На 28 и 29 јуни во 20 часот во Тетовскиот театар премиерно ќе биде одиграна претставата „Тартиф“ според Молиер, а во режија и адаптација на Андреј Цветановски.

Претставата изобилува со визуелни слики и емотивни конфликти меѓу ликовите. Самиот Молиер важи за еден од најзанчајните автори на класичната драматургија и е предизвик за целата екипа, која работеше на ова дело интензивно, вдахнувајќи креативен печат и убава енергија.

Силните луѓе создаваат мирни времиња. Мирните времиња создаваат слаби луѓе. Слабите луѓе создаваат тешки времиња. Тешките времиња создааваат силни луѓе. И така се во круг. Низ оваа максима се обидовме да ја погледнеме вечната тема на најголемиот лицемер во класичната драматургија, Тартиф. Но дали е тој лицемерот или луѓето кои зависат од неговата способност? Низ силна и емотивни ситуации се случува трилер претстава која се заснова на замрсените односи на една фамилија, и нивната постојана опсесија за богатство. Низ сите тие ликови и нивните завери ја осовременивме и донесовме во денешни услови приказната распадот на фамилијата, а со тоа и на системот. Дали компанијата беше во постојан пад и пред да се појави Тартиф? Дали корените на фамилија Пернел се распаѓаат од мирните времиња во кои живее новата аристократија?“, изјави режисерот на претставата, Андреј Цветановски.

Во претставата играат: Тартиф – Ѓорѓи Нешкоски; Оргон – Петрит Незири; Елмира – Миа Кантарџиева – Петровска; Дорина – Марија Цветановска; Дамис – Марко Богдановски; Клеант – Арѓенд Хасани; Маријана – Ирена Мирческа; Валер – Абдула Османи; Пернел – Берат Салиу; Лојал – Шкумбин Зеќири.

Сценографијата ја потпишува Сергеј Светозарев, костимите се дело на Медина Хоџа, додека зад музиката стои Димитар Андоновски.

Проектот е подржан во годишната програма на Министерството за култура и е втора премиера од програмата на Тетовскиот театар за оваа година, после премиерата Пациентот на Фројд од Миро Гавран во режија на Гент Чајани.

The post „Тартиф“ во режија на Андреј Цветановски премиерно во Тетовскиот театар appeared first on Република.

Вечерва во 20 часот во театарот „Јордан Хаџи-Константинов Џинот“ во Велес гостува Српско народно позориште од Нови Сад со претставата „Тартиф“, во режија на неодамна починатиот Игор Вук Торбица.

Претставата која е работена според мотивите од истоимената комедија на Молиер, а со подналсов „Комично во класичното“ е копродукција на Српско народно позориште Нови Сад и Народно позориште Сомбор

Улогите ги толкуваат Саша Тодоровиќ (Тартиф), Хана Селимовиќ, Нинослав Ѓорѓевиќ, Тијана Марковиќ, Марко Марковиќ, Билјана Кесеновиќ, Даница Грубачки, Марко Савиќ, Душан Вукашиновиќ, Немања Бакиќ, Милорад Капор и Драгана Шуша.

The post Српско народно позориште гостува во Велес со „Тартиф“ appeared first on Република.