СВР Велес поднесе кривична пријава Ј.Ф.(24) од Кавадарци поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.

На 16.03.2024, полициски службеници извршиле претрес во домот на пријавениот, при што биле пронајдени и одземени марихуана, таблети МДМА и пари.

The post Дома му нашле марихуана, таблети и пари: Уапсен дилер од Кавадарци appeared first on Република.

Вчера во 04.00 часот во Меморијалниот центар во с.Пелинце, општина Старо Нагоричане, полициски службеници од Отсекот за недозволена трговија со дрога и оружје при СВР Куманово ги лишиле од слобода Д.К.(29) и А.П.(22), двајцата од Куманово, затоа што кај нив биле пронајдени кокаин, хероин и таблети.

Д.К. и А.П. биле приведени во полициска станица и по целосно документирање на случајот против нив ќе следува соодветна пријава.

The post Кокаин, хероин и таблети најдени во Куманово, приведени се двајца appeared first on Република.

Мобилен тим спречи шверц на 3590 таблети „трамадол“ откриени во личен багаж на еден патник при контрола на автобус на граничен премин Табановце.

Во моментот кога автобусот е ставен на мобилен скенер, при што секој од патниците го извадија својот личен багаж надвор од автобусот, патникот се обиде да го искористи моментот и ја фрли торбата преку жичаната ограда на царинскиот терминал Табановце. Во ова е воочен од страна на еден од инспекторите, при што веднаш беше тргнат на детална контрола. Во неговиот личен багаж, во ракави на блузи, ногавки на фармерки и во чорапи се откриени вкупно триста педесет и девет ленти со по десет апчиња Дорета коишто содржат 75 мг Трамадол хидрохлорид.

Случајот инаку е откриен на излез од државата, а автобусот сообраќал на редовна линија Македонија - Данска. Против патникот, инаку македонски државјанин е поднесена соодветна пријава.

The post Спречен шверц на 3.590 таблети „трамадол“ при контрола на автобус appeared first on Република.

Спречена нелегална трговија на 4 тона апчиња и гел за орална употреба за потенција во вредност од 41,7 милиони денари ризични по здравјето на граѓаните, откако царински инспектори од Секторот за контрола и истраги при детален преглед на стоката утврдија дека фирмата која ja внела стоката во државата нема важечко решение за вршење промет на големо со лекови и медицински средства. Воедно стоката е лек кој не е регистриран во Регистарот на лекови што го води Агенцијата за лекови и медицински средства на Република Македонија и е различно декларирана.
Поради постоење сомневање дека пријавениот сторил кривично дело за нелегална трговија, што е казниво по член 277 од Кривичниот законик, стоката е запленета, а против правното лице ќе биде поднесена соодветна кривична пријава до Основно јавно обвинителство Скопје.

Запленети се 48 илјади кутии Орал Џели односно 100 мл гел за орална употреба Камагра, 10.530 ленти со 100 мг таблети Камагра и 7.000 кутии со 100 мг и 150 мг таблети Ценфорце.

Царинската управа го штити здравјето на граѓаните преку обезбедување сигурен и безбеден трговски синџир на лекови, спречувајќи трговија со лекови во државата коишто не се одобрени од Агенцијата за лекови.
Во оваа насока, ќе продолжиме да дејствуваме против нелегална трговија која претставува опасност за нашите граѓани. Притоа, работиме во тесна соработка со Агенцијата за лекови и медициски средства, како и со останатите гранични институции со цел зајакнување на граничната безбедност.

The post Запленети 4 тона апчиња и гел за потенција во вредност од 41,7 милиони денари ризични по здравјето на граѓаните appeared first on Република.

СВР Штип поднесе кривична пријава против В.Т.(39) од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“.

Во октомври 2022 година, пријавениот со посредство на негов другар, набавил повеќе таблети бупренофин, по што ги ставал во прехрамбени продукти, а потоа неговата мајка преку брза пошта ги испраќала во Канзено-поправната установа Затвор Штип, каде што издржувал затворска казна.

Таблетите биле пронајдени при контрола на затворската полиција.

The post Мајка му испраќала таблети бупренофин на синот во затвор преку брза пошта appeared first on Република.

Полициски службеници од Полициската станица за граничен премин и граничен надзор Белановце при Регионалниот центар за гранични работи Север на 25 февруари 2023 во 19.15 часот, ги привеле Р.А.(64) од липковско Лојане и С.Р.(54) од Куманово.

Како што денеска соопштија од МВР, кај липковското село Злокуќане, при обид за илегален излез од Македонија, полициски службеници извршиле контрола на патничко возило опел корса со кумановски регистарски ознаки, управувано од Р.А., во кое сопатник бил С.Р., при што биле пронајдени и одземени 190 кутии со по 500 таблети „далерон“, без соодветна документација.

Тие биле задржани во полициска станица и со нив бил извршен службен разговор. За настанот бил известен Јавен обвинител, а по негово целосно документирање ќе следи соодветен поднесок.

The post Спречен шверц на таблети „далерон“ appeared first on Република.

Европската унија одлучи да купи вакцини и антивирусни таблети за борба против мајмунски сипаници, вирус кој е ендемичен во Африка и вообичаено редок на други места, изјави денеска координаторот за вакцини во Шведска, Ричард Бергстром.

„По неколку состаноци, беше одлучено да ги купиме вакцината и антивирусни табети“, изјави координаторот.

Како што е најавено, ЕУ ќе купува вакцини „Имванек“ од Баваријан Нордик и антивирусни таблети „Тековиримат“ од Сига Технолоџис.

Бергстром изјави дека ЕУ се уште нема потпишано договор со ниту една компанија.

„Но, ќе го направиме тоа наскоро.Треба да имаме готов договор за една недела, а можеби и ограничени испораки во јуни“, рече тој.

The post ЕУ ќе купи вакцини и таблети против мајмунски сипаници appeared first on Република.