талибанци Archives - Република

Русија ги брише талибанците од листата на терористи

Александрија — Tue, 26 Nov 2024 21:04:45 +0000

Шојгу разговарал за „зајакнување на политичките односи и економската соработка и начините за зголемување на трговијата и руските инвестиции во Авганистан“ со неколку авганистански министри од редовите на талибанците, се наведува во соопштението на талибанските власти.

Посетите на високи странски претставници на Авганистан се ретки бидејќи ниту една земја во светот не ја признала талибанската влада, на власт од август 2021 година.

The post Русија ги брише талибанците од листата на терористи appeared first on Република.

За Русија Талибанците веќе не се терористи

Игор Чавески — Tue, 26 Nov 2024 07:31:31 +0000

Русија наскоро ќе ги отстрани талибанците од својата листа на терористи, соопшти талибанската влада на Авганистан, цитирајќи ги зборовите на вчерашниот гостин во Кабул, Сергеј Шојгу, поранешен министер за одбрана на Русија, сега секретар на Советот за безбедност. Шојгу разговарал за „зајакнување на политичките односи и економската соработка и начините за зголемување на трговијата и руските инвестиции во Авганистан“ со неколку авганистански министри од редовите на талибанците, се наведува во соопштението на талибанските власти. Посетите на високи странски претставници на Авганистан се ретки бидејќи ниту една земја во светот не ја признала талибанската влада, на власт од август 2021 година.

The post За Русија Талибанците веќе не се терористи appeared first on Република.

Забрана да се прикажува „било што со душа“ во талибанските медиуми

Марина — Tue, 15 Oct 2024 12:18:03 +0000

Талибанските медиуми престанаа да прикажуваат фотографии од живи суштества – луѓе и животни – во некои авганистански провинции, со цел да се придржуваат кон законите за морал, изјавија денеска претставници на локалните власти.

Во август, Министерството за промоција на доблест објави закони кои ги регулираат аспектите од секојдневниот живот како што се јавниот превоз, медиумите и прославите.

Член 17 забранува објавување слики од живи суштества, што според заговорниците за човекови права, предизвикува загриженост за последиците врз авганистанските медиуми и врз слободата на печатот.

Портпаролот на Министерството за промоција на доблест, Саиф ул Ислам Хајбер, рече дека на владините медиуми во провинциите Тахар, Мајдан Вардак и Кандахар им било препорачано да не емитуваат или прикажуваат фотографии „од што било со душа“, подразбирајќи луѓе и животни.

Хајбер рече дека министерството е одговорно за спроведување на законите за морал, но не прецизираше дали правилата се однесуваат на сите медиуми, вклучувајќи ги странските, или само на авганистанските канали и интернет страници, ниту, пак, како ќе се спроведуваат законите.

Ниедна друга земја со мнозинско муслиманско население не наметнува слични ограничувања, вклучувајќи ги Иран и Саудиска Арабија.

За време на претходното владеење на талибанците во доцните 1990-ти, целосно беа забранети повеќето телевизиски станици, радио-станици и весници.

The post Забрана да се прикажува „било што со душа“ во талибанските медиуми appeared first on Република.

Taлибанците забранија покажување слики од живи луѓе и животни

Игор Чавески — Tue, 15 Oct 2024 04:32:35 +0000

Талибанските медиуми престанаа да прикажуваат слики од живи суштества - луѓе и животни, во некои авганистански провинции, со цел да се придржуваат кон законите за морал, изјавија денеска претставници на локалните власти.

Член 17 забранува објавување на слики од живи суштества, што според заговорниците за човекови права предизвикува загриженост за последиците врз авганистанските медиуми и слободата на печатот.

Портпаролот на Министерството за промоција на доблест, Саиф ул Ислам Хајбер, рече дека на владините медиуми во провинциите Тахар, Мајдан Вардак и Кандахар им било препорачано да не емитуваат или прикажуваат слики „од што било со душа“, подразбирајќи луѓе и животни.

Хајбер рече дека министерството е одговорно за спроведување на законите за морал, но не прецизираше дали правилата се однесуваат на сите медиуми, вклучувајќи ги странските, или само на авганистанските канали и интернет страници, ниту како ќе се спроведуваат законите.

Ниту една друга земја со мнозинско муслиманско население не наметнува слични ограничувања, вклучувајќи ги Иран и Саудиска Арабија.

За време на претходното владеење на талибанците во доцните 1990-ти, целосно беа забранети повеќето телевизиски станици, радио-станици и весници

The post Taлибанците забранија покажување слики од живи луѓе и животни appeared first on Република.

Талибанците одговараат на ОН: Нашите закони се базирани на шеријатот

Игор Чавески — Mon, 26 Aug 2024 20:09:50 +0000

Талибанците денеска ја отфрлија критиката на Обединетите нации за нивниот третман на жените по донесувањето на нов сет закони за пороци и доблести, кои забрануваат на жените во Авганистан да ги откриваат лицето и да зборуваат на јавни места.

Талибанските власти во Авганистан минатата среда донесоа сет закони за спречување на пороци и промовирање на доблести. Тие вклучуваат барање жените да го покриваат своето лице, тело и глас кога се надвор од дома. Исто така, забрануваат слики на живи суштества, како што се фотографии.

Шефицата на мисијата на ОН (УНАМА), Роза Отуњбаева, вчера изјави дека овие закони нудат „потресна визија“ за иднината на Авганистан. Таа рече дека законите ги прошируваат веќе неподносливите ограничувања на правата на жените и девојчињата, при што дури и звукот на женскиот глас надвор од домот се смета за морален прекршок.

- По децении војна и страшна хуманитарна криза, авганистанскиот народ заслужува многу подобро од закани или затвор ако задоцнат на молитва, погледнат член на спротивниот пол кој не е член на семејството, или дури поседуваат фотографија на саканата личност, изјави Отуњбаева.

Од друга страна, Забихулах Муџахид, главниот портпарол на талибанската влада, предупреди на ароганцијата на оние кои можеби не се запознаени со исламскиот шеријатски закон, особено немуслиманите кои би можеле да изразат приговори на донесените закони.

- Повикуваме на темелно разбирање на овие закони и на почитување на исламските вредности. Отфрлањето на овие закони без такво разбирање, според нас, е израз на ароганција, изјави тој.

The post Талибанците одговараат на ОН: Нашите закони се базирани на шеријатот appeared first on Република.

Талибанците им забранија на медиумите да примаат повици од девојки во програма

Билјана — Sun, 25 Feb 2024 19:39:23 +0000

Талибанската полиција во источната авганистанска провинција Хост им забрани на локалните радио и телевизиски канали да примаат телефонски повици од девојчиња, наведувајќи го неморалот како причина.

Центарот за новинари во Авганистан (AFJC) во соопштение информира дека претставниците на медиумите се предупредени за правни последици за прекршување на директивата.

Во писмото од провинциската полиција до кое дојде АФЈЦ се наведува дека некои приватни радио станици „шират неморал преку злоупотреба на социјални програми и образовни програми“.

Во писмото се обвинуваат девојчињата за „нелегитимни контакти“ со водителите за време на овие програми, што наводно води до „несоодветно однесување“ што е спротивно на исламските стандарди. Дополнително, во дописот се тврди дека овие радиостаници ги немаат потребните дозволи од надлежните за емитување едукативни содржини.

Поради затворањето на училиштата за девојчиња во Авганистан, медиумите се повеќе емитуваат едукативни програми, се додава во соопштението на АФЈЦ.

Локални извори изјавија за АФЈЦ дека некои медиуми користат учебници надвор од официјалната наставна програма за образование и ги продаваат овие книги по повисока цена.

The post Талибанците им забранија на медиумите да примаат повици од девојки во програма appeared first on Република.

Гутереш: Неприфатливи услови на талибанците за учество на состанокот под покровителство на ОН

Nena — Mon, 19 Feb 2024 17:46:49 +0000

Талибанците поставија неприфатливи услови за присуство на состанокот за Авганистан под покровителство на Обединетите нации, изјави денес генералниот секретар на ОН Антонио Гутереш.

По дводневната средба во Катар, тој рече дека меѓу барањата на талибанците е исклучување на членовите на авганистанското граѓанско општество од преговорите во Доха и третман што претставува официјално признавање на Талибанците како легитимни власти во Авганистан.

„Добив писмо (од Талибанците) со низа услови за присуство на оваа средба кои не беа прифатливи“, рече генералниот секретар на ОН на прес-конференција.

The post Гутереш: Неприфатливи услови на талибанците за учество на состанокот под покровителство на ОН appeared first on Република.

Талибанците ги опремија своите специјални сили со американска опрема оставена по повлекувањето на САД од земјата

Александар Арсовски — Mon, 12 Feb 2024 07:00:23 +0000

Талибанците се пофалија на социјалните мрежи објавувајќи серија фотографија на нивните безбедносни сили во тактичка опрема, американските сили ја оставија зад себе кога се евакуираа од земјата.

На фотографиите може да се види дека Талибанците ја искористиле американската воена техника за опремување на своите специјални воени и полициски сили.

The post Талибанците ги опремија своите специјални сили со американска опрема оставена по повлекувањето на САД од земјата appeared first on Република.

И тоа го има: Талибанци на ролери

Игор Чавески — Thu, 16 Nov 2023 09:39:28 +0000

На социјалните мрежи се појавија снимки од талибанските безбедносни сили во патрола на ролерки во најголемиот град во Авганистан и брзо станаа вирални.

На видеото се гледаат и знамиња на Талибанците кои висат од рамениците на некои борци, додека тие се возат на ролери држејќи се за воено возило и носат пушки калашников.

Две години по повлекувањето на САД, видеото е впечатливо потсетување на победата на Талибанците и неуспехот на Соединетите Американски Држави.

„Првиот дел од воениот настап во уметничко лизгање на улиците на Кабул“, напиша Јадула Марви во описот на видеото што го објави. Марви е спортист на паркур во Авганистан.

Талибанците кои ја презедоа контролата врз Авганистан по повлекувањето на Америка од регионот не се исти како оние што владееја со земјата пред 2001 година.

Тие се многу свесни за сликата бидејќи преземаат доминантна улога. Тие ги користат социјалните мрежи и интернетот за да создадат нова слика за себе.

Фотографиите од талибанските борци кои уживаат во забавните паркови и се лулаат на лулашки сега редовно се вирални на интернет.

The post И тоа го има: Талибанци на ролери appeared first on Република.

Талибанците забранија вратоврски – го симболизирале христијанкиот крст

Билјана — Wed, 26 Jul 2023 20:15:16 +0000

Талибанците велат дека вратоврската го претставува христијанскиот крст и треба да се забрани.

„Вратоврската што ја носат мажите го симболизира крстот во христијанската вера“, изјави висок талибански функционер во Авганистан.

Откако се вратија на власт, Талибанците не наметнаа никакви правила за тоа како мажите треба да се облекуваат.

„Понекогаш кога одам во болница или некоја друга установа, среќавам авганистански лекари муслимани или инженери кои носат вратоврски“, рече Мохамед Хашим Шахид Врор, шеф на владиниот оддел задолжен да го води населението како најдобро да ги почитува исламските принципи.

Жените мора да бидат целосно покриени кога ќе ги напуштат своите домови. Скоро сите талибански функционери носат шалвар камиз, широки панталони и традиционална туника со елек и турбан на главата.

Западната облека поретко ја има во Авганистан откако Талибанците ја презедоа власта, но кошули и вратоврски сè уште се носат во некои професии.

За време на децениите советската окупација, по инвазијата во 1979 година, државните службеници се охрабрувани да носат одела наместо традиционални носии. Екс претседателот Ашраф Гани, кој избега од земјата во 2021 година кога Талибанците пристигнаа во Кабул, носеше западна облека кога престојуваше во странство и традиционална носија дома. Во текот на дваесетте години од бунтот, талибанските борци носеа шалвар камиз, но по преземањето на власта вооружените сили сепак добија модерни воени униформи.

Талибанците неодамна ги забранија салоните за убавина. Во 2020 Талибанците им забранија на жените да студираат. Во 2021 година забранија и музика на јавни места.

The post Талибанците забранија вратоврски – го симболизирале христијанкиот крст appeared first on Република.

За еден месец да се затворат сите фризерници и козметички салони во Авганистан, наредија Талибанците

Сани — Tue, 04 Jul 2023 12:24:05 +0000

Талибанците наредиле затворање на фризерските и козметичките салони во Авганистан во рамки на најновите ограничувања на правата со кои се соочуваат жените.

Портпаролот на Министерството за спречување на пороците и промоција на доблестите изјави за Би-Би-Си дека компаниите имаат еден месец да ја исполнат наредбата почнувајќи од 2 јули, кога првпат биле известени за потегот.

Слободите на жените постојано се намалуваат откако Талибанците ја презедоа власта во 2021 година. Тие им забранија пристап на тинејџерките и жените во училници, спортски сали и паркови, а неодамна дури и им забранија да работат за Обединетите нации. Тие, исто така, одредија дека жените треба да бидат облечени така што да им се гледаат само очите и дека мора да бидат придружувани од машки роднина доколку патуваат подалеку од 72 километри.

Ограничувањата продолжија и покрај меѓународната осуда и протестите на жените, како и активистите кои зборуваа во нивно име. Затворањето на козметичките салони беше дел од широк опсег на мерки наметнати од талибанците кога тие беа на власт последен пат помеѓу 1996 и 2001 година. Меѓутоа, салоните повторно беа отворени по американската инвазија на Авганистан.

Салоните останаа отворени дури и откако талибанците повторно ја презедоа власта пред две години, по повлекувањето на американските сили.

Сепак, излозите на салоните честопати беа покриени, додека сликите на жените надвор од салонот беа исцртани со спреј за да се сокријат нивните лица. Талибанската Влада не објасни што ја поттикнало забраната или какви алтернативи ќе им бидат достапни на жените по затворањето на салоните.

The post За еден месец да се затворат сите фризерници и козметички салони во Авганистан, наредија Талибанците appeared first on Република.

Почна и таму: Талибанците удрија на Иран

Игор Чавески — Sat, 27 May 2023 20:18:16 +0000

Жесток судир меѓу талибанците и иранската гранична полиција во провинцијата Систан и Белучистан од иранска страна, односно Нимроз од авганистанска страна!

Иранската државна новинска агенција ИРНА објави дека на Иран му се нанесени „тешки загуби и сериозна штета“. Дали е ова само инцидент или е почеток на нешто многу поголемо!

Заменик-шефот на иранската полиција, генерал Касем Резаџи, ги обвини талибанците дека први отвориле оган врз иранската гранична полиција во инцидент во провинцијата Систан и Белучистан од иранска страна, односно Нимроз од авганистанска страна. , кога загинаа најмалку три лица.

Во судирот меѓу талибанците и иранските сили загинаа најмалку три лица - двајца од Иран, еден од Талибанците.Иранската државна новинска агенција ИРНА објави дека на Иран му се нанесени „тешки загуби и сериозна штета“.ИРНА, повикувајќи се на иранската полиција, пишува дека загинале двајца граничари.

The post Почна и таму: Талибанците удрија на Иран appeared first on Република.

Членки на Советот за безбедност на ОН бараат од талибанците да ги прекинат угнетувачките мерки против жените во Авганистан

Александар Арсовски — Fri, 13 Jan 2023 21:50:05 +0000

Десетина земји-членки на Советот за безбедност на ОН, на маргините на состанокот зад затворени врати за ситуацијата во Авганистан, испратија барање до талибанците да ги прекинат сите угнетувачки мерки против жените во таа земја.

Барањето го објави јапонскиот амбасадор Кимихиро Ишикане во име на 11-те членки на Советот за безбедност (Албанија, Бразил, Еквадор, Франција, Габон, Јапонија, Малта, Швајцарија, Обединети Арапски Емирати, Велика Британија и САД).

Тие земји, исто така, ги повикуваат талибанците да ги почитуваат правата на жените и девојките и да се залагаат за нивно целосно, еднакво и значајно учество и вклучување во сите области на општеството, политиката и економијата, во образованието и јавниот простор.

Декларацијата се однесува на исклучувањето на жените и девојчињата од училиштата и универзитетите и забраната за вработување на жени во национални и меѓународни невладини организации.

Поради оваа последна мерка, невладините организации повеќе нема да можат да дојдат до луѓето, особено жените и девојките, на кои им е најпотребна помош со опрема и витални услуги, се наведува во декларацијата.

Повеќе хуманитарни организации одлучија да ги прекинат своите активности поради таа забрана, која талибанците ја воведоа на 24 декември. Сепак, ОН одлучија да ја продолжат својата операција.

Положбата на жените и девојчињата во Авганистан треба да остане високо на агендата на Советот за безбедност, порачаа потписниците на декларацијата.

Советот за безбедност заседава зад затворени врати за да разговара за ситуацијата во Авганистан.

Ќе разговараме за обединет меѓународен одговор наспроти дејствијата на талибанците. Нашата цел е да спречиме да дојде до хуманитарна катастрофа и да се откажат од забраните насочени кон жените и девојчињата, објави британската амбасадорка Барбара Вудворд на Твитер пред почетокот на состанокот.

The post Членки на Советот за безбедност на ОН бараат од талибанците да ги прекинат угнетувачките мерки против жените во Авганистан appeared first on Република.

Талибанците дале ултиматум од 10 дена да се затворат сите салони за убавина во Авганистан

Марина — Tue, 10 Jan 2023 14:37:01 +0000

Талибанците наредија затворање на салоните за убавина во Авганистан. Телевизијата Ал Арабија објави дека талибанците дале рок од 10 дена да се затворат сите салони за убавина во земјата.

Талибанците исто така забраниле девојки да работат во трговски центри.

Откако талибанците во 2021 година дојдоа на власт воведоа ограничувања за девојките и жените, за кои тврдат дека не се согласност со исламските вредности. Тие ги принудија телевизиските водителки да носат хиџаб, а ги забранија и филмовите во кои се појавуваат актерки.

The post Талибанците дале ултиматум од 10 дена да се затворат сите салони за убавина во Авганистан appeared first on Република.

Талибанците му возвратија на принцот Хари: Западната окупација на Авганистан е одвратен момент во човечката историја

Игор Чавески — Fri, 06 Jan 2023 15:37:26 +0000

Талибанската Влада упати критика кон британскиот принц Хари, кој во своите мемоари тврди дека убил 25 луѓе за време на неговата воена служба во Авганистан, кои ги опиша како „шаховски фигури отстранети од таблата“.

https://republika.mk/vesti/svet/oko-ne-mu-trepnalo-printsot-hari-otkri-kolku-luge-ima-ubieno/

– Западната окупација на Авганистан е навистина одвратен момент во човечката историја, а коментарите на принцот Хари се микрокосмос на траумите што Авганистанците ги претрпеа додека окупаторските сили убиваат невини луѓе без никаква одговорност, портпаролот на авганистанското Министерство за надворешни работи, Абдул Кахар Балки.

Мемоарите на Хари беа пуштени во продажба во Шпанија неколку дена пред глобалното објавување, што е закажано на 10 јануари.

Во еден дел од книгата, 38-годишниот принц ги опишува своите два престоја во Авганистан. Тој првпат беше во Авганистан како контролор на летање во 2007/08 година и повторно во 2012 година, кога беше копилот во хеликоптери Апачи. Тој пишува за бројот на луѓе што ги убил во Авганистан.

– Тоа не е статистика што ме исполнува со гордост, но не можам да кажам дека ми е срам. Кога се најдов во жарот на битката, не мислев на луѓето, ги замислував како шаховски фигури отстранети од таблата, лошите момци се елиминирани пред да им се даде шанса да ги убијат добрите момци, пишува принцот Хари.

Тој во мемоарите пишува за недоразбирањата со неговиот брат, престолонаследникот Вилијам, како и за неговата употреба на дрога и како ја изгубил невиноста

The post Талибанците му возвратија на принцот Хари: Западната окупација на Авганистан е одвратен момент во човечката историја appeared first on Република.

Талибанците им забранија да одат на работа на жените, кои работат во невладини организации

Билјана — Sat, 24 Dec 2022 15:12:56 +0000

Авганистанската администрација под контрола на талибанците денеска им нареди на сите локални и странски невладини организации (НВО) да им забранат на жените вработени во нив да доаѓаат на работа.

Министерот за економија Абдулрахман Хабиб по тој повод објави дека на жените вработени во невладиниот сектор им е забрането да работат до понатамошно известување. Споиред него, тоа е бидејќи некои жени не се придржувале до толкувањето на талибанците за исламскиот кодекс на облекување. Не е прецизирано дали тоа важи и за организациите на ОН кои имаат големо присуство во Авганистан.

Одлуката е објавена неколку дена откако раководството на талибанците им нареди на универзитетите да не примаат жени да студираат, што предизвика осуда од странски земји и протести.

The post Талибанците им забранија да одат на работа на жените, кои работат во невладини организации appeared first on Република.

Талибанците заработија милиони од Светското првенство во Катар

Билјана — Sun, 27 Nov 2022 20:11:58 +0000

Талибанците заработија милиони на Светското првенство со обезбедување градежна опрема за изградба на стадион во Катар, тврди британски Телеграф.

Високи талибански функционери користеле пари што ги добиле од мировните преговори за купување, а потоа изнајмувале машини за изградба на инфраструктура во изминатата деценија, им рекол извор од талибанската канцеларија во Доха.

Голем контингент на талибанско раководство живее во Доха, главниот град на Катар, од 2013 година, каде што се вклучени во долготрајните мировни преговори со САД и ОН.

„Талибанците инвестираа многу во изградбата на Светското првенство и турнирот им беше златна патка. Тие беа платени со милиони“, тврди извор кој живеел во Доха во деценијата пред талибанците да го преземат Авганистан, во 2021 година.

„Некои членови на талибанците имаа меѓу шест и десет големи машини во Доха и заработуваа до 10.000 фунти по машина месечно“.

Два различни високи талибански извори опишаа како службениците добивале профитабилни стипендии за живеење во земјата за време на мировните преговори, кои потоа биле инвестирани во тешка градежна механизација.

Телеграф пишува дека катарските власти, со одобрение на САД и ОН им плаќале на членовите на политичката канцеларија на талибанците во Доха месечен надоместок во вредност од илјадници фунти, како дел од напорите за олеснување на мировните преговори со Западот. На официјалните лица кои го посетија им се обезбедени и луксузни теренски возила, бесплатна здравствена заштита и редовна достава на храна.

Нема индикации дека катарските власти извршиле незаконски постапки или некаква вмешаност во градежните аранжмани на талибанците, пишува Телеграф.

Повеќе извори велат дека талибанскиот посредник од Доха, Хаџи Ахмад Џан, поранешен министер за нафта и рудници на Авганистан меѓу 1996 и 2001 година, го надгледувал изнајмувањето на машините на градежните компании одговорни за изградба на стадиони и инфраструктура за Светското првенство. Телеграф го контактираше за коментар, но сè уште нема одговор.

Наводните врски на талибанците со изградбата на стадиони за Светското првенство, иако не се несоодветни или незаконски, покренуваат дополнителни прашања за турнирот поврзан со бројни контроверзии и наводи за злоупотреба на трудот.

The post Талибанците заработија милиони од Светското првенство во Катар appeared first on Република.

OН ги замолија талибанците да не ги вознемируваат жените

Игор Чавески — Mon, 12 Sep 2022 21:39:04 +0000

Мисијата на Обединетите нации во Авганистан ги обвини талибанските власти за малтретирање на нивните вработени во Авганистан, соопштија денеска претставници на мисијата на ОН.

Тие ги повикаа локалните власти да го почитуваат персоналот на мисијата на ОН.

– Се појави шема на малтретирање на авганистанските жени од персоналот на ОН од страна на талибанските власти, се вели во соопштението.

Се наведува дека три Авганистанки неодамна биле накратко приведени и испрашувани од вооружени владини безбедносни агенти.

Обединетите нации повикаа на итен прекин на сите акти на „заплашување и вознемирување насочени кон авганистанскиот женски персонал“ и ги потсетија локалните власти на нивните обврски според меѓународното право да ја гарантираат безбедноста на целиот персонал на ОН што работи во Авганистан.

Во соопштението објавено вечерва од талибанците се негира дека локалните власти привеле припадници на персонал на ОН.

Според извештаите, властите во јужната провинција Кандахар запреле група жени, но кога сфатиле дека се вработени во ОН, престанале да ги испрашуваат

The post OН ги замолија талибанците да не ги вознемируваат жените appeared first on Република.

Талибанците бараат помош по силниот земјотрес во кој загинаа најмалку 1.000 луѓе

Александар Арсовски — Thu, 23 Jun 2022 07:03:49 +0000

Талибанците бараат од меѓународната заедница да испрати помош во Авганистан по вчерашниот земјотрес со интензитет 6,1 степени според Рихтеровата скала, при што загинаа над илјада луѓе, а најмалку 1.500 се повредени.

Не е познат бројот на затрупаните луѓе под урнатините, а спасувачките акции се попречени од обилниот дожд и недостиг на средства.

Најпогодена од земјотресот е југоисточната авганистанска покраина Патика, а Обединети Нации се обидуваат да обезбедат засолништа и помош во храна.

Портпаролот на талибанците, Занихулах Муџахид, на Твитер објави дека во загрозената област Пактика од Пакистан пристигнале осум камиони со храна и други артикли, како и два авиона со хуманитарна помош од Иран и од Катар.

Јужна Кореја и Јапонија најавија помош за настраданите во земјотресот.

Организирањето директна меѓународна помош би било тешко, бидејќи многу земји, вклучително и САД, испраќаат хуманитарна помош преку ОН и други организации за да избегнат испраќање пари на талибанците.

The post Талибанците бараат помош по силниот земјотрес во кој загинаа најмалку 1.000 луѓе appeared first on Република.

Taлибанците од Косово тргнуваат за Украина

Игор Чавески — Tue, 24 May 2022 06:44:49 +0000

Во воената база на Косово Бонстил меѓу стотината бегалци од Австанистан се наоѓаат и 16 терористи кои би можеле да бидат пратени во Украина.

Ова за „Ало.рс“ Џевад Галијашевиќ експерт за безбедност од Балканот. Тој вели дека војници од регионот замнуваат да се борат во војнатам најчесто на страната на Украина.

Тој нагласува дека т.н кучиња на војната не бираат ни време ни територија и дека учестуваат во војната најчесто од финанскиски причини, а помал дел од идеолошки.

Она што е зачудувачки е што во речиси сите земји е забрането учество во странски војски но и покрај тоа платеници секојдневно пристигнуваат во Украина.

The post Taлибанците од Косово тргнуваат за Украина appeared first on Република.