ФИФА не му дозволи на украинскиот претседател Володимир Зеленски преку видео-порака да се обрати пред денешното финале на Светското првенство во фудбал во Катар. Неговата администрација критикуваше ФИФА дека одбила да покаже видео порака од претседателот на стадионот Лусаил.

Видеото, кое е снимено на англиски, имало за цел да биде „повик за мир“, се вели во писмената изјава за Си-Ен-Ен во саботата од претседателскиот кабинет на Украина.

„Катар ја поддржа иницијативата на претседателот, но ФИФА ја блокираше иницијативата и нема да дозволи видео-обраќањето на претседателот да биде прикажано пред финалниот натпревар“, се вели во соопштението.

Претседателската канцеларија на Украина, исто така, соопшти дека сама ќе ја објави видео-адресата доколку ФИФА не ја емитува, и рече дека нивната одлука да го блокираат ќе покаже дека „ФИФА го изгубила своето драгоцено разбирање за фудбалот – како игра што ги обединува нациите, наместо поддршка на постоечките поделби“.

Светското раководно тело на фудбалот ФИФА направи се за да ги задржи политичките пораки надвор од својот репрезентативен турнир во Катар, првата земја од Блискиот Исток која некогаш била домаќин на настанот, пренесува SPORTM.mk

Во снимката испратена до Си-Ен-Ен, Зеленски вели дека фудбалот треба да го обедини светот и повикува на „Светско првенство, но не и светска војна“.

„Ова Светско првенство уште еднаш докажа дека различни земји и националности можат да одлучат кој е најсилен во фер играта, но не во играта со оган, на зелениот терен, не на црвеното бојно поле“, вели претседателот на Украина во видеото.

Украинскиот претседателски кабинет изјави за Си-Ен-Ен дека била информирана дека ФИФА ја сметала пораката премногу политичка и соопшти дека во петокот испратила копија од текстот на обраќањето до седиштето на ФИФА во Швајцарија.

„Нема ништо политичко во обраќањето на претседателот што му дава политичка боја на спортскиот настан, имено нема субјективни оценки, политички сигнали и уште повеќе нема обвинувања“, соопштија од претседателскиот кабинет, додавајќи дека „се уште има време ФИФА да исправете ја грешката“.

„ФИФА не треба да се плаши дека ќе се слушнат зборови за мир на светскиот фудбалски празник, кој е олицетворение на мирот“, рече Зеленски во изјавата.

The post Зеленски лут на ФИФА – не му дозволи да се обрати пред вечерашното финале во Катар appeared first on Република.

Успешниот настап на Светското првенство во Катар и освоениот бронзен медал на хрватската фудбалска репрезентација ѝ донесоа заработка од 51.5 милиони евра.

Хрватска втор Мундијал по ред се искачи на пиедесталот и по среброто на завршниот турнир 2018 во Русија заврши третопласирана во Катар совладувајќи го вчера Мароко во малото финале со 2-1.

Само оваа победа на Фудбалската федерација на Хрватска ѝ донесе заработка од 26 милиони евра, додека Мароко за четвртото место ќе инкасира дополнителни 24 милиони евра.

Второпласираната репрезентација на СП ќе инкасира 30 милиони евра, додека светскиот првак ќе заработи 40 милиони евра.

Финалето на Мундијалот 2022 меѓу актуелниот светски првак Франција и Аргентина е на програмата попладнево од 16 часот во Лусаил.

The post Хрватска заработи над 51 милион евра appeared first on Република.

Хрватска вторпат во историјата го освои бронзениот медал на Светско првенство. Фудбалерите на Хрватска ја совлада селекцијата на Мароко во натпреварот за 3. место на Светското првенство 2022 година во Катар со резултат 2:1.

Сите голови беа постигнати во првото полувреме. За Хрватска погодија Јошко Гвардиол (7. минута) и Мислав Оршиќ (42. минута). Гвардиол со 20 години и 328 дена стана најмладиот стрелец во историјата на Хрватска на Мундијалите.

Единствениот погодок за Мароко го постигна Ашраф Дари во 9. минута.

Репрезентацијата на Хрватска освојува медал на второ Светско првенство во низа. На Светското првенство 2018 година, тимот загуби во финалето од Франција (2:4).

The post Хрватска ја освои бронзата на Светското првенство appeared first on Република.

Првата ѕвезда на репрезентацијата на Бразил, се огласи во јавноста еден ден по елиминацијата од Хрватска во четфртфиналето на СП во Катар.

Бразил беше елиминиран од Хрватска на пенали, иако водеше со 1:0 со гол даден во последната минута од првото продолжение и тоа преку Нејмар.

Но, Коцкестите успеаја да израмнат во 117-та минута преку Бруно Петковиќ, по што победникот мораше да се одлучи во пенал рулетот. Во него, херој беше голманот на Хрватите, Доминик Ливаковиќ кој го одбрани ударот на Родриго, а по промашувањето на Маркињос, Коцкестите се пласираа во полуфиналето.

„Психички сум уништен, ова сигурно беше поразот кој најмногу ме повреди, ме парализираше на десет минути, а потоа ме натера да плачам. За жал, ова ќе ме боли долго време. Се боревме до крај, горд сум на моите соиграчи бидејќи не недостигаше ниту труд, ниту посветеност. Заслуживме да победиме, но тоа не беше Божја волја. Вредеше секоја жртва, да се почувствува посветеноста на сите на теренот. Ти благодарам Господе за сè, ти ми даде се и не можам да се пожалам за ништо. Само сакам да се заблагодарам што се грижиш за мене. Секоја чест и слава се твои“, напиша Нејмар.

 

View this post on Instagram

 

A post shared by NJ 🇧🇷 (@neymarjr)

The post Нејмар: Поразот ме парализираше, ќе ме боли уште долго време appeared first on Република.

Актуелниот светски првак Франција ја совлада Англија со 2-1 во возбудлив меч за да се пласира во полуфиналето на фудбалскиот Мундијал во Катар.

Орелиен Чуамени во 17-та и Оливие Жиру во 78-та минута беа стрелци за триколорите, додека капитенот Хари Кејн од пенал во 54-та минута го постигна единствениот погодок за Гордиот албион.

Токму Кејн пропушти прилика да го израмни резултатот во завршницата од мечот, кога во вториот пенал за Англија биеше преку голот во 84-та минута.

Франција е првиот бранител на трофејот што успеа да се пласира во полуфиналето на Мундијалот по Бразил во 1998 година.

Франција во полуфиналето ќе се сретне со Мароко, кој претходно денеска беше подобар од Португалија со 1-0. Во второто полуфинале ќе се соочат Аргентина и Хрватска.

Полуфиналните дуели се играат во вторник и в среда.

The post Кејн промаши пенал, Англија се збогува од медал – Франција со Мароко во полуфинале appeared first on Република.

Репрезентацијата на Франција е третиот учесник во четвртфиналната фаза на Светското фудбалско првенство 2022. „Триколорите“ попладнево во Доха во осминафиналето ја победија Полска со 3:1.

Стрелци на головите за Франција беа Оливие Жиру во 44. минута и Килијан Мбапе во 75. минута и 90+1 минута. Роберт Левандовски во 90+9. минута ги постави конечните 3:1.

Од 20 часот вечер во Ал Хор во осминафиналето ќе се соочат Англија и Сенегал.

Победникот од овој дуел ќе биде противник на Франција во четвртфиналниот натпреварот закажан за 10 декември.

Французите ја бранат шампионската титула освоена пред четири години на СП во Русија.

The post Франција преку Полска до четвртфиналето appeared first on Република.

Селекторот на фудбалската репрезентација на Србија, Драган Стојковиќ Пикси, најави дека останува на должноста и покрај неуспехот да го однесе тимот во нокаут фазата на Светското првенство во Катар.

Србија го заврши настапот на Мундијалот со пораз синоќа од Швајцарија (2-3) со само еден бод зад Бразил, Швајцарија (4) и Камерун (4) во групата Г.

– Сигурно дека ова не е резултат на кој се надевавме, но имајќи ги предвид сите проблеми кои ги имавме од доаѓањето на турнирот со повредени играчи и недоволна физичка подготвеност, очигледно тоа беа преголеми проблеми за нас. Играчите се бореа колку што можеа, дадоа сè уште од себе, но за ова ниво на натпреварување тоа не е доволно, изјави Стојковиќ.

Одговарајќи на новинарско прашање дали останува на селекторската клупа, Стојковиќ беше дециден дека не размислува за оставка.

– Секако дека останувам, во март ги почнуваме квалификациите за Европското првенство. Сакаме да се најдеме на тоа натпреварување по пауза од 24 години. Ќе бидам далеку по задоволен доколку сите мои играчи бидат здрави, рече Стојковиќ.

The post Пикси: Останувам селектор на Србија appeared first on Република.

Со завршното коло во групите Г и Х комплетирани се осумте осминафинални парови на Светското првенство во Катар.

Распоред на одигрување на натпреварите од осминафиналето:

Сабота, 3 декември:

16.00 Холандија – САД (Калифа Интернешнл)

20.00 Аргентина – Австралија (Ахмад бин Али)

недела, 4. декември:

16.00 Франција – Полска (Ал Тумама)

20.00 Англија – Сенегал (Ал Бајт)

понеделник, 5. декември:

16.00 Јапонија – Хрватска (Ал Џануб)

20.00 Бразил – Јужна Кореја (974)

вторник, 6. декември:

16.00 Мароко – Шпанија (Едјукејшн Сити)

20.00 Португалија – Швајцарија (Лусаил).

Четвртфиналето е на програмата на 9 и 10 декември, по што следуваат полифиуналните дуели, на 13 и 14 декември.

Натпреварот за третото место ќе се игра 17 декември од 17 часот на стадионот „Калифа Интернешнл, додека финалето е на 18 декември во Лусаил од 16 часот.

The post СП2022: Комплетирани осминафиналните парови appeared first on Република.

Германската репрезентација по 2. коло на Светското првенство 2022 година го зазема последното место во групата Е. Избраниците на Ханс-Дитер Флик вечерва одиграа нерешено 1:1 со Шпанија.

Мората ги доведе Шпанците во водство во 62. минута, резултатот го израмни Филкруг во 83. минута.
Лидер на табелата во оваа група е Шпанија со 4 бода, Јапонија и Костарика имаат по 3, Германија е последна со само 1 бод.

Во последното коло Шпанија ќе се соочи со Јапонија, додека Германија ќе игра натпревар против Костарика. Двата натпревари се закажани за 1 декември.

Сите четири репрезентации се со шанси за пласман на едно од првите две места и учество во осминафиналето.

The post СП 2022: Германија последна во Групата откако одигра нерешено со Шпанија appeared first on Република.

Селекторот на хрватскиот национален тим, Златко Далиќ, беше задоволен од победата над Канада, а им се заблагодари и на Македонците за поддршката која им ја даваат на Коцкестите за време на Мундијалот.

Македонски новинар му кажа на Далиќ дека Хрватска има голема поддршка во нашата земја, а тој се заблагодари.

„Благодарам Македонија за поддршката која ни ја давате“ – рече Далиќ.

Далиќ истакна и дека не се видел со канадскиот селектор после мечот.

„Не се појави, не ми честиташе. Очигледно господинот е лут. Јас сум учен секогаш да му честитам на противникот ако ме победи. Квалитетен тренер е, но уште мора да

учи што е пристојност и спортска култура“ – рече Далиќ.

The post Далиќ: Благодарам Македонија за поддршката која ни ја давате appeared first on Република.

Репрезентацијата на Хрватска ја совлада Канада со 4-1 во меч во рамките на Светското првенство во фудбал кое се игра во Катар. Хрватите направија крупен чекор кон осминафиналето. Во еуфорија од добрата игра на неговиот тим, канадскиот селектор рече дека ќе ја е*ат Хрватска. Но наместо тоа загубија со убедливи 4-1.

Ѕвездата на овој меч за Хрватите беше Андреј Крамариќ кој постигна два гола, по мечот тој им се заблагодари на Канаѓаните за дополнителната мотивација.

„Сакам да им се заблагодарам на Канаѓаните за мотивацијата. Хрватска покажа кој кого ќе е*е“, изјави Крамариќ по мечот.

По победата над Канада, на Хрватска ѝ е доволен и бод против Белгија за пласман во осминафиналето.

The post Крамариќ: Хрватска покажа кој кого ќе е*е! appeared first on Република.

Талибанците заработија милиони на Светското првенство со обезбедување градежна опрема за изградба на стадион во Катар, тврди британски Телеграф.

Високи талибански функционери користеле пари што ги добиле од мировните преговори за купување, а потоа изнајмувале машини за изградба на инфраструктура во изминатата деценија, им рекол извор од талибанската канцеларија во Доха.

Голем контингент на талибанско раководство живее во Доха, главниот град на Катар, од 2013 година, каде што се вклучени во долготрајните мировни преговори со САД и ОН.

„Талибанците инвестираа многу во изградбата на Светското првенство и турнирот им беше златна патка. Тие беа платени со милиони“, тврди извор кој живеел во Доха во деценијата пред талибанците да го преземат Авганистан, во 2021 година.

„Некои членови на талибанците имаа меѓу шест и десет големи машини во Доха и заработуваа до 10.000 фунти по машина месечно“.

Два различни високи талибански извори опишаа како службениците добивале профитабилни стипендии за живеење во земјата за време на мировните преговори, кои потоа биле инвестирани во тешка градежна механизација.

Телеграф пишува дека катарските власти, со одобрение на САД и ОН им плаќале на членовите на политичката канцеларија на талибанците во Доха месечен надоместок во вредност од илјадници фунти, како дел од напорите за олеснување на мировните преговори со Западот. На официјалните лица кои го посетија им се обезбедени и луксузни теренски возила, бесплатна здравствена заштита и редовна достава на храна.

Нема индикации дека катарските власти извршиле незаконски постапки или некаква вмешаност во градежните аранжмани на талибанците, пишува Телеграф.

Повеќе извори велат дека талибанскиот посредник од Доха, Хаџи Ахмад Џан, поранешен министер за нафта и рудници на Авганистан меѓу 1996 и 2001 година, го надгледувал изнајмувањето на машините на градежните компании одговорни за изградба на стадиони и инфраструктура за Светското првенство. Телеграф го контактираше за коментар, но сè уште нема одговор.

Наводните врски на талибанците со изградбата на стадиони за Светското првенство, иако не се несоодветни или незаконски, покренуваат дополнителни прашања за турнирот поврзан со бројни контроверзии и наводи за злоупотреба на трудот.

The post Талибанците заработија милиони од Светското првенство во Катар appeared first on Република.

Првиот голман на мароканската селекција, Боно, пред натпреварот со Белгија на сП во Катар ја испеја химната на својата земја, а потоа го напушти теренот. Мароканскиот тренер Валид Реграги на прес-конференцијата по натпреварот ја откри причината за смената на голманот во последен момент.

„Тој доби удар на натпреварот против Хрватска. Се обидовме, чекавме до последен момент. Пред почетокот на натпреварот тој дојде и рече дека не се чувствува добро. Беше искрен и тоа значеше дека можам да направам промени и дај му можност на Мунир, кој одигра одлично“, изјави Реграги.

https://republika.mk/sport/fudbal/kade-ischezna-bono-marokancite-go-smenija-golmanot-po-intoniranjeto-na-himnata/

The post Удар во глава е причината за „исчезнувањето“ на мароканскиот голман appeared first on Република.

Ретко кој забележа дека Мароко го замени чуварот на мрежата непосредно пред почетокот на натпреварот против Белгија на Светското првенство во Катар.

Иако на теренот додека се интонираше химната на Мароко беше голманот Боно, чуварот на мрежата на Севиља, само неколку секунди подоцна беше заменет од Мунир, кога имаше тимска фотографија.

Боно побара промена на само минута пред почетокот на натпреварот, па Мунир мораше да скокне без никакво загревање…Според информациите Боно се пожали дека не му е добро (последица од натпреварот со Хрватска) и не го играше мечот.

Ретко се гледаат ваквите ситуации, но сè е според прописите…

Мароканците успеаја на крајот да триумфираат и запишат големи три бода против Белгијците (2:0).4

https://twitter.com/BBCMOTD/status/1596858437370974208?ref_src=twsrc%5Etfw%7Ctwcamp%5Etweetembed%7Ctwterm%5E1596858437370974208%7Ctwgr%5Eb7a2939e88cfdd23f87525d9e9e5759978a17426%7Ctwcon%5Es1_&ref_url=https%3A%2F%2Fwww.slobodenpecat.mk%2Ffoto-kade-ischezna-bono-marokancite-go-smenija-golmanot-po-intoniranjeto-na-himnata%2F

The post Каде исчезна Боно – Мароканците го сменија голманот по интонирањето на химната appeared first on Република.

Франција со убедливи 4-1 ја победи Австралија на стартот од Светското првенство, погледите беа вперени во Оливие Жиру кој со два гола се израмни со Тјери Анри по бројот на погодоци за француската репрезентација.

Оливие Жиру постигна два од четирите гола на Франција против Австралија и дојде до 51 погодок за националниот тим, исто колку што има и Тјери Анри. Само тие двајца имаат постигнато 50+ погодоци.

Напаѓачот на Милан уште на овој Мундијал има шанси да стане најдобар стрелец во историјата на Франција.

Мечот почна шокантно, Австралија поведе со гол на Гудвин во деветата минута од натпреварот. Но тоа беше се што направија Австралијците.

Израмнувањето стигна во 27. минута кога по нафрлување од Тео Ернандез, Рабио погоди со глава за 1-1.

Пет минути подоцна Рабио ја имаше улогата на асистент, додаде до Жиру кој постигна гол за комплетен пресврт и водство на Франција од 2-1. Со тој резултат се замина на одморот.

Во 68. минута по асистенција од Дембеле, Килијан Мбапе даде гол за 3-1, веќе беше јасно кој ќе биде победникот на овој натпревар.

Само три минути потоа по додавање од Мбапе, Жиру даде гол за конечна победа на Франција од 4-1.

Извор: 24фудбал

The post Франција лесно ја победи Австралија appeared first on Република.

Големиот германски синџир на супермаркети REWE одлучи да ја прекине соработката со Фудбалската федерација на Германија (DFB), поради прифаќањето на забраната од ФИФА за носење капитенски ленти на Светското првенство во Катар во боите на виножито.

Германската компанија, како што порача нејзиниот директор Лионел Суке, се дистанцира од одлуката на ФИФА да им забрани на фудбалерите да носат капитенски ленти со натписот „Една љубов“.

– Ние се залагаме за диверзитет, а и фудбалот е диверзитет. Ставот на ФИФА е скандалозен за мене како директор на една шаренолика компанија и како навивач. Целосно неприфатлива, рече Суке.

Германија беше една од седумте европски репрезентации кои најавија дека нивните капитени ќе носат лента со натписот „Една љубов“, но се повлече од намерата по заканите од ФИФА за санкции со жолти картони за играчите.

The post Германија загуби важен спонзор поради прифаќањето на забраната на ФИФА за капитенските ленти appeared first on Република.

Шефот на американската дипломатија Ентони Блинкен ја критикуваше денеска ФИФА, која им се закани на фудбалерите со санкции на Светското првенство во Катар доколку носат капитенски ленти во бои на виножито како промоција на различностите и инклузијата.

Блинкен на конференција за новинари со катарскиот колега во Доха рече дека „секогаш е загрижувачки кога сме сведоци на какви било ограничувања на слободата на изразување“.

-Особено е така кога станува збор за изразување поддршка на различностите и инклузијата. Мислам дека никој на фудбалскиот терен не би требало да биде принуден да избира меѓу поддршка на тие вредности и настап за својата репрезентација, истакна Блинкен.

Неговата реакција доаѓа откако ФИФА вчера ги предупреди репрезентациите на СП дека нивните играчи ќе бидат санкционирани со жолти картони доколку капитени носат на раката капитенска лента со натписот „Една љубов“ (One love).

Седум европски репрезентации – Англија, Велс, Белгија, Холандија, Данска, Швајцарија и Германија, најавија таков чекор, но се откажаа по заканите од ФИФА.

The post Капитенските ленти во бои на виножито, Блинкен ја критикува ФИФА appeared first on Република.

Претседателот на Србија, Александар Вучиќ, се надева дека нашиот северен сосед ќе стигне до четврт-финалето на СП во Катар и посакува таму да се сретне против Хрватска.

„Не знам дали ќе успееме или не, но ќе одиме на победа. И во таа спортска смисла, фудбалски, гордоста се врати на нацијата. Би сакал во четврт-финалето да се сретнеме со Хрватска која е одлична репрезентација. Бидејќи во осминафиналето ќе одиме на Уругвај или Португалија ако ја поминеме групата со Швајцарија, Бразил и со Камерун, можеме да одиме на Хрватска во четврт-финалето и тоа би било големо дерби. Имаат фантастична репрезентација, стари, искусни, сите мајстор до мајстор. Но, мислам дека во овој момент сме за нијанса посилни. Би сакал да го видам, тоа би бил одличен натпревар“ изјави денеска Вучиќ во телевизиско гостување.

Ако Хрватска и Србија ги минат групите од различни позиции, можат да се сретнат во четврт-финалето, но ако групите ги поминат од исти позиции, средбата е можна само во финалето.

The post Вучиќ се надева на четврт-финале Србија – Хрватска на СП appeared first on Република.

Светското првенство во Катар официјално е отворено. Снимките и фотографиите од големата церемонија го обиколија светот, а главна ѕвезда беше маскотата, лик облечен во традиционален арапски бел вел.

Нејзиното официјално име е Лаееб, а на почетокот на оваа година Катар ја разјасни идејата околу тој симбол.

Преводот на името на маскотата од арапски би бил „многу надарен играч“. Тој, според Фудбалскиот сојуз на Катар, доаѓа од паралелна маскота-универзум кој не може да се опише и сите што го гледаат Светското првенство се поканети да протолкуваат како точно изгледа Лаееб и на што ги потсетува. Мотото на маскотата е „Се се случува сега“, а идејата е да се поттикнат сите да веруваат во себе.

„Лаееб е храбар и смешен лик“

Лаееб треба да биде познат низ целиот свет по неговата љубопитност, испитувачки дух и самодоверба. Неговата мисија е да „шири радост“ и среќа преку фудбалот, единствениот глобален спорт. Тој е особено задолжен за младите навивачи кои сега ќе го гледаат своето прво Светско првенство.

„Сигурни сме дека навивачите ширум светот ќе го сакаат овој забавен и храбар лик. Лаееб ќе игра многу важна улога во нашите напори да им овозможиме на навивачите од сите возрасти најдоброто можно искуство на Светското првенство“, рече Калид Али Ал Мавлави, еден од раководните лица од комисијата за организација на Мундијалот.

The post Дали знаете како се вика маскотата на Светското првенство и што значи? appeared first on Република.

Организаторите на Светското првенство во фудбал во Катар потврдија дека се продадени речиси 1.2 милиони билети во првиот извештај за продажбата за необичниот Мундијал, кој ќе се оддржи во ноември и декември.

Главниот организатор, Хасан Ал-Тавади, тврди дека постои „рекордна“ заинтересираност за првото Светско првенство кое ќе се оддржи на Блискиот Исток. Според организаторите имало повеќе од 40 милиони барања за билети во првите две фази на онлајн продажба на билети. Вкупно ќе бидат продадени 2 милиони билети, а дополнителни 1 милион ќе бидат доделени на ФИФА и на спонзорите.

СП со 32 репрезентации ќе се оддржи на осум стадиони во и околу престолнината Доха, со што ќе има посебен притисок на инфраструктурата на малата земја. Катар вети 130.000 соби во хотели и апартмани, како и невообичаени 1.000 традиционални шатори во пустината.

The post Продадени 1.2 милиони билети за Мундијалот во Катар appeared first on Република.