Дејан Георгиевски со две доминантни победи над Насо Марко од Италија и Плонис Артсиом од Белорусија дојде до финале на Тирана Опен Г1. Во финалето македонскиот таеквондист тесно загуби од Сотириос од Грција и освои сребрен медал.

Во финалето Македонецот се бореше со мала повреда која се надеваме дека за многу скоро ќе ја санираме. Убав почеток со значајни бодови за олимпискиот ранкинг, објави Борче Костовски, тренерот на Георгиевски.

Важно да се истакне дека Дејан го елиминира белорусинот Плонис кој на олимписките квалификации за Париз го спечи нашиот репрезентативец да обезбеди норма.

The post Дејан Георгиевски со сребро ја отвори новата олимписка сезона appeared first on Република.

Македонската таеквондистка Ведрана Тунески освои златен медал на Е2 Тирана Опен во конкуренција на каедтки -41 кг.

-Македонската репрезентативка од клубот Бутел на најсилно рангираниот младински таеквондо турнир во светот забележа четири победи. Совладани беа: Јовиќиќ Милјана од Црна Гора, Парисела Аурора од Италија, Гомез Дијаз од Шпанија и актуелната светска шампионка Вирџинија Ламптис од Италија, сопшти синоќа тренерот на Тунески, Борче Костовски.

Да потсетиме Ведрана Тунески е бронзен медалист од Европско пионерско првенство.

The post Нов успех за Македонката Ведрана Тунески – освои злато на Е2 во Тирана appeared first on Република.

Македонската олимпијка во таеквондо, Милијана Рељиќ е рангирана на седмата позиција на Олимписката ранг листа.

Со ова, според нејзиниот тренер Александар Ефтимов, почнува процесот на собирање на поени за Олимписка А норма за следните Олимписки Игри Лос Анџелес 2028, каде што првите пет натпреварувачки имаат директна норма за настап.

За две до три недели почнуваме со настапот на Г1 турнирите, а во декември сме дел од Големото Гранд При Финале во Кина, најголемо натпреварување по Олимписките Игри. Тука се освојуваат многу поени за олимписката ранг листа. По краткиот одмор, вратени сме во тренажен процес и се надевам дека повторно ќе ја израдуваме македонската јавност со нови успеси, вели Ефтимов.

Рељиќ е најсериозна кандидатка од македонските спортисти за обезбедување А норма за следните Олимписки Игри. Тренерот Ефтимов ветува медали од Гранд При натпреварите и од други европски и светски првенства.

Рељиќ ја победи двократната олимписка шампионка, Британката Џејд Џонс со одличен настап на Олимписките Игри Париз 2024.

The post Рељиќ на седмата позиција на Олимписката ранг листа appeared first on Република.

Од Македонската таеквондо федерација потсетуваат кои тројца македонски таеквондисти до сега успеале да совладаат олимписки шампиони.

Дејан Георгиевски го совлада олимпискиот шампион Радик Исаев од Азербејџан на квалификации пред ЛОИ во Токио.

Филип Додевски го совлада олимпискиот шампион Чеик Сисе од Брегот на слоновата коска на Г1 турнир во Албанија.

Мила Релиќ ја совлада олимписката шампионка Џејд Џонс од Британија на ЛОИ во Париз.

Сепак, додаваат од МТФ водечка круна останува олимпиското сребро од Токио како најголем спортски резултат во независна Македонија.

Во иднина се надеваме на слични или поголеми резултати од македонското олимписко таеквондо.
Македонското олимписко таеквондо како носечки државен спорт има уште многу што да каже, потенцираат тие.

The post Oва се тројцата македонски таеквондисти кои досега успеале да совладаат олимписки шампиони appeared first on Република.

Македонската таеквондистка, Милјана Рељиќ, загуби во четврт-финалната борба на Олимписките игри во Париз од Либанката Летисија Ајун со 2-0 во рунди.

Рељиќ имаше две неизвесни рудни. Првата ја загуби со 9:8, додека во втората беше 6:6, но бидејќи Либанката имаше удар во главата ја доби оваа борба.

Шансите за медал се уште не се загубени, бидејќи доколку Ајун победи во полуфиналето, нашата Рељиќ ќе има шанса преку репасажот да се бори за бронзениот медал.

https://republika.mk/sport/ostanati-sportovi/svetot-doprva-ke-slusha-za-nea-koja-e-milijana-relik-makedonskata-gordost-na-olimpijadata-vo-pariz/

Нашата натпреваурвачка приреди огромна сензација во првото коло на турнирот елиминирајќи ја двократната олимписка шампионка Џејд Џоунс од Велика Британија. Таа во категоријата до 57 килограми ја совлада третата фаворитка со 2-1 во рунди.

https://republika.mk/sport/ostanati-sportovi/britantsite-shokirani-po-pobedata-na-mila-dhejd-e-unishtena-skrsheni-sme-poradi-nea/

The post Милјана Рељиќ елиминирана во четврт-финалето на Олимписките игри appeared first on Република.

Македонската таеквондистка Мила Рељиќ ja совлада поранешната двократна олимписка шампионка, Џејд Џонс од Велика Британија, со што се пласира во четврт-финалето на Олимписките игри во Париз.

Рељиќ, покажа одлична техника и смиреност во рингот и во текот на целата борба против фаворизирата Британка имаше целосна контрола на случувањата во рингот. Тоа и овозможи да ја добие првата рунда со 7:6 во поени. Во втората Џонс настапи поагресивно, па со 5:4 успеа да го изедначи резултатот и да ја одведе борбата во решавачката трета рунда.

Во тензична атмосфера, оваа рунда заврши со по еден освоен поен на двете таеквондистки, но Мила, поради поголемиот квалитет на прецизни удари во текот на борбата заслужено го доби триумфот.

Во четврт-финалето, Рељиќ ќе се бори против Либанката Летиција Аун.

Хајлајтс од првата борба на Рељиќ. pic.twitter.com/V7k4ItQe4N

— Руи (@riste_g) August 8, 2024

The post Македонската таеквондистка Мила Рељиќ ја совлада двократната олимписка шампионка appeared first on Република.

Македонската репрезентација во традиционално таеквондо (МТТФ) од 15 до 22 април ќе учествува на Европското таеквондо ИТФ првенство што ќе се одржува во словенечкиот град Копер.

Боите на нашата земја во Словенија ќе ја бранат шестмина натпреварувачи, и тоа актуелната европска шампионка Христијана Парулеска, Давид Крстески, европски вицешампион од 2022 година, Елена Јанеска исто европска вицешампионка од 2022 година, потоа Марио  Крстески, државен првак во борби, Софија Колушоска, државен првак во форми и Владимир  Димитриевиќ, исто така државен првак во борби.

- Сите членови на нашата екипа имаат антидопинг сертификати, кои се задолжителни за учество на сите врвни натпреварувања. Подготовките се реалзираа последните два месеци секојдневно, под будното око на националниот селектор Саша Поповски црн појас В дан, го дадовме максимумот и се надеваме на солидни резултати. Според нивниот историјат на успеси, можеме да веруваме во нашите натпреварува“, изјави пред заминувањето за Словенија Марјанчо Лазаревски, претседател на МТТФ и предводник на нашата репрезенатција.

Тој појасни дека сите репрезентативци се добро подготвени за да ја претстават нашата држава во најубаво светло што е добар показател, основа за верба во добар пласман.

- Нашите репрезентативци имаат освоено  многубројни медали, па се надеваме дека ќе го дадат максимумот и ќе не израдуваат со добар пласман, вели Лазаревски.

The post Македонската репрезентација во традиционално таеквондо на Европскиот шампионат во Словенија appeared first on Република.

Дејан Георгиевски (+87 кг) освои златен медал Меѓународниот таеквондо турнир „Скопје опен Ремус“ од Г1 серија.

Георгиевски до златото елиминира двајца борци од Франција. Во финалето славеше против Ел Омар Јазиди од Франција, повеќекратен медалист од отворени турнири и европски првенства.

На „Скопје опен“ Г1, еден од најсилните теквондо турнири во Европа, се натпреваруваа 800 борци од 40 држави и 220 клубови. Македонската таеквондо федерација и Таеквондо клуб Бутел организираа светки настан во олимписки спорт кој е дел од официјалниот календар на Светската теквондо асоцијација!

The post Дејан Георгиевски освои златен медал на „Скопје опен Г1“ appeared first on Република.

Милијана Релијќ, која се натпреварува во такевондо, не успеа да обезбеди норма за настап на претстојните Летни олимписки игри (ЛОИ) во Париз 2024 година. Најдобрата млада спортистка на Македонија за 2023 година беше поразена во својата прва борба од Холанѓанката Ами Минк со 2-0 во рунди.

Претходно, на европските квалификации кои се одржуваат во Софија, Бугарија, и Дејан Георгиевски исто така беше поразен и не успеа да се пласира на ЛОИ во Париз. Тој на претходните Игри во Токио го освои сребрениот медал.

The post Милијана Релјиќ не успеа да се квалификува за ЛОИ во Париз appeared first on Република.

Таеквондо тренер од Австралија е обвинет за убиство на својот седумгодишен ученик и неговите родители. Со Кванг Кјунг Јо (49) кој моментално е во болница, адвокатите се појавија во судот во Парамата во негово име. Тие не побараа тој да биде ослободен со кауција или да се изјасни за виновен по обвиненијата.

Јо, сопственик на школата за таеквондо и боречки вештини Lion’s, останува под полициска стража во болница откако беше подложен на операција поради убодни рани и исеченици на градите, стомакот и рацете. Полицијата соопшти дека Јо ги задавил момчето и неговата мајка Мин Чо во неговото училиште во понеделникот вечерта, а потоа со автомобил се упатил кон нивниот дом и го избодел до смрт таткото на момчето, Стивен Чо.

Во полиција изјавил дека бил нападнат на паркингот.

После тоа дошол во болница и им кажал на медицинскиот персонал и полицијата дека бил нападнат на паркингот на супермаркетот. Засега властите не утврдиле кој бил точно мотивот за нападот. Единствената врска помеѓу Јо и жртвите е дека момчето било негов ученик и дека сите четворица се родени во Јужна Кореја.

Максималната казна за убиство во Нов Јужен Велс е доживотен затвор.

The post Тренер по таеквондо во Австралија уби момче кое го тренирал и неговите родители appeared first on Република.

Натпреварувачите од таеквондо клубот „Бутел“ се најуспешни на традиционалниот меѓународен турнир „Корио Опен“, што овој викенд по четврти пат се одржа во Скопје.

Во конкуренција на 300 ученици, таеквондистите на Бутел го освоија првото место со 142 бодови, пред ТК „Младост“ (102) и ТК „Корио“ (63).

„Корио Опен 2023) беше отворен вчера со поздравни обраќања на градоначалниците на скопските општини Кисела Вода и Бутел, Орце Георгиевски и Дарко Костовски.

Претседателот на македонската таеквондо Федерација Борче Костовски изрази задоволство од одличната организација и истакна дека „македонското олимписко таеквондо ќе продолжи да биде носечки спорт во Макеонија“.

The post Таеквондистите на Бутел најдобри на „Корио Опен 2023“ appeared first on Република.

Македонскиот таеквондист Дејан Георгиевски освои сребрен медал на Г1 турнирот во Букурешт, Романија, откако го откажа настапот во финалето поради повреда на раката.

Георгиевски оствари три убедливи победи со резултат 2-0 во рунди против Белгиецот Мануел Полет, Украинецот Андриј Харбар и Турчинот Емре Кталмиш.

Речиси две рунди Георгиевски се бореше со повредена рака против Кталмиш, но успеа да победи и да се закити со сребрениот медал.

Овој спортски или олимписки подвиг кој го покажува Дејан Георгиевски ни од блиску не е забележан од како Македонија е самостојна држава, за само два месеци тој од четири настапи на официјални олимписки турнири Г1, освои четири медали, и тоа две златни и две сребрени“, соопшти Македонската таеквондо федерација.

The post Дејан Георгиевски освои сребрен медал во Букурешт appeared first on Република.

Најдобриот македонски таеквондист, Дејан Георгиевски ќе се бори за медал на Европските игри во Краков, Полска откако во полуфиналето славеше против Шпанецот Иван Гарсија Мартинез со 2-0.

Македонецот кој на патот до финалето ги совлада Италијанецот Матија Молин со 2-0 и Украинецот Андри Харбар од 2-1, беше подобриот противник против Шпанецот добивајќи ја првата рунда со 4-2 и втората со 8-3.

Во финалето Георгиевски за противник ќе го има Британецот Луис Канингхем.

The post Македонски таеквондист Дејан Георгиевски ќе се бори за европско злато appeared first on Република.

Агенцијата за млади и спорт и додели решение за дејност на Мaкедонската традиционална таеквондо федерација што веќе 31 година го негува таеквондото како спорт.

Честитки по повод доделеното решение за дејност на Македонската традиционална таеквандо федерација пристигнаа од претседателот на Меѓународната таеквондо федерација, Ри Јонг Сон, како и од претседателот на Европската таеквондо федерација, Мајкл Е Пруит.

Првиот Таеквондо клуб беше отворен на 22 февруари 1992 година во Охрид, под името Таеквондо клуб „Мастер” во Охрид.

Клубот изминатите триесет години има учествувано на седум Светски и шест Европски првенства, со освоени три медали од Светски првенства - златен, сребрен и бронзен, како и шест медали на Европски првенства, од кои три сребрени и исто толку бронзени.

Меѓународната таеквондо федерација на клубот „Мастер“ од Охрид му ја додели организацијата на Првото државно првенство во таеквондо, што ќе се одржи од 11 март во спортската сала „Билјанини извори“ во Охрид.

The post Агенцијата за млади и спорт ја призна Македонската традиционална таеквондо федерација appeared first on Република.

МАКЕДОНСКО ТАЕКВОНДО & АЛКАЛОИД 🤝
Денес на мое лично задоволство, на задоволство на Македонското таеквондо и генерално на Македонскиот спорт. Претседателот на Македонската Таеквондо Федерација д-р Борче Костовски и првиот човек на Алкалоид Скопје г-дин Живко Мукаетов потпишаа договор за спонзосрство и блиска соработка особено за патот кон олимписките игри во Париз 2024.
Голема благодарност до првиот човек на можеби најуспешната компанија Алкалоид, г-дин Живко Мукаетов кој успеа да ја забележи оваа посебна спортска приказна, која како што самиот истакна е ретка Македонска гордост која треба да се негува.
Не чека тежок пат, имаме работа со најмокните спортски нации во светот, рецептот го знаеме, со Божја помош и многу жртва спремни сме повторно да ја израдуваме Македонската нација. Дејан Георгиевски напред, по него уште неколку олимписки надежи !
Олимпискиот сон го живееме реално, ќе се потрудиме тоа да потрае 😇
За МАКЕДОНИЈА ! ❤️, напиша на Фејсбук, Дарко Костовски.

The post Алкалоид застана зад македонското таеквондо, заедно до нови македонски успеси appeared first on Република.

Најдобриот македонски таеквондист Дејан Георгиевски имаше успешен настап на престижниот „Президент куп Г2“ во Истанбул, освојувајќи бронзениот медал.

Георгиевски го обезбеди медалот со сигурна победа во четврт-финалето против домашниот претставник Демирчиоглу со 2-0, по што во полуфиналето во израмнета борба загуби од актуелниот олимписки првак Сисе од Брегот на Слоновата Коска со 0-2.

Георгиевски, кој на Летните олимписки игри во Токио во 2021 година, го освои сребрениот медал во категоријата над 80 килограми, со успешниот настап на Купот во Истанбул се стекна со нови бодови за олимписка норма за Игрите во Париз в година.

The post Таеквондистот Георгиевски освои бронза на „Президент купот“ во Истанбул appeared first on Република.

Македонската таеквондистка Мила Рељиќ од клубот Тигри Скопје, викендот освои златен медал во конкуренција сениорки -62 кг на меѓународниот натпревар „Винер Израел Опен“ од Г2 серијата.

На натпреварот турнирот учествуваа повеќе од 270 натпреварувачи од 25 земји во светот меѓу кои и САД, Кореа, Индија, Бразил, Шпанија, Германија, Велика Британија…

Во својата категорија Рељиќ на патот до златото ги победи и репрезентативката на Израел, Наама Биненсток а во финалната борба со доминација ја победи и бронзената од последните Панамерикански Игри, претставничката од Еквадор Мел Мина.

Ова е прв златен медал за 19 годишната Мила, која по освоениот бронзен медал во Загреб во јуни месец годинава ја докажа својата светска класа.

Тренерот на Мила, Александар Ефтимов најавува и нови успеси, на претстојното Европското клупско првенство од 22 – 26 август во Талин, Естонија, Европското првенство за млади до 21 година кое ќе биде крајот на месец септември во Албанија, како и на Светското првенство во ноември во Мексико.

The post Злато на Израел Г2 опен за македонската таеквондистка Мила Рељиќ appeared first on Република.

Македонскиот таеквондист Дејан Георгиевски се пласира во полуфиналето на Медитерански игри во Алжир.

Медалистот од последната Олимпијада, денес во четвртфиналната борба на Игрите во Оран, во категоријата +80 кг помеѓу го победи Ахмад Мохамад од Египет со 20:18.

Македонецот против себе имаше одличен противник кој по две рунди имаше водство (14:12). Георгиевски во последната рунда влезе самоуверено и одлучно да стигне до победата и успеа во својата намера.

Претходно во текот на денот, македонската таеквондистка Сања Поповска загуби од Ашракат Дарвиш (Египет) во категоријата -57 кг. во 1/16финалето.

The post МИ 2022: Таеквондистот Георгиевски избори полуфинале appeared first on Република.

Најдобриот македонски таеквондист, Дејан Георгиевски, се закити со бронзен медал на престижниот „Гран при 2022“ во Рим, искачувајќи се на победничкиот пиедестал на најсилно рангираниот турнир во олимписко таеквондо по олимписките игри и светските првенства.

Актуелниот олимписки вицешампион, како носител во првото коло беше слободен, по што нанижа победи над Италијанецот Роберто Бота (2-1) и Маикон Сеиквира од Бразил (2-0).

Георгиевски во дуелот за пласман во финалето по неизвесна борба беше поразен од олимпискиот првак Сисе од Брегот на Слоновата коска, но го освои првиот Гран при медал во историјата на македонското таеквондо.

Георгиевски сега го очекува настап на Медитеранските игри во Алжир, по што во септември ќе настапи на Гран при турнирот во Париз, како дел од подготовките за Олимписките игри 2024 во француската престолнина.

The post Бронзен медал за Дејан Георгиевски на Гран при 2022 во Рим appeared first on Република.

Светската таеквондо федерација му го одзеде почесниот црн појас на рускиот претседател Владимир Путин поради нападот на Украина.

Повикувајќи се на своето мото „Мирот е подрагоцен од победата“, Светската теквондо федерација со седиште во Сеул ја осуди руската воена акција во Украина, велејќи дека бруталните напади на невини животи ги прекршуваат вредностите на почит и толеранција што ги негува овој спорт.

Во ноември 2013 година, претседателот на Светската таеквондо федерација, Чу Чунг-вон на Путин му врачи почесен црн појас деветти дан.

Претходно Светската џудо федерација го суспендираше Владимир Путин од улогата на почесен претседател и амбасадор на тој спорт.

The post Одземен црниот појас во таеквондо на Путин appeared first on Република.