Дел од корисниците на улиците „Варшавска“, „Хашка“ „Хаванска“, „Хелсинки“, „Мексичка“ и „Ташкентска“ во општина Карпош денеска од 8.30 часот ќе немаат вода.

Според известување од ЈП Водовод и канализација - Скопје, прекинот во водоснабдувањето е поради промена на вентил и водомер на улица „Варшавска“ бр. 14 и ќе трае до завршување на работните активности.

The post Неколку улици во Тафталиџе 1 и 2 денес без вода appeared first on Република.

Неформалната група „На Точак“ сподели информација за „чудо“ што се појавило во Тафталиџе. Станува збор за велосипедска патека на улицата „Лондонска“ која се протега помеѓу булеварот „Партизански одреди“ и улицата „Митрополит Теодосиј Гологанов“.

„Лондонска“ е една од најфреквентните улици во овој дел од Карпош, а велосипедската патека беше ветувана десетина години. По улицата се движат ученици од околните основни и средни училишта, луѓе кои пазарат на зелениот пазар во Тафталиџе или трите околни трговски центри, студентите кои живеат во студентскиот дом Гоце Делчев и илјадниците жители во околните згради и куќи.

Но, како што велат од „На точак“, за жал лошата изведба на столпчињата кои се ставени на преголемо растојание придонесоа „чудото“ да трае само 24 часа, па вчера целата велосипедска патека беше окупирана со неправилно и непрописно паркирани возила.

The post Се појави „чудо“ во Тафталиџе – траеше само 24 часа appeared first on Република.

Регионалниот ЦУК Скопје, известува дека од Единствениот број за итни случаи Е-112 добиле информација дека на крстосницата на ул. „Варшавска“ со Бул. „8ми Септември“, околу комплексот на згради, имало расфрлана отровна материја од којашто започнале да изумираат бездомните животни.

Тоа е многу опасно за мали деца кои можат случајно да дојдат во допир или да земат од таа затруена материја. Од ЦУК, конкретно преку Регионалниот ЦУК Скопје пријавата е доставена Општина Карпош и до ЈП „Лајка“, за нивно понатамошно постапување, а истовремено ја информирале и Полициската станица „Карпош“ од каде што повратно известиле дека веднаш испратиле екипа на терен за увид, соопштија од ЦУК.

The post Внимавајте: Расфрлан е отров во Тафталиџе appeared first on Република.

Поради уличен дефект Ф-100 мм на улицата „Атинска“ број 1 а во населба Тафталиџе, прекинато водоснабдување ќе имаат корисниците на дел од оваа улица, како и од „Њуделхиска“, „Римска“, „Бахар Моис“, „Панче Пешев“ и од „Наум Евро“, информираат денеска од ЈП „Водовод и канализација“ - Скопје.

Водоснабдувањето ќе биде прекинато до завршување со санација на дефектот.

The post Поради дефект неколку улици во Тафталиџе денеска без вода appeared first on Република.

Имотот во Тафталиџе што го стекнал лидерот на Алијанса за Албанците, Арбен Таравари, претходно бил во (ко)сопственост на бизнисменот Исмаил Јахоски, кој е поранешен градоначалник на Пласница, a моментално е пратеник од редовите на ДУИ, покажува документацијата што ја обезбеди „Фокус“.

https://republika.mk/vesti/makedonija/taravari-vo-taftalidhe-prv-komshija-na-kumashinot-i-iden-minister-za-zdravstvo-kako-i-na-jahoska-od-putsko/

Куќата на Таравари влезе во собраниската расправа за избор на нови владини министри од редовите на Алијанса, откако Таравари постигна договор со СДСМ и ДУИ за да го засили парламентарното мнозинство. Притоа, пратеникот на ВМРО-ДПМНЕ, Александар Николоски, отворено праша дали Таравари ја добил куќата на подарок?

https://republika.mk/vesti/makedonija/taravari-vo-tri-chekori-do-vlast-go-namesti-sela-vo-tetovo-i-gostivar-dobi-kuka-vo-taftalidhe-i-vleze-vo-vladata/

Во меѓувреме, „Фокус“ дојде до историскиот преглед на извршените запишувања на катастарската парцела 1432/2, која го опфаќа земјиштето и објектот во моментална сопственост на Арбен Таравари.

Таравари стекнал сопственичко право во 2021 година по пат на договор за купопродажба. Според историјатот, ова парцела со број 1432/2 се формира во 2009 година, кога практично се дели парцелата со број 1432, која дотогаш е во сопственост на повеќе членови на семејството Чинго. Поточно, оваа парцела е во сопственост на Огнен Чинго, кој во 2013 година им го продава имотот на веќе споменатата Љупка Јахоска, како и на уште лице со истото презиме – Иса Јахоски.

Тие поседуваат по една половина од овој имот се до 2017 година, кога, според историјатот на движење на сопственост, Иса Јахоски својот дел го отстапува, односно му го подарува на Исмаил Јахоски, пратеник на ДУИ, чие семејство ја поседува нафтената компанија „Пуцко Петрол“. Неколку години подоцна, односно во 2021 година, единствен сопственик на имотот станува Таравари.

Иако тој за „Фокус“ тврди дека нема информација дека имотот порано бил во сопственост на Јахоски или на членови на неговото семејство, официјалната документација потврдува дека тој купил имотот од пратеникот на ДУИ Исмаил Јахоски и од економист на семејната нафтена компанија „Пуцко Петрол“ – Љупка Јахоска, која моментално го поседува соседниот плац и објект.

Целата сторија на „Фокус“

The post Како Таравари си доби куќа сред Тафталиџе за 500 евра квадрат, претходно на Исмаил Јахоски од ДУИ и „Пуцко петрол“? appeared first on Република.

Куќата што ја стекнал лидерот на Алијанса за Албанците и градоначалник на Гостивар Арбен Таравари во скопско Тафталиџе сè уште е дел од дебатата во парламентот, каде веќе неколку дена трае расправата за владината реконструкција, во чии рамки треба да се изберат нови членови на владата од редовите на најновиот партнер – АА.

„Фокус“ изврши проверка во Катастарот на недвижности, од која произлезе дека Арбен Таравари, преку имотен лист со број 47531, поседува земјиште од 100 квадратни метри и станбен објект-куќа од 261 квадратни метри, на улица Бриселска во Карпош. Всушност, објектот е лоциран на катастарска парцела со број 1432/2, во рамки на катастарска општина Карпош. 

Впрочем, Таравари куќата уредно ја пријавил во анкетниот лист доставен до Антикорупциската комисија, каде навел дека ја стекнал по пат на купопродажба за цена од 9.2 милиони денари или 150 илјади евра. Во анкетниот лист не е наведено кога е склучен договорот, но, според одговорите што ги добивме од Таравари, куќата ја купил во 2011 година со помош на кредит.

Во однос на нашето прашање дали куќата е купена од функционер на ДУИ, како што го обвинуваат ВМРО-ДПМНЕ и Николоски, Таравари ни рече дека нема таква информација. Како што истакна тој, куќата му ја нашол пријател, а се договарал со жена која нема врска со политиката. Сепак, не откри за кои луѓе станува збор.

Проверките што ги изврши „Фокус“ покажуваат дека новата куќа на Таравари, е лоцирана веднаш до неговиот кумашин, сопартиец и иден министер за здравство Фатмир Меџити, како и на Љупка Еда Јахоска, економист во нафтената компанија „Пуцко Петрол“, во сопственост на семејството на пратеникот на ДУИ Исмаил Јахоски.

Целата сторија на „Фокус“

The post Таравари во Тафталиџе прв комшија на кумашинот и иден министер за здравство, како и на Јахоска од „Пуцко“ appeared first on Република.

Вчера во 11.30 часот во СВР Скопје било пријавено дека на крстосницата од ул.„Прашка“ и ул.„Букурешка“ во Скопје, патничко моторно возило „бмв“ со гостиварски регистарски ознаки, управувано од З.Ј.(21) од Гостивар, удрило во велосипед управуван од М.М.(36) од Скопје.

Во несреќата со тешки телесни повреди се здобил велосипедистот констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Велосипедист покосен од гостиварско „бмв“ во Тафталиџе appeared first on Република.

Основното јавно обвинителство Скопје поведе постапка против едно лице за кривично дело насилство според член 386 став 6 во врска со став 1 од Кривичниот законик.

Од Јавното обвинителство денеска информираа дека постои основано сомнение дека 40-годишниот скопјанец, на 28 ноември во ресторан на улицата „Лондонска“, најпрво започнал вербална расправија со едно лице, а потоа и физички го нападнал.

Кога неколку други лица се обиделе да ги раздвојат, осомничениот извадил нож на расклопување и на едно од присутните лица кои се обидувале да го оттргнат му нанел четири убодни рани со кои му предизвикал тешки телесни повреди на градниот кош и на раката, појаснуваат од Јавното обвинителство.

Кај останатите присутни во ресторанот осомничениот предизвикал чувство на страв, загрозување и несигурност.

Надлежниот јавен обвинител оцени дека во конкретниот случај постои опасност осомничениот да се даде во бегство, да го повтори делото или да влијае врз сведоците во постапката, па до Основниот кривичен суд Скопје достави предлог за определување мерка притвор, се наведува во соопштението.

The post Крвава тепачка во кафана во Тафталиџе, еден тешко повреден appeared first on Република.

Од ЈП Водовод и канализација-Скопје известуваат дека во понеделник (26.09.2022) поради изведување на водоводен приклучок на Ф-150мм на ул.Востаничка бр.88 во населба Пржино, прекинато водоснабдување ќе имаат корисниците на дел од ул.Востаничка. Водоснабдувањето ќе биде прекинато од 09:00 часот до завршување со приклучокот.

Исто така, во понеделник поради дислокација на шахта на Дамаска 11, прекинато водоснабдување ќе имаат корисниците од истата улица и дел од Прашка.

Водоснабдувањето ќе биде прекинато од 09:00 часот до завршување со работните активности.

The post Пржино и Тафталиџе во понеделник без вода appeared first on Република.

Поради дефект ф-100 милиметри на улица „Копенхагенска“ број 4, утре прекинато водоснабдување ќе имаат корисниците од оваа и од улиците „Софиска“, „Стокхломска“ и „Његошева“ во скоспката населба Тафталиџе.

Водоснабдувањето, како што информираат од РЦУК Скопје, ќе биде прекинато од 9:00 часот и ќе трае до завршување со санација на дефектот.

The post Утре без вода дел од скопско Тафталиџе appeared first on Република.

Деца качени на кров на улицата Прашка бр 11 ги вознемири жителите во овој дел од Скопје. До редакцијата на Република пристигнаа фотографии на кои се гледа три деца качени на кров на зграда во близина на гимназијата НОВА во скопско Тафталиџе.

Не знам што прават децата горе, но глетката е вистински хорор. Целосно небезбедно стојат на косина на самата ивица од кровот. Фали мало невнимание некој да заврши долу. Води ли некој сметка што прават децата? - коментира читателот кој ни ги испрати фотографиите.

The post Хорор глетка: Деца качени на кров од висококатница во скопско Тафталиџе appeared first on Република.

Екипите на ЈП „Улици и патишта“-Скопје кои се одговорни за одржување на сообраќајната сигнализација на градските сообраќајници, денес ја обележаа хоризонталната сигнализација на улицата Лондонска во општина Карпош. Улицата е обележана по барање на граѓаните и по налог на Град Скопје.

Со обележувањето на сообраќајната сигнализација се овозможува нормалното одвивање на сообраќајот и се зголемува безбедноста на учесниците во сообраќајот.

The post Улица „Лондонска“ доби видливи пешачки премини appeared first on Република.

Фасада на зграда во скопската населба Тафталиџе освои првото место во изборот за најубави фасади на натпревар во Валенсија. Овој натпревар се одржува секоја втора година и на него се избираат најубавите БауМит фасади.

Компанијата која ја направила фасадата во Тафталиџе, учествувала со два проекти во две различни категории. Едниот проект „Букурешка” победи во категоријата домувања во повеќесемејни станбени објекти, а второпласираниот „Фотевски” во воодушевени од текстурата.

Проектот „Букурешка” беше избран за најдобар меѓу 80 други проекти, додека „Фотевски” се натпреваруше со уште 36 други. Проектот „Букурешка” освои 7.749 поени, а „Фотевски“ 7,652.

Во изборот за најубава фасада имаше 300 проекти од 23 земји во Европа. Победниците наградата ќе ја подигнат во септември оваа година во Атина.

The post Зграда во Скопје победи на натпревар за најубава фасада во Европа appeared first on Република.

Ноќеска во 00.30 часот во СВР Скопје било пријавено дека на крстосница од бул.„Партизански oдреди“, ул.„Лондонска“ и ул.„Московска“ се случила сообраќајна несреќа помеѓу патничко возило „форд фиеста“, со скопски регистарски ознаки, управувано од В.Н.(54) од Скопје и патничко возило „опел корса“, со скопски регистарски ознаки, управувано од М.И.(19) од Скопје.

Во несреќата со тешки телесни повреди се здобил возачот В.Н., а со телесни повреди се здобиле сопатникот од возилото „форд фиеста“, Е.Е.(26) од Скопје и возачот М.И., констатирани во Комплексот клиники „Мајка Тереза“ и Градската општа болница „Св.Наум Охридски“.

Извршен бил увид од увидна екипа од СВР Скопје.

The post Ноќва во судир во Тафталиџе повредени три лица appeared first on Република.

Скопјанка пријавила дека две лица се обиделе да ја силуваат.

На 08.02.2022 околу 11.30 часот во СВР Скопје, 32-годишна жена од Скопје пријавила дека на ул. „Лондонска“ во Скопје две машки лица физички ја нападнале и се обиделе да ѝ извршат обљуба, соопштија од МВР.

Се преземаат мерки за расчистување на случајот.

The post Двајца се обиделе да силуваат девојка во Тафталиџе appeared first on Република.