Во 7 часот и 19 минути, настана земјотрес со јачина од 4,1 степени според Рихтеровата скала на длабочина од три километри, во близина на Света Гора на Халкидики.

Земјотресот е регистриран во Егејското Море, на 113 километри од Солун.

Засега нема информации за повредени или материјална штета.

Според очевидци на веб-страницата ЕМСЦ, земјотресот бил почувствуван и на островот Тасос.

The post Земјотрес во Грција, силно почувствуван на третиот крак и на Тасос appeared first on Република.

Силни и интензивни молњи рано утрово предизвикаа два различни шумски пожари во северозападниот дел на грчкиот остров Тасос, јави дописничката на МИА од Атина.

Како што информираа од противпожарната служба на Грција, интервенираат 32 пожарникари со група пешадиски тим, 13 возила, еден авион и два хеликоптери, а помагаат и цистерни од општините.

Паралелно од градот Кавала со траект на островот се пренесуваат уште 18 пожарникари со група пешадиски тим и пет возила, а со хеликоптер на Тасос пристигнува уште еден пешадиски тим со осум пожарникари. ср

The post Молњи предизвикаа два шумски пожари на грчкиот остров Тасос appeared first on Република.

Британскиот „Which?“ спроведе истражување анализирајќи повеќе од 4.500 аранжмани кои сè уште се достапни за резервација ова лето преку нивните туристички агенции. За нив трите најевтини дестинации за одмор во Грција се островите Калимнос, Тасос и Лефкада.

Просечната цена на најевтиниот пакет аранжман во Калимнос е околу 927 евра по лице за 7 ноќевања.

На второ место е Тасос со 1006 евра по лице и Лефкада со околу 1091 евро по лице.

Овие аранжамни за британските туристи вклучуваат превоз и престој.

За македонските граѓани, пак, пакет-аранжманите во агенциите за Тасос и Лефкада, кои се едни од омилените дестинации во Грција, се со далеку попристапни цени поради нивната близина до Македонија.

Калимнос за нас е помалку познато одморалиште, најмногу поради неговата далечина. Овој мал остров е еден од најважните во групата Додеканези во источна Грција и е полн со затскриени заливи, сафирно море, планини и шармантни гратчиња. До Калимнос се стига со 40-минутно возење со брод од Кос, најблискиот грчки остров на кој има аеродром.

The post Трите најевтини грчки острови летово, два се достапни за нас appeared first on Република.

Грчката полиција уапсила 65-годишен маж под сомнение дека е виновен за големиот пожар што минатата седмица избувна на островот Тасос, објавија медиумите во Грција, јави дописничката на МИА од Атина.

Според истите информации, уапсениот се товари за подметнување пожар, а во неговиот автомобил бил откриен запалив материјал.

Се очекува во текот на денот, 65-годишникот да биде изведен пред јавен обвинител во Кавала.

The post Уапсен 65-годишник осомничен за пожарите на Тасос appeared first on Република.

Голем шумски пожар во источниот дел на грчкиот остров Тасос е активен од синоќа, а утрово, превентивно е евакуирано приморското село Кинира , јави дописничката на МИА од Атина.

Пожарот е во планински непрооден дел, интервенираат 102 пожарникари со пет пешадиски тима и 33 возила, шест авиони и шест хеликоптери од кои еден е за координација, а помагаат и пожарникари волонтери, армијата, како и цистерни и возила од општините.

Поголемиот дел од пожарникарите на островот пристигнаа од северна Грција.

Преку бројот 112 за итни случаи беше испратена порака до жителите и оние кои се наоѓаат во селото Кинира, превентивно да се евакуираат кон Лименарија

The post На осторовот летуваат и Македонци: Голем пожар на Тасос appeared first on Република.

Поради високите температури во Грција и ризикот од пожари, затворени се три најпопуларни плажи на Тасос. Грчките власти воведоа посебни мерки за заштита на локалното население и туристите.

Пристапот е забранет на најпопуларните плажи – Порто Вати, Мермерна и Парадајс, а ограничен е и сообраќајот на одредени патишта. На туристите им се советува и да не одат во селата во внатрешноста на островот, како што се Теологос, Касавити, Кастро, Мариес. Исто така, се советува во наредните денови населението и туристите да изберат некои полесно достапни плажи.

Поради сушата и силните ветрови, ризикот од пожар е многу висок, особено во јужна Грција. Оваа состојба ќе трае неколку дена, предупреди грчкото биро за метеорологија.

Српски туристи кои моментално се на Тасос на социјалните мрежи велат дека на плажите има пожарникари и дека никој не може да помине.

The post Затворени три популарни плажи на грчкиот остров Тасос appeared first on Република.