Доби единица по историја и затоа полуде. Пукаше во наставничката по историја на час, а потоа и во неговите другари. Тој ги има сите петки, сите го знаеме како бубалица.

Вака учениците од ОУ „Владислав Рибникар“, каде што седмоодделенец влета на час и со пиштолот на татко му уби најмалку едно лице, раскажуваат за „Блиц“ за шокот низ кој поминале денеска наутро.

[caption id="attachment_636340" align="aligncenter" width="360"] Фото: Блиц[/caption]

Српските медиуми сè уште немаат официјални податоци за тоа колку лица се убиени. Засега потврдено е само дека на лице место загинал чуварот во училиштето кој бил погоден во главата.

Според дел од медиумите, бројката на убиени е многу повисока и станува збор за најмалку 8 загинати соученици на пукачот.

https://republika.mk/vesti/balkan/najmalku-8-mrtvi-vo-uchilishteto-vo-vrachar-sedmoodelenetsot-bil-pod-dejstvo-na-narkotitsi/

И родителите и учениците сè уште се во паника и пред училиштето чекаат нови информации. Тие откриваат дека ученикот кој пукал одел во одделението 7-2.

Слушнав пукање, некои ученици веднаш излегоа во ходникот да видат што се случува. Отпрвин мислевме дека нешто се случува надвор. Наеднаш сите почнаа да врескаат, настана општа паника, сите почнаа да трчаат, кога излегов го видов, дојде и впери пиштол во сите нас, низ солзи раскажува за „Блиц“ еден од шокираните студенти.

Ученикот е приведен на распит во полициска станица. Се чекаат повеќе детали.

https://republika.mk/vesti/balkan/priveden-e-uchenikot-koj-pukashe-i-ubi-uchenitsi-vo-uchilishte-vo-belgrad/

The post „Доби единица и полуде, ни го впери пиштолот“: Деца сведочат за нападот во уличиштето во Белград appeared first on Република.

На 23 ноември се навршува една година од тешката несреќа на автопатот Струма во Бугарија, кога во раните утрински часови македонски автобус се запали и 45 лица изгореа. Бугарската БТВ се сретна со преживеаните и роднините на загинатите во трагедијата. Нивните приказни  ги собра репортерката Владислава Тричкова, а целиот филм ќе биде прикажан оваа сабота.

Ова се само дел од сведоштвата:

4-годишните близнаци Луан и Албан се меѓу загинатите во трагедијата на автопатот Струма.

Тие штотуку почнаа да зборуваат, толку им бил животот, вели вујкото на близнаците Јусуф Назиас.

Меѓу жртвите се и 16-годишниот Елмедин и неговата мајка Гулизар.

Многу беше добар, симпатичен, многу ме слушаше, вели со солзи во очите неговиот татко.

Возач на автобусот, 61-годишниот Љупчо.

Јас уште не можам да се помирам со тоа. Само ми се појавува пред очи – зад возачкото седиште, нема каде да мрда и жив гори, вели неговата пријателка Лидија.

Ебиб е меѓу 52-та патници во автобусот. Се сеќава на секоја секунда од трагедијата. Успева да се спаси. Но, неговата сопруга Гулизар и нивното дете Елмедин.

Колку повеќе минува времето, толку ми е потешко, вели Ебиб.

Моето дете од Истанбул беше покрај прозорецот и на последната пауза ме праша: „Тато, седни до прозорецот. Ќе седнам на средина и ќе ги истегнам нозете“. Не заспа. Ставаше слушалки и слушаше песни на телефон, вели Ебиб.

Тоа е последното што се сеќава на неговиот син. Неколку секунди подоцна следува удар.

Кога удри, имаше чад. Автобусот се затвори, со вакумира. Ни вратите не се отвораа. Не знам колку минути седев без здив, вели Ебиб.

Во тој момент, еден од патниците успева да го скрши задното стакло во автобусот.

Почувствував дека доаѓа воздух, но без дишење. Скокнав и зедов воздух. Се вратив во автобусот. Викав „Елмедин скокни, биди Елмедин“. Сакав да влезам внатре, но вратите беа затворени. Ја пуштив раката низ прозорецот. Го фатив Елмедин за коса. Сега си мислам како не успеав да го фатам за рака. И јас се борев за живот, не можев да дишам, се сеќава таткото.

The post „Го фатив за коса, сега си мислам како не успеав да го фатам за рака“ – сведоштвото на преживеаните од македонскиот автобус во нов документарен филм appeared first on Република.

Слушнавме заглушувачки звук, огнена топка се приближува до земјата. Ја видовме експлозијата, но бидејќи во исто време имаше затемнување, не можевме да видиме ништо друго...

Со оваа фраза Софија, мајка на три малолетни деца, од Антифилипос во Кавала, ги опишува првите моменти по паѓањето на авионот „Антонов Ан-12“ во областа, пренесува „Катимерини“.

Работите можеа да бидат полоши. Бевме во паника... За нас вакво нешто е без преседан - вели та, излегувајќи од селската црква по неделната утринска богослужба.

https://republika.mk/vesti/balkan/avionot-celosno-ischeznal-vo-polinjata-kaj-kavala-neverojatni-snimki-od-dron-od-mestoto-na-nesrekjata/

Ненаспан цела ноќ, од агонијата што ја доживеал во моментот на падот на авионот на помалку од еден километар од неговиот дом, 80-годишниот Михалис Емануилидис седел на тремот кога, се случил падот.

Видов блиц, слушнав многу силна бучава и постепено бум-бум бум…

 

Да паднеше малку поблиску, ќе беше на нашата куќа. Од шокот не спиевме воопшто цела ноќ - нагласува тој, велејќи сè уште не може да поверува што се случило.

Стаматис Куртезис, кој одржува киоск во Антифилипои, бил еден од првите кои заедно со некои други жители од областа пристигнале на местото на несреќата, речиси истовремено со првата противпожарна единица. Како што вели, тие заминаа штом надлежните органи го побарале тоа од нив.

Ми гореше грлото... Од вревата помисливме дека е хеликоптер. Ги вртиме главите и гледаме светлина, тоа беше запаленото летало - вели Куртезис, кој првата експлозија ја опишува како „печурка од чад“.

https://republika.mk/vesti/balkan/pozarnikarite-pochuvstvuvale-pechenje-na-usnite-i-jazikot-na-mestoto-na-padot-na-avionot-vo-kavala-e-zabelezana-nepoznata-bela-materija/

Во соседното село Палеохори, Христос Цолакидис јадел надвор со група пријатели кога слушнал силен звук.

Видовме пламен на небото, како губи висина и паѓа... - вели тој и раскажува дека два часа слушале непрекинати експлозии, додека недефиниран силен мирис ја покривал атмосферата.

Местото каде се урна авионот е претежно рурална област каде се одгледуваат пченка и семки од сончоглед. Жителите на Антифилипи главно се занимаваат со земјоделска работа и сточарство.

https://republika.mk/vesti/balkan/obajveni-videa-od-momentot-koga-pagja-avionot-vo-kavala/

The post Со заглушувачка бука огнена топка паѓаше кон земјата: Потресни сведоштва на локалците за уривањето на авионот во Кавала appeared first on Република.