И сега, шупрајме?Кој е виновен што процесот се турка со сила, без валидни докази и без кредибилни сведочења кои би ја докажале вината на обвинетите?
Кој ќе биде крив утре, ако некој судија од Апелација собере храброст да каже - не оди оваа работа вака? Ако се најде таков., коментира новинарот Бранко Героски.

Зошто истрагата е водена вака? Зошто СЈО се потпрело на скриншотовите од ВИП ОНЕ, кои наводно регистрирале „неповторливи моменти“ на „совест“ на нивната машина за прислушување? Која, патем речено, воопшто не смеела да „снима“ било какви исписи за внатрешна употреба во компанијата?

Неговата рекација доаѓа откако „Плусинфо.мк“ објави детали за предметот „Таргет-Тврдина“ дека грчките сопственици на ОНЕ со години незаконски го следеле спроведувањето на судските наредби за ПИ мерки и можеле да прислушуваат без никој да знае за тоа

https://republika.mk/vesti/makedonija/grchkite-sopstvenitsi-na-one-nezakonski-go-sledele-sproveduvaneto-na-sudskite-naredbi-za-pi-merki-dali-mozhebi-i-prislushuvale/

The post Героски за предметот „Таргет-тврдина“: Кој е виновен што процесот се турка со сила, без валидни докази и без кредибилни сведочења кои би ја докажале вината на обвинетите? appeared first on Република.

Предметот „Таргет-Тврдина“ кој се однесува на прислушувањето и уништувањето на опремата нема подеднакво да се однесува за сите обвинети. Конкретно, на поранешната министерка за внатрешни работи Гордана Јанкулоска ова дело има можност да и застари дури за 20 години бидејќи таа е обвинета со обвинителен акт според кој делото застарува за подолг период.

Ова за „Република“ го објаснува адвокатот Влатко Илиевски.

https://republika.mk/vesti/makedonija/advokat-ilievski-ochekuvam-pozitivna-presuda-od-sudot-vo-strazbur-vo-slednite-nekolku-mesetsi/

За дел од обвинетите во овој случај постои ризик од застарување, но тоа не важи за сите. Гордана е обвинета по член 353 каде што застарувањето е 20 години. Треба некој да се запраша како обвинителството во овој предмет кој се однесува на прислушувањето дозволило некој да биде обвинет со обвинителен предлог за кој делото застарува за пократко време.Зошто да се амнестира обвинителството од ова-нагласува Илиевски.

Неодамна Апелација го врати предметот на повторно судење а пак Судскиот совет констатираше дека тој предолго се држел во фиока.

The post На Јанкуловска делото за „Таргет-Тврдина“ ѝ застарува за 20 години appeared first on Република.

 Извештајот од работната посета на Апелационен суд Скопје, Судскиот совет ќе ја разгледа в среда, на 427-та седница.

Работната посета треба да даде одговор за постапувањето на Апелација по предметите „Таргет-Тврдина“, „Трезор“, „Транспортер“ и „Алфа“ во смисла на почитување на законските рокови, преземените дејствија од страна на судијата и законитоста во одлучувањето во смисла на тоа дали учествувал судија кој што исполнил услови за старосна пензија.

Одлуката за работна посета, Судскиот совет ја донесе на итна седница на 19 декември минатата, година, по реакциите во јавноста, откако скопска Апелација ги уважи жалбите на обвинетите за предметот „Таргет-Тврдина“ и го врати на повторно постапување пред Основниот кривичен суд Скопје случајот со масовното прислушување и уништување на опремата од УБК.

На дневен ред на 427-та седница на Судскиот совет, меѓу другото, се и разгледување на Извештај од работна посета на Апелационен суд Гостивар и утврдување на престанок на судиска функција поради исполнување на услови за старосна пензија.

The post Судски совет в среда ќе објави зошто Апелација го вратила „Таргет-Тврдина“ на повторно судење appeared first on Република.

Советот на Апелациониот суд Скопје информира дека првостепената пресуда за предметот познат како „Таргет-Тврдина“ е укината поради сторени суштествени повреди на одредби на постапката од Законот за кривична постапка, како и повреди на кои Судот внимава по службена должност, а кои повреди влијаеле и врз правилно утврдување на фактичката состојба и правилна примена на материјалното право.

Советот, како што е наведено во денешното соопштение од Апелациониот суд, утврди дека постои неусогласеност меѓу изречената пресуда и она што е наведено во нејзиниот писмено изготвен примерок, односно во изворникот на пресудата нема опис на противправните дејствија за секој од обвинетите.

-Предметот на Основен кривичен суд Скопје КОК бр. 47/17 и 39/18 е доставен на одлучување во Апелациониот суд Скопје, по поднесените жалби на ОЈО и на обвинетите, на ден 08.10.2021 година, кога согласно Автоматската распределба на предметите истиот е доделен на постапување на судија-известител. На ден 14.10.2021 година, предметот со сите списите е доставен до Вишото јавно обвинителство Скопје, заради разгледвуање и достава на предлог по повод изјавените жалби. На ден 30.11.2021 година списите на предметот се вратени во Апелационен суд Скопје, по што на ден 21.01.2022 година е издадена наредба за закажување на јавна седница за ден 07.03.2022 година, се наведува во соопштението.

The post Се огласи Апелација: Таргет-Тврдина e укинат поради сторени суштествени повреди на одредби на постапката од Законот за кривична постапка appeared first on Република.

Премиерот Димитар Ковачевски смета дека правосудниот систем во една транспаретна постапка треба да им ги објасни на граѓаните одлуките што ги носи и дополнително да работи на зголемување на довербата. Ковачевски ова го изјави одговарајќи на новинарско прашање во врска со одлуките на Апелацискиот суд за случајот „Таргет-Тврдина“ и реакцииите во јавноста.

На правосудниот систем е, кој е независна власт од Владата, низ една транспаретна постапка да ги објасни на граѓаните одлуките кои ги носат и дополнително да работи на унапредување на своето работење, а со цел да ја зголеми довербата кај граѓаните и да обезбеди фер услови за сите граѓани да бидат во државата еднакви пред Уставот, рече Ковачевски.

Премиерот истакна дека и тој како и многумина други изразил разочарување во однос на овој судски случај, што, како што кажа, само ја потврдува ниската доверба на граѓаните во правосудниот систем мерено според истражувањата на јавните мислења.

Исто така, сакам да истакнам дека јас како премиер и Владата ниту сме се мешале, ниту ќе се мешаме во судската власт, односно во судството со оглед на тоа дека судството и правосудството не се место за политичка борба и политички натпревар, додаде Ковачевски.

Ние, рече тој, сме во постојана комуникација со нашите партнери во ЕУ и САД.

Поглавјето 23, владеење на правото беше дел од билатералниот скрининг којшто се води во Брисел и секако дека тој билатерален скрининг во којшто ќе бидат вклучени и правосудните органи ќе постави многу прашања за којшто ќе се бараат одговори и секако дека одговори ќе треба да дадат и правосудните органи како независна власт во државата во што државата не треба да се меша, вели тој.

Ковачевски посочи дека извршната власт подготвува законски решенија за унапредување на правосудната власт во сите нејзини свери и обезбедува финансиски средства за непречено функционирање на независниот правосуден систем во државата.

The post Ковачевски: Судот да ги објасни одлуките за „Таргет Тврдина” appeared first on Република.

Ивор Мицковски го коментира обраќањето на поранешниот премеир Зоран Заев на Фејсбук, кој е наводно згрозен од грозоморната одлука на Апелацискиот суд да го поништи предметот „Таргет - тврдина“ и да го ослободи Сашо Мијалков.

https://republika.mk/vesti/makedonija/zaev-shto-e-sledno-mijalkov-da-stane-direktor-na-anb/

Зокита почна ко Грујо да пишува и мати вода по фб.
Ко што Грујо нема право да објаснува, така нема ни Зоката.
Касно палиш мајсторе, оваа катастрофа те гледа тебе во очи, те повикува тебе на одговорност, затоа и твоите апели се смешни, релативистички и се изблик на хипокризија.
Ти ќе повикуваш до инстанци во државата да го оправат тоа што ти го сјеба, историската шанса којашто ти ја прокоцка, надежта и последната шанса за оправање на државава која ти безобразно ја уби.
Седи таму и повлечи ги твоите политички слуги, глеј си пиперот и струјата и не јебано морализирај или изигравај душогрижник.
Ти нашето и заедничкото најјако ги сјеба и не се ставај во иста лига со граѓаните кои бескрајно ги изневери.

The post Мицковски до Заев: Не се ставај во иста лига со граѓаните кои бескрајно ги изневери appeared first on Република.

Министерот за надворешни работи Бујар Османи очекува деновиве да се одржи консултација со претседателот на државата Стево Пендаровски и премиерот Димитар Ковачевски и да се донесе одлука дали поранешниот директор на АНБ Виктор Димовски ќе замине на амбасадорското место во Париз, по случајот со државјанството на Олесандр Онишченко.

-Процедурата е до фаза кога треба да помине во Собрание во Комисија за надворешна политика, бидејќи е добиен агреманот, одбранети се тезите и треба да оди во Комисија за надворешна политика. Меѓутоа, како што знаете и претседателот иницираше процес на консултации помеѓу претседателот, премиерот и мене, како министер за надворешни работи, за да ја процениме состојбата после овој развој на настани и после ќе донесеме на одлука. Досега нема донесена одлука по однос на амбасадорот, но верувам наредните денови ќе имаме таква консултација, изјави Османи.

Министерот потенцира дека треба да биде донесена политичка одлука, како и дека нема да се чекаат резултатите од истрагата.

– Сигурно дека резултати од истрагата ќе ни помогнат во нашата одлука, но сепак тука се работи за политичка одлука и за политички консултации, изјави на средбата со новинарите Османи.

Запрашан за случајот со поништувањето на пресудите на поранешниот директор на УБК Сашо Мијалков, Османи вели дека не сака да прејудицира за одлуката на Судот, но дека смета оти треба да има објаснување зошто се случило тоа. Судовите, вели Османи, треба да бидат потранспарентни.

-Доколку нема сериозна аргументација Апелација да објасни пред ЕК за одлуката верувајте ќе бидат именувани и засрамени, но можеби имаат аргументи и затоа и јас не сакам да прејудицирам кои биле тие прекршувања во првостепена процедура бидејќи сепак ние треба и човековите права да ги почитуваме. Тоа е важен дел во нашето европеизирање, изјави Османи.

Министерот за надворешни работи предупредува дека фокусот на ЕК во следната година ќе биде поостар бидејќи оваа година „бевме ранливи“.

-Институциите треба да бидат спремни. Медениот месец помина, дека ќе има сериозна проценка и секој посебно ќе даде одговор за својата институција, рече Османи.

The post Ќе следуваат консултации дали Димовски ќе биде амбасадор, Апелација да ја објасни одлуката за Мијалков, вели Османи appeared first on Република.

В.д. претседателот на Алијанса за Албанците, Арбен Таравари на прес-конференција оцени дека државата капитулирала пред криминалот и корупцијата поради примерот со ослободувањето на осудените за случајот со масовното прислушкување на граѓаните. Тој ги посочи основните судови дека даваат основа заробеното судство да ослободува осудени лица.

Правдата во агонија, државата капитулира пред криминалот и корупцијата. Враќањето на нула на случајот Мијалков за масовно следење на граѓаните на земјава е најдобар доказ за тоа. Оправдувањата дека во првиот степен се направени отстапки само ја докажува организираната криминална мрежа во правдата, каде основните судови намерно прават отстапки за да му дадат алиби на Апелацискиот суд да ги поништи одлуките. Тоа го овозможува судството, заробено од владејачките партии и криминализирано до срж. Во РCM повеќе нема правна сигурност и независна правда, истакна Таравари.

Според него, „институциите на чело со претседателот на државата дезертирале од борбата против корупцијата и јавно кажуваат дека нема капацитет за ветинг“.  Вели дека единствената надеж е дека САД ќе започнат некоја шок-терапија, почнувајќи од, како што рече, воведувањето на американската црна листа за отстранување од сцената на корумпираните актери од политиката и правосудниот систем.

Значи, покрај корумпираните политичари, мора да се исчисти и правосудниот систем од чумата на корупцијата. Дополнително, итно е потребна целосна реформа на правосудниот систем. Ова го вклучува законот за проверка на судиите и обвинителите, формирањето на специјални судови против корупцијата и организираниот криминал (интегрирање на првата и втората инстанца во институционален чадор), создавање на советот за судски назначувања и високиот инспекторат за правда, одговорен. Во овие институции мора да има меѓународни комесари. Амбасадорке Агелер, нашите граѓани сега гледаат на Американската амбасада како единствена надеж за промена на катастрофалната состојба во која оваа влада го доведе нашиот правосуден систем, рече Таравари.

Тој ја понуди неговата паритја, Алијанса за Албанците како партнер целосно посветен на, како што рече оваа кауза, од која зависи иднината на новите генерации кои повеќе не гледаат ниту една причина да останат тука за да придонесат за развојот на земјата.

The post Таравари: Институциите на чело со претседателот на државата дезертирале од борбата против корупцијата appeared first on Република.

Вицепремиерката задолжена за политики за добро владеење Славица Грковска денеска на својот фејсбук профил изрази загриженост за информацијата дека Апелациониот суд ја укинал првостепената пресуда за предметот „Таргет-Тврдина“. Го повика Апелациониот суд да ги соопшти причините за оваа одлука.

Со голема доза на загриженост ја примив информацијата дека Апелациониот суд ја укинал првостепената пресуда за предметот „Таргет-Тврдина“, во кој, преку злоупотреба на службена положба, масовно беа прислушувани илјадници наши граѓани. Уште позагрижувачки се информациите дека поради неажурното одлучување на судиите, можно е застарување на делото кое значи повреда на основните уставно загарантирани човекови права, напиша Грковска.

Според вицепремиерката Грковска, Апелациониот суд има обврска пред граѓаните, транспарентно и детално да ја образложи оваа одлука за која, како што се наведува, има сомнеж дека не оди во правец на владеење на правото и еднаквост пред законот.

Во повеќе наврати кажав и сакам да повторам дека независноста на правосудниот систем не значи немање никаква одговорност. Го повикувам Апелациониот суд во името на правдата и во името на одговорноста пред граѓаните да ги соопштат причините за оваа одлука, напиша Грковска на Фејсбук.

The post Грковска: Апелациониот суд детално да ја образложи одлуката за „Таргет-Тврдина“ appeared first on Република.

Апелациониот суд Скопје ги уважи жалбите на обвинетите за случајот „Таргет-Тврдина“ и ја укина првостепената пресуда и предметот го врати пред Основниот кривичен суд Скопје на повторно постапување и одлучување, додека жалбата на Основното јавно обвинителство за гонење на организиран криминал и корупција е беспредметна.

–  Апелациониот суд Скопје при разгледување на побивата пресуда констатираше дека првостепениот суд при постапувањето по овој предмет сторил суштествени повреди на одредбите од Законот за кривичната постапка кои се од апсолутен карактер, а на кои овој суд внимава по службена должност, со што се доведе во прашање фактичката состојба и правилната примена на Кривичниот законик, се вели во соопштението од Апелациониот суд Скопје.

Апелациониот суд Скопје известува дека, постапувајќи по кривичниот предмет во јавноста познат како „Таргет- Тврдина“ , по одржана јавна седница, донесе решение со кое ги уважи жалбите на обвинетите Г.Г од С., Т.Ј од О., Г.Ј. од С., Н.Б. од С., С.М. од С., Н.Н. од С. и В.В. од В., изјавени преку нивните бранители и по повод жалбите и по службена должност ја укина првостепената пресуда и предметот го врати пред Основниот кривичен суд Скопје на повторно постапување и одлучување, а жалбата на Основното јавно обвинителство за гонење на организиран криминал и корупција е беспредметна.

Основниот кривичен суд Скопје на 26 февруари 2021 година за случајот „Таргет-Тврдина“, кој се однесува за масовното прислушување и уништување на опремата од УБК, изрече казна затвор од 55 години и 10 години условни казни, односно вкупно 65 години за 11 лица.

На поранешниот директор на УБК Сашо Мијалков Судот му изрече казна затвор од 12 години за кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“.

Судот на поранешниот началник на Петтата управа во МВР Горан Грујевски и вработениот во УБК Никола Бошкоски, кои се во бегство во Грција, во отсуство им изрече казна затвор од по 15 години.

Обвинетата поранешна министерка за внатрешни работи Гордана Јанкулоска доби четири години казна затвор за кривично дело „злоупотреба на службената положба и овластување“, поранешниот шеф на кабинетот на Мијалков,  Тони Јакимовски е осуден на шест години затвор  за кривично дело „злоупотреба на службената положба и овластување“ и „фалсификување службена исправа“, а началничката Надица Николиќ доби казна во траење од три години затвор за кривично дело „злосторничко здружување“ и „злоупотреба на службената положба и овластување“.

Судот им изрече условни затворска казна од две години на обвинетите Владимир Варелов, Маријан Шумуликовски, Силвана Златкова и Васил Исаковски, за сторено кривично дело „злосторничко здружување“ и „злоупотреба на службената положба и овластување”. За обвинетата Валентина Симоновска Судот изрече условна казна затвор од две години за кривичнoто делo „фалсификување службена исправа“.

Судскиот процес започна на 22.12.2017 година против 11 лица. Во текот на постапката се одржани 53 рочишта, на кои се сослушано 123 сведоци, изведени 887 материјални докази и пет вештачења. Сослушани беа и голем дел од над 200 оштетени лица

The post Апелација ја укина пресудата за „Таргет-Тврдина“ во која обвинети се Мијалков и Јанкуловска appeared first on Република.

По една година од кога беше објавена пресудата за случајот „Таргет-Тврдина“, денеска во Апелациониот суд Скопје, почна јавната седница за жалбите поднесени од обвинетите Сашо Мијалков, Гордана Јанкуловска и останатите обвинети за овој предмет, кој се однесува на масовното незаконско прислушување на стотина граѓани на Македонија, во период од 2008 до 2015 година.

За овој случај, Основниот Кривичен суд – Скопје на 26 февруари 2021 година изрече казна затвор од 55 години и 10 години условни казни.

Поранешниот директор на УБК, Сашо Мијалков, од страна на првостепениот суд е казнет со казна затвор од 12 години за кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“. Додека, обвинетата поранешна министерка за внатрешни работи, Гордана Јанкулоска, доби четири години казна затвор за кÑ �ивично дело „злоупотреба на службената положба и овластување“.

Судија известител на денешното рочиште во апелација е судијата Енвер Беџети, а како застапник на Вишото Jaвно обвинителство Скопје е обвинителот Елвин Вели.

The post Jaвна седница на Апелација за предметот „Таргет-Тврдина“ appeared first on Република.