Светска банка денеска соопшти дека Бордот на извршни директори ја разгледал новата стратегија за соработка со  Македонија 2024-2028 во која фокусот ќе биде ставен на зајакнување на конкурентноста на земјата, развивање на човечкиот капитал и зајакнување на отпорноста на климатските промени.

Стратегијата ја истакнува потребата за Македонија да го поттикне растот во создавање на повеќе работни места во контекст кој продолжува да се потпира на микро и мали претпријатија со ограничен пристап до вештини и финансии потребни за иновации и раст на сѐ поконкуретни домашни, регионални и глобални пазари. Немањето доволно можности за динамични работни места ја поттикнува имиграцијата, ги продлабочува демографските предизвици и го попречува подобрувањето на продуктивноста, се вели во соопштението од Светска банка.

Според директорот на Канцеларијата на Светска банка за Македонија и за Косово, Масимилиано Паолучи, за да се одржи развојот на Македонија, приоритет е создавањето на привлечни работни места, особено за младите, а за тоа треба да се создадат услови за приватниот сектор да биде двигател за раст и за создавање работни места.

Стратегијата, како што се посочува во соопштението, предвидува и обновени напори за промовирање на поголема поврзаност на земјава со регионалните и глобалните пазари за да се олесни трговијата и пристапот кон Европската унија.

За спроведување на Стратегијата, Светска банка планира да обезбеди околу 700 милиони евра за финансирање во следните пет години, придружено со советодавни програми и техничка помош.

Стратегијата потврдува дека поттикнувањето на растот и создавањето нови работни места ќе бара дополнителни реформи за подобрување на конкурентноста. Таа ќе поддржи насочени интервенции во областите на одговорност на јавните институции и фискална одржливост за подобрување на квалитетот на испораката на јавните услуги. Стратегијата, исто така, ќе го поддржи преминот кон почисти извори на енергија, имајќи предвид дека Македонија во моментов се потпира на високо загадувачки лигнит и нафта за 70 отсто од своите енергетски потреби и за проширување на климатски отпорна инфраструктура за да се ублажи влијанието на поплави, лизгање на земјиштето и шумски пожари, велат од Светска банка.

Зелената транзиција, се посочува во соопштението, ќе добие значителен поттик и од зголемената поддршка од Меѓународната финансиска корпорација (ИФЦ), членка на Групацијата Светска банка.

Регионалниот директор за Западен Балкан при ИФЦ, Никола Маркие смета дека е потребно вклучување на приватниот капитал во инвестирање во обновлива енергија и енергетска ефикасност, за да се одржи траекторијата на одржлив развој на Македонија.

Бордот на извршни директори на Светска банка минатата недела одобри и два нови инвестициски проекти за земјата – за подобрување на социјалните услуги во износ од 27,5 милиони евра и 31 милион евра за Проектот за надградба и развој на патиштата којшто треба да помогне во подобрување на транспортната поврзаност долж делницата од Коридор VIII, меѓу Скопје и Деве Баир.

The post Светска банка планира да одвои околу 700 милиони евра за спроведување на новата стратегија за соработка со Македонија appeared first on Република.

Македонската економија годинава ќе забележи раст од 2,5, а во 2025 од 2,9 отсто, прогнозира Светска банка во јануарскиот извештај за глобалните економски перспективи.

Во регионот на Западен Балкан, највисок раст годинава ќе има Косово 3,9 (4,0% во 2025), Албанија 3,2 (3,2% во 2025), Црна Гора 3,2 (3,1% во 2025), Србија 3,0 (3,8% во 2025), БиХ 2,8 (3,4% во 2025), Хрватска 2,7 (3,0% во 2025) и Бугарија 2,4 проценти (3,3% во 2025).

Светска банка во извештајот оценува дека во 2023 година економиите во Западен Балкан беа засегнати од намалената надворешна побарувачка, последиците од војната во Украина, зголемената инфлација и од цените на енергенсите и храната. Дополнително влијание, како што се наведува, има и одложувањето на реформите поврзани со пристапувањето во ЕУ.

Според Светска банка, глобалниот економски раст во 2024 година ќе продолжи да се забавува и ќе биде 2,4 отсто, што е помалку од 2,6 проценти во 2023, 3,0 отсто во 2022 и 6,2 во 2021 година.

Се очекува Еврозоната годинава да постигне раст од 0,7 отсто, што е скромно подобрување во однос на минатогодишните 0,4 отсто.

Американската економија, пак, во 2024 година ќе го забави растот од 2,5 на 1,6 отсто, а кинеската од 5,2 на 4,5 отсто.

Во прогнозата се наведува и дека глобалната стапка на инфлација ќе падне од ланските 5,3 отсто на 3,7 отсто во 2024 и на 3,4 отсто во 2025 година.

The post И Косово не претрка: Македонска економија годинава со раст од 2,5 проценти, прогнозира Светска банка appeared first on Република.

Македонската економија годинава ќе забележи раст од 2,5, а во 2025 од 2,9 отсто, прогнозира Светска банка во јануарскиот извештај за глобалните економски перспективи.

Во регионот на Западен Балкан, највисок раст годинава ќе има Косово 3,9 (4,0% во 2025), Албанија 3,2 (3,2% во 2025), Црна Гора 3,2 (3,1% во 2025), Србија 3,0 (3,8% во 2025), БиХ 2,8 (3,4% во 2025), Хрватска 2,7 (3,0% во 2025) и Бугарија 2,4 проценти (3,3% во 2025).

Светска банка во извештајот оценува дека во 2023 година економиите во Западен Балкан беа засегнати од намалената надворешна побарувачка, последиците од војната во Украина, зголемената инфлација и од цените на енергенсите и храната. Дополнително влијание, како што се наведува, има и одложувањето на реформите поврзани со пристапувањето во ЕУ.

Според Светска банка, глобалниот економски раст во 2024 година ќе продолжи да се забавува и ќе биде 2,4 отсто, што е помалку од 2,6 проценти во 2023, 3,0 отсто во 2022 и 6,2 во 2021 година.

Се очекува Еврозоната годинава да постигне раст од 0,7 отсто, што е скромно подобрување во однос на минатогодишните 0,4 отсто.

Американската економија, пак, во 2024 година ќе го забави растот од 2,5 на 1,6 отсто, а кинеската од 5,2 на 4,5 отсто.

Во прогнозата се наведува и дека глобалната стапка на инфлација ќе падне од ланските 5,3 отсто на 3,7 отсто во 2024 и на 3,4 отсто во 2025 година

The post Светска банка предвидува раст на македонската економија од 2.5 отсто, Koсово се развива подобро од нас appeared first on Република.

Светска банка ќе обезбеди заем во вредност од 93,8 милиони евра за Македонија, со цел зајакнување на фискалната позиција и финансискиот сектор во земјата, како и поддржување на нејзината зелена транзиција.

Како што соопштија од Светската банка, новото финансирање во рамките на Операцијата за развојна политика на одржливост и отпорност на Македонија, одобрена од страна на Бордот на директори на Светска банка, е во согласност со макроекономските приоритети на земјава, според Фискалната стратегија 2024-2028 и Програмата за економски реформи 2023-2025 на Владата.

Македонија, како и други земји во Европа, се соочува со континуирани инфлаторни притисоци, што ги оптоварува јавните финансии во услови на монетарно затегање и зголемени трошоци за задолжување. Со оваа поддршка, наша цел е да обезбедиме брзи финансиски средства за зајакнување на фискалната одржливост, истовремено поддржувајќи ги неопходните климатски реформи и енергетската транзиција на земјата, вели Масимилиано Паолучи, директор на Канцеларијата на Светка банка за Македонија и Косово.

Новата операција на Светска банка ги поддржува напорите за намалување на зависноста од фосилни горива на Македонија преку подобрена енергетска ефикасност во јавниот сектор, зголемени инвестиции во обновливи извори на енергија и подобро собирање на податоци во врска со изложеноста на банкарскиот сектор на климатските ризици.

Во соопштението се посочува дека реформите може да ѝ помогнат на земјата во привлекување на околу 45 милиони евра приватни инвестиции за обновлива енергија, вклучително и инсталација на соларни панели, до 2026 година.

-Соработувавме заедно со меѓународните партнери за да се осигуриме дека нашата поддршка на политики и техничка помош се комплементарни и усогласени со агендата за пристапување кон Европската унија. Се надеваме дека оваа соработка ќе ја зајакне посветеноста на Владата за реформи во здрави макроекономски политики и стабилност на финансискиот сектор, навела Сања Маџаревиќ Шујстер, виш економист за Западен Балкан при Светска банка.

Заемот од Светска банка се состои од единечна транша за повлекување од 93,8 милиони евра со рок на доспевање од 11 години, вклучувајќи 4,5 години грејс период, стои во соопштението.

The post Светска банка ќе даде заем од 93,8 милиони евра за макроекономски и климатски реформи во Македонија appeared first on Република.

Во изминативе неколку години беше постигнат натамошен значаен напредок во зајакнување на финансискиот сектор. Беше донесен Закон за финансиска стабилност со кој на Народната банка и се даде макропрудентен мандат, а истовремено се поставија механизми за зајакната координација помеѓу сите финансиски регулатори, како и зајакната рамка за следење на системските ризици.

 

Исто така, беше донесен и нов Закон за решавање на банки, а тековно се работи на подзаконска регулатива која произлегува од овој закон. Со цел соодветно вградување на ризиците од климатските промени во банкарскиот систем беше донесена првата Национална стратегија за зелени финансии, а беше подготвен и циркулар за банките.

 

За сите овие активности Светската банка обезбеди значајна поддршка.

Ова беше заеднички констатирано на состанокот помеѓу гувернерката на Народната банка, Анита Ангеловска-Бежоска и нејзиниот тим со делегацијата на Светската банка, предводена од потпретседателката за Европа и Централна Азија, Антонела Басани, директорката за Западен Балкан, Шаочинг Ју, како и директорот за Македонија и Косово, Масимилијано Паолучи, при што беше изразена благодарност од двете страни за досегашната соработка и изразена надеж и заложба за продолжување на успешните релации.

Посетата на потпретседателката за Европа и Централна Азија, Антонела Басани беше во рамки на активностите за одбележување на триесет години на партнерство на земјава со Светската банка.

Во изминатите три децении Светската банка претставува значаен партнер на Народната банка, во развојот на капацитетите и градењето на функционалната рамка за воспоставување и одржување на макроекономската стабилност. Соработката помеѓу двете институции ќе продолжи и во идниот период, особено преку понатамошното јакнење на макропрудентната рамка, подготовка на подзаконски акти со цел операционализација на Законот за решавање банки, унапредување на платежната сфера, како и справување со предизвиците од климатските промени.

The post Гувернерката на НБРМ на средба со Светска банка: Народната банка ќе продолжи со успешно спроведување на реформите во финансискиот сектор appeared first on Република.

Од ВМРО-ДПМНЕ реагираат дека премиерот Димитар Ковачевски ветуваше просечен годишен раст на БДП од 5%, а годинава според извештајот на Светска Банка ќе завршиме со најнизок економски раст во регионот со само 1,8%.

Ковачевски и СДС зборуваа за инфлација од 5,6% инфлација, а Светска Банка прогнозира двојно повисока.

 

Очигледно дека извештајот на Светска Банка е најдобриот демант за сите лаги кои ги пушта владата на ДУИ и СДС. ПОразителен е фактот кој го потенцира Светската Банка, дека Македонија ќе има најнизок раст, највисок дефицит и огромна инфлација.

 

Ова се резултатите од катастрофалната економска политика на ДУИ и СДС. Народот во Македонија 4 пати побрзо ќе осиромашува, затоа што кај нас цените на основните продукти се 4 пати повеќе поскапени, за разлика од растот на цените во Европа. Затоа црните прогнози за до крајот на годината велат дека над 600 илјади граѓани ќе живеат во сиромаштија, а најмалку 80 илјади лица ќе бидат во екстремна сиромаштија со само 60 денари на ден.

 

Само политичари без срам, какви што се овие во владата, на вакви економски параметри може да речат дека македонската економија блеска. За доброто на Македонија оваа власт треба да замине час поскоро. Секој ден со оваа власт стопанството ќе тоне, а народот ќе осиромашува, велат од ВМРО-ДПМНЕ.

The post Ковачевски ветуваше 5% раст на БДП годишно, а годинава ќе завршиме со мизерни 1,8% – убедливо најлош економски ефект во регионот appeared first on Република.

Извештајот на Светската Банка за Македонија е „шамариште„ за владата на Ковачевски. Беа потопени сите лаги на ДУИ и СДС дека македонската економија цвета.

Извештајот на Светска Банка ја отсликува реалноста дека Македонија е на економското дно во регионот, позади сите други земји. Според Светската Банка за 2023 година ќе имаме убедливо најнизок раст на БДП од само 1,8%, двојно понизок од Црна Гора, Косово и Албанија, oбвинува ВМРО-ДПМНЕ

Во исто време буџетскиот дефицит ќе се зголемува што значи дека ќе расте и долгот, а високата инфлација од 9,1% ќе продолжи да го уништува стандардот на граѓаните. Патем и Светската Банка, како и ММФ претходно, ги демантираа шарените лаги на владата и прогнозираат инфлација повисока за дупло повеќе од тоа што го прогнозираат неспособната власт.

Оваа инфлација е резултат на задоцнетите мерки на власта и истото е нотирано од страна на овој извештај. Да потсетиме дека само пред некој ден беше презентирана проекција според која постои опасност до крајот на годината 600 илјади граѓани да западнат во сиромаштија, а дури 80 илјади граѓани се во екстремна сиромаштија само со 60 денари на ден. Затоа се повеќе граѓани купуваат производи на парче, затоа се поголеми се редиците пред пекарите за бајат леб.

Тотално фијаско доживува македонската економија со оваа власт на Ковачевски. Што побрзо си заминат, толку подобро за македонското стопанство, за македонскиот работник и општо за граѓаните. Нивната неспособност е епска и тоа предизвикува катастрофални последици.

The post Светска Банка ѝ влепи шлаканица на власта: За Македонија предвидува најмал раст на БДП во регионот appeared first on Република.

Економскиот раст на Македонија годинава ќе биде 1,8 отсто, во 2024 ќе изнесува 2,5, а во 2025 година ќе се зголеми на 2,9 проценти. Инфлацијата, пак, во 2023 ќе се задржи на ниво од 9,1 процент, за во наредната година да се намали на три, а во 2025 на два отсто, прогнозира Светска банка во најновиот извештај за економските показатели на земјите од Европа и Централна Азија.

СБ оценува дека среднорочните економски изгледи на земјава се позитивни, но остануваат ризиците.

Растот во 2023 година се очекува скромно да се зголеми до 1,8 отсто, како одраз на забавувањето на надворешната побарувачка и постојаната криза на трошоците на живот, делумно неутрализирани од влијанието на изградбата на автопат. Растот се очекува умерено да се забрза на среден рок поради порастот на јавните инвестиции, закрепнатата потрошувачка и извоз. Се предвидува дека годишната инфлација ќе остане на ниво од 9,1 отсто во 2023 година, но долгорочно да се намалува до 2 отсто во 2025 година, се наведува во извештајот за земјава.

СБ забележува дека остануваат и натаму основните ризици кои во голема мера ќе зависат од економската состојба во земјите кои се најголеми трговски партнери и продолжувањето на процесот на пристапување во ЕУ, што може да ги забрза критичните реформи.

Сепак, зголемената политичка неизвесност и продолжениот парламентарен ќор-сокак поради недостаток на консензус за уставни измени, како и претстојните избори може да ја одложат имплеметацијата на реформите. Конечно, политичките проблеми носат ризик и за фискалната одржливост и инфлацијата, што ќе бара дополнително монетарно затегнување, кое, пак, може дополнително да ги ограничи опциите за финансирање и да ја забави економската активност, оценува СБ.

Банката прогнозира дека целиот регион на Западен Балкан годинава ќе забележи раст од 2,5 проценти, за разлика од лани кога изнесуваше 3,2 отсто.

Највисок економски раст во 2023 година ќе има Црна Гора од 4,8 проценти, потоа Албанија 3,6 проценти, Косово 3,2 проценти, Хрватска 2,7 проценти, Босна и Херцеговина 2,2 проценти, Србија, 2 проценти и Бугарија 1,4 проценти.

The post Само Бугарија е полоша од нас: Македонската економија годинава со раст од 1,8 проценти appeared first on Република.

 Светската банка денеска соопшти дека политиките насочени кон зајакнување на социјалното вклучување на лезбејките, хомосексуалците, бисексуалците, трансродовите и интерсексуалните (ЛГБТИ) луѓе би можеле да помогнат во градењето поправедни и рамноправни општества и да имаат корист за економиите на Македонија и Србија, јави дописникот на МИА од Белград.

Годишниот бруто домашен производ (БДП) на двете земји би се зголемил во просек за 0,6 отсто, или вкупно 360 милиони американски долари, според студијата на Светска банка, „доколку се намалат бариерите за влез на пазарот на трудот за ЛГБТИ луѓето кои се соочуваат со дискриминација поради нечија сексуална ориентација, родов идентитет и изразување и родови карактеристики“.

Како што се наведува во соопштението, поверојатно е дека ЛГБТИ лицата во Србија ќе бидат во понеповолна економска положба од општата популација.

Еден од седум ЛГБТИ лица во Македонија сè уште се соочува со дискриминација на работното место во однос на вработување, отпуштање и професионално напредување.

-Пристапот до основните услуги и пазари и можноста за достоинствен живот се темелите на успешниот и одржлив развој, рече директорот на Светска банка за Западен Балкан Шаочинг Ју.

Тој оцени дека истражувањето покажува дека „вклучувањето на ЛГБТИ луѓето не само што е вистинската работа, туку и основа за стабилна економија“.

Македонија и Србија спроведоа важни реформи кои ги штитат правата на ЛГБТИ луѓето, соопшти Светска банка, додавајќи дека е неопходно да се спроведат клучните реформи договорени како дел од процесот на пристапување во Европската унија

The post Светска банка препорачува: Ако Македонија ги вклучи хомосексуалците во економијата земјата ќе биде поуспешна appeared first on Република.

Нова еврообврзница до крајот на годината нема да се издава, а со ново задолжување во Светска банка ќе бидат достапни средства за значајни проекти, рече премиерот Димитар Ковачевски во одговор на новинарско прашање за издавањето на последната еврообврзница.

Тој појасни дека задолжувањето на домашниот и меѓународниот пазар на државата е регулирано со Стратегијата за јавен долг којашто се одобрува во Собранието кога се одобрува и буџетот.

- Еврообврзница издадовме на почетокот на годината, на крајот од првиот квартал и се искористи за раздолжување на еврообврзница која беше земена во 2016 година. Таа беше искористена за плаќање на сите оние стиропори кои се распаѓаат, палми во Вардар, статуи на мостовите кои ги плаќаа под два-три милиони евра. Така што, таа веќе ја раздолживме. Нова еврообврзница нема да се издава до крајот на годината, а задолжувањето ќе биде согласно со Стратегијата за јавен долг, било тоа да е со државни обврзници или проектно финансирање, рече премиерот Ковачевски.

Тој најави дека идната недела ќе патува за САД на состанок во Светска банка на високо ниво за добивање средства за финансирање на проекти во земјава.

– Веќе разговараме за проекти значајни за унапредување голем број области во државата кои ќе бидат финансирани од Светска банка. Преговорите се финализирани и по состанокот оттаму очекувам добри вести во однос на процедурите кои ќе отпочнат. Со ова на Македонија ќе ѝ бидат достапни средства, чиј износ во оваа прилика не сакал да ги кажам, но ќе биде навистина значаен. Со тие средства ќе се работат проекти на државно но и локално ниво, подвлече премиерот Ковачевски.

The post Наместо еврообврзница, власта ќе се задолжи кај Светска банка appeared first on Република.

Нoвиот шеф на Светска банка изјави на состанокот на министрите за финансии на Г20 во Индија дека растечкиот јаз меѓу богатите и сиромашните нации ризикува да ја продлабочи сиромаштијата во земјите во развој.

Многу земји сè уште се опоравуваат од двојниот удар на пандемијата на коронавирус и последиците од руската војна во Украина, која ги погоди глобалните цени на горивата и суровините. Во меѓувреме, климатските промени ги погодуваат некои од најсиромашните земји со кои најтешко се справуваат.

Ајај Банга, претседател на Светската банка, рече дека стравува дека недостатокот на напредок може да доведе до поширок јаз во глобалната економија, на штета на најсиромашните во светот.

„Она што ме буди ноќе е недовербата што тивко ги дели глобалниот Север и Југ во време кога треба да се обединиме“, рече Банга на дводневниот состанок на министрите за финансии и гувернерите на централните банки во Гандинагар, државата Гуџарат.

„Фрустрацијата на глобалниот југ е разбирлива. На многу начини, тие ја плаќаат цената за нашиот просперитет“, рече Банга со индиско потекло, натурализиран американски државјанин кој ја презеде банката минатиот месец откако беше номиниран од американскиот претседател Џо Бајден. .

The post Светска банка: Се поголем е јазот помеѓу богатите и сиромашните appeared first on Република.

Мнистерството за образование и наука ги интензивира градежните активности за време на летниот распуст на учениците, со цел заокружување на повеќе инфраструктурни инвестиции кои ќе значат подобрени услови во основните и средните училишта во новата учебна година. Со буџет од над 4,5 милиони евра предвидени се реконструктивни активности во 50 училишни објекти во повеќе општини низ државата.

Средствата се обезбедени во буџетот на МОН преку одделението за капитални инвестиции, проектната единица за изградба на 145 спортски сали и рехабилитација на училишни објеки, а најголем дел од училиштата, односно 40 објекти ќе бидат опфатени со реконструктивни активности со поддршка од Светската банка која го финансира спроведувањето на Проектот за унапредување на основното образование, соопшти МОН.

Градежните активности предвидуваат подобрување на условите за настава, подигнување на енергетската ефикасност на објектите, како и унапредување санитетско – хигиенските услови и пристапноста на објектите за учениците и лицата со попреченост.

Една од покрупните инвестиции ќе се реализира во основното училиште „Мирче Ацев“ во село Лажани во општина Долнени, каде ќе се изврши реконструкција на кровот, фасадата, санитарните јазли, а ќе се поставуваат и пристапни рампи за учениците и лицата со попреченост. Слични активности, планот за инвестиции на МОН предвидува и во неколку други основни училишта, односно „Васил Главинов“ во Чаир, „Форино“ во Гостивар, „Ристе Ристески“ во дебарско Могорче, „Св. Наум Охридски во Пештани во Охрид“ и „Елпида Караманди“ во Битола.

Темелна реконструкција ќе се изврши во кичевското основно училиште „Мирко Милевски“, која е веќе започната, а ќе се заокружи кон крајот на тековната година, кога ќе заврши и реконструкцијата на дел од објектот на средното техничко училиште „Гостивар“ каде се сместени работилниците и просториите за кабинетска настава. Исто така, за време на летниот период започнува и санацијата на кровот, внатрешните ѕидови, плафони и осветлувањето во основните училишта „Браќа Миладиновиц“ и „Крсте Мисирков“ во Куманово.

The post Летово ќе се реконструираат 40 основни училишта со финансиска поддршка од Светска банка appeared first on Република.

Албанската влада почнува со реализација на проектот за обнова на оштетени мостови во земјата во рамки на заедничкиот проект со Светската банка.

Во телевизиско гостување, директорот на Албанската управа за патишта (АРРШ), Ервис Бербери рече дека заемот што ќе го овозможи овој проект е одобрен.

-Светска банка го одобри заемот во износ од 100 милиони долари. Рехабилитацијата на мостовите започнува годинава и продолжува во следните 7 години. Во првата година ќе се интервенира на 3 моста, мостот Бешир, мостот Вирои и мостот Драгоди на реката Вјоса што го поврзува округот Тепелена со околните области а ќе биде во служба и на Мемалиај, рече тој.

Проектот, чија цел е подобрување на инфраструктурата опфаќа реконструкција на 30 мостови во Албанија.

Од проектот директно ќе имаат корист 800.000 луѓе, а подобрата патна мрежа ќе овозможи побрзо движење на луѓе и стоки и ќе ја зајакне економијата.

Според Бербери, по напрсвенст студијс нс целатс територијс на земјата има 186 мостови, но само 101 од нив резултирале со проблеми и ќе бидат подложени на процес на реконструкција.

The post Светска банка и одобри на Албанија заем од 100 милиони долари за реконструкција на мостови appeared first on Република.

Според Редовниот полугодишен економски извештај за Западен Балкан (ЗБ) којшто денеска беше објавен од Светска банка, Македонија покажува катастрофални резултати во економијата споредено со сите земји од регионот.

Така, веќе втора година по ред Македонија има најниска стапка на економски раст од сите земји од ЗБ, којашто во 2022 година изнесува 2,1%, додека просекот на ЗБ е 3,2%, а воедно забележа и највисока стапка на просечна инфлација од 14,2% во 2022 година, додека просекот на инфлацијата во ЗБ беше 11,8%.

Уште повеќе се обесхрабрувачки прогнозите според кои во 2023 година за Македонија се очекува подпросечен раст од 2,4% наспроти оној на регионот од 2,6% и надпросечна инфлација од 9,1%, наспроти очекуваната за регионот од 7%.Со Косово и Албанија, Македонија има најниски приходи како процент од БДП (од 32,5% од БДП во 2022 година), што при задржани високи расходи од 36,9% од БДП генерираат  втор највисок дефицит од 4,5% од БДП во 2022 година по Црна Гора (просек на ЗБ за е 3% од БДП), aнализираат од ВМРО-ДПМНЕ

Дополнително, Македонија во 2021 година имаше највисок дефицит и во 2020 година втор највисок дефицит од земјите на ЗБ. Недисциплинираното трошење на оваа Влада по Ковид-19 година се преслика во силно зголемување на јавниот долг, што при силен раст на номиналниот БДП значеше задржување на соодносот на јавниот долг во БДП, наспроти позначајно намалување на овој сооднос кај сите земји од регионот. Ова не сврсти во земјите со надпросечно ниво на јавен долг од 59,6% во БДП (просекот на ЗБ е 51%од БДП).И резултатите на полето на странските директни инвестиции (СДИ) се катастрофални споредено со земјите од Западен Балкан. Заедно со БиХ, Македонија е на дното на табелата по СДИ во последните три години. Во 2022 година, нето СДИ во Македонија изнесуваат 5,2% од БДП, додека во Црна Гора се 13,5% од БДП, во Србија се 7,1% од БДП, Албанија 6,7% од БДП и Косово 6,6% од БДП.

The post И Светска банка потврди дека Македонија е на дното по странски инвестиции во регионот appeared first on Република.

Според Редовниот полугодишен економски извештај за Западен Балкан (ЗБ) којшто денеска беше објавен од Светска банка, Македонија покажува катастрофални резултати во економијата споредено со сите земји од регионот.

Така, веќе втора година по ред Македонија има најниска стапка на економски раст од сите земји од ЗБ, којашто во 2022 година изнесува 2,1%, додека просекот на ЗБ е 3,2%, а воедно забележа и највисока стапка на просечна инфлација од 14,2% во 2022 година, додека просекот на инфлацијата во ЗБ беше 11,8%. Уште повеќе се обесхрабрувачки прогнозите според кои во 2023 година за Македонија се очекува подпросечен раст од 2,4% наспроти оној на регионот од 2,6% и надпросечна инфлација од 9,1%, наспроти очекуваната за регионот од 7%.

Со Косово и Албанија, Македонија има најниски приходи како процент од БДП (од 32,5% од БДП во 2022 година), што при задржани високи расходи од 36,9% од БДП генерираат втор највисок дефицит од 4,5% од БДП во 2022 година по Црна Гора (просек на ЗБ за е 3% од БДП).Дополнително, Македонија во 2021 година имаше највисок дефицит и во 2020 година втор највисок дефицит од земјите на ЗБ. Недисциплинираното трошење на оваа Влада по Ковид-19 година се преслика во силно зголемување на јавниот долг, што при силен раст на номиналниот БДП значеше задржување на соодносот на јавниот долг во БДП, наспроти позначајно намалување на овој сооднос кај сите земји од регионот. Ова не сврсти во земјите со надпросечно ниво на јавен долг од 59,6% во БДП (просекот на ЗБ е 51%од БДП)“, се наведува во соопштението на ВМРО-ДПМНЕ.

-И резултатите на полето на странските директни инвестиции (СДИ) се катастрофални споредено со земјите од Западен Балкан. Заедно со БиХ, Македонија е на дното на табелата по СДИ во последните три години. Во 2022 година, нето СДИ во Македонија изнесуваат 5,2% од БДП, додека во Црна Гора се 13,5% од БДП, во Србија се 7,1% од БДП, Албанија 6,7% од БДП и Косово 6,6% од БДП, велат од партијата.

The post И според Светска банка, Македонија со Ковачевски и Груби на дното по странски инвестиции во регионот appeared first on Република.

Економиите на Македонија, Албанија, Босна и Херцеговина, Црна Гора, Косово и Србија го надминаа нивото пред пандемијата и покрај негативното влијание од инвазијата на Русија врз Украина, повисоките цени на енергијата и на храната, неповолните временски услови, затегнатите финансиските услови и засилената несигурност, се вели во најновиот Редовен економски извештај за Западен Балкан, објавен денеска.

Се предвидува дека економијата на Македонија да има благ пораст од 2,1% во 2022 година на 2,4% во 2023 година, беше истакнато на денешната прес-конференција во Скопје на која беше презентиран Извештајот.

И покрај брзото закрепнување по пандемијата, тековната криза предизвикана од трошоците за живот – особено од високите цени на храната и енергијата – го потисна растот во земјата и ја турна инфлацијата на највисоко ниво во последните две децении во регионот, ставајќи притисок врз јавните финансии во услови на пораст на трошоците за задолжување. Бидејќи цените на стоките, како што предвидува Банката, во следните две години се очекува да се намалат, стапката на инфлација се проектира да се намали на 9,1 проценти во 2023 година и на 3 проценти во 2024 година.

На среден рок, се предвидува умерено забрзување на економскиот раст. Имајќи го предвид ограничениот фискален простор, поддршката на Владата за заштита на економијата од високите цени на енергијата треба да биде подобро насочена за да се поттикне енергетската ефикасност и зелената транзиција.

Надолните ризици за проекцијата се намалени како резултат на делумното олабавување на финансиските услови, но фискалната консолидација и понатаму останува приоритет. Структурните реформи за поттикнување на среднорочниот одржлив и инклузивен раст треба да останат во фокусот во пресрет на изборите во 2024 година.

Проекциите за земјите од Западниот Балкан и натаму упатуваат на умерен раст на БДП во 2023 година во регионот, кој се очекува да достигне 2,6 проценти, главно поттикнат од приватната потрошувачка и извозот, а во некои земји и од јавните инвестиции, се вели во извештајот.

Регионот сега се соочува со предизвици за обнова на одбранбените механизми за да се подготви за шокови кои може да се појават во иднина и за преземање реформи на страна на понудата за да се постават темелите за поодржлив и позелен раст.

Според директорка при Светска банка за Западен Балкан Шиаочин Ју Западен Балкан покажа исклучителна отпорност и покрај големите економски препреки,

За да продолжат со справување со кризата поттикната од повеќе економски шокови, земјите може да се насочат кон реформи со кои се поттикнува продуктивноста на среден рок, како што се забрзување на регионалната интеграција, зголемување на нивото на конкуренција на пазарот, привлекување на поквалитетни инвестиции и справување со препреките што го ограничуваат учеството на работната сила на пазарот на трудот, особено на жените, посочува таа.

Како и кај нас и во сите други земји од Западен Балкан, во 2022 година, инфлацијата се искачи на највисоко ниво во последните две децении, а ценовните притисоци останаа високи и на почетокот од 2023 година. Под влијание на зголемувањето на цените на храната и на енергијата, сега инфлацијата покажува знаци на забавување, додека надворешните двигатели ослабнуваат поради забавениот светски раст. Меѓутоа, инфлаторните притисоци продолжуваат и бараат понатамошни мерки од страна на монетарната политика.

Според извештајот, повисоките цени особено тешко ги погодија домаќинствата со ниски приходи, а тоа, заедно со послабиот економски раст резултираше со многу побавно темпо на намалувањето на сиромаштијата, и покрај одредените придобивки од програмите на владите за ублажување на енергетската криза. Можните ограничувања во претстојниот период ги опфаќаат пониската надворешна побарувачка, која би можела да има негативно влијание врз приходите од извозот и да ги ограничи дознаките, како и намалениот фискален простор, кој и понатаму ја ограничува поддршката што може да им се даде на домаќинствата.

Најсиромашните домаќинства трошат многу поголем дел од своите приходи на енергија и на храна, две ставки по потрошувачката кошничка со најголемо зголемување на цените - вели Сања Маџаревиќ – Шујстер, виш економист во Светска банка и главна авторка на извештајот.

Спорд неа, тоа значи дека зголемувањето на реалните трошоци на живот со кои се соочуваат сиромашните во Западен Балкан е многу повисоко од она на што укажува просечната инфлација. Важно е, додава Маџаревиќ – Шујстер, да се земе предвид разликата кај стапките на инфлација кај различните видови домаќинства, за да се обмислат ефективни политики за заштита на најранливите и да се поттикне економскиот раст.

Во извештајот се посочува и дека и покрај растот на вработеноста, во втората половина од 2022 година, темпото на отворање нови работни места ја загуби силата во сите земји од Западен Балкан. Вработеноста најмногу се намали во земјоделството и во јавната администрација, а индустријата и услугите, исто така, забележаа забавување. Во септември 2022 година, стапката на вработеност достигна историски највисоко ниво од 47 проценти, по што почна да опаѓа.

На среден рок, проекциите за Западен Балкан и понатаму се позитивни, иако се потребни реформи за забрзување кон зелената транзиција и справување со структурните предизвици. Тековната енергетска криза ја нагласи потребата за забрзување на зелената транзиција низ Европа, вклучувајќи го и Западниот Балкан.

Една област за инвестирање со потенцијал за значителни економски резултати за Западен Балкан е енергетската ефикасност, се додава во извештајот. Дури и умерено подобрување на енергетската ефикасност на фирмите би довело до значително намалување на емисиите на стакленички гасови поврзани со енергијата, до подобрување на профитабилноста на фирмите, до големи социјални придобивки и до заштита од идни ценовни шокови од електричната енергија и гасот.

The post Економијата на Македонија ќе има благ пораст од 2,1 отсто во 2022 до 2,4 отсто во 2023, проектира Светската банка appeared first on Република.

Според Редовниот полугодишен економски извештај за Западен Балкан (ЗБ) којшто денеска беше објавен од Светска банка, Македонија покажува катастрофални резултати во економијата споредено со сите земји од регионот, пишува во реакција испратена до медиумите опозициската ВМР-ДПМНЕ.

Така, веќе втора година по ред Македонија има најниска стапка на економски раст од сите земји од ЗБ, којашто во 2022 година изнесува 2,1%, додека просекот на ЗБ е 3,2%, а воедно забележа и највисока стапка на просечна инфлација од 14,2% во 2022 година, додека просекот на инфлацијата во ЗБ беше 11,8%. Уште повеќе се обесхрабрувачки прогнозите според кои во 2023 година за Македонија се очекува подпросечен раст од 2,4% наспроти оној на регионот од 2,6% и надпросечна инфлација од 9,1%, наспроти очекуваната за регионот од 7%.

Со Косово и Албанија, Македонија има најниски приходи како процент од БДП (од 32,5% од БДП во 2022 година), што при задржани високи расходи од 36,9% од БДП генерираат втор највисок дефицит од 4,5% од БДП во 2022 година по Црна Гора (просек на ЗБ за е 3% од БДП).Дополнително, Македонија во 2021 година имаше највисок дефицит и во 2020 година втор највисок дефицит од земјите на ЗБ. Недисциплинираното трошење на оваа Влада по Ковид-19 година се преслика во силно зголемување на јавниот долг, што при силен раст на номиналниот БДП значеше задржување на соодносот на јавниот долг во БДП, наспроти позначајно намалување на овој сооднос кај сите земји од регионот. Ова не сврсти во земјите со надпросечно ниво на јавен долг од 59,6% во БДП (просекот на ЗБ е 51%од БДП).

Од партијата коментираат дека и резултатите на полето на странските директни инвестиции (СДИ) се катастрофални споредено со земјите од Западен Балкан.

Заедно со БиХ, Македонија е на дното на табелата по СДИ во последните три години. Во 2022 година, нето СДИ во Македонија изнесуваат 5,2% од БДП, додека во Црна Гора се 13,5% од БДП, во Србија се 7,1% од БДП, Албанија 6,7% од БДП и Косово 6,6% од БДП. 

The post И според Светска банка Македонија е на дното по странски инвестиции во регионот appeared first on Република.

 Американскиот претседател Џо Бајден го номинираше поранешниот извршен директор на „Мастеркард“ (Mastercard),  Аџеј Банга, за нов шеф на Светската банка, јави ДПА.

Тој е „уникатно подготвен да ја води Светската банка во овој критичен момент од историјата“, рече Бајден денеска во Белата куќа.

Овој менаџер со индиско-американско потекло во моментов е заменик-претседател на компанијата „Џенерал Атлантик“.

ДПА појаснува дека САД традиционално го избираат претседателот на Светската банка, додека Европа го избира извршниот директор на својата сестринска организација, Меѓународниот монетарен фонд.

САД се најголемиот акционер на Светската банка. Но, сè уште ѝ е потребна поддршката од другите земји-членки за да може да помине нејзиниот кандидат.

-Банга има уникатна перспектива за можностите и предизвиците на земјите во развој и брозрастечките економии и за тоа како Светска банка може да ја спроведе својата амбициозна агенда за намалување на сиромаштијата и зголемување на просперитетот, рече Бајден.

Банга, исто така, има искуство во мобилизирање средства за справување со најитните предизвици, вклучително и климатските промени, додаде американскиот претседател, пренесе германската агенција.

Претседателот на Светска банка, Дејвид Малпас, минатата недела неочекувано соопшти дека поднесува оставка. Тој ќе се повлече на крајот на јуни. Неговата оставка се случува на околу една година пред редовниот крај на мандатот на првиот човек на Светска банка. Тој во претходниот период беше жестоко критикуван за неговите изјави за климатските промени.

The post Бајден го номинираше Аџеј Банга за нов претседател на Светска банка appeared first on Република.

Претседателот на Светска банка, Дејвид Малпас ја најавил својата оставка на крајот на јуни, речиси цела година пред истекот на неговиот мандат.

Поранешниот инвестициски банкар не навел конкретна причина за заминувањето, известува агенцијата Reuters.

„Изминатите четири години се едни од најважните во мојата кариера. По огромниот напредок и темелно размислување, решив да се свртам кон нови предизвици“, истакнал Малпас.

Малпас беше назначен на челната позиција во Светската банка од поранешниот американски претседател Доналд Трамп, во чие Министерство за финансии беше задолжен за меѓународните прашања.

Претседателот на Светска банка во заминување ја информирал американската министерка за финансии Џенет Јелен за својата одлука во вторникот, според извор запознаен со ова прашање.

Во последните месеци Јелен бараше од Малпас да ги забрза реформите во работата на Светската банка, а во јануари не сакаше да одговори на прашањето дали САД ќе го поддржат неговиот втор мандат на чело на Светската банка.

По најавата за заминување, таа преку официјално соопштение му се заблагодарила за сработеното.

„Тој му помогна на светот со силна поддршка за Украина, која се соочи со нелегална и неиспровоцирана руска инвазија, критична работа за помош на народот во Авганистан и посветеност да им помогне на сиромашните земји да го намалат својот долг и да го направат одржлив“, рече Јелен.

Американската министерка за финансии додаде дека САД наскоро ќе предложат замена за Малпас. Долгогодишна традиција е САД да избираат шеф на Светска банка, а Европа прв човек на Меѓународниот монетарен фонд (ММФ).

Се очекува дека Малпас ќе ја извршува функцијата во април, за време на пролетните состаноци на Светската банка и ММФ, но би можел да замине пред крајот на јуни, со оглед на временската рамка за именување и потврдување на неговиот наследникот, рекол еден од изворите.

Главни кандидати за таа позиција се поранешниот директор на Американската агенција за меѓународен развој (USAIDД) Раџив Шах и нејзината сегашна директорка Саманта Пауер, забележува Reuters.

Во текот на фискалната 2022 година, Светската банка одвоила повеќе од 104 милијарди долари за проекти ширум светот, според годишниот извештај на банката.

The post Првиот човек на Светска банка ќе ја напушти функцијата пред истекот на мандатот appeared first on Република.

Министерот за здравство Беким Сали денеска ја посети тетовската Клиничка болница и заедно со директорот Амир Елези информираа дека се пристигнати медицински апарати во вредност од 3,5 милиони евра. Тетовската болница се опремува со овие апарати согласно голема набавка за 14 јавни здравствени установи, чија вкупна вредност е 13,6 милиони евра.

-За Клиничка болница Тетово се обезбеди ангиограф, апарат за компјутерска томографија, мамограф со можност за биопсија, два рентген апарати, ехо дијагностика, како и два подвижни рентген апарати со дигитален детектор. Дел од апаратите се во фаза на инсталација, а некои веќе се инсталирани и подготвени за пуштање во употреба како апаратите за еходијагностика наменети за одделите урологија, гинекологија, педијатрија, радиологија, кардиологија и интерна медицина. Исто така, подготвени за употреба се подвижните рентген апарати на одделот за трауматологија и хируршките сали, како и новиот мамограф кој ќе служи за биопсија и ќе биде вклучен во скринингот за рано октривање на рак на дојка, појасни Сали.

Тој најави дека во текот на идната недела следи обука на кадарот за користење на овие апарати, а потоа ќе бидат пуштени во употреба и достапни за услуга на пациентите.

- Значајна новина што ја реализиравме со Универзитетот во Тетово, е, давање на овластувања за 20 доктори и професори кои се ментори и едукатори за нов кадар за гинекологија, педијатрија, психијатрија, општа хирургија, семејна медицина, интерна медицина. Во следниот период продолжуваме со инвестиции за унапредување на здравствената заштита на сите нивоа, додаде Сали.

Директорот на болницата Амир Елези рече дека со министерот ги детектирале најслабите точки во институцијата и заедно се нафатиле да обезбедат соодветна апаратура за услугите, кои ги користат над 200 илјади луѓе од поширокиот полошки регион.

-Со детална анализа дојдовме до заклучок дека оваа апаратура ни е неопходна за да функционираме како клинички центар. Ќе биде огромен зафат за нас, на општо задоволство на нашите лекари кои ќе се служат со оваа апаратура и на бенефит на сите пациенти коишто доаѓаат во нашата болница за услуги. Кога дојдовме да менаџирме со оваа болница и Министерството за здравство, бевме во една фаза кога имаше огромен недостиг на апаратура и тие апарати што ги имавме беа застарени и требаше да се поделат на две амбуланти. Некоја амбуланта користеше претпладне, некоја попладне, со поделени термини. Сето тоа значеше голема огромна листа за чекање кај пациентите и работа на докторите со застарени апарати, истакна Елези.

Тој рече дека во болницата има реконструкција на амбуланти во Интерното одделение, каде што ќе бидат дел од овие апарати.

-Нашите доктори ќе имаат реконструирани, реновирани амбуланти, нова апаратура и нашите пациенти ќе имаат огромна придобивка со тоа што ќе има повеќе слободни термини во најкраток можен рок, ќе се детектираат болестите и ќе се оди на лекување на истите. Како Клиничка болница, во план за оваа година ни е реновирање и адаптација на паркинг просторот во нашата болница и заедно со ставање во функција на Ургентниот центар, и тоа оди во прилог, верувам дека ќе бидеме во тек со времето и со сите процедури кои се во регионот и со светот. Имаме одличен кадар од доктори и специјалисти, сега со новата опрема, верувам дека ќе бидеме во можност да даваме квалитетни услуги, истакна директорот.

Доктор Асим Изаири, началник на Одделението за уролошка хирургија, посочи дека уште од поодамна имало потреба за ултрасонограф, кој како базична процедура ќе овозможи да ги задоволи потребите на дијагностицирањето на уролошки заболувања.

-Поточно, да се додаде и можност да се направи и биопсија на простата, која исто така е болест што е многу присутна во нашиот регион, а воедно да ги задоволи потребите за дијагностицирање на калкулозата како ендемска болест во нашето подрачје, истакна Изаири.

Медицинската опрема е набавена преку Светска банка.

The post Клиничката болница во Тетово доби медицинска опрема набавена преку Светска банка appeared first on Република.