Министерството за внатрешни работи во декември минатата година склучи договор за набавка на нови регистерски таблици и на налепници за регистрациите на кои ознаката „МК“ ќе се замени со „NМК“.

Договорот е склучен со фирмата „Квантум дооел Скопје“, а производител на табличките е германската фирма „ЕХА Хофман“.

Од Министерството за внатрешни работи велат дека согласно Рамковната спогодба за набавка на регистарски таблици, склучен е договор за нарачка со избраниот економски оператор, за што течат законските рокови за испорака на налепниците.

Согласно решението за изменување и дополнување на решението за цените на обрасците што ги издава Министерството за внатрешни работи, објавено во Службен весник на Република Македонија бр. 2 од 03.01.2024, цените на налепниците ќе се движат од 30 до 50 денари, се вели во одговорот од МВР.

Граѓаните најдоцна до 12 февруари треба да ги променат регистарските таблички и на нив да има ознака „NМК“ наместо досегашната „МК“, обврска која произлегува од Преспанскиот договор.

The post До 12 февруари регистрациите мора да се сменат со „NMK“, налепниците ќе чинат од 30 до 50 денари appeared first on Република.

Премиерот на Косово, Албин Курти на барањето на амбасадорот на САД  го одложи изрекувањето на казните за возачите на возила со српски регистарски таблички за 48 часа.

„Му благодарам на амбасадорот Ховениер за неговата посветеност и ангажман. Го прифаќам неговото барање за одложување од 48 часа во издавањето казни за нелегалните косовски (и други) регистарски таблички. Среќен сум што работам со САД и ЕУ за да се најде решение во следните два дена“, напиша Курти на Твитер.

The post Eден повик од американскиот амбасадор беше доволен Курти да се предомисли за казни за таблиците appeared first on Република.

Косовскиот премиер Албин Курти за 48 часа го одложи спроведувањето на втората фаза од одлуката за српските регистарски таблички на северот на Косово, којашто предвидуваше изрекување казни.

Барањето за одложување од 48 часа го упатија САД.

Амбасадорот на САД преку социјалните мрежи објави дека му предложил на косовскиот премиер да се одложи за 48 часа спроведувањето на изрекувањето на казните за возачите на возила со српски регистарски таблички на северот на Косово.

Косовскиот премиер Албин Курти преку Твитер објави дека го прифатил одложувањето, наведувајќи дека е „подготвен да работи на изнаоѓање решение во следните два дена со САД и ЕУ“.

Курти му се заблагодари на американскиот амбасадор во Косово Џефери Ховениер за неговата посветеност и рече дека ја прифатил понудата.

The post Курти го одложи изрекувањето на казните за 48 часа на предлог на амбасадата на САД appeared first on Република.