На 30 ноември, сабота, со почеток во 20:00 часот, на малата сцена во НУЦК „Григор Прличев“ во Охрид, ќе се одржи уникатен културен настан кој ги спојува танцот и филмот.

Во организација на Здружението на уметници Културен центар Медиа Артес, настанот е дел од последниот работен пакет „Напуштени места“, во склоп на проектот „СИОТ СВЕТ Е СЦЕНА-имерзивен и партиципативен театар како алатка за адресирање на општествени прашања и предизвици”, насловен „Напуштени места“.

Настанот ќе започне со проекцијата на краткиот експериментален филм „ЛИМА“ (13 минути), кој низ танцовиот медиум се обидува да им вдахне живот или да им даде поглед од нов ракурс на неколку простори во Охрид, кои припаѓаат на модернистичкото наследство. Режисерот Батухан Ибрахим и кореографката Ивана Балабанова го осмислија и создадоа овој филм кој, играјќи си со спомените, минатото и трансформативната моќ на она што било и може да биде, прикажува една дисторзирана перцепција на просторот, телото и времето. Препуштајќи се на ритамот на овие простори, слушајќи ги нивните приказни и следејќи ја емоцијата, филмот креира еден нов свет во кој носталгијата се претвора во надеж.

Извршен продуцент: Јасмина Билаловиќ

Концепт: Ивана Балабанова, Батухан Ибрахим, Јасмина Билаловиќ;

- по оригинална идеја на И.Балабанова

Режија: Батухан Ибрахим

Кореографија: Ивана Балабанова

Асистент на режија: Марија Бошковска

Директор на фотографија: Стефан Ѓорѓиевски

Играат: Тереза Лазарев, Стефани Шааршмидт, Софи Ларсон

Композиција: Алесандро Ола

Костим: Ивана Балабанова, Снежана Чоловиќ, Маја Ѓуреска

Шминка: Павел Маслов

Фотографија на сет: Ања Калин

Видео на сет: Мартин Михајлов (Марсбен продукција)

По филмската проекција, публиката ќе има можност да го погледне танцовиот перформанс „Лиминално тело-2“, дело на кореографката Ивана Балабанова. Овој перформанс го истражува концептот на лиминалност како одраз на современото човечко искуство. Вкоренет во танцот, но збогатен со влијанија од музиката и театарот, делото го истражува внатрешниот пејзаж на поединци кои егзистираат во состојба на постојана трансформација, фатени меѓу транзициите и кои се борат да се прилагодат во светот што ги обзема. „Лиминално тело-2“ не е само апстрактен концепт, туку одговор на притисоците на модерниот живот - обид да се ослободиме од културните, социјалните и капиталистичките ограничувања.

Играат: Тереза Лазарев, Стефани Шааршмит

Кореографија: Ивана Балабанова

Музика: Алесандро Ола

Сценографија: Мартин Манев

Костими: Маја Ѓурчиноска и Антонија Гугинска

Светло: Игор Митревски, Борис Вељаноски

Тон: Митко Серафимоски

Вечерта ќе заврши со краток разговор со авторите, кој ќе им овозможи на присутните да ги споделат своите впечатоци и да добијат увид во креативниот процес потребен за создавање на овие дела.

The post „Лиминални простори-лиминални тела“ – проекција на краток филм и изведба на танцов перформанс во Охрид appeared first on Република.

Манифестацијата „Инкубатор – платформа за млади уметници“, која се одржува деновиве во организација на Интерарт културниот центар, предводена од Матеа Мијановиќ, повторно обединува млади уметници, на кои им овозможува да се развиваат низ процес на обука и професионална продукција. Во рамките на манифестацијата на 23 ноември, ќе се одржи работилницата со реномираната кореографка Саша Ефтимова. Таа ќе работи со студенти од Катедрата за современ танц при Универизтетот „Гоце Делчев“ на развој на совремна танчерска техника.

На 25 ноември во 20 часот во МКЦ, ќе се одржи завршната вечер на манифестацијата со претставта „Showcase“ на која ќе се презентираат три современи кореографии, „Ремикс“ на Дејан Битровски, „Егзистирање“ на Рисима Рисимкин и „Скеч“ на Адријана Данчевска. Дел од програмата ќе се изведува во живо од извонредните музичари Виктор Филиповски и Ратко Даутовски. Во рамки на вечерта, ќе се презентираат и новите танцови филмови „Trespassing MKD “ на Данчевска и „Лима“ на Батухан Ибрахим и Ивана Балабанова, во продукција на „Танц.Бункер“.

„Инкубатор – платформа за млади уметници“ е проект кој има за цел да спои млади уметници од категориите музика, танц и визуелни уметности, кои преку креативни работилници се надградуваат. Продукцијата се презентира пред јавноста и овие млади уметници се позиционираат на културната сцена кај нас. Манифестацијата, чиј идеен творец е Матеа Мијановиќ во организација на Интерарт културниот центар за прв пат се одржа во 2018 година и во изминатите шест години се одржува во континуитет, а во нејзината програма до сега се опфатени околу 200 учесници.

Саша Евтимова е родена во Скопје, Македонија каде завршува средно образование на ДМБУЦ „Илија Николовски – Луј“. Во периодот од 1998 до 2001 година, претстојува на колеџот Поинт Парк во Питсбург, САД. Високо образование завршува на Институтот за уметничка игра во Белград, Србија, каде и дипломира во 2018 година, како драмски и аудиовизуелен уметник- отсек кореографија.

Ефтимова е истакнат солист, балетски педагог и кореограф на Национална опера и балет во Скопје. Евтимова има изведено бројни улоги на класичниот и неокласичниот репертоар. Во 2007 година таа е дел од проектот „Kylian to the Balkans“ во чии рамки изведува соло улоги од претставите „Falling Angels“, „One of a kind“ и „Palms“ на светски познатиот кореограф Јиржи Килијан. Во 2005 година Ефтимова учествува на Франкофонските Олимписки игри во Африка, со претставта „Дневник за Нас“ на короеграфката Рисима Рисимкин. Како кореограф, Ефтимова, покрај авторските дела за НОБ, креира оригинални кореографии и за филм и театарски претстави. Таа работи како гостин короеграф и педагог на „Гоa балетска академија“ на Виетнамската опера и балет; Националниот Балет во Тбилиси, Грузија; ХНК Сплит, Хрватска, како и за новоформираниот балетски ансамбл во Подгорица, Црна Гора. Во 2012 година Ефтимова е избрана да учествува проект на Кореографски Институт во Њујорк, САД, кој е поврзан со „“New York City Ballet и Школата на Aмериканскиот балетски театар. Ефтимова работи како асистент на Френк Андерсен, при поставување на балети од класичниот репертоар и наследство на Бурнонвил низ целиот свет. Таа е дел од жири комисијата на „Натпревар-от за танц“ во Сеул, Јужна Кореја. Ефтимова одржува амстер работилници за Академија за танц во Сеул, Ј. Кореја, Виетнамска Опера и Балет, Пекинг Танцова Академија, Пекинг Танцов Театар, Шенјанг Танцова Академија, Национално Балетско Училиште во Талин, Естонија и др. Во 2011 година, Евтимова е добитник на Гран-при наградата на 5-тиот Интернационален кореографски фестивал „Сергеј Дјагљев“ во Полска; работи како кореограф на „Војвотката на Чардаш“, добитник на титулата најдобра оперета во 2011 година; освојува награда за најдобра режија за претставата „ФИЛМ“ во 2013 година и првото место за современ балет на јубилејното, десетто издание на „Балетски-от фестивал“, во Рига, Латвија во 2014 година.

The post Работилница за современ танц со кореоографката Саша Ефтиомова нa „Инкубатор – платформа за млади уметници“ appeared first on Република.

Поранешниот американски претседател, Доналд Трамп, како дел од својата изборна кампања, гостуваше во подкастот на популарниот стример Адин Рос на платформата Кик.

Во еден момент, интервјуто имаше 583.000 прегледи и со тоа стана најгледаното интервју на стримерот, а Трамп на Тикток се пофали дека тоа е најгледаниот стрим во историјата и објави клип во кој танцува со Рос покрај Тесла Сајбертрук.

@realdonaldtrumpTHANK YOU ATLANTA!

♬ original sound - President Donald J Trump

Видеото од неговиот танц го погледнале повеќе од 26 милиони луѓе и собра 4,3 милиони лајкови, а многумина ги коментираа потези на Трамп.

„Танцувањето е нешто посебно“, „Сигурно го болат рацете“ и „Ова е лудо“, се дел од коментарите.

Трамп танцуваше на песната „YMCA“ од Вилиџ пипл, која често ја пушта на предизборните собири каде знае и да танцува користејќи ги истите потези како во видеото.

The post Танцот на Доналд Трамп стана вистински хит на ТикТок appeared first on Република.

Рускиот танц Бережка е еден од највоодушевувачките народни танци во светот.

Карактеристично за овој танц е што во него учествуваат жени.

Притоа, жените се движат со голем број ситни чекори, кои се толку кратки што даваат привид како учесничките во танцот да лебдат.

The post Девојките лебдат на сцената: Рускиот танц Бережка буквално остава без здив appeared first on Република.

Во Варшава, Полска од 27 до 29 април се одржа Светското првенство во латино танци каде танчерите на Dancers United се вратија со вкупно 25 медали.

Ова е исклучителен успех за сите наши танчери кои беа дел од светската латино сцена, за клубот и за нашата Македонија.

Нашите резултати, седум златни медали, десет сребрени и осум бронзени медали освен што покажуваат дека сме на вистинскиот пат и го потврдуваат нашиот успех во латино танците на светско ниво, дополнително ја засилува нашата посветеност кон танцот и понатамошното вложување во идните поколенија танчери.

Ја претставивме нашата држава на највисоко ниво, а Македонија секоја година сè повеќе и повеќе станува силен конкурент на светската сцена на што сме особено горди.

Три дена колку што траеше Светското првенство во Варшава, Dancers United и Македонија беа вистински репрезенти на македонската култура и уметност. Официјален судија од Македонија беше Сара Кочан.

WADF Warsaw Championship  2024 за Dancers United ќе биде забележан како натпревар на кој целиот тим има минимум по еден златен медал. На овој натпревар од светски рамки во кој учествуваа 22 држави бевме поддржани од Министерството за култура.

Златен медал освоија:

–Passion and Youth – Група Синхро Танц Латино – Младинци и Возрасни
–Vintage Chic – Група Латин Шоу – Јуниори
– Bringing the disco Back – Група латин шоу – мини кидс
–The DS Crew Carribean – Инклузивна мала група
–Over the Rainbow – The DS Crew – Инклузивна голема група
– Willy Wonka, Су Али – Соло латин шоу мини кидс
– Coco Chanel, Нина Спасовска – Соло латин шоу јуниори 1

Сребрен медал:

– Suit & Slay – Група латин шоу – Младинци & Возрасни
– Анастасија Бановиќ и Никола Дамовски – Самба – Парови Младинци & Возрасни
– Анастасија Бановиќ и Никола Дамовски – Џајв – Парови Младинци & Возрасни
– Анастасија Бановиќ и Никола Дамовски – Румба – Парови Младинци & Возрасни
–Су Али – Џајв – Соло Мини кидс
–Су Али – Ча ча ча – Соло Мини кидс
–Су Али – Самба – Соло Мини кидс
– ABBA – Ангела Николиќ & Михаела Филипова -Латин шоу дуо – Младинци & Возрасни
– The White Rabbit – Луна Дариа Кочан – Соло латин шоу мини кидс
– Emiy in Paris – Емили Нера Кочан Соло латин шоу деца 1

Бронзен медал:

– Ангела Николиќ – Пасо Добле – Соло јуниори 1
– Анастасија Бановиќ и Никола Дамовски – Ча ча ча – Парови Младинци & Возрасни
– Луна Дариа Кочан – Џајв – Соло Мини кидс
– Луна Дариа Кочан – Самба – Соло Мини кидс
– Анастасија Бановиќ и Никола Дамовски – Пасо добле – Парови Младинци & Возрасни
– Јоана Поп Арсовска – Румба – Соло мини кидс
– Rapunzel – Јоана Поп Арсовска – Соло латин шоу мини кидс
– Athena and Medusa – Нина Андоновска & Тима Муминовиќ , Дуо латин шоу јуниори

The post Седум златни, десет сребрени и осум бронзени медали за нашите танчери на Светското првенство во Полска appeared first on Република.

На 6 и 7 април во Хотел Мериот ќе се одржи меѓународен танцов натпревар DIAMOND, а Скопје ќе ги собере најдобрите танчери од регионот и пошироко, натпревар на кој ќе настапат над 1500 танчери од Македонија, Унгарија, Полска, Србија, Босна и Херцеговина, Грција, Романија и од Хрватска.

DIAMOND има за цел да инспирира, плени и обезбеди неверојатен приказ на уметничките способности, вистински славејќи го танцот во неговите многубројни форми и категории. Меѓународниот танцов натпревар е во организација на Сара и Нермин Кочан сопственици на инклузивното танцово студио Dancers United. Долгогодишното искуство како танчери, тренери, сертифицирани меѓународни судии, учество на многу национални, европски и светски натпревари беа ѝ повеќе од доволна причина и мотив, Сара и Нермин Кочан да го мапираат Скопје како град во кој ќе има меѓународен танцов натпревар подготвен по сите светски стандарди.

На натпреварот кој ќе трае два дена ќе учествува судиска комисија од 20 искусни судии, од кои 10 национални и 10 меѓународни судии, кои ќе обезбедат правична и точна евалуација на натпреварувачите. Ќе имаме можност цели два дена да уживаме во кореографиите на класичен балет, модерен балет, латино и стандардни танци, акробатски танц шоуа, хип - хоп, инклузивен и пара танц, диско и уличен танц...

Натпреварот е поддржан од Светската танцова уметничка федерација и Националниот танцов сојуз.

The post Меѓународен танцов натпревар по светски стандарди на 6 и 7 април во Скопје appeared first on Република.

На 6 и 7 април во хотел „Мериот“ ќе се одржи меѓународен танцов натпревар DIAMOND, а Скопје ќе ги собере најдобрите танчери од регионот и пошироко. Меѓународниот танцов натпревар е во организација на Сара и Нермин Кочан сопственици на инклузивното танцово студио Dancers United, а на натпреварот ќе настапат над 1500 танчери од Македонија, Унгарија, Полска, Србија, Босна и Херцеговина, Грција, Романија и од Хрватска.

DIAMOND има за цел да инспирира, плени и обезбеди неверојатен приказ на уметничките способности, вистински славејќи го танцот во неговите многубројни форми и категории. Долгогодишното искуство како танчери, тренери, сертифицирани меѓународни судии, учество на многу национални, европски и светски натпревари беа ни беа повеќе од доволна причина и мотив да го мапираме Скопје како град во кој ќе има меѓународен танцов натпревар подготвен по сите светски стандарди, велат организаторите.

На натпреварот кој ќе трае два дена ќе учествува судиска комисија од 20 искусни судии, од кои 10 национални и 10 меѓународни судии, кои ќе обезбедат правична и точна евалуација на натпреварувачите. Ќе имаме можност цели два дена да уживаме во кореографиите на класичен балет, модерен балет, латино и стандардни танци, акробатски танц шоуа, хип - хоп, инклузивен и пара танц, диско и уличен танц...

Придружете ни се во нашата страст за танцот и бидете дел од оваа неверојатна приказна. 
Натпреварот е поддржан од Светската танцова уметничка федерација и Националниот танцов сојуз, порачуваат организаторите.

The post Над 1500 танчери на меѓународниот танцов натпревар „Дајмонд“ во Скопје appeared first on Република.

На 20 мај, во трговскиот центар Ист гејт мол во Скопје ќе се натпреваруваат над 1.000 танчери. Станува збор за настан како најава на Европското првенство во танци 2023. Со тоа што учесниците ги прикажуваат своите таленти во различни жанрови како што се хип-хоп, современи, брејкденс и многу повеќе, натпреварот гарантира возбудливо искуство за сите присутни.

Оваа танцова битка не само што ќе обезбеди платформа за талентираните танчери да ги покажат своите вештини, туку и ќе создаде енергична атмосфера што ја зближува заедницата, изјави Трајче Петковски од „Брејк А Лег“.

Настанот ќе се одржи во распространетиот централен атриум на Ист Гејт Мол, трансформиран во најсовремена танцова арена.

На настанот ќе има и судии од танцовата индустрија кои ќе ги оценуваат изведбите врз основа на креативноста, техниката и сценското присуство. Натпреварувачите ќе се борат во елиминациските рунди, што ќе доведе до возбудливото големо финале.

Настанот не се однесува само на танчерите, се работи за целата заедница да се собере за да ја поддржи и цени уметноста на танцот. Гледачите ќе имаат можност да бидат сведоци на извонредни изведби, да навиваат за своите омилени танчери и да се нурнат во заразната енергија на настанот.

The post Над илјада танчери ќе се натпреваруваат во хип-хоп, современ танц и брејкденс appeared first on Република.

Битрикс Културен Центар поддржан, преку „Платформа Битрикс“, а поддржан од Swiss Agency for Development and Cooperation (SDC) на почетокот на јануари започнува со реализација на првиот од трите циклуси од проекот Tanz.Transformator. Re-imagining our dance community. (Танц.Трансформатор - Реобмислување на локалната танцова заедница).

Како што вели и самото име, креаторите на проектот поаѓаат од идејата да се преобмисли локалната современа танцова заедница како обид за надминување на недостатоците, меѓу кои се наоѓа и потребата за генерирање повеќе платени можности за професионалните танчари поради непостоењето на институции кои можат да ги вработат и/или ангажираат континуирано, а со тоа и да се обезбеди континуитет и одржливост на оние кои професионално се занимаваат со танц. Така, проектот предвидува можност за професионален развој и платен ангажман на професионалните танчари од локалната сцена преку продукциски ориентирани резиденции со локални и интернационални кореографи, како и можности за национални и регионални турнеи кои што ќе овозможат континуитет на квалитетен професионален ангажман - неопходен за развојот и афирмацијата на танцовата уметност кај нас.

По објавување на отворените повици, проектот забележа огромен број на апликации од интернационални кореографи со нејверојатнен квалитет. Истовремено, со проектниот координатор Мааике Феккес и финансискиот менаџер Павел Маслов, одржавме неколку инфо-сесии со танчарите од локалната сцена и интересот е неверојатен. Очекуваме успешна сезона и се радуваме што во рамките на овој проект над 100 танчари од земјата ќе добијат шанса за работа и учество во овој проект. Среќни сме што оваа иницијатива беше препознаена од Агенцијата за развој и соработка на Швајцарија. Долго време работиме на тоа да ја сплотиме локалната танцова заедница, па се надеваме дека ова ќе биде успешен почеток.“ - забележува уметничкиот директор Ивана Балабанова.

Сите заинтересирани професионални, полу-професионални танчари и студенти имаат можност да се пријават за учество во три дневна работилница која ќе се одвива во периодот од 9-11 јануари 2023 г. во Скопје.

По завршувањето на работилницата, на најдобрите 7 ќе им биде овозможено учество во тронеделна, интензивна и платена танцова резиденција под водство на интернационален кореограф која што ќе се зокружи со премиера на танцов перформанс во Скопје на почетокот на февруари 2023г. По премиерната изведба предвидени се уште три репризни иданија на перформансот во три различни градови во државата.

Заинтересираните кандидати можат да се пријават со пополнување формулар за апликација на https://tanz-transformator.beatrixcrew.com/registration/dancers-application/ најдоцна до 1 декември 2022 г.
Здружението на граѓани за образование и обука од областа на танцот и културно-уметнички активности Битрикс Кру, досега познато по своето делување и активност во развојот на полу- професионалната танцова сцена во државата преку платформите Beatrix Dance League и Beatrix Specials, со овој проект го проширува својот фокус кон развојот на професионалната танцова сцена и поставува база/платформа за платен професионален ангажман на уметниците и продуцикцијата на професионални танцови перформанси, а со тоа директно влијае врз прогресот на современата танцова култура во државата.

Повеќе информации за Tanz.Transformator може да најдете на следните линкови:
https://tanz-transformator.beatrixcrew.com
https://www.instagram.com/platformbeatrix

The post Започнува еден од најголемите танцови проекти во земјава appeared first on Република.

Со порака до сите за поголем фокус кон здравите навики и важната улога на танцувањето во општеството и светот на младите, стотиците танчери од Break A Leg Studio, Aqua Dance Club, Eat The Beat и Dansa Latina Stefi, со модерна кореографија и уникатен танцов настап на Can’t Stop the Feeling од Џастин Тимберлејк, — и официјално го најавија претстојното Европско првенство во танци.

Оваа година, Скопје е домаќин на ова првенство (IDO European Hip-Hop & Boogie Championship 2022), кое ќе се оддржи од 01.07.2022 до 05.07.2022 во Ист Гејт Мол и СЦ Јане Сандански.

Како најпопуларна дестинација за сите млади во земјата и пошироко, во екот на летото, Ист Гејт Мол со отворени врати ќе ги спои најталентираните танчери од цела Европа на едно место. За време на првенството ќе се натпреваруваат преку 2500 танчери од 20 земји од Европа во различни танци, и тоа во неколку видови на состави, — соло, дуо, групи и формации, како и машки и женски категории поделени на, — детски, џуниор и возрасни.

Нема подобар начин да се извлечеме од ригидноста на секојдневната монотонија и стрес, од танцувањето и забавната ведрина на младиот дух. Танцот е особено важен и во создавањето на здрави генерации со огромен број на придобивки, како физички, психолошки, така и социолошки.

The post Скопје оваа година е домаќин на Европското првенство во танци appeared first on Република.

Вечерва со почеток во 20 часот во Младинскиот културен центар ќе се изведе „Dance baby, dance“ во кореографија на Жана Пенчева.

Dance baby, dance е дело базирано на кореографското истражување, а е фокусирано на релационите потенцијали кои можат да се појават кога луѓето ќе се дојдат заедно и ќе танцуваат.
Делото се гледа и како кореографски концерт со специфични правци и внатрешни правила, каде 6 кинетички/танцувачки тела минуваат низ различни ситуации - флертување, мистерија, транспарентност, нелогичност, раздразливост и останати чувствителни простори.

Концертот е потопен во атмосфера на забава-клуб и е преплавен со современа електронска и поп музика.

Кореографија: Жана Пенчева.
Танчери и соработници: Виолета Витанова, Жана Пенчева, Зорница Стојанова, Александар Георгиев. Даниел Денев и Дарио Барето Дамас.
Музика: Цветан Момчилов.
Костими и сценографија: Ралица Тонева.
Графички дизајн: Ѓорѓи Десподов.
Видео и Фото: Наталија Сидоренко.

Во продукција на Garage Collective и Жана Пенчева. Копродукција на ICC (Имагинативен кореографски центар) и ДНК - простор за современ танц и перформанс.

The post „Dance baby, dance“ во кореографија на Жана Пенчева во МКЦ appeared first on Република.