Претседателот Стево Пендаровски денеска ја прими македонската машка кадетска ракометна репрезентација, по освоеното прво место на ЕХФ шампионатот (до 18 години) месецов во Латвија.

Претседателот Пендаровски упати честитки за одличната тимска игра, истакнувајќи дека импресионира патот до шампионската титула без ниту еден пораз и фактот што во идеалниот тим на шампионатот се избрани четворица македонски репрезентативци.

Горди сме што кадетската репрезентација со супериорниот триумф ја продолжува традицијата на одлични резултати во македонскиот ракомет, како еден од нашите најуспешни спортови, рече претседателот Пендаровски пред македонските репрезентативци.

На средбата претседателот Пендаровски на кадетите им посака натамошни успеси, откако со триумфот на ЕХФ шампионатот во Латвија обезбедија место на кадетското светско првенство 2023 година и на младинското европско првенство 2024 година. 

The post Претседателот Пендаровски ги прими ракометните кадети по триумфот на ЕХФ шампионатот во Латвија appeared first on Република.

Македонската женска ракометна репрезентација до 18 години го претрпе вториот пораз на Светското јуниорско првенство кое се одржува во Скопје, откако попладнево загуби од Германија со 34-21 во разигрувањето за пласман од 9 до 12 место.

По поразот од Исланд кој ги остави без пласман во четвртфиналето, избраничките на селекторот Љупчо Савевски немаа сили да се вратат на победничките патеки и доживеаја висок пораз.

Во завршниот натпревар на Мундијалот во Скопје противник на македонските ракометарки утре ќе биде Хрватска, а победникот ќе се пласира на 11 место.

The post Јуниорките поразени од Германија, ќе разигруваат за 11. место appeared first on Република.