру. .

Иако пиењето течности е сè уште најдобар начин за хидратација, јадењето одредени видови храна исто така може да помогне.

Харбстрит тврди дека зеленчукот со високата содржина на вода придонесува за вкупниот дневен внес на течности. Навистина можете да ја внесете целата течност што ви треба со пиење вода и други пијалоци, но порција зеленчук „се смета“ како форма на хидратација.

The post Што се случува со телото ако не јадеме доволно зеленчук? appeared first on Република.

Поглаварот на Римокатоличката црква, папата Франциск, најави дека кога ќе биде погребан, неговото тело нема да биде изложено на бдение, ниту пак ќе има украсена дрвена клада која го поддржува ковчегот на угледни личности на католичките погреби.

Разговарав со мајсторот на церемонијата и го отстранивме ова и многу други работи, бидејќи ритуалот (на погребот на Папата) беше премногу оптоварен“, рече Францис.

Тој додаде дека погребот на неговиот претходник Бенедикт Шеснаесетти е последниот традиционален погреб на римски понтиф, каде што телото е изложено, пренесува агенцијата Анса.

Во книгата на Хавиер Мартинез Брокал, „Наследникот“, која се состои од интервјуа со Папата, Франциск вели дека сака да биде погребан „достоинствено како и секој христијанин“.

Во последните недели Ватикан го откажа присуството на Папата на неколку настани поради нарушено здравје, а Францис (86) моментално користи инвалидска количка поради проблеми со коленото.

The post Кога ќе почине, телото на Папата Францис нема да биде изложено на бдение appeared first on Република.

Човековото тело постојано ни кажува што се случува во него... Така, без разлика дали тоа се бори со замор, случајни грчеви или недостиг на енергија - сѐ ова се симптоми на недостиг на минерали.

Минералите и витамините поттикнуваат разни метаболички функции што го подобруваат метаболизмот, делотворноста на телесната енергија, имунолошкиот систем, квалитетот на живот. Нутриционистката Кристен Ставридис од Лондон смета дека минералите се од витално значење и за спречувањето болести.

Минералите го поддржуваат здравиот метаболизам и го одржуваат нашето тело да функционира оптимално. Ни треба само мала количина од секој, а може да ги добиеме од храната што ја јадеме. Повеќето од нас се виновни што не секогаш ги консумираат сите групи на храна што ни се потребни, кои се преполни со витални витамини и минерали за кои имаме дневна потреба. Тоа значи дека многу често има недостиг на хранливи материи во исхраната на луѓето, појасни таа.

Симптоми на недостиг на железо, на пример, се пукање на аглите на усните, замор во мускулите, чешање на кожата, вртоглавица, главоболка, кршлива коса.

Недостиг на магнезиум, според стручњакот, може да се препознае ако има губење апетит, гадење, замор, слабост, несоница, дијареа. Уште еден важен минерал е цинкот, а неговиот недостиг се препознава по рапава кожа или дерматитис, одложено зараснување на рани или чиреви, нарушен вкус.

Кршливи нокти, несоница, грчеви во мускулите - се знаци дека на вашето тело му недостига калциум, нагласува Ставридис.

При недостиг на јод, пак, таа додава дека се појавуваат отоци кај вратот, проблеми со бременоста, опаѓање на косата, сува кожа, настинка итн. Недостигот на селен предизвикува неплодност, замор, тн. „заматување“ на свеста и други непријатни состојби.

The post Рапава кожа или дерматитис значи дека ви фали цинк во организмот appeared first on Република.

Руските власти го предадоа телото на опозицискиот блогер Алексеј Навални на неговата мајка, објави во саботата неговата портпаролка Кира Јармиш.

Семејството на Навални и неговиот тим со денови бараа од властите да го предадат неговото тело, откако водечкиот дисидент почина минатата недела во сибирска казнена колонија на 47-годишна возраст под неразјаснети околности. Но и покрај тоа, семејството и неговите соработници бараа да им биде предадено телото.

„Телото на Алексеј е предадено на неговата мајка. Голема благодарност до сите што тоа го побараа заедно со нас“, наведува Јармиш.

Мајката на Навални, која отпатува во затворот на далечниот север на Русија, каде што беше затворен нејзиниот син откако дознала за неговата смрт, сè уште е во блискиот град Салехард, додаде портпаролката.

„Сѐ уште не се знае кога ќе се изврши погребот. Не знаеме дали властите ќе се мешаат во тоа семејството да ја одржи церемонијата како што сака и како што заслужува Алексеј. Ќе ве известиме штом ќе дознаеме нешто“, додава Јармиш.

Помина повеќе од една седмица откако во затворот почина поранешниот жесток руски националист кој во 2014 година ги запрепасти своите западни поддржувачи со изјавата дека црноморскиот полуостров Крим е руски иако изминатите 60 години беше во составот на Украна, стана познат опозициски блогер и на Западот беше препознаен како најголем противни на рускиот претседател Владимир Путин. Поради тоа, неговата смрт предизвика остри реакци од западните челници кои го сметаа за политички затвореник, без разлука на пресудите за финасиски махинации, кршење на условите за условна слобода, непочитување на судот и други прекршоци.

Западните лидери, вклучително и американскиот претседател Џо Бајден, го обвинија рускиот претседател Владимир Путин за смртта на Навални по годините на, како што ја нарекоа, неоправданата затворска казна. Во Русија идниот месец ќе се одржат претседателски избори, на кои се очекува Путин, како веќе речиси две децении, лесно да победи.

The post Телото на Навални предадено на неговата мајка appeared first on Република.

Унаказено тело на маж без прсти, за кое австриската полиција се сомнева дека е српски државјанин, е пронајдено вчера во стан во Виена каде се одгледувала марихуана.

Трупот во напредна фаза на распаѓање го пронашле припадници на Одделот за борба против наркотици во Отакринг, Виена, при операција за откривање и пронаоѓање на лабораторија за производство на канабис.

Според австриските медиуми, ова требало да биде обична операција на истражителите на дрога од Државната криминалистичка полиција на Виена, но кога телото било откриено,  во истрагата било вклучено и одделението за убиства.

Телото на мажот било пронајдено во кадата, а во бањата имало и стол на кој најверојатно мажот бил мачен, бидејќи иако трупот веќе се распаѓал, биле видливи бројните повреди.

Убијците сакале да го сокријат и идентитетот на жртвата, поради што неговото лице било толку изобличено и исечено, а видливо е дека му биле отстранети некои делови од кожата каде најверојатно имало тетоважи кои би помогнале во идентификацијата. Исто така, му биле исечени и прсти, па не е можно да се утврди идентитетот со помош на отпечатоците.

Начинот на извршување, но и тешкотијата на идентификација укажуваат на балканската мафија. Во моментов не може да се утврди идентитетот на починатиот, но ДНК ќе помогне. Се претпоставува дека убиениот бил српски државјанин, бидејќи според информациите добиени од станарите од зградата, постојат сериозни индиции за тоа, велат извори од истрагата за австриските медиуми.

The post „Сè укажува на балканска мафија“: Човек со исечени прсти и тетоважи пронајден мртов во када во Виена appeared first on Република.

Рано утрово во СВР Скопје било пријавено дека во домот во село Кучевиште бил пронајден починат Б.С. (72).

Од страна на Итната медицинска помош. констатирана била смрт, а телото било предадено за обдукција.

The post Во Кучевиште пронајдено безживотното тело на 72-годишно лице appeared first on Република.

Во близина на болницата „Систина“, на кејот на реката Вардар, пронајдено е тело на починато лице. Први сведоци биле случајни минувачи. Телото подолго време стоело покрај коритото на реката.

Причините за смртта не се познати, ниту пак, кога настанала. Ќе се утврдува и идентитетот на лицето.

Повикана беше полиција, која сега прави увид. Телото ќе биде дадено и на обдукција, а треба да биде повикан и јавен обвинител.

The post Тело на починато лице најдено покрај Вардар, таму било со денови appeared first on Република.

На Косово е најдено уште едно тело, со што бројката на убиените напаѓачи се искачи на четири. Лицето немало документи за идентификација.

Телото е пронајдено на околу 1,5 километар од местото на инцидентот, еден ден откако група од вооружени лица ја нападна косовската полиција. Информацијата за Радио Слободна Европа ја потврди обвинителот Наим Абази, кој додаде дека на местото на настанот е пронајдено уште едно возило полно со оружје.

Oбвинителството на Косово потврди денеска дека го пронашло мртвото тело на уште еден од осомничените напаѓачи на северот на земјата, со што бројот на убиените од редовите на вооружената и маскирана група која вчера изврши напад врз косовски полицајци во селото Бањска во северно Косово, се искачи на четири, јави дописникот на МИА од Приштина.

The post Пронајдено телото на уште еден припадник на групата која изврши напад во северно Косово, четврто досега appeared first on Република.

Планинарски водич пронашол остатоци од човек за кој се верува дека загинал во несреќа на глечер пред 22 години високо на австриските Алпи, соопшти денеска полицијата.

Телото било пронајдено на глечерот Шлатенкис во националниот парк „Хохе тауерн“ во источната провинција Тирол, блиску до италијанската граница и на надморска височина од 2.900 метри.

Водичот ја известил полицијата во Лиенц, која го извлекла телото со помош на хеликоптер. Неколку метри под телото спасувачите пронашле ранец со пари, банкарска картичка и возачка дозвола. Полицијата утврдила дека, најверојатно, станува збор за посмртните останки на Австриец, кој во моментот на исчезнувањето имал 37 години, јавува „Асошиетед прес“.

Исчезнатиот носел опрема за скијање. Се прави споредба на ДНК за да се потврди идентитетот на мажот, а резултатот се очекува за неколку недели. Поради топењето на глечерите, за што многу научници вината ја наоѓаат во климатските промени, има сè повеќе откритија на останки на планинари, скијачи и други алпинисти, кои исчезнале пред неколку децении.

Во соседна Швајцарија полицијата минатиот месец објави дека ДНК-тестовите потврдиле оти телото пронајдено на глечер во близина на Матерхорн е на исчезнат германски планинар од 1986 година.

The post Пронајдено тело на австриските Алпи: Полицијата верува дека таму било 22 години appeared first on Република.

Македонската премиера на креативниот документарен филм „Тело“ (Body) на режисерката и сценарист Петра Селишкар на 21 август во Куршумли-ан беше дочекана со видна возбуда. Факт што зборува во тој прилог беше присуството на главната протагонистка Уршка и голем дел од филмската екипа заедно со пријатели и соработници од повеќе држави.

Светската премиера на „Тело“ се одржа на 14 август на филмскиот фестивал во Сараево и импресиите сѐ уште се свежи и беа дополнети со нови емоции во магичниот амбиент на Куршумли-ан во Скопје.

Главната протагонистка во филмот, Уршка Ристиќ, некогашна манекенка од Словенија, денес пијанистка, која се бори со ретки автоимуни болести, веќе неколку денови со своето семејство престојува во Скопје, а по проекцијата на филмот пред публиката на „Македокс“ беша кратка, јасна и прецизна.

Првпат кога го гледав филмот имав чувство како да сум во шок-состојба, вториот пат на премиерата во Сараево го слушав само мојот глас, додека на проекцијата на филмот на „Македокс“ едноставно уживав – рече Уршка.

Режисерката и сценаристка Петра Селишкар ја искористи можноста пред македонската публика да им заблагодари на сите учесници во процесот на снимањето, монтажата и постпродукцијата на филмот коишто со својот ангажман втиснаа дел од своите тела во „Тело“.

[caption id="attachment_674621" align="alignnone" width="1500"] Екипата на „Тело“ Фото: Македокс[/caption]

Филмот „Тело“ е копродукција помеѓу Словенија, Хрватска и Македонија со поддршка од Словенечкиот филмски центар, Хрватскиот аудиовизуелен центар, Агенција за филм на Република Македонија, „Еуримаж“, Програмата Медиа на „Креативна Европа“, Pегионот Прованса-Алпи-Азурен Брег. Светски дистрибутер на филмот е „Лајтдокс“ (Lightdox).

Истата вечер на „Македокс“ се одржа проекција и на документарниот филм „Спроти ветрот“ на индиската режисерка Сарвник Каур. Во реализацијата на филмот учествуваше и македонска екипа претставена од монтажерите Атанас Георгиев и Благоја Неделковски, додека композитор на музиката е Игор Василев Новоградска. Приказната во филмот ги прикажува спротивностите помеѓу традиционалниот и модерниот начин на ловење риба во Индија и низ конфликтот на двајца рибари се прикажува современото индиско општество. На проекцијата на филмот беа присутни монтажерот Благоја Неделковски и композиторот Игор Василев Новоградска.

[caption id="attachment_674643" align="alignnone" width="700"] Монтажерот на „Спроти ветрот“ Благоја Неделковски и композиторот Игор Василев Новоградска фото: Македокс[/caption]

Од програмата за 22 август каде што има учество на македонски автори го издвојуваме краткиот филм „Починка“ (Германија, Македонија / 2022 / 30’) на Анабела Ангеловска. Филмот зборува за илјадници млади луѓе од Македонија кои беа регрутирани да работат во кујните и пералниците на американските воени бази во Авганистан и Ирак. Многумина од нив се вратија дома со повлекувањето на последните војници од Авганистан во 2021, а со себе понесоа не само бргу заработени пари кои ги вложија во недвижнини, туку и белези од трауматичните спомени.

Годинава фестивалот „МакеДокс“ е поддржан од Агенцијата за филм на Македонија, Програмата МЕДИА на „Креативна Европа“, Националната фондација за демократија од Вашингтон, Министерството за култура, Институтот „Јунус Емре“ - Скопје, Чешката Амбасада во Скопје, Чешкиот културен цeнтар во Софија, Амбасадата на Кралството Шпанија, Францускиот институт, Грчкиот културен центар, Данскиот филмски центар, МЕДИА деск МК, „Вардар филм“, Младинскиот културен центар, Музеј на РСМ, Археолошки музеј, Факултетот за ликовни уметности, Националната галерија на РСМ, такси „Глобал“.

Целосната програма може да се пронајде на официјалната веб-страница на „МакеДокс“ (makedox.mk), а може да се симне и фестивалската апликација.

The post Кога првпат го гледав филмот бев во шок-состојба, вторпат го слушав само гласот, а на проекцијата на „Македокс“ уживав, рече главната протагонистка во „Тело“, Уршка Ристиќ appeared first on Република.

Никој , дури ниту неговиот татко, не сака да го преземе телото на Нермин Сулејмановиќ, кој во петокот на 11 август уби три лица во Градачац, а потоа се самоуби. .

Негови познаници за новинарите на „Аваз“ во Градачац изјавиле дека таткото на Нермин Сулејмановиќ рекол: „ Не ме интересира тоа г***о“.

Сулејмановиќ ја уби својата невенчана сопруга Низама Хеќимовиќ пред очите на нивната ќерка, пренесувајќи се во живо на Инстаграм.

Откако ја уби Низама, тој уби уште две лица во градот, татко и син, Џингис и Денис Ондер, кои ги познавал од порано.

Во крвавиот поход Сулејмановиќ рани три лица, меѓу кои и мајката на Денис.

Неговата невенчана сопруга Низама Хеќимовиќ беше погребана вчера во Мионица кај Градачац. а на погребот присуствуваа повеќе од илјада луѓе.

Турските државјани Денис и Џенгис се погребани погребани денеска, додека мајката на Денис се уште е во болница и се наоѓа во тешка состојба и животна опасност.

The post Никој не сака да го преземе телото на убиецот од Градачац, Нермин Сулејмановиќ appeared first on Република.

Тело на машко лице е пронајдено денеска доцна попладне во десниот магистрален канал од хидросистемот „Брегалница“, на потегот меѓу селата Истибања и Оризари.

По добиеното известување, вработените во водостопанската подружница од Кочани го запрea дотокот на вода од браната Калиманци, за да може телото на удавениот да се извлече од каналот. Според сè уште непотврдени информации се работи за 29-годишно машко лице од Истибања.

На местото на настанот се присутни стручни екипи од полицијата и од Основното јавно обвинителство од Кочани, кои треба да направат увид и да го потврдат идентитетот на настраданиот.

ТАГОВИ

The post Пронајдено машко тело во канал на хидросистемот „Брегалница“ appeared first on Република.

Светската премиера на долгометражниот документарен филм „Тело“ (Body) на режисерката Петра Селишкар ќе се одржи во рамките на официјалната програма на 29. Сараево филм фестивал.

Најновиот документарен филм на Петра Селишкар ќе се натпреварува за наградата „Срцето на Сараево“ за најдобар документарен филм заедно со 20 документарни остварувања селектирани од Рада Шешиќ, која посочува: „Филмовите на многу начини се инспиративни за гледачите, па дури и кога прикажуваат многу трауматични вистини, во себе носат енергија на позитивност.“ Филмскиот фестивал во Сараево ќе се одржи од 11 до 18 август.

„Тело“ е трогателен долгометражен документарен филм на веќе потврдената режисерка Петра Селишкар, кој опфаќа период од две декади за необичниот живот на нејзината блиска пријателка Уршка, која се бори со ретки автоимуни болести. Некогаш манекенка, а денес професионална пијанистка, Уршка се соочува со огромен број предизвици, но никогаш не го губи својот нескротлив дух. Филмот е спој на интимни разговори, лична архива и креативна визуализација кој ги истражува мистериите на човечкото тело и моќта на уметноста и пријателството да допре до неговата суштина. Бурно патување кон исцелувањето и себеприфаќањето.

Петра Селишкар (родена 1978 г. во Љубљана) е режисерка, продуцентка и сценаристка. Има способност јасно да ја види суштината во скриените детали, а преку нив и суштината на уметноста, културата, природата и сите аспекти на животот. Затоа таа го посветува нејзиното време на оваа планета на малите животни задоволства, и секако, на документарниот филм. Како режисерка и сценаристка ги потпишува документарните филмови „Збогување“, „Мојот превртен свет“, „Мама Европа“, „Бабички на револуцијата“, а има и повеќе остварувања каде се појавува како продуцент.

Во креативната екипа со која режисерката Петра Селишкар го реализира документарниот филм „Тело“ се кинематограферот Бранд Ферро како директор на фотографија, монтажерите Сашко Потер Мицевски и Сандра Басташиќ, композиторот на музиката Владимир Ракиќ, додека дизајнери на звук се Владимир Ракиќ и Вера Галешев.

Продуцент на филмот е Петра Селишкар со „Петра Пан Филм“ (Словенија). Копродуценти се Сара Ферро од ППФП (Македонија) и Тамара Бабун од „Волфганг и Доли“ (Хрватска). Придружен продуцент е Виктор Еде од „Синефаж продукција“ (Франција).

Филмот е копродукција помеѓу Словенија, Хрватска и Македонија со поддршка од Словенечкиот филмски центар, Хрватскиот аудиовизуелен центар, Агенција за филм на Република Македонија, „Еуримаж“, Програмата Медиа на „Креативна Европа“, Pегионот Прованса-Алпи-Азурен Брег. Светски дистрибутер на филмот е „Лајтдокс“ (Lightdox).

Поддршка за развој проектот доби од „Ex oriente Workshop“, „Eurodoc 2019“, „Last stop Trieste 2022“– Flow Digital Cinema Award, International Documentary Association (IDA).

„Петра Пан филм“ е словенечка продуцентска компанија основана во 2003 г. од словенечката режисерка Петра Селишкар и директорот на фотографија Бранд Ферро. Продуцира креативни документарни филмови и уметнички играни филмови кои се целосно посветени на индивидуалната визија и авторството, како и на долгорочни истражувачки теми.

ППФП е македонска продуцентска компанија основана во 2007 година, која е водена од Сара Ферро. Таа е една од малкуте продуцентски куќи во Македонија што се фокусира строго на авторските документарни филмови.

Македонската премиера на документарниот филм „Тело“ е планирано да се случи на 14. Фестивал на креативен документарен филм „МакеДокс“ во Скопје.

The post Светска премиера на „Тело“ на режисерката Петра Селишкар во рамките на официјалната програма на 29. Сараево филм фестивал appeared first on Република.