Теа Трајковска и Таско го имаа еден од највпечатливите настапи на овогодинешното 39. издание на „Макфест” со нивната „Сатурн”. Публиката во културниот дом „Ацо Шопов” се изненади кога на сцената покрај нив застанаа и специјалци во маскирни униформи.

За потребите на нивната песна, двајцата млади пејачи изминатиот период снимија и доста интересен спот, поточно сцените во него се како од акционен филм во кој Теа и Таско беа главните улоги.

Со Таско нѐ спои „Сатурн“ а идејата и одлуката да учествуваме на „Макфест“ беше многу случајна и спонтана бидејќи многу ни се допаѓаше самата песна кога ја поставивме во студио со Лазе. За спотот сакавме да излеземе малку од комфорт зона и да направиме нешто покреативно. На крај излезе мало крими филмче и мислам дека со Таско создадовме нешто различно од се што сме работеле претходно индивидуално. Веруваме дека публиката ќе го препознае во песната тоа посебно нешто што нас двајца не освои кога ја создававме, открива Теа.

Сакам да кажам дека ми е огромно задоволство што направивме одлична соработка со Теа. Од студио до снимање на спотот имавме многу добра енергија, и едноставно кликнавме за овој проект. Се надевам на уште соработки во иднина, а оставам сега на публиката да одлучи дали проектот е добар или не, кратко изјави Таско.

Инаку песната се правеше во студиото на Лазар Цветковски, кој впрочем се потпипува како автор на музиката и аранжманот, додека текстот е заедничко дело на Теа и Таско.

https://youtu.be/FM8L7I2-OFc?si=Qq-OVpjXAe3EmmBy

The post Прво го уапсија, па заедно со Теа Трајковска се појави на „Макфест”: Раперот Таско на слобода appeared first on Република.

Познатиот рапер Таско се оженил летово, a за свадбата се дозна дури неодамна. Тој во интервју за порталот „Репортер.мк“ открил дека одлучил да стапне на лудиот камен по три и пол годишна врска. За бракот знаеле само најблиските, земајќи предвид дека досега јавно нема потврдено дека е женет, ниту, пак, има објавено фотки од венчавката.

Порталот „Убавина и здравје“ успеа да дознае која е неговата сопруга. Се работи за Наташа Неделковска или на Инстаграм позната како Таша Реј. Таа дури има и објавено заедничка фотографија на својот профил, додека, пак, Таско на својот профил има само фотки од себе.

The post Тајно се оженил раперот Таско appeared first on Република.

Долгонајавуваниот „Open Air - East Gate Mall Connect Festival“ почнува овој петок, а скопјани и македонската публика ќе имаат прилика неколку викенди по ред да уживаат во концертите на најголемите балкански и домашни ѕвезди.

Овој петок (03.06) за првпат во Македонија ќе настапи српската музичка ѕвезда Бресквица, потоа популарниот Инас и нашиот рапер Таско.

Во сабота (04.06) ќе настапат милениците на публиката ТHCV, потоа одличниот Клинац, а по долго време ќе го видиме и Тони Зен.

Наредните викенди следат настапите на: Раста, Елена Китиќ, Анастасија Ражнатовиќ, С.А.Ф. Бед Копи, Пајак, Диџеј Боно и Кристина Димитри, Диџеј Леа, Тракер, Луна и други...

Организаторите на овој музички настан велат дека вакво нешто досега немало во нашата земја. Толку многу ѕвезди на едно место и во еден град…

Ова е еден од најголемите музички проекти кои се работеле во нашата земја. Се потрудивме да ги обезбедиме во моментот најголемите музички имиња, но не само тоа, се обидовме да ги задоволиме вкусовите на речиси сите генерации кои сакаат квалитетна музика, велат организаторите.

Влезниците веќе се пуштени во продажба и тоа во „East Gate Mall“, како и онлајн преку продажната мрежа на www.kupikarta.com.

Истите ќе се продаваат по цена од: 600 денари за дневна карта , викенд-карта ќе чини 1.000 денари, додека блок-карта чини 3.000 денари.

The post Почнува новиот скопски фестивал, во петок концерт на Бресквица, Инас и Таско appeared first on Република.