По Илинденското востание, партијата на Кирила Петков со нов предлог-24 мај ќе стане официјален празник и ќе се вика Ден на бугарската реч, образование и култура и на кирилицата, изјави премиерот академик Николај Денков. Според него, името ќе биде финализирано.

https://republika.mk/vesti/balkan/po-ustavot-sleden-e-ilinden-partijata-na-prijatelot-na-kovachevski-petkov-podnese-deklaratsija-deka-ilindenskoto-vostanie-e-bugarsko/

Ниту еден од другите празници не го менува статусот, тие остануваат официјални. Во поглавјето 10 од Основниот закон, каде што се опишани грбот, химната и знамето, логично треба да го поставиме и местото на државниот празник, рече Денков. Оваа дискусија трае долги години и од различни причини не е постигнат конечен резултат. Сега можеме да најдеме решение во општеството. Се обидовме да најдеме празник кој обединува, а не разделува, додаде Денков.

Денков истакна дека идејата за промена на 24 мај како празник била тема на неговиот извештај за време на неговиот мандат како министер за образование, но пречка за нејзино спроведување стана рушењето на Владата.

The post Партијата на Петков не застанува: По Илинденското востание, сега Кирил и Методиј ќе станат Ден на бугарската култура и образование appeared first on Република.

Централниот регистар ја одобри пријавата за основање на Великотрновскиот универзитет „Св.Св. Кирил и Методиј“ на улица „Маршал Тито“ во Свети Николе во духот на добрососедството со Бугарија. Пријавата била поднесена во април, а била одобрена на 14 овој месец, објави Фактор.

Основањето го одобриле орво македонската Влада, потоа Претседателот на Одборот за акредитација на високото образование и на крај Министерството за образование и наука во Регистарот на високообразовни установи.

За раководител е поставен Борче Серафимовски, професорот од Свети Николе, кој е поставен за директор. Тој досега беше заменик-претседател на Управниот одбор на Меѓународниот славјански универзитет.

https://republika.mk/vesti/makedonija/zaev-otvoranjeto-na-univerzitetot-sv-sv-kiril-i-metodij-od-veliko-trnovo-e-potkrepa-na-prijatelstvoto-na-dobrososedstvoto/

Зоран Заев стои зад акредитацијата на универзитетот од Велико Трново „Свети Кирил и Методиј“. Со ова не само што се кршат закони во Македонија туку и директно се погазува достоинството на нашиот најстар универзитет. Се создава паралелен универзитет на „Свети Кирил и Методиј“ во Скопје кој има идентично име што несомнено ќе создава забуни и уништување на брендот. Ова е ГОЛЕМА, ГОЛЕМА грешна одлука на Владата, реагираше лани во мај опозициската ВМРО-ДПМНЕ.

https://republika.mk/vesti/makedonija/vmro-dpmne-odlukata-na-zaev-za-akreditiranje-na-bugarskiot-univerzitet-e-golema-golema-greshka/

The post Во духот на добрососедството, Бугарија го основа во Свети Николе универзитетот со исто име како УКИМ appeared first on Република.

Премиерот Димитар Ковачевски и неговиот бугарски колега Кирил Петков од вчера се во Рим. Поводот е ист , а тоа е одбележување на денот на словенските просветители Кирил и Методиј.

Но, за разлика од минатите години кога македонска и бугарска делегација заедно се поклонува на гробот на Св.Кирил вчера не беше така.

Ковачевски и Петков оделно оддадоа почит и тоа отвори нови прашања за тоа дали има ли нема договор за Светите браќа. Иако беше објавено од претходно дека Кирил и Методиј се едни од личностите за кои е направен компромис, содржината на договореното никогаш не е објавена што остава простор за сомнеж.

Дали можеби причината што нема заедничко поклонување е објавата за посетата на Петков во бугарските медиуми каде тој говори за „старобугарската култура која ги формирала останатите словенски и е сврзувачка за европската цивилиција“.

Во таа насока оди и фактот што во 2020 година Бугарија го прогласи 24 мај во ден на бугарското образование, Кирил и Методиј бугарски просветители, а пак кирилицата ја нарекоа бугарска азбука.

Минатите години пред гробот на Св. Кирил заедно се поклонија Заев и Борисов како и Радев и Пендаровски. Бугарскиот претседател дури дојде во Скопје да го собере нашиот со авиончето и заедно продолжија кон Рим.

Дека односите меѓу Скопје и Софија повторно се на климави нозе покажува и стравот на Петков дека може да му падне владата ако попушти за милиметар по прашањето за Македонија како што му порача партијата на шоуменот Слави Димитров.“Има таков народ“ му порача дека ќе биде поранешен премиер и затоа сега Петков бара од претседателот Радев Советот за национална сигурност.

Решението не може да биде само на владејачката позиција туку треба да биде заедничка национална позиција. За последните шест месеци се случија многу работи, разговори, беа разменети идеи, службите имаат многу информации да споделат.Проблемот со соседот не може да биде решен самостојно, тоа е национално прашање и имаме потреба од заедничко решение-изјави вчера Петков.

Ковачевски пак одби да одговори дали има нови услови од Бугарија.

 Воопшто не разговаравме и за тоа дали има нови услови од Бугарија. Се работи на оние прашања кои беа отворени и претходно, за нив веќе постои т.н. португалски предлог, кој што уште е основа за разговори помеѓу министерствата за надворешни работи и во овој момент не можам да кажам за напредок во однос на постигнување на заемно прифатлив документ, со оглед на тоа што додека не се дојде до таков документ не можеме да зборуваме за напредок, рече Ковачевски по средбата со Петков.

The post Дали Ковачевски и Петков се скараа за „Кирил и Методиј“? appeared first on Република.