Претседателот на Таџикистан, Емомали Рахмон, ги повика своите сограѓани да ги воспитуваат своите деца на начин што „нема да ја валка честа на таџикистанскиот народ“.

Ваквата порака на претседателот Рахмон доаѓа откако државјани на Таџикистан учествуваа во терористичкиот напад во „Крокус“ центарот во Москва, кога загинаа над 140 луѓе.

Претседателот на Русија, Владимир Путин, претходно изјави дека нарачателите на терористичкиот напад во „Крокус“ со терористичкиот напад и изборот на извршителите сакале да ја поделат Русија со предизвикување раздор на национална основа.

Путин им пораќа на граѓаните дека „не смеат да го дозволат тоа“.

The post Претседателот на Таџикистан побара воспитување на децата да „не ја валкаат честа на таџикистанскиот народ“ appeared first on Република.

По терористичкиот напад во Крокус доаѓа до одлив на мигранти од Русија кон Таџикистан.

Министерството за труд, миграција и вработување на Таџикистан соопшти дека го евидентира одливот на мигранти и добива голем број повици.

Ова не се толку поплаки за вознемирување, туку страв на нашите граѓани, паника, многумина сакаат да заминат. Сега ја следиме ситуацијата. Деновиве, повеќе луѓе доаѓаат [во Таџикистан] отколку што заминуваат“, вели заменик министерот, Шаноза Нодири.

The post По терористичкиот напад во Москва има одлив на мигранти од Русија appeared first on Република.

Таџикистан се најде во центарот на вниманието бидеќи од таму доаѓаат терористите кои извршија напад во Москва.

Ова е земја во Централна Азија опкружена со Авганистан, Кина, Киргистан и Узбекистан. Позната е по суровите планини, популарни за пешачење и качување. Планините Фан, во близина на националниот главен град Душанбе, имаат врвови покриени со снег кои се издигнуваат над 5.000 метри. Го опфаќа природниот прибежиште Искандеркулски, значајно живеалиште за птици именувано по Искандеркул, тиркизно езеро формирано од глечери.

Главен град е Душанбе а официјални јазици се таџикистански и руски.Валутата е таџикистански сомони а има 9,75 милиони жители. (2021) .

На 9 септември 1991 година, Таџикистан се прогласи за независна суверена држава додека Советскиот Сојуз се распаѓаше. По независноста се водеше граѓанска војна, која траеше од мај 1992 до јуни 1997 година. Од крајот на војната, нововоспоставената политичка стабилност и странската помош овозможија раст на економијата на земјата. Земјата е предводена од Емомали Рахмон од 1994 година, кој е на чело на авторитарен режим.

The post Каква земја е Таџикистан: Еден претседател е на власт 30 години appeared first on Република.

Таџикистан е во контакт со Москва во врска со наводната вмешаност на таџикистански државјани во терористичкиот напад во концертната сала „Крокус“, изјави денеска портпарол на таџикистанското Министерство за надворешни работи.

Тој рече дека таџикистанските власти се во близок контакт со нивните руски колеги во врска со наводната вмешаност на таџикистански државјани во синоќешниот терористички напад во московската област.

Пратеникот на руската Државна дума, Александар Хинштајн денеска изјави дека при претресот на автомобилите на осомничените за терористичкиот напад, кои беа уапсени во областа Брјанск, пронајдени се пасоши на државјани на Таџикистан, јави руската државна телевизија.

The post Таџикистан е во контакт со Москва поради наводна вмешаност на нејзини државјани во терористичкиот напад appeared first on Република.

Силен земјотрес со јачина од 7,2 степени според Рихтеровата скала утрово го погоди Таџикистан. Земјотресот е регистриран на длабочина од 10 километри, а епицентарот бил на околу 82 километри од најблиската граница со Кина.

Земјотресот беше силно почувствуван во Кашгар и Артукс во западниот дел на регионот Ксинџијанг.

🛑 Terrible visuals as strong 7.2 magnitude earthquake hits eastern #Tajikistan. Tremors also reported from #Pakistan#kyrkyzstan #tajikistan #earthquake #turkey #quake #asia #China #PakistanStandsWithTurkiye pic.twitter.com/ivoykGQbXY

— PakWeather.com (@Pak_Weather) February 23, 2023

По тој прв земјотрес следеа потреси со јачина од 6,8, 7,3, 5,0, 4,6, 4,9 степени според Рихтеровата скала. Се уште нема официјални информации за жртви или материјална штета.

На социјалните мрежи се појавуваат снимки од земјотресот, кој освен во Кина, силно се почувствува во Пакистан, Узбекистан, Авганистан и Киргистан.

The post Не е само Турција: Силен земјотрес и во Таџикистан appeared first on Република.

Киргистанскиот претседател Садир Жапаров побара од неговиот руски колега Владимир Путин да се вклучи во процесот на демаркација на границата со Таџикистан, еден месец по конфликтот меѓу двете земји, објави државното радио Биринчи.

Според Марат Иманкулов, секретар на Киргистанскиот совет за безбедност, киргистанскиот претседател се обратил до Путин и побарал помош од Русија, бидејќи, како што рече, „било комплицирано двете страни да постигнат договор“.

Дел од 970-километарската заедничка граница меѓу двете централноазиски земји е оспорен од распадот на Советскиот Сојуз, со тензии околу пристапот до ресурсите.

Во средината на септември, според властите на двете земји, во судирите во регионот Баткен во југозападен Киргистан, кој се граничи со Таџикистан, загинаа околу сто луѓе.

Проблемите со границите настанаа бидејќи прашањето за демаркација и ограничувања не беше решено во времето кога двете земји беа дел од Советскиот Сојуз. Русија е земја наследник на Советскиот Сојуз, архивските документи и мапи се во Москва - изјави Иманкулов.

Киргистан и Таџикистан се исто така членки на Организацијата на Договорот за колективна безбедност, воена алијанса предводена од Москва.

Владимир Путин, Садир Жапаров и нивниот таџикистански колега Емомали Рахмон разговараа на 13 октомври во Астана, Казахстан, на маргините на регионалните самити. Тоа беше прва средба меѓу Жапаров и Рахмон по конфликтот во септември.

По тој состанок, Путин даде уверување дека Русија не претендира на улогата на посредник, туку дека ќе „разгледа документи и мапи“ за „да бара решение“.

The post Претседателот на Киргистан бара медијација од Путин appeared first on Република.

На киргистанско-таџикистанската граница утрово имало престрелка помеѓу граничарите на двете земји, соопшти пограничната служба на Киргистан.

Според официјален Бишкек, инцидентот настанал откако киргистанските граничари зазеле позиции во неразграничениот дел и почнале да пукаат кога им било посочено да ги напуштат „борбените позиции“ долж границата.

Според руските медиуми, еден таџикистански граничар загинал, а двајца се повредени.

Во изминатите години чести се судирите долж границата на Киргистан со Таџикистан.

The post Вооружен инцидент на границата меѓу Киргистан и Таџикистан appeared first on Република.

Министерката за труд и социјална политика Јованка Тренчевска денеска се сретна со пратеничките од Парламентот на Република Таџикистан. Студиската посета  е во рамки на „Размена на добри практики за вклучување на родовата перспектива и зајакнување на улогата на жените во Парламентот на Македонија“. Средбата се одржа во Ресурсниот центар за кој министерката рече дека е особено горда бидејќи освен во нашата земја има само уште два во светот, во Мароко и Кореја.  Министeрката ги информираше пратеничките дека очекува Ресурсниот центар да прерасне во регионален центар за јакнење на  капацитетите за креирање на родови политики и родово одговорно буџетирање, на  земјите во регионот и пошироко. Таа посочи дека целта на Министерството за труд и социјална политика е да воспостави систем кој успешно ќе ги решава прашањата кои се однесуваат на родово – сензитивни теми.

Наша примарна цел е внесување на родовиот концепт во буџетските политики на Владата на Република Северна  Македонија и креирање на родово сензитивен буџет, од кој бенефит подеднакво ќе имаат и мажите и жените во Република Македонија. Родово одговорните буџети се клучни за создавање на  еднакви можности  за жените  и мажите. Единствен начин да покажеме дека нашата заложба за родова еднаквост е вистинска, а не декларативна е буџетите да станат родово одговорни“, рече министерката Тренчевска.

Пратеничките од „Алијансата на пратенички во Таџикистан“, информираа дека улогата на жената во нивното општество секојдневно се зајакнува и дека сега имаат две жени - министерки, пет градоначалнички, и 17 пратенички од  63 пратеници во парламентот.  Тие се интересираа и за бројот на вработени жени во државниот и во приватниот сектор во нашата држава,  но и за законските решеија со кои Република Македонија ја унапредува положбата на жената.

The post Тренчевска се сретна со пратенички од Република Таџикистан: Родовиот концепт во буџетските политики придонесува мажите и жените да бидат еднакви appeared first on Република.