Германскиот канцелар Олаф Шолц денеска го предупреди Техеран да не покренува каква било „ескалација“ по нападот на Израел изминатата ноќ на иранска територија.

„Мојата порака до Иран е јасна: масовните реакции на ескалација не смеат да продолжат. Тоа мора веднаш да престане“, напиша Шолц на платформата „Икс“.

Тој посочи дека прекинот на низата заострувања „ќе ја отвори можноста за мирен развој на Блискиот Исток“.

Шолц повика на прекин на огнот во Газа и Либан и на ослободување на сите заложници кои ги држи Хамас.

The post Шолц го предупреди Техеран да не покренува каква било „ескалација“ по израелскиот напад appeared first on Република.

Стотици Иранци излегоа на улиците на Техеран за да го прослават нападот во кој беа истрелани речиси 200 проектили кон Израел.

The post Во Техеран се слави на улиците поради нападот врз Израел appeared first on Република.

Аларм е кренат и во Иран по потврдувањето на атентатот на Хасан Насрала од страна на израелската армија и во врска со „братскиот“ однос што го обединува Техеран со Хезболах.

Во овој контекст, ирански извори изјавија за Ројтерс дека врховниот лидер на земјата, Али Хамнеи, бил однесен на безбедно место со зголемено обезбедување, набргу по официјалните најави на израелската војска за Насрала.

Истите извори нагласија дека Техеран е во контакт со Хезболах и другите сојузници во регионот за да го одредат „следниот чекор“ по смртта на Насрала.

The post Техеран во паника: Ајатолахот Али Хамнеи на безбедно место по убиството на Насрала appeared first on Република.

Стотици илјади луѓе се собраа во центарот на Техеран денеска за да му оддадат последна почит на иранскиот претседател Ебрахим Раиси, кој загина во хеликоптерска несреќа во неделата.

Врховниот водач ајатолахот Али Хамнеи ги водеше молитвите за време на прошталната церемонија за починатиот претседател и седум други, меѓу кои и министерот за надворешни работи Хосеин Амир-Абдолахиан, кој загина во несреќата.

Врховната власт на Исламската Република се поклони пред осум ковчези покриени со иранското зелено-бело-црвено знаме поставени еден до друг на Универзитетот во Техеран.

Врховниот лидер беше опкружен од водечки шиитски свештеници, членови на владата, вклучително и привремениот претседател Мохамад Мокбер, и високи членови на војската и на Револуционерната гарда.

Присутни беа и политичкиот лидер на палестинското исламистичко движење Хамас Исмаил Ханија и „бројот два“ на либанскиот Хезболах, Наим Касем.

Неколку странски земји како Русија, Турција и Ирак најавија дека ќе испратат претставници на погребот, но не и на ниво на шефови на држави.

Мавтајќи со ирански знамиња, десетици илјади Иранци се собраа во центарот на Техеран за да му оддадат последна почит на загинатиот ирански претседател.

Денешниот ден е прогласен за државен празник и жителите на Техеран добиваа пораки на нивните телефони во кои ги повикуваат „да дојдат на погребот на маченикот“.

Властите прогласија петдневна жалост низ целата земја, додека процесот за смена на Раиси, кој претседаваше со Иран од 2021 годин. Една од задачитена привремениот претседател Мохамад Мохбер (68) е подготовка на избори што ќе се одржат на 28 јуни.

Погребната церемонија, предвидена да трае до четврток, започна вчера во Табриз, голем северозападен град во близина на местото каде што се случи несреќата.

Раиси ќе биде погребан утре во Машхад (североисточниот дел на земјата), неговиот роден град.

Ултраконзервативецот Ебрахим Раиси важеше за еден од фаворитите за наследник на ајатолахот Али Хамнеи, кој има 85 години. Додека беше претседател се соочи со протестното движење во 2022 година, економска криза влошена од американските санкции и влошените тензии со Израел.

The post Стотици илјади луѓе излегоа на улиците во Техеран да се збогуваат од претседателот Раиси appeared first on Република.

Иран во рок од неколку дена ќе ја добие првата серија од руските борбени авиони Су-35 од последната генерација, купени во ноември минатата година, објави иранскиот весник „Етемад“, цитиран од ДПА.

Агенцијата појаснува дека изданието не открива повеќе детали, но според неофицијални информации, набавката вклучува вкупно 24 борбени авиони.

ДПА потсетува дека минатата година иранското Министерство за одбрана објави набавка на борбени хеликоптери Ми-28Н и авиони за обука на пилоти Јак-130, како дополнување на договорот за купување борбени авиони Су-35.

Се претпоставува дека Иран за возврат и дава воена помош на Русија, посочува ДПА, потсетувајќи дека Западот го обвинува Техеран дека и испорачувал на Москва беспилотни летала камикази „Шахед“.

The post Техеран за неколку дена ќе ја добие првата серија купени руски борбени авиони Су-35 appeared first on Република.

Голем пожар денеска избувна во болницата „Ганди“ во Техеран, јавија локалните медиуми, прикажувајќи снимка од пожарот кој ја зафатил едната страна од зградата. Портпаролот на противпожарната служба во Техеран, Џалал Малаки, објави дека пожарот избувнал во 19 часот по локално време и дека на местото на настанот се испратени пожарникари, пренесува Ројтерс.

Не се знае дали има жртви или повредени.

https://twitter.com/MOSSADil/status/1750556709225967702?ref_src=twsrc%5Etfw%7Ctwcamp%5Etweetembed%7Ctwterm%5E1750556709225967702%7Ctwgr%5Edb95019eefd9801754ca20f6dc92708ec4677b73%7Ctwcon%5Es1_&ref_url=https%3A%2F%2Ffokus.mk%2Fvideo-gori-bolnitsa-vo-teheran%2F

The post Гори болница во Техеран appeared first on Република.

Шефот на руската дипломатија Сергеј Лавров утре ќе го посети Иран, изјави портпаролката на руското Министерство за надворешни работи, Марија Захарова.

Иранската новинска агенција ИРНА објави дека министрите за надворешни работи на Русија, Турција, Ерменија и Азербејџан биле поканети во Техеран на разговори.

Тема на средбата, како што се наведува, се односите меѓу Ерменија и Азербејџан по тензиите во конфликтот во Нагорно Карабах.

Од почетокот на офанзивата против Украина во 2022 година, Москва му се обрати на Техеран за воена и економска помош, а двете земји се под санкции од Западот.

Западните земји го обвинуваат Иран дека ја поддржува офанзивата на Москва со обезбедување на руските сили со беспилотни летала.

The post Шефот на руската дипломатија Лавров утре во посета на Техеран appeared first on Република.