Репрезентацијата на Шпанија е првиот финалист на Светското фудбалско првенство за жени. Шпанските фудбалерки денес во полуфиналето забележаа победа над Шведска со 2:1.

Трите гола паднаа во последните 15-ина минути од натпреварот одигран во Оукленд. Најпрво Салма Парајуело во 81. минута и донесе водства на Шпанија, Швеѓанките изедначија преку Ребека Блонквист во 88. минута. Победничкиот гол го постигна Олга Кармона Гарсија во 90. минута.Шпанија за прв пат во својата историја ќе игра финале на Светско првенство.

Во второто полуфинале утре од 12 часот во Сиднеј ќе се соочат ко-домаќинот на Мундијалот Австралија и Англија.

The post Шпанија во финалето на СП ќе игра против Австралија или Англија appeared first on Република.

Репрезентациите на Шведска и на Холандија се пласираа во четвртфиналето на Светското фудбалско првенство за фудбалерки што се одржува во Нов Зеланд и Австралија.

Ова е епилогот по денешните два осминафинални натпревара.

Најпрво во Сиднеј, Холандија ја совлада репрезентацијата на Јужна Африка со 2:0, а потоа Шведска на пенали ја елиминира селекцијата на САД која беше бранител на трофејот.

Во четвртфиналето противник на Швеѓанките ќе биде Јапонија, додека Холанѓанките ќе се соочат со репрезентативките на Шпанија

The post Шведска и Холандија растураат на женскиот мундијал appeared first on Република.

Се разгорува Светското првенство за жени во Австралија и Нов Зеланд. Покрај тоа што уживаат во вештините на теренот, фудбалерките пленат и со својата убавина. Кои се најубавите и најатрактивните...? Тоа не е лесен избор.

Алиша Леман - швајцарска репрезентативка е висока 165 сантиметри. Ги брани боите на Астон Вила. Таа има повеќе од 14.000.000 следбеници на Инстаграм, што е најмногу во светот на женскиот фудбал. На неколку избори беше избрана за најубава фудбалерка на светот.

Сакина Каршауи – Игра за Пари Сен Жермен и француската репрезентација. Потекнува од Мароко. Почнала да игра фудбал во соседството со момчињата. Таа пред ПСЖ ги бранеше боите на Мирамас, Монпеље и Лион. Таа играше за галските петли на Олимписките игри во Рио во 2016 година.

Алекс Морган – Таа најдобрите фудбалери на овој век, ги брани боите на Сан Диего, а Светското првенство во Австралија и Нов Зеланд ќе и биде последното големо меѓународно натпреварување.

Кики ван Зантен

Убавата Јамајканка игра за Нотр Дам. Таткото и е Американец со холандско потекло, додека мајката е од Јамајка. Минатата година дебитираше во жолто-зелениот дрес, а Светското првенство и е прво големо натпреварување.

The post Поради овие фудбалерки вреди да го гледате Светското првенство appeared first on Република.

Одиграни се последните натпревари во групната фаза на Светското првенство за фудбалерки на кое последни патници во осминафиналето се репрезентациите на Мароко и Колумбија.

Во нивниот меѓусебен дуел Мароко попладнево триумфираше со 1-0 што беше резултат кој и двете репрезентации ги однесе во нокаут фазата.

Групата фаза не успеа да ја мине двократниот светски првак Германија, откако одигра само нерешено 1-1 против Јужна Кореја.

Осминафиналето на СП кое се одржува во Австралија и Нов Зеланд стартува в сабота со дуелите меѓу Шпанија – Швајцарија и Јапонија – Норвешка.

Во преостанатите дуели, од недела до вторник, ќе играат Холандија – Јужна Африка, САД – Шведска, Англија – Нигерија, Австралија – Данска, Колумбија – Јамајка и Франција – Мароко.

The post Сензација: Германија испадна од женското СП appeared first on Република.

Организаторите на Светското првенство за фудбалерки соопштија денеска дека досега се продадени околу 650.000 влезници за натпреварите кои ќе се играат ова лето од 20 јули до 20 август во Австралија и Нов Зеланд.

До почетокот на женскиот Мундијал остануваат уште 100 денови, а организаторите наведоа дека се на добар пат да продадат 1.5 милиони билети.

- Нашата мисија е оваа година да го организира најголемото и најдоброто Светско првенство во историјата, изјави генералната секретарка на ФИФА, Фатма Самура.

Во ФИФА изразија надеж дека над 100.000 навивачи ќе ги следат двата воведни натпревари на првиот ден од Мундијалот, кога ќе играат Нов Зеланд - Норвешка, на стадион со капацитет од 50.000 седишта во Оукленд, и Австралија - Република Ирска, во Сиднеј на стадион со капацитет од 83.500 седишта.

The post Летово имаме Светско фудбалско првенство за жени appeared first on Република.