Во однос на другите објекти кои се финансираат преку Министерството за култура, Костадиновска Стојчевска рече дека успеале да обезбедат не само пари, туку повеќе годишно финансирање на киното „Партизан“ во Битола, како и реконструкција и адаптација на Театарот при НУ Центар за култура „Трајко Прокопиев“ во Куманово

Подобро е да имаме театар кој што ќе го градиме по сите постапки, секоја година постепено, отколку да ни „никне творба која од почеток ќе има дупка во кровот“, рече Костадиновска Стојчевска

The post Костадиновска-Стојчевска за театарот во Куманово: Подобро да имаме театар што ќе го градиме по сите постапки, секоја година постепено, отколку да ни „никне творба која од почеток ќе има дупка во кровот“ appeared first on Република.

Театар Куманово денеска во 17:00 часот, премиерно ќе ја изведе детската претстава „Пиши му на Дедо Мраз“.

Од театарот објаснуваат дека претставата е интересен новогодишно сценски приказ каде најмалите ќе може да ги кажат своите желби и да си посакаат убави новогодишни празници. Претставата ја прикажува детската еуфорија од исчекувањето на Дедо Мраз, судирот на современото и традиционалното, детските желби за хармоничен свет.

Новогодишна еуфорија за најмалите преку театарската магија, ќе нè посети Дедо Мраз, ќе му напишеме мејл на Дедо Мраз, преку ликовите на две деца, Тамара и Кире, ќе видиме колку се креативни децата кога се инспирирани од исчекувањето на посетата на Дедо Мраз. Дедо Мраз со една единствена порака и желба, децата без разлика од кој дел на светот, треба да бидат еднакви, да живеат во хармоничен свет полн со љубов. Во 35 минутното театарско патување со Дедо Мраз, Тамара и Кире, се надеваме дека ќе придонесеме за уште поубаво новогодишно расположение за најмалата, но најдрага наша публика, вели режисерката, Бојана Краљевска Стојков.

Во новогодишната детска претстава играат актерите од кумановски театар: Сања Русеска, Владо Дојчиновски и Давид Илиќ, текстот и сонговите се на Зоран Зафировски, сценографија на Крсто Богојевски, костимите на Дарко Илиевски, а музички соработници се Александар Митрички, Никола Стојковски, Стефан Стојмановски, Ангела Ѓоргиевска, дизајн на постер е на Стефан Јакимовски.

Новогодишниот сценско-музички приказ „Пиши му на Дедо Мраз“ е весела пиеса за двајца третоодделенци и за нивните новогодишни желби и возбуди при „случајната“ посета на Дедо Мраз. Низ детски хумор прикажан е судирот меѓу традиционалното и современото преку дилемата: дали на Дедо Мраз да му се напише писмо или мејл? На крајот се испраќа топла порака за мир во светот, пишува драматургот, Зоран Зафировски.

Претставата од понеделник (18 декември 2023) ќе се игра за основните училишта од градот и за публиката.

The post Кумановскиот театар премиерно ќе ја изведе претставата „Пиши му на Дедо Мраз“ appeared first on Република.

Кумановскиот театар сè уште се реконструира и според најавите на надлежните, првата фаза од реконструкцијата треба да заврши до мај-јуни, информираа од НУЦК „Трајко Прокопиев“.

Во првата фаза опфатена е реконструкција на целата внатрешност на објектот и надворешната фасада. Градежните активности опфаќаат санација и преадаптација на темелите, гледалиштето, сцената, опфаќајќи ги канцелариите, помошните простории, кабините за тон, светло.

Чекаме да се одобрат средства за втора фаза. Има најави од Министерство за култура дека ќе бидат одобрени од 15 до 20 милиони денари за реконструкција на втора фаза. Целиот проект е предвиден да се реконструира за четири години, доколку сè оди по план, така што би требало да заврши во редовниот период, изјави директорот на НУЦК, Сашо Тодоровски.

Што се однесува до објектот на Центарот за култура, менаџерскиот тим врши подготовки за дополна на проектот за гасификација. Греењето на објектот е проблем кој се провлекува со децении.

Беа инженери, скенираа го детектираа проблемот, сега сме во консултација со нив да ни дадат пресметка, спецификација колку тоа ќе чини за да го истуркаме и тој проект. Тоа е комплициран и голем проблем меѓутоа се надеваме и очекуваме дека ќе изнајдеме решение и за тоа. Финансиски е скап проект, но сигурни сме доколку го имаме комплетирано проектот ќе се обезбедат средствата да се заврши, изјави Тодоровски.

The post Интензивно се спроведува реконструкцијата на кумановскиот театар appeared first on Република.