Вчера во 17.15 часот во гостиварски Градец, полициски службеници од Полициското одделение Галате ја лишиле од слобода К.Н.(54) од Градец затоа што агресивно се однесувала и спречувала полициски службеници при вршење службени дејствија.

Постапувајќи по претходна пријава од 25-годишна девојка од Гостивар дека К.Н. и нејзиниот син Ф.Н., со кој порано живеела во вонбрачна заедница, од 28.07.2024 без нејзина волја ја држеле во нивниот дом во село Градец, К.Н. агресивно се однесувала кон нив и не дозволувала да ја земат девојката од нивниот дом, објаснуваат од СВР Тетово.

Додаваат дека по целосно расчистување и документирање на случајот следува соодветна пријава.

The post Мајка и син ја затвориле неговата девојка дома, не ја давале ни кога полицијата дошла да интервенира appeared first on Република.

Доцна синоќа ужасна вест го потресе селото Дубионица во општина Сјеница, пренесуваат српските медиуми.

39-годишна жена ја избодела својата 67-годишна свекрва неколку пати со нож.

Според тамошните медиуми осомничената снаа живеела во Германија, но во моментот на инцидентот била во Србија поради бракоразводна постапка. Наводно, ја обвинувала свекрвата за разводот, и што е разделена од децата.

Свекрва починала од здобиените убоди.

Инцидентот се случил во семејниот дом, а случајот бил пријавен кај надлежните.

Против осомничената е поведена постапка поради сомнение за тешко убиство. Во моментов е во притвор.

The post Ја обвинувала што ќе остане без деца – снаа до смрт избоде свекрва во Србија appeared first on Република.

За мажите од Балканот се вели дека не покажуваат емоции, дека им е тешко да признаат кога грешат, дека ги сметаат своите мајки за најдобри и дека мора да бидат главни во друштвото. Дали е тоа навистина така и дали вистинските Балканци прифаќаат да работат на себе и да се менуваат? За ова во емисијата „150 минути“ на „Прва“ зборуваше Душан Благојевиќ, животен ментор, кој откри и зошто бројни искуства покажуваат дека мажите постојано ги споредуваат своите сопруги со нивните мајки.

За балканскиот маж се смета дека мора секогаш да биде силен, да ги држи емоциите под контрола, така нè воспитувале од детството. Ако продолжиме да живееме така и во зрелите години, може да има сериозни последици зопто - емоциите постојат со причина. Непријатните емоции можат многу да нè научат. Мојот повик кон мажите е  малку да се спуштиме кон срцето. Жените се поинтуитивни по природа. Се сеќавам кога станав татко, кога ќе го земев син ми, се чувствував изгубено, ми беше хаотично кога тој плачеше, а жена ми веднаш знаеше зошто плаче. Жената тоа просто го чувствува. Ние мажите треба да знаеме дека поврзувањето со нашите емоции не нè право послаби, туку посилни, објаснува Благојевиќ.

На прашањето дали е погрешно тоа што мажите ги споредуваат сопругите со мајките, тој одговори:

Не мора да е погрешно, но погрешно е што нашите балкански мајки прават многу за своите синови. Затоа сакав да почнам да работам со жените, да ги зајакнам. Се водев од личен пример. За мене се правеа многу работи додека растев и знам колку ми беше потешко подоцна. И баба ми и мајка ми правеа многу работи за мене што не требаше да ги  прават. Подоцна ми беше двојно потешко да развијам здрави навики кои полесно би ги научил како дете. Мајките никогаш не смеат да се губат себеси, а жените ја имаат таа тенденција особено во првите две години од детето, вели Благојевиќ.

Тој објаснува дека не треба да правите ништо што детето е способно да го направи самостојно.

Тоа е многу добро правило што го слушнав во домовите за стари лица. Така му правите лоша услуга на вашето дете. Понекогаш ми е тешко кога син ми се подготвува за во градинка и знам дека ако го оставам сам да ги облече своите чевли ме кошта уште десет минути. Но, ако, подобро е да го пуштиме и да задоцниме малку, зошто подоцна неговите љубовни врски и односите со жените ќе бидат многу подобри. Така, нема да очекува жената да му биде мајка, бидејќи таа не може да му биде мајка, објасни животниот ментор.

The post Зошто Балканците си ги споредуваат сопругите со „ненадминливата“ мајка? appeared first on Република.

Вчера во 15:30 часот полициски службеници на СВР Тетово ја лишиле од слобода 39-годишната М.Р. од гостиварско село која претходниот ден во нивниот семеен дом физички ја нападнала 80-годишната свекрва.

Се расчистува и документира случајот и против пријавената ќе следува поднесок, велат од СВР Тетово.

The post Снаа нападна свекрва appeared first on Република.

Седумдесет и петгодишна тетовка вчера (5 јули) во 13 часот и 20 минути во СВР Тетово пријавила дека нејзината снаа Н.А.(36) ѝ се заканувала и физички ја нападнала.

Н.А. денеска (6 јули) е повикана на службен разговор во Полициската станица Тетово за расчистување и документирање на случајот.

The post Тетовка во полициска станица – свекрвата ја обвинила за закани appeared first on Република.

Вчера во 12.15 часот било пријавено дека во с.Криволак-неготинско по претходна расправија бил нарушен јавниот ред и мир со меѓусебна пресметка помеѓу С.А.(20) и нејзината свекрва С.Ш., соопштија денеска од МВР.

Од таму велат дека по целосно документирање на случајот ќе следи соодветен поднесок.

The post Се истепаа снаа и свекрва appeared first on Република.

Додека низ светот кружат шпекулации дека војната помеѓу Шакира и Пике е само претстава за јавноста, на социјалните мрежи се појави видео кое ги вознемири фановите на пејачката, а еден од главните актери во истото е мајката на Пике, Монсерат Бернабеу.

Многумина ја осудија Шакира откако се појави веста дека поставила кукла вештерка на балконот, свртена кон домот на поранешната свекрва и „скокнаа“ во одбрана на Монсерат со зборовите дека не треба да се мешаат другите членови на семејството во љубовните проблеми.

Но, многу од нив сега го променија мислењето откако се појави видео на кое Шакира и нејзината свекрва се расправаат и кое покажува дека презирот кон неа кој пејачката го чувствува, не настанал без причина.

Во еден момент, на видеото се гледа како мајката на Пике бесно ја фаќа Шакира за лице, а потоа ѝ гестикулира да молчи додека Пике стои на страна и само ја набљудува ситуацијата.

Замислете некој да се дрзне вака да ве фати за лице пред сите“, „Срамота е што Пике не реагира“, „Со недели глуми светица, а сега го покажа вистинското лице“, „Кој знае Шакира колку долго го трпела ова“, „Цел овој однос делува токсично“, „Сега ми е јасно зошто постави кукла вештерка на балконот“, се само дел од коментарите на бесните фанови на Шакира на социјалните мрежи.

Инаку, инцидентот кој дури сега се прошири на интернет датира од претходно, но не е познат точниот датум.

I am fuming.

You had me fooled Mr. Piqué and Mrs. Montessori you as well.

DTA. pic.twitter.com/JDMykFqX1d

— Asandé (@kewchiy) January 23, 2023

The post Свекрвата на Шакира ѝ се внесе во фаца: Мораш да молчиш! appeared first on Република.

На 05.01.2023 во 11.10 часот во Велес, полициски службеници од СВР Велес ја лишиле од слобода К.Д.(46) од Велес, затоа што физички ја нападнала нејзината 23-годишна снаа. По документирање на случајот ќе биде поднесена соодветна пријава.

The post Свекрва нападнаа снаа во Велес appeared first on Република.

Односите меѓу различните генерации секогаш се сложени. Човек често има недоразбирања со своите родители, а што останува за оние на партнерот ?
Се разбира, мајката на вашиот сопруг веројатно сака да доминира, но таа е човек, со кого треба да се изградат пријателски односи. Ова ќе помогне не само на самите вас, но и ќе го направи вашиот маж многу среќен.
Секако, изградбата на стабилни односи помеѓу снаата и свекрвата не е лесна задача, но еве што би можеле да се обидете:

1. Гответе заедно

За некој семеен празник, во кој сте поканети на вечера, приклучете се во приготвувањето на храната или пак замолете ја да ви ги даде рецептите на омилените јадења на вашиот сопружник. На овој начин ќе ја натерате да се почувствува добро, не само затоа што сакате да му угодите нему, но и затоа што сакате
(барем во нејзините очи) да личите на неа. А и готвењето е карактеристика на добрата домаќинка што отсекогаш и се допаѓа на свекрвата.

2 . Заинтересирајте се за неа

Следниот пат кога ќе одите на гости, побарајте да ги погледнете семејните албуми. Секој човек сака да се враќа во минатото, сеќавајќи се на омилените моменти. Вашата свекрва ќе биде повеќе од добронамерна и ентузијастичка да сподели интересни детали од животот на нејзиниот син. Не заборавајте да
покажете интерес и да се смеете на забавните приказни кои таа ги раскажува (дури на вас да не ви се чинат толку смешни).

3. Останете во контакт

Тоа можеби е најлесниот начин. Секоја недела се јавувате на својата свекрва, за да видите што прави , како се чувствува. Секогаш понудете ја својата помош, ако таа има потреба од нешто. На овој начин ќе создадете кај неа чувство дека може да ви се довери и дека нејзиниот син не погрешил при изборот.
Понекогаш изненадете ја со својот сопруг, и однесете и некаков мал подарок.

4. Користете го бебето

Кога на виделина се појави вашето дете, врската со свекрвата е од суштинско значење. Од една страна таа ќе сака да набљудува како расте нејзиниот внук, додека вие понекогаш ќе имате потреба да го оставите бебето на некого кој да го гледа.

5. Одете заедно на патување

Колку и чудно да ви изгледа, тоа исто така е начин да се зближите со својата свекрва. Се разбира, не станува збор да одите заедно со неа на море. Можеби некој викенд да отидете заедно до место кое има сентиментална вредност за неа. На овој начин ќе имате прекрасна можност да се зближите

The post Како да ја придобиете свекрвата appeared first on Република.

Шокирана невеста со „Редит“ ја сподели својата хорор приказна за подарокот кој неа и на партнерот им го испратила неговата мајка пред венчавката. Нејзината свекрва му направила нова бурма на синот бидејќи не ѝ се допаднала онаа што брачниот пар го избрал пред венчавката.

Пред да се венчаме, таа нè праша какви венчални прстени одбравме. Со задоволство ѝ ги покажавме. Успеав да набавам делови од бурињата од првата пиварница што заедно ја посетивме, ги дадов во една златара со чија работа бев опседната со години, за да ги вгради во нашите бурми, раскажува невестата.

Свекрвата воопшто не била воодушевена од изборот, па решила да се вмеша и да му купи „подобра“ бурма за својот син. Оваа одлука прилично ја вознемирила невестата, која вели дека во еден момент си рекла дека свекрва ѝ сака да се земи со синот.

Откако ни стигна пакетот, бевме кај неа на гости, но не сакав да зборувам за тоа и да ја почнувам темата. Меѓутоа, таа нè прашала зошто сме ѝ го вратиле пакетот, на што мојот сопруг ѝ објасни зошто нејзината постапка е несоодветна. Ѝ објасни зошто ни се важни баш тие бурмите и колку ни значат и дека на крајот на денот не му е гајле што мисли таа за прстените. Ја предупреди и да не прави такви слични потези во иднина, пишува таа.

The post Свекрвата пред свадба им испратила шокантен подарок: Сешто ми падна на памет! appeared first on Република.