Продолжувам со објавувањето на индиции за криминал во работењето на Електрани на Македонија. Овој пат ќе зборувам за состојбата во термоелектраната Осломеј кај Кичево чија што цел односно целта на раководството на Електрани на Македонија е да ја затвори оваа термоелектрана и на тој начин илјадници луѓе од Кичево и кичевско да изгубат сопствената работа, вели Александар Николоски од ВМРО-ДПМНЕ.

https://www.youtube.com/watch?v=Qt9cfdQJrT0&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Во таа насока на 14 февруари 2024 година Електрани на Македонија склучува криминален договор од речиси 2 милиони евра, повторно со омилениот тендераш на власта, Борче Марковски, почесниот конзул на Белорусија во Македонија. Предмет на овој тендер е специјализирани браворско-заварувачки работи за дислокација на погонски станици од рудникот во Осломеј во рудникот во Битола. Значи и за уништување на термоелектрана пак го бираат Борче Марковски, така што специјалистот за тендери во четири очи и за ископ стана и специјалист за пренос на тракасти транспортери и погонски станици. Ова е специјализирана услуга која ја работат неколку специјализирани фирми во светот, но секако тоа не е проблем за омилениот тендераш на власта и почесниот конзул на Белорусија во Македонија.

Она што е исклучително интересно е дека и на овој тендер има само една понуда и проценетата вредност до денар одговара на понудената вредност. Па прашувам како точно само Марковски компани во Македонија знае колку е и проценетата вредност и таа вредност точно одговара на она што тие го даваат како понуда и како само таа компанија доставува понуда. Ова е тој документ каде може да видите дека 106 милиони 200 илјади денари е проценета вредност, 106 милиони 200 илјади денари е понудата и има само еден понудувач.

Ова е само врв на ледената санта која плови низ криминалот во Македонија каде само од 2021 до денес Марковски компани има добиено преку 163 милиони евра во тендери од Електрани на Македонија.

Повикувам јавното обвинителство и надлежните органи да се позанимаваат и со оваа јавна набавка како и со целокупното работење на Марковски компани со цел да излезат на виделина сите коруптивни скандали.

Прашувам кој е интересот на власта да ја протежира исклучиво оваа фирма и да мести тендери во корист на оваа фирма, кој е интересот на власта сите јавни набавки во Електрани на Македонија потребни непотребни да одат само на едно место.

The post ЕСМ му дала два милиони евра на омилениот Марковски за дислокација на делови од ТЕЦ Осломеј appeared first on Република.

Пожар доцна синоќа избувнал во термоелектраната Осломеј кај Кичево, а пријавата пристигнала нешто по 20.00 часот при што веднаш на терен пристигнале екипи од територијалната противпожарна единица. Пожарот се гаснел до полноќ.

Во моментов нема информации за штетата и дали воопшто во овој момент термоелектраната, која е стара 42 години и користи сопствен и увозен јаглен, произведува електрична енергија.

Во период од 20:15 до 23:45 часот, со 5 пожарникари и 2 ПП возило интервенирале на појавен пожар во ТЕЦ-Осломеј во просториите кај што биле сместени турбините, соопштиле од Регионалниот центар за управување со кризи во Охрид.

Воздухот во градот предизвикувал лош мирис, а зголемување на загаденоста не можела да се потврди бидејќи мерната станица не испраќа податоци.

Во меѓувреме се огласи и ЕСМ, кој известува дека ТЕЦ Осломеј е исклучен поради самозапалување на јаглен надвор од електраната, во делот за отпепелување и дека се очекува за брзо време капацитетот да биде вратен на мрежа.

Термоелектраната Осломеј е исклучена од производство поради проблем со еден од вентилаторите во делот на отпепелувањето, што доведе до самозапалување на помала количина несогорен јаглен и пепел. Настанатиот пожар од помали размери надвор од термоелектраната, е локализиран со сопствени ресурси, додека од превентивни причини е повикана противпожарната служба, согласно процедурите за запостапување.

Веднаш ќе се пристапи кон санирање во делот на вентилацијата на отпепелувањето и се очекува електраната да биде вратена на мрежа во најбрзо време и да работи според планот за производство, за што е обезбедена доволна количина набавен јаглен и јаглен од сопствен ископ на РЕК Осломеј, соопшти ЕСМ.

ТЕЦ Осломеј беше вклучен на мрежа на 3 декември. Во претходниот период се вршеа неопходни дополнителни ремонтни активности, особено на млиновите и каналите за јагленова прашина кои се најизложени на влијанието на користењето јаглен од различни наоѓалишта.

The post Во просториите кај што биле сместени турбините: Пожар избувна во ТЕЦ Осломеј, три недели откако беше приклучен на мрежа appeared first on Република.

Не е вистина дека се предвидува затворање на РЕК Битола и ТЕЦ Осломеј. Во нашата држава постепено се прави транзицијата во енергетскиот сектор и заради војната во Украина роковите ќе бидат ревидирани - истакна денеска вицепремиерот за економски прашања Фатмир Битиќи.

Според него, веќе имаме поднесено документ усвоен на Влада до Европската енергетска заедница и не може само така да се повлече, но, потенцира, изговорот дека не сакаме тоа да го направиме за да ја помогнеме ликвидноста е само за да се нанесе штета.

Има Стратегија за енергетика во нашата држава, што е продукт на МАНУ, која е донесена во 2019 година. Во неа е јасно кажано дека требало да се случи енергетската транзиција, но во 2019 година немаше војна на европско тло. После тоа донесени се низа на документи во кои е кажано што треба и кој е акцискиот план што треба да се преземе. Ревизијата на Стратегијата не е магично стапче со кое треба да се направи за 24 часа - рече Битиќи во одговор на новинарско прашање пред почетокот на Тркалезната маса за Програмата за поддршка на конкурентноста на малите и средните претпријатија.

Како што појасни, се предвидува еден блок на РЕК Битола да се трансформира од јаглен на гас како непосреден енергенс за одреден временски период.

Никаде не пишува дека целосно ќе се затвори РЕК Битола и во тој Акциски план до 2028 година. РЕК Осломеј, пак, секако се трансформира. Таму се прават инвестиции во обновливи извори на енергија од 120 мегавати, прецизира Битиќи.

The post Битиќи: Во нашата држава постепено ќе се прави транзицијата во енергетскиот сектор appeared first on Република.

Од вчера попладне ТЕЦ „Осломеј“ е вклучен на мрежа и произведува електрична енергија во електро-енергетскиот систем, информираат денеска од АД Електрани на Македонија (ЕСМ).

Оттаму додаваат дека во изминатиот период во термоелектраната се вршеле неопходните ремонтни активности, особено на млиновите и каналите за јагленова прашина кои, како што додаваат од ЕСМ, се најизложени на влијанието на користењето јаглен од различни наоѓалишта.

Целта на зафатите беше да имаме сигурна работа на капацитетот во грејната сезона, бидејки станува збор за термоелектрана изградена пред 42 години“, соопштија од АД Електрани на Македонија.

Застојот во производството на ТЕЦ Осломеј се искористил и за санирање на други помали дефекти воочени на останатите уреди и постројки во претходниот период кога термоелектраната работеше.

The post ТЕЦ Осломеј се вклучи во производство на струја appeared first on Република.

Од ЕСм соопптија дека ТЕЦ Осломеј е вклучен на мрежа вчера во 17:52ч и произведува електрична енергија во електро-енергетскиот систем. Термоелектраната ќе работи според планот за производство и потребите на конзумот.

Од комапнијата додаваат дека во ТЕЦ Осломеј во претходниот период се вршеле неопходни дополнителни ремонтни активности, особено на млиновите и каналите за јагленова прашина кои се најизложени на влијанието на користењето јаглен од различни наоѓалишта, (делумно од сопствен ископ, делумно набавен јаглен).

Застојот се искористил за санирање и на други помали дефекти воочени на останатите уреди и постројки во претходниот период кога термоелектраната работеше.

Целта на зафатите беше да имаме сигурна работа на капацитетот во грејната сезона, бидејки станува збор за термоелектрана изградена пред 42 години, соопштија од ЕСМ.

The post ТЕЦ Осломеј вклучен во производство appeared first on Република.

На денешната трибина претседателот на ВМРО-ДПМНЕ Христијан Мицкоски ја демантираше власта каде што тие тврдат дека лажел за затворањето на РЕК Битола.

Според власта сум лажел за тоа дека тие ќе го затворале РЕК Битола и РЕК Осломеј. Ова е почитувани присутни договорот за заем, помеѓу заемодавателот и АД ЕСМ поранешно ЕЛЕМ. На следниот слајд се практично предвидени роковите и условите, и од таму може да се заклучи дека каматната стапка со која што тие планираат да го земат овој заем е шестмесечен ЕУРИБОР, 1% каматната стапка интересот и  1% е практично почетната провизија за обработка на овој кредит од прилика. Или тоа е ако во моментов шестмесечниот ЕУРИБОР од прилика 2,3% значи вкупната каматна стапка би била 4.3%. Тоа се условите, нагласи претседателот на ВМРО-ДПМНЕ.

Во документот стои дека Владата е гарант на исполнување на одредбите од овој заем во износ од 100 милиони евра во рокови и услови предвидени во договорот за заем.

Парите ќе ги трошат 20 милиони евра на оперативни трошоци, плати итн. 55 милиони евра набавка на електрична енергија... Па нели, бе господа, произведувате се што е потребно на граѓаните?! Зошто ви е 55 милиони евра ако вие произведувате? Нели така беше сценариото дека ќе произведат онолку енергија колку што трошат граѓаните. Зошто ви се овие 55 милиони евра? Сервисирање на долгови – 24 милиони евра, читајте ги оние договори во четири очи за ископ, мазут, и така натаму, кои што се правеа во четири очи помеѓу едниот Ковачевски од името на другиот Ковачевски со други учесници во сето ова, истакна Мицкоски.

Мицкоски додаде дека тоа се условите каде ќе ги троши власта парите.

Но, за да дојдат до тие пари и да ги трошат, тие треба да се обврзат, тоа се овие два слајда на две работи. Односно на четири работи да бидам попрецизен, вака кои што се суштински. А, тоа се точка 5 3 3 од условите па вели – деактивирање на постоечката термоелектрана на јаглен Осломеј и термоелектрана Битола, и стопирање на сите активности за ископување на јаглен во поврзаните рудници за јаглен или натамошни истражувања за јаглен. Термоелектраната Осломеј да се деактивира до крајот на 2023-та година, а термоелектраната Битола до крајот на 2027-мата. Еве кој лаже, кој краде, а кој ја зборува вистината, нагласи претседателот на ВМРО-ДПМНЕ.

Тој рече дека меѓудругото се обврзува власта дека до крајот на 2025 година ќе синхронизираат мрежа или поедноставно ќе пуштат во работа производен погон за електрична енергија од обновливи извори на енергија кои што ќе бидат дел од производството на АД ЕСМ, поранешна АД ЕЛЕМ или ќе биде јавно приватно партнерство со некој приватен инвеститор.

The post Мицкоски ги објави детали за заемот од 100 милиони евра: Власта е условена да го затвори Осломеј и РЕК Битола, власта ја манипулира јавноста appeared first on Република.

„Законот за заем од 100 милиона евра не е никаква поддршка, со него на мала врата се внесува нешто друго. Или забораваат да кажат дека до декември 2023 година ќе го затвориме ТЕЦ Осломеј, а до 2027 ќе се затвори РЕК Битола. Со ова остануваат луѓе без работа, 3.500 лица остануваат без работа, и тоа треба да им се каже на граѓаните“, рече координаторот на пратеничката група на ВМРО-ДПМНЕ, Никола Мицевски на гостување во емисијата „Само вистина“ што се емитува на телевизија Канал 5.

„Ова ВМРО-ДПМНЕ не го поддржува“, рече Мицевски кој додаде дека партијата одамна насети што ќе се случува и бараше расправа и решенија за истото.

Тој укажа дека во 2020 година ВМРО-ДПМНЕ побара надзорна расправа, а СДСМ бегаше од темата.

Според Мицевски во овој момент е клучно да се стави акцент на сериозни законски решенија за излез од кризата.

Во текот на своето гостување Мицевски се осврна и на темата за лидерска средба.

„И јас можам да ви кажам дека и покана официјална за она што вчера го најави премиерот Ковачевски до ВМРО-ДПМНЕ нема стигнато. И тука е најголемиот проблем на владејачкото мнозинство затоа што пред да почне дебата за било која тема, ја отпочнуваат со официјални информации на социјалните мрежи. Еве ВМРО-ДПМНЕ пред да влезам во емисијата, официјално покана за таа средба што ја најави премиерот Ковачевски нема“, рече Мицевски.

Тој потсети и на фамозните прес конференции кои што се држеа во насока во 21 часот. ВМРО-ДПМНЕ кога излезе со предлог мерки за справување со кризата, тогаш веднаш од Владата се најави вонредна прес конференција на премиерот Ковачевски каде што тој најави одредени мерки, па дури замоли утредента пратеничките прашања кои што требаа да се одржат да не се одржуваат само за да се изгласаат владините вонредни мерки. Па се дојде до ситуација дел од тие мерки кои што беа најавени на вонредната прес конференција да се уште не се пристигнати во Собранието како законски решенија.

„Очигледно дека идејата е да се пушти во јавноста еден пробен балон, па потоа да разговараме за тоа дали може или не може“, појасни Мицевски.

„ВМРО-ДПМНЕ одговори денеска за таа лидерска средба и она за што треба да се разговара во наредниот период, а тоа е основните проблеми со кои се соочуваат граѓаните. Ако има средба, и зависи од форматот во која што ќе се одржи, на таа тема да учествуваме и да зборуваме. Затоа што денеска има две нови теми, тоа е историски најголемиот буџет од 5,3 милијарди евра кој што се планира и денеска има поминато на Влада, и едно како би рекол смешно замрзнување на цените на огревното дрво од 6.500 денари од кубик“, истакна координаторот на пратеничката група на ВМРО-ДПМНЕ и Коалицијата.

Мицевски рече дека начинот за покана на лидерска средба не се прави на тој начин на кој што сака власта.

The post Мицевски: Законот за заем од 100 милиона евра не е никаква поддршка, со него се затвораат ТЕЦ Осломеј и РЕК Битола appeared first on Република.

Владата е во општа паника заради немањето на пари и затоа што не знаат да водат економија и лошо ја менаџираат кризата. Точно е дека кризата е Европска, но има и домашна криза, од 20-тина проценти инфлација, 10% се увезени, но 10% се домашни, изјави Александар Николоски потпретседател на ВМРО-ДПМНЕ, за „Што не е јасно“ на Алфа.

Николоски посочи дека власта во ваква ситуација договара кредит со кој ќе се затворат ТЕЦ Осломеј и РЕК Битола и Македонија ќе стане енергетски зависна земја и ќе доведе економски колапс.

Така што во такви услови се растрчани по барање на кредити, еден од кредитите кој го имаат договорено од 100 милиони евра е за ликвидност на Електростопанство, ние сме против тој кредит, од две причини, првата затоа што е дополнително задолжување, недомаќински се трошат парите кои следните генерации ќе ги враќаат. Втората причина е затоа што за да го добие владата на СДСМ и ДУИ овој кредит, мора да потпише протокол со кредиторот, во кој што ќе се согласат до 31 декември 2023 година да го затвори ТЕЦ Осломеј, а до 31 декември 2027 година да го затвори и РЕК Битола - истакна Николоски.

Тој посочи дека заедно, тие произведуваат 80% од електричната енергија во Македонија, значи овие два комбинати се тие кои се срцето на македонската економија затоа што произведуваат значително најголем дел од електричната енергија.

Нивното затворање ќе значи економски колапс на Македонија, ќе нема енергија дом, дури и по оваа цена ќе нема затоа што ќе мора да се увезува целокупно, втор проблем е што Кичево и Битола ќе станат пусти градови затоа што најголем дел од луѓето и стопанствата во двата града се ориентирани кон овие капацитети, не само со директно вработени, туку и други компании ко опстојуваат заради функционирањето на овие два капацитети - нагласи Николоски.

Тој посочи дека следниот проблем е што се предвидува Македонија енергетски да се поврзе со Бугарија и Грција што значи од нив ќе мора да купува струја и тоа ќе значи енергетско ропство на Македонија и затоа ние тој закон ВМРО-ДПМНЕ не го поддржува.

Нашиот план како политичка партија не само што не е да се затворат овие два комбинати туку да се вложи во нив, да може да произведуваат што повеќе електрична енергија, но и да се вложи во заштита на животната средина, да се направат соодветни еколошки стандарди во двата комбинати да се заштити животната средина и да произведуваат повеќе електрична енергија. Ова не е ново, Заев го најави, тие почнаа да ги затвораат, Осломеј беше затворен, заради кризата го рестартираа, Битола почна да се гасне и затоа двата комбинати не можат да се вратат во полна снага и не можат да произведуваат електрична енергија колку што се предвидени. Ова се луѓе кои немаат познавања од она што го работат - изјави Николоски.

The post Николоски: Владата договара кредит со кој ќе се затворат ТЕЦ Осломеј и РЕК Битола и Македонија ќе стане енергетски зависна земја appeared first on Република.

Владата во надеж да преживее и да се задолжи за 100 милиони евра кредит, се обврзува да ги затвори ТЕЦ Осломеј и РЕК Битола заклучно со 2027, со што Македонија ќе стане целосно енергетски зависна, предупредува потпретседателот на ВМРО-ДПМНЕ Александар Николоски.

Погледнете го неговото гостување во „Само вистина“:

The post Николоски: Македонија до 2027 ќе стане целосно енергетски зависна зошто Владата се обврзува да ги затвори ТЕЦ Осломеј и РЕК Битола appeared first on Република.

РЕК „Битола“ и РЕК „Осломеј“ произведоа за приближно 40 проценти повеќе електрична енергија во првите седум месеци од годинава во споредба со истиот период лани. Од јануари до јули годинава термоелектраните произведоа 1559 гигават часови електрична енергија, а во истиот период лани 1914, информираа денеска од АД „Електрани на Македонија“.

Според нив, зголеменото производство се должи на зголемениот ископ на јаглен во сопствените рудници, набавката на јаглен за дополнително производство и подготвеноста и техничкото одржување на блоковите.

Во истиот период, наведуваат од ЕСМ, постигнато е да се намали потрошувачката на вода, односно производството на електрична енергија од хидроелектраните е намалено за 25 проценти и нивото на акумулациите се држи на оптимална кота, со цел заштеда на хидропотенцијалот за следниот период, кога во текот на грејната сезона се очекува пораст на побарувачката и на потрошувачката на електрична енергија.

АД ЕСМ во сопштението ги поздравува владините мерки и препораки за штедење на електрична енергија, и смета дека тие ќе придонесат да се намали притисокот врз производните капацитети и да се растовари електро-енергетскиот систем во услови на високи цени на енергенсите и отежнато снабдување на пазарот со енергенси.

Владата вчера донесе мерките што треба да овозможат заштеда на струја до 15 отсто, а ќе стапат во сила од 1. следниот месец. За домаќинствата и компаниите се предвидени препораки, а за државните институции конкретни задолженија.

The post АД ЕСМ: ТЕЦ во Битола и Осломеј со 40 проценти зголемено производство appeared first on Република.

Македонија е најсончевата земја во Европа, а македонските олихарси во и околу власта умешно го вртат спечалот околу сонцето.

Истражувачката сторија на ИРЛ „Кај ми е сонцето“, објавена денеска, открива како поранешниот генерален секретар на Владата Драги Рашковски преку физибилити студија го врти македонското сонце кон џебот на поранешниот вицепремиер Кочо Анѓушев.

Во време на глобална енергетска криза, Македонија како ретко која земја има голема предност – сонцето. ЕСМ е фирма на граѓаните. Таа за нас би можеле да прави струја од сонцето. Има и искуство и капацитети, а прашањето на енергетика се смета за безбедносно прашање за сите членки на НАТО. Но, државното сонце отиде на продажба. 

Наместо ЕСМ, поранешниот вицепремиер Анѓушев ќе добие дел од македонското сонце, на третина век. ИРЛ првпат открива дека сето ова не би било можно без физибилити студијата на поранешниот генерален секретар Драги Рашковски. Нарачал и платил документ што дал проценка дека приватници треба да ја реформираат државната компанија ТЕЦ „Осломеј“ во сончев генератор на струја, а не ЕСМ. Студијата се работела заедно со тимот на Анѓушев. Откако си даде оставка од позицијата вицепремиер за економија, тој стана партнер во „Осломеј“. 

https://republika.mk/vesti/ekonomija/fe-oslomej-1-vo-kichevo-e-prva-soncheva-elektrana-vo-jugoistochna-evropa-izgradena-vrz-star-rudnik/

Термоелектроцентралата „Осломеј“ во Кичево е еден од најголемите загадувачи на воздухот.

Плановите за „Осломеј“ се преродба на термоелектроцентралата во извор на зелена обновлива енергија добиена од сонцето. Идејата и не е така стара. Се зародува во 2019 година, кога вицепремиер за економски прашања е Кочо Анѓушев. Визијата за трансформација на кичевскиот загадувач во сончева фарма ја реализира тогашниот генерален секретар во Владата Драги Рашковски, преку кого оди нарачката и изработката на физибилити студија за ТЕЦ „Осломеј“ – објект под надлежност на Електрани на Македонија (ЕСМ), пишува ИРЛ.

Физибилити студија по мерка на корисникот 

Употребната вредност на сонцето во ТЕЦ „Осломеј“ е измерена во физибилити студија со работен наслов „Фотоволтаична централа Осломеј“. На повеќе од 100 страници авторите д-р Александар Дединец, научен соработник во МАНУ, и Дарко Јаневски, правен експерт во Друштвото за консултантски услуги АЦТ ДОО Скопје, објаснуваат зошто државата треба да се заортачи со приватни фирми за да изгради две фотоволтаични централи од по 50 MWh. Физибилити студијата за ТЕЦ „Осломеј“ ја нарачал тогашниот генсек на Владата Драги Рашковски за потребите на ЕСМ. Вицепремиер е Кочо Анѓушев. Документот за оправданост за ЈПП што го обезбеди ИРЛ покажува учество на кабинетот на тогашниот вицепремиер во тогаш само идејата – ТЕЦ „Осломеј“ од место за согорување јаглен и јаловиште да прерасне во сончева долина.

Физибилити студијата за ТЕЦ „Осломеј“ открива дека улогата на Кочо Анѓушев во реализацијата на приватните фотоволтаични централи на државно земјиште воопшто не била спорадична. Тогашната заложба на вториот човек во Владата да се искористат сончевите зраци, а „опасниот загадувач“ близу Кичево да се трансформира во извор на обновлива енергија за производство на струја денес е реалност. Веќе се избрани две компании – бугарската „Соларпро“ и турската „Фортис енергетика“. Треба да функционираат како две посебни постројки, секоја со моќност од по 50 мегават-часа.

Текстот во физибилити студијата открива дека кабинетот на Кочо Анѓушев учествувал во изработката на документот. Откако експертите утврдиле дека е потребно јавно-приватно партнерство, а не да инвестира самата компанија ЕСМ во фотоволтаици, поранешниот заменик-премиер станува еден од газдите и управител на компанијата која следните 35 години ќе биде партнер со државата во експлоатација на сонцето за профит.

Целиот текст на ИРЛ ТУКА

За потсетување, бизнис ориентираната власт во времето на струмичкиот бизнисмен Зоран Заев, во чијашто влада вицепремеир беше велешкио бизнисмен Кочо Анѓушев, се обиде да го извлече максимумот од марихуаната, на која македонското сонце одлично ѝ одговара.

Во време на криза за енергенси, пак, неприкосновените одледувачи на марихуана, Заеви, повторно се вртат кон сонцето и влегуваат во бизнис со струја. Овојпат сонцето ќе му ги полни џебовите на 18-годишниот Душко Заев, кој влегувајќи со полнолестството влезе и во производството на струја од фотоволтаици.

The post Со нарачана студија Рашковски му помогнал на Анѓушев да има монопол над македонското сонце 35 години appeared first on Република.

Претпладнево избувна пожар во трансформаторска станица што е дел од новоизградената соларна електрана на поранешниот рудник за јаглен „Осломеј“.

Пожарот е изгаснат, а од компанијата истакнаа дека се работи за пробна работа и оти се можни вакви дефекти.

Инаку, премиерот Димитар Ковачевски, министерот за економија Крешник Бектеши и директорот на ЕСМ Васко Ковачевски денеска треба присуствуваат на настан за одбележување на завршувањето на градба на фотонапонската електрана „Осломеј 1-10MW“ со тест период на целосно монтирана опрема.

The post Гори трафостаница во новоизградената соларна електрана „Осломеј“, Ковачевски денеска требаше да ја посети appeared first on Република.