Откако Хрватска го освои третото место на Светското првенство во Катар, сао победата против Мароко со 2:1, хрватскиот стопер Дејан Ловрен, предизвика скандал во новинарската микс зона, каде што навреди неколку припадници на седмата сила, пренесува „Јутарњи“.

Ловрен претходно помина покрај насобраните новинари кои побараа изјава од него, на што тој одговори:

Сега Лука Модриќ ќе ви даде изјава“.

Откако Ловрен помина, новинарот од Слободна Далмација, Фране Вулас се насмеа. Кога го слушна тоа, Ловрен се врати и го почна своето „шоу“.

Кој се смее?! Каков начин е ова, ти си против, ти се смееш, ни се потсмеваш. Не си среќен поради ова. Не, не си горд. Ти си еден од ретките кои нè плукаа од почеток и не веруваа!“, извика тој.

Кога новинарот му кажа дека не е баш така, Ловрен продолжи:

Сега се потсмеваш, смрдеж еден! Ти и оваа госпоѓа“.

Присутните новинари се обидоа да го смират.

Ти велам, не се однесувај така, нема смисла да кажуваш такви зборови пред 30 луѓе...“, му порачаа на Ловрен

На тоа, фудбалерот одговори:

Па, кога тоа е вистината“

По таквата расправија, пред новинарите излезе и портпаролот на ХНС Томислав Пачак, кој им се извини за однесувањето на Ловрен.

The post Ловрен по натпреварот ги навредуваше хрватските новинари: Смрдежи, сега тука се потсмевате appeared first on Република.

Селекторот на аргентинската фудбалска репрезентација, Лионел Скалони, зборуваше за финалето на Светското првенство во Катар, во кое Аргентина ќе игра против Франција.

Францускиот тим не е само Мбапе. Во нивниот ростер има многу, многу опасни играчи. Килијан е млад и сè уште може да се развива како играч. Веќе решив како ќе играме против нив. Останува само уште еден тренинг. Нашата идеја е да му задаваме проблеми на противникот, а ние да бидеме изложени на опасност што помалку, изјави Скалони.

Финалниот натпревар на Мундијалот во Катар ќе се одигра в недела со почеток во 16 часот.

Во малото финале, Хрватска го победи Мароко со 2:1, со што го освои бронзениот медал на Мундијалот.

The post Скалони не крие: Веќе решив како ќе играме против Франција appeared first on Република.

Лука Модриќ играше на сите седум натпревари за Хрватска на Светското првенство 2022.

Триесет и седумгодишниот играч за врска се најде во почетниот состав на „коцкестите“ во денешниот меч со Мароко за третото место на Мундијалот во Катар.

Претходно, само голманите Питер Шилтон (1990) и Дино Ѕоф (1982) забележаа седум настапи на исто Светско првенство на возраст од 37+ години.

На тој начин, играчот од средниот ред на Реал Мадрид стана прв играч кој не е голман, кој играл на сите седум натпревари на турнирот на возраст од 37 или повеќе години.

The post Модриќ прв играч кој ги одиграл сите седум натпревари на Светското првенство на возраст од 37+ appeared first on Република.

По поразот во полуфиналето од Франција, Хаким Зијеш, играчот кој на оваа средба ја носеше капитенската лента на Мароко, ќе донира се што заработил со настапот на Светското првенство

Како што објави новинарот, Калед Бејдун, Премиите на Зијеш изнесуваат околу 304.000 евра, а тие средства ќе бидат донирани на луѓе во Мароко на кои им е потребна помош.

The post Зијеш ќе ги донира сите премии заработени на Мундијалот appeared first on Република.

По натпреварот од полуфиналето на Светското првенство во Катар во кој Франција го победи Мароко со 2:0, првата француска ѕвезда, Килијан Мбапе, јавно упати утешни зборови за својот соиграч од ПСЖ, Ашраф Хакими.

Немој да бидеш тажен, брате, сите се гроди на тоа што го направивте, создадовте историја, порача Мбапе на Твитер, споделувајќи фотографија од нив двајцата во прегратка по натпреварот.

https://twitter.com/KMbappe/status/1603168463870042114

Мароко постигна историски успех станувајќи првата африканска репрезентација што успеала да влезе во полуфинале на еден Мундијал, а Ашраф и неговите соиграчи може да го надополнат тој успех со освојувањето на бронзата во натпреварот за третото место, што ќе го играат против Хрватска в сабота.

The post Немој да си тажен брате, создадовте историја: Мбапе со порака до Ашраф по мундијалското полуфинале appeared first on Република.

Поранешниот селектор на македонската фудбалска репрезентација, Игор Ангеловски, за „Спорт1“ го коментира успехот на хрватската репрезентација на Светското првенство во Катар.

Ангеловски ја опишува еуфоријата што владее во Хрватска деновиве. Тој вели дека Хрватите имаат огромна почит кон својата држава и кон репрезентацијата, дека сè е подредено на хрватската репрезентација и дека сите се надеваат дека ќе дојдат и до финале и до златото.

Каде е силата на Хрватска? Во заедништвото, во тоа што се семејство. Се знае дека Лука Модриќ е лидер, иако во соблекувална е еднаков меѓу еднаквите, сепак го има главниот збор, но тоа што јас многупатии сум го кажувал, дека кога еден Бекенбауер, Пандев зборуваат – сите треба да молчат. Е, слушајќи го Модриќ еве до каде дојде Хрватска. Има пет титули со Реал во Лига на шампиони, Брозовиќ во Интер и е еден од најдбрите последни играчи за врска, Ковачиќ беше во Реал сега во Челси, Перишиќ беше во Интер сега во Тотнем, Гвардиол е одличен, Јурановиќ од Селтик...

 

Хрватите прво вложија во терени со хибридна подлога, која нуди феноменални услови за игра, направија многу помошни терени за да може многу млади таленти да се развиваат, а величенствен е тој извоз на екстра талентирани играчи, вели Ангеловски.

Повеќе на „Спорт1“.

The post Ангеловски: Кога зборува еден Бекенбауер или Пандев сите треба да молчат, a слушајќи го Модриќ еве до каде дојде Хрватска appeared first on Република.

Дописничката на ЕСПН и радио програмата Перос де Кале, аргентинската новинарка Софија Мартинез известувала во живо од Светското првенство во Катар кога ѝ пришол катарски милионер и ја поканил во своето луксузно Ламборгини.

Притоа, на едно од автомобилските седишта имало црна кутија со мала верзија на трофејот од Светското првенство.

„Дали е за мене? прашала Софија, а богаташот ѝ одговорил: „Да, твое е“.

Кога ја отворила кутијата, Софија видела мобилен телефон вреден најмалку 1.000 евра.

https://twitter.com/perroscalleok/status/1598305216805347335?ref_src=twsrc%5Etfw%7Ctwcamp%5Etweetembed%7Ctwterm%5E1598305216805347335%7Ctwgr%5E9fa14ecec84900f6cdac2acb1cced8f33b90ab5f%7Ctwcon%5Es1_&ref_url=https%3A%2F%2Fulica.mk%2Fd0bad0b0d182d0b0d180d181d0bad0b8-d0bcd0b8d0bbd0b8d0bed0bdd0b5d180-d0bfd0bed0b2d0b8d0bad0b0-d0bdd0bed0b2d0b8d0bdd0b0d180d0bad0b0-d0b2%2F

Новинарката го прифатила подарокот, но многумина ја предупредиле дека тоа не требало да го направи тоа, бидејќи, како што тврдат, зад сѐ се крие намерата на богатиот Катарец.

Инаку, Софија е во врска со новинарот Диего Леука, кој исто така деновиве е во Катар, од каде известува за првенството.

The post Катарски милионер покани новинарка во неговото Ламборгини и ѝ подари вреден пакет appeared first on Република.

Селекторот на репрезентацијата на Холандија, Луи Ван Гал, пред четврт-финалниот дуел на Светското првенство против Аргентина, изјави дека присуството на Лионел Меси во аргентинскиот тим, може да биде предност за Холандија.

Меси е најопасниот фудбалер на светот, способен да создаде многу а шанси, а во исто време е и брилијантен стрелец“ – вели Ван Гал.

Сепак, 71-годишниот холандски стручњак, во исто време потенцира дека седумкратниот освојувач на Златната топка е и слаба точка на аргентинската селекција.

Кога Аргентина ќе ја загуби топката, тој не работи многу. Не помага во одбраната и на тој начин, во дефанзива Аргентина всушност е со играч помалку на теренот. Тоа е наша шанса“ - вели стратегот на Холандија.

The post Ван Гал: Меси е нашата шанса, за Аргентина тој е играч помалку на теренот appeared first on Република.

Репрезентацијата на Хрватска е на добар пат на Светското првенство во Катар да го повтори успехот од минатиот Мундијал, кога играше во финалето. Откако ја совладаа Јапонија на пенали, Хрватите во четврт-финалето го очекуваат Бразил, но освен случувањата на теренот, мечевите на Хрватска предизвикуваат голем интерес и со случувањата на трибините.

Причина за такво нешто е хрватската манекенка Ивана Кнол, која од трибините се појавува во многу провокативна облека, во препознатливиот „коцкест“ дезен.

Со таквата облека, Ивана го предизвикува вниманието на сите присутни на стадионите, кои постојано ја и се фотографираат со неа, но истовремено ги предизвикува и им пркоси на строгите правила за облекување што се на сила во Катар.

The post Жешка поддршка за „коцкестите“: Ова е хрватската навивачка која ги предизвикува правилата за облекување во Катар appeared first on Република.

Репрезентацијата на Германија не успеа да се пласира во осминафиналето на Светското првенство во Катар. Германците славеа против Костарика со 4:2, но тоа не им беше доволно затоа што на вториот натпревар од групата, Јапонија ја победи фаворизираната Шпанија со 2:1.

Тој резултат е уште поизненадувачки со оглед на тоа што Шпанците први дојдоа во водство уште во 11 минута, по што го одржуваа тоа водство до полувремето. Сепак, на почетокот на вториот дел, во само три минути, односно во периодот од 48 до 51 минутам Јапонците постигнаа два гола и направија целосен пресврт.

Овој јапонски триумф, не само што значи пласман на „самураите“ во осминафиналето, туку тоа го прават и како првопласирани во групата со шест бодови. Шпанците завршија втори со четири бодови, колку што освоија и Германците, но „црвената фурија“ има подобра гол разлика.

Со ваквиот расплет во групата Е, во осминафиналето Шпанија ќе игра против Мароко, додека Јапонија ќе излезе на мегдан против Хрватска.

The post Шпанија „ѝ пушти“ на Јапонија, Германија елиминирана appeared first on Република.

Репрезентацијата на Хрватска се пласира во осминафиналето од Светското првенство во Катар, откако во третото коло од групата Ф, одигра 0:0 против Белгија.

Со овој резултат, Хрватите, со пет бодови ја завршија групната фаза на второто место, зад Мароко кој славеше против Канада со 2:1 и во осминафиналето оди како прв со седум бодови.

Зад нив останаа фаворизираната Белгија со четири и Канада без бодови.

„Коцкестите“ беа подобар противник во првото полувреме, кога целосно ја контролираа играта, но натпреварот потполно „се отвори“ во вториот дел кога Белгија ги стави во игра своите најголеми ѕвезди, како Ромелу Лукаку и браќата Торган и Еден Азар, кои на Мундијалот допатуваа со физички проблеми.

„Црвените ѓаволи“ притиснаа и вршеа опсада на хрватскиот гол до самиот крај, но Лукаку пропушти неколку стоотстотни шанси, а еднаш ја погоди и рамката од голот.

The post Хрватска ја преживеа Белгија за пласман во осминафиналето на Мундијалот, „коцкестите“, сепак, завршија зад Мароко appeared first on Република.

Репрезентативецот на Бразил, Ентони, сподели бизарна причина зошто повеќе играчи од неговата репрезентација се разболеле за време на Светското првенство во Катар.

Пред натпреварот од второто коло, неколкумина од редовите на „кариоките“ се жалеа на настинка, а Ентони обвинува дека климатизерите на стадионите биле причина за разболувањето на повеќето играчи.

Ентони на првите два меча на бразилската селекција, против Србија и Швајцарија, ги почна од клупа и влегуваше во вториот дел на натпреварите.

Се чувствувам доста чудно неколку денови, сега добро се опоравувам и наскоро ќе бидам 100%. Станува повеќе збор за мала настинка, грип. Мислам дека виновни за тоа се климатизерите на стадионите. Тоа не беше случај само кај мене, исто беше и кај неколку други играчи. Беше тешко да прифатам дека сум болен, но сега е добро, јас сум на располагање на селекторот за кога и да му затребам на тимот“, изјави Ентони.

The post Ентони даде бизарна причина зошто голем број негови сограчи настинале на СП во Катар appeared first on Република.

Фудбалерите на Саудиска Арабија со два гола за пет минути направија целосен пресврт против Аргентина и по водството на „гаучосите“ на полувреме, поведоа со 2:1 против големиот фаворит.

Огромна радост за Саудијците донесоа Ал Шехри и Ал Давсари, кои со удари од косо од левата страна го совладаа аргентинскиот голман, Мартинез.

Претходно, Аргентинците, во првото полувреме целосно доминираа а поведоа со голот од пенал на Меси во 10 минута.

Потоа, до полувремето, на Аргентина и беа поништени три голови поради офсајд.

The post Аргентинците загубени на теренот: Саудиска Арабија со целосен пресврт води против „гаучосите“ appeared first on Република.

Светското првенство во Катар во 2022 година ќе биде единствено и по многу нешта различно од претходните натпреварувања и ќе се одржи во најмалата земја домаќин досега.

„Фудбалската магија“ на Катар ќе ги надмине сите претходни Светски првенства и ви пренесуваме 10 клучни бројки пред почетокот на смотрата на најдобрите.

Организацијата на Светското првенство во Катар ќе чини, според извештајот на „Front Office Sport“, неверојатни 220 милијарди евра, што е пет пати повеќе од последните седум турнири заедно. Вкупните трошоци го урнаа рекордот што претходно го држеше Бразил, каде организацијата на Мундијалот чинеше 15 милијарди евра.

Катар изгради шест целосно нови стадиони, од кои секој има ултра модерен климатизиран систем за заштита на навивачите и играчите од жештината, а само изградбата на стадионот Ал Бајт (капацитет од 60.000) чинеше три милијарди евра, три пати повеќе од стадионот „Стад де Франс“ во Париз, кој е изграден за потребите на СП во 1998 година.

Освен стадиони, Катар реализираше и големи други инфраструктурни проекти, изградба на аеродром, три подземни железници и сосема нов град – Лусаи, кој има хотели, терени за голф и луксузна марина, а овие трошоци се исклучени од проценката на вкупните трошоците за турнирот.

Сите стадиони се наоѓаат во радиус од 55 километри од главниот град Доха, а тоа беше клучниот аргумент што го презентираше катарската влада во обидот да биде домаќин на првенството, наведувајќи дека сите објекти се лесно достапни.

Именуван по бројот на рециклирани бродски контејнери користени во неговата изградба, Стадионот 974, со капацитет од 40.000 седишта, ќе биде демонтиран по Светското првенство и повторно ќе се состави за да биде домаќин на спортски настани на друго место, иако следната дестинација сè уште не е позната.

Вкупно 3,2 милиони билети се достапни за турнирот, од кои една третина ќе оди кај спонзорите и превозниците, а според бројките на ФИФА, продажбата на билети достигнала 2,89 милиони евра до 17 октомври. Земјите кои купиле најголем број се редоследно: Катар, САД, Саудиска Арабија, Велика Британија, Мексико, ОАЕ, Аргентина, Франција, Бразил и Германија.

Во средината на октомври, катарските власти соопштија дека примиле меѓу 1,5 и 1,7 милиони апликации за Hayya картички, кои вообичаено се потребни за пристап до стадионите и бесплатниот јавен превоз. Иако бројката е помала од трите милиони навивачи кои присуствуваа на Светското првенство во Русија, ова секако ќе биде голем логистички предизвик за Катар, земја со само три милиони жители.

Недостигот на сместувачки капацитет во Катар значи дека вкупно 168 чартер летови ќе превезуваат навивачи од соседните земји секој ден од Светското првенство, вклучувајќи 60 дневни летови од Дубаи, 48 од Оман, 40 од Ријад и Џеда и 20 од Кувајт Сити. Во меѓувреме, Ер Франс привремено ќе ги обнови летовите од Париз до Доха за првпат по 27 години, со три до шест летови неделно.

За уживање на Мундијалот во Катар потребно е да се издвојат во просек по 6.000 евра за покривање на трошоците за превоз, сместување и билети, што е два до три пати повеќе од буџетот што беше потребен за следење на Мундијалот во Русија.

Организаторите на турнирот наведуваат дека Катар на крајот ќе профитира од организацијата на ова натпреварување близу девет милијарди евра, а бројката се базира на проценката на Катар за трошоците за организација на настанот. Организацијата на Светското првенство во Русија во 2018 година на оваа земја и донесе профит од 12,5 милијарди евра.

За време на Светското првенство во Катар, во атмосферата ќе бидат испуштени 3,6 милиони тони ЦO2, но од невладините велат дека оваа бројка е многу поголема и дека организаторот се обидува да ја сокрие вистинската проценка на овие податоци.

Според извештајот на Гардијан, повеќе од 6.500 работници од Индија, Пакистан, Непал, Бангладеш и Шри Ланка загинале за време на изградбата на инфраструктурата за Светското првенство, што започна во 2010 година.

The post Светското првенство низ бројки: Катар подготвува спектакл што ќе ги надмине сите досегашни Мундијали appeared first on Република.

Италијанецот Даниеле Орсато ќе го суди првиот натпревар на Светското првенство во Катар кое почнува утре, објави ФИФА. Натпреварот меѓу домаќинот Катар и Еквадор ќе се игра на стадионот Ал Бајт со почеток во 17 часот.

Со своите 46 години, Орсато е еден од најискусните судии на меѓународната сцена.

Со знакот на ФИФА суди од 2019 година, а на последното Европско првенство ја делеше правда на три натпревари.

На клупска сцена последен голем меч што госудеше беше дуелот од Лигата на шампионите меѓу Лајпциг и Реал Мадрид.

The post Италијанецот Даниеле Орсато ќе го суди отворањето на Мундијалот во Катар appeared first on Република.

Шест француски градови најавија бојкот на Светското првенство во 2022 година во Катар, пренесува „Ge.globo“, повикувајќи се на Градскиот совет на Париз.

Според спортскиот портал, Париз, Марсеј, Лил, Стразбур, Ремс и Бордо нема да организираат гледање натпревари во живо и други настани за фудбалскиот Мундијал.

Оваа одлука е протест на градските лидери против Катар како земја домаќин на Светското првенство во 2022 година.

Мундијалот во Катар ќе се игра од 20 ноември до 18 декември. Франција е во Д-групата заедно со Австралија, Данска и Тунис.

The post Ќе го игнорираат Мундијалот: Париз, Марсеј и уште четири француски градови најавија бојкот на СП во Катар appeared first on Република.

Катар потроши околу 208 милијарди евра за организација на Светското првенство во 2022 година. Оваа сума е 17 пати поголема од Мундијалот во Русија во 2018 година.

Пред четири години Русија потроши околу 13 милијарди евра за организација на Светското првенство.

Во 2014 година, Бразил потроши околу 17 милијарди евра, а во 2010 година Јужна Африка инвестираше приближно 4 милијарди евра.

Директорката за комуникации на турнирот Фатма Ал Нуаими објасни како Катар ги потрошил парите.

– Светското првенство е дел од националниот проект за развој на Катар до 2030 година. Ова е широка владина стратегија насочена кон интензивен развој на градовите, индустријата и различните капацитети низ државата, како и развој на образовниот и здравствениот систем. Сумата од околу 208 милијарди евра која често се поврзува со Светското првенство е всушност дел од оваа амбициозна стратегија за националниот развој и модернизација на Катар. Повеќето од големите инфраструктурни проекти од кои тимовите и навивачите ќе имаат корист во 2022 година, како што се нови патишта, метро, ​​аеродром, хотели и други туристички објекти, беа планирани уште пред да ни биде доделено правото да бидеме домаќини на Светското првенство – соопшти Ал Нуаими.

Светското фудбалско првенство во Катар ќе се игра од 20 ноември до 18 декември.

The post Катар потроши за Мундијалот вртоглави 208 милијарди евра appeared first on Република.

Светската фудбалска федерација (ФИФА) потврди дека Мундијалот во Катар ќе почне еден ден порано од предвиденото, односно на 20 ноември со мечот меѓу Катар и Еквадор. Ваквата одлука ФИФА реши да ја донесе и да го поместат почетокот на Светското првенство (СП) затоа што сакаат церемонијата и воведниот меч да го направат како посебен настан.

Средбата меѓу Катар и Еквадор ќе се игра в недела, 20 ноември со почеток од 19 часот по локално време, додека мечот меѓу Холандија и Сенегал ќе се одигра на 21 ноември од 19 часот.

Оваа промена ќе обезбеди и продолжение на долгогодишната традиција според која првиот меч на Мундијалот го игра домаќинот.

The post ФИФА го помести датумот, СП ќе почне ден порано appeared first on Република.

ФИФА ја отфрли жалбата поднесена од Чиле и потврди дека репрезентацијата на Еквадор останува меѓу учесниците на Мундијалот во Катар коешто ќе се игра во ноември и декември.

Чилеанската фудбалска федерација минатиот месец соопшти оти поседува докази дека Еквадор во јужноамериканските квалификации, наводно, користел играчи, кои не ги исполнуваат условите.

Во жалбата на Чиле поднесена ФИФА се наведува дека еквадорскиот репрезентативец Бајрон Кастиљо е роден во колумбискиот град Тумака во 1995 година, а не во градот Генерал Виљамил Плајас во Еквадор, во 1998 година, како што стои во негови официјални документи.

По анализа на доставените акти од сите заинтересирани страни и разгледување на предочените елементи, дисциплинската комисија на ФИФА одлучи да ја затвори постапката против Еквадорскиот фудбалски сојуз - се наведува во соопштението на ФИФА

The post ФИФА сепак одлучи дека Еквадор ќе игра на СП во Катар appeared first on Република.

Руската фудбалска федерација соопшти дека ќе поднесе жалба до Судот за спортска арбитража (КАС) во Лозана, откако руската репрезентација беше исфрлена од претстојниот мундијалски бараж, како и од сите други меѓународни натпреварувања.

Руската фудбалска репрезентација требаше на домашен терен на 24 март да ја пречека Полска во полуфиналеето од баражот за Светското првенство во Катар.

ФИФА и УЕФА на 28 февруари донесоа одлука за суспензија на руските репрезентации и клубови, како одговор на случувањата во Украина.

The post Руската фудбалска федерација ќе се жали на суд за суспензијата од ФИФА и УЕФА appeared first on Република.